影片
港鐵旺角站 E2 出口, 步行約4分鐘
繼續閱讀
特色
包場派對
附加資料
由2014年7月24日起, 本店有4隻小貓由店主收留並駐場。 繁忙時間貓咪及有客人害怕貓貓時，貓貓將於家中休息，如想查詢貓貓出沒時間, 請致電店方查詢。
(如不能與貓共存同一空間或對貓毛敏感者，本店謹此致歉。)
營業時間
星期二至四
15:30 - 23:00
星期五至日
14:00 - 23:30
以上資料只供參考, 請與餐廳確認詳情
招牌菜
已經第四次幫襯，間野一如其名，係樓上既雅坐，係旺角鬧事難得一間坐得好舒服既餐廳，而且4隻駐場貓貓真係非常活潑，野食唔差，絕對係行到攰晒想hea下既綠州。全部都係沙發！野食推介：蒜香海鮮意粉（冇圖）但真係超香蒜味，足料，唔算好油。奶綠上面既cream有貓樣！蜂蜜雞扒配薯菜，雞醃得唔太夠，但煎得好香，配埋蜜糖同香草，健康又好食！仲有好多小遊戲玩！啲game都幾新！四隻貓貓仲好活潑，唔怕人，會主動過黎玩！
繼續閱讀
這個 套價100(未連加一) ,煙三文魚野菌意粉，意粉選的是比較幼身的那款，煮得不會太冧，而且撈極都夠汁，兩點都好啱我。但菇可以再多啲，都唔係好貴啫。另外，同行朋友點的是雞扒併薯菜$110，見佢塊雞扒好細，而且吃得出雪藏味。其實喺香港食雪藏雞扒無可厚非，建議從調味方面去雪藏味。套餐可以點$35以內的飲品，這個價格內的是咖啡和果味或無糖紅/綠茶。餐牌介紹話拎住樓下百老匯戲飛有折。但要自己睇時間，因為出菜慢。張飛要within 一個時先有效。同埋要即日的
繼續閱讀
之前有次收工經過望到有個CAFÉ..見到把風扇幾有feel咁..…於是就搵一日同友人一齊上去試下啦。。。其實都好耐冇去過cafe玩喇...我地個日6點幾去到~入到去座舊式大廈發現電梯上唔去3樓..想行返出去個時..看更阿姐話 「係咪去CAFE..3樓落一層...」咁我地就撳左去3樓落一層入到去侍應妹妹(老了...唔敢叫人姐姐..orz)... 就帶我地坐低....我地問有冇得坐窗邊位..佢話有人book左...早知我地都book啦 ><"...不過有發現有幾隻貓貓坐係隔離枱...即刻超開心>w<....侍應妹妹話係店主養係度架....有4隻...勁得意~~~~侍應妹妹話貓貓唔怕人.不過有隻就唔抱得...我地即刻親近佢地chok返幾幅相....chok到都差d唔記得嗌野食~><"~咁我地就叫左兩個dinner set....友人就叫左個焗飯....我就叫左個意粉....咁就可以share食 =]~~~野飲超多野揀....我地決定遲d先嗌...嗌完野食繼續玩貓....侍應妹妹見到我地好似好鐘意玩貓就主動畀左支逗貓棒我地..正啊...d貓貓真係會玩架...跟住玩左都一陣….差唔多半個鐘?野食就到喇....以前去d café都等好耐..呢度有貓貓玩…都唔係好覺既….個卡邦尼意粉...有個蛋黃係上面..超靚....即刻相機食先啦~侍應妹妹提我地要拌勻先食跟住個焗飯上個陣..個侍應妹妹就提我地個兜好熱…叫我地小心…都幾細心丫…友人既焗飯都唔錯咁..睇落幾多芝士…..味道方面..我覺得唔錯~幾好味…不過卡邦尼意粉有少少漏, 所以就加左D黑椒…至於個焗飯..D芝士拉到好長..好正~>W<~食完之後我地就嗌埋野飲….友人就叫左杯麥提莎朱古力…我就試下oreo朱古力..(友人讀錯左l’orxxl個隻護膚品名 xdddd)兩杯都幾好飲….. 不過就有d似沙冰….兩杯都好似加左麥提莎/oreo入去咁~正…….可能要搞埋入去..所以先似沙冰?跟住就繼續玩貓….之後玩玩下d貓又訓著左….咁我就同友人傾計…傾到10點幾…其他客人都走….跟住煮野個女仔?店主? 走出黎摸貓…我地就問下d貓既野..佢即刻好開心咁答我地… 仲有少少長氣=w=”…….不過作為一個貓痴…聽到d貓既趣事..真係幾開心既xdddd~同埋原來d貓係店主係街到執架~佢仲教我地點分佢個4隻貓….淨係記得白色個隻叫奶昔….另一隻叫黑糖….跟住另外兩隻話睇個頭分既…一隻叫朱古力..一隻叫咖啡…xdd貓好搞笑~不過我都唔係好記得邊隻係邊隻lo~~~=p價錢方面…ok既~食左217,畀左3蚊tips…..我地都坐左4個幾鐘…都冇趕我地走….第二次去貓café…(第一次係去cwb個間)應該會再去…友人話下次再去埋其他貓café喎
繼續閱讀
想搵一間晌油尖旺嘅樓上cafe，晌星期六晚包場搞生日會。20人左右，budget有限(因要夾份請5個生日之星)，左搵右搵，終於搵到一間價錢實惠，位置方便嘅地方包場。食品和飲品選擇種類，當然不能與一般餐廳相提並論，而有廿個大男孩，初初都驚唔夠食，但可以refill，即煮即食，新鮮熱辣。自己帶非酒精飲品、素食(for我哋嘅veggie朋友)、零食等，全部ok，仲有生日蛋糕都得，冇任何附加費、開瓶費、切餅費等等巧立名目嘅開支，對活動搞手嚟講，絕對方便好預算! 我哋自攜咗啲生果和韓式涼菜/泡菜，店長主動幫我哋洗生果、排碟和預先冷藏涼菜，見微之處，服務十分體貼窩心。順帶一提，店長晌包場日之前和之後都有主動whasapp跟進安排，做事都好交帶。食物質素方面，蜜糖雞翼、炸餃子呢兩款小食最好味，食嘅時候有熱辣辣嘅肉汁"必"出嚟，好開心，我哋好似一共encore咗三次(註: 包場在限時內可冇限次refill)，而番茄什菌意粉(素食)都好好味，不過有朋友就話飲品麻麻，我就認為店長及社員只有兩人，一口氣短時間內要整廿幾杯飲品係一個唔易嘅task，建議好似食物餐單咁，限制選擇款式嘅數目，方便管理。地點位於旺角豉油街和西洋菜街交界，正正晌旺角百老匯戲院旁邊，旺角港鐵銀行中心出口，只行兩個街口，十分就腳。不過旺角泊車係一個難題，我哋啲朋友就晌新填地街、廣東道一帶近豉油街搵到街位，雖然要行多兩步路，但果邊就冇咁塞車塞人。場地有projector，俾我哋可以駁電腦玩問答比賽、估歌仔嘅簡單遊戲，但不是高清畫面，投映出嚟嘅顏色唔太鮮艷，活動搞手要留意。我仲見到牆上有掛電視，但我今次冇用到。朋友最鍾意啲軟棉棉嘅梳化，可自由移動，方便傾計。整體嚟講，呢度係一個幾好嘅包場地方，可以encore同埋推介俾其他朋友。
繼續閱讀
樓上雅座, 這間cafe不知是易手了還是OpenRice冇人寫真心食評, 已經有一年多沒有新食評, 真奇怪。是晚七點三入座, 早一天我醒目訂了座, 全因以往曾訂了座, 但被致電說被包場, 取消了訂位。這間cafe有讚有彈, 我先彈食品及服務, 再讚讚店主的心機。食品是任何餐廳的生活, 但今晚奉上的飲杯還是主食, 通通都有很多不足。女侍應先奉上飲品, 凍菠蘿綠荼和榛子奶茶。菠蘿綠茶是我點的，才為一個男生，都沒有太大問題，可是，當我飲過飲品, 再飲餐湯, 餐湯完全一點甜味鮮味都沒有，這反映飲品原來太過甜了。我女朋友的榛子奶茶更大問題，完全是太甜，食慾大減。飲完餐湯, 等了十多分鐘都沒有上主菜。再看在場的侍應們，不是我歧視女侍應，但只有一人作侍應, 只有一人做廚師，要服務四張枱三十多人, 完全是不可以接受。三個字, 太慢了, 呼叫了多次, 都沒有人回應, 這是cafe內可以接受的嗎? 好了, 終於等到主菜上枱。卡邦尼意粉, 有生雞蛋放在意粉上, 有點新意, 但近期流感問題, 好像不太好吧。都算, 試試才說。香菜味不錯, 可惜cream 汁太多水, 用叉食意粉, 但叉起的意粉不斷流汁, 你想我怎吃得有禮儀呢? 意粉每條的長度好像每條都中間剪了一半，太短了, 完全叉不起。我心中大叫救命。雞皇焗飯更令我怒火中燒。為何焗飯未熟, 可以上枱。飯粒有很多都未熟一般, 中間有點硬, 嚥下時感覺好像哽了一般。如果我不是趕時間去看電影, 我真是拍枱叫廚師, 同佢理論。好了, 到埋單, 我女朋友叫了三次埋單, 完全冇人理她, 要我企出去講我趕時間, 剛上班的女侍應還要查餐牌才知價錢, 天呀!!! 有冇可能侍應會連餐牌都記不了。彈左咁耐, 都有好既地方。睇下相中下方, 精美既擺設, 跟寛闊既沙發椅, 是這cafe令我印象深刻的原因。真心希望店主在食品質素上大力改善, 我還想來坐坐, 不想看這種有心思的cafe消失。
繼續閱讀