影片
招牌菜
那晚踢完波,十點半左右,三個人去醫肚,入去本來叫餐蛋丁,之後佢話廚房收左,得返燒味,只好每人都叫左燒鹅米。等左十五至二十分鐘,D食物好似冇煙煮食,D米粉勁硬。算LA,都照食,到比錢時,我地睇張餐牌時$28元+8元茶錢都係36元左右,睇返張單每人五十幾元。問經理,佢話個張餐牌係下午價錢,晚上唔同,咁我地問點解比下午張餐牌我地,佢話同事比錯。咁問佢拿張晚上餐牌,佢又話冇,加上個經理態度十分差。......明騙消費者。五十幾一碗難食的燒鹅米
繼續閱讀
這間嘆茶睇落有點似茶餐廳，但又有燒味、點心，甚至有魚池賣海鮮，更有貴賓房，給我的感覺是三不像。還是吃番茶記的食品，要個回鍋肉炒公仔麵。可惜，公仔麵鑊氣不足，唔得香口；回鍋肉連筍，是罐頭貨色。對罐頭，而且辣汁欠奉的回鍋肉沒有什麼興趣，反而爽脆的筍會吃幾片。杯凍奶茶，茶味好鬼重，甚至有點澀，不好。如果真的要嘆茶，倒不如行過幾步去豪華，會更入型入格，更對口味。
繼續閱讀
今日放工之後去咗公司附近果間"嘆茶"食晏, 呢間嘢新開咗一段時間都未有機會試,因為成日都"爆晒", 一坐低, 睇咗其中一個餐牌, 嘩! D價錢比起其他茶餐廳都貴咗D喎! 但望望其他推介餐牌, D價錢就合理, 我order咗個泰式醬海鮮炆米, 而我男友恐龍就order咗菌皇肉片炒面, 係等嘢食期間, 我地就睇卡位旁的電視, 值得一讚, 每個卡位旁都有一部獨立電視, 當然你唔好expect部電視好大, 但以茶餐廳來講, 都算唔錯咯, 睇咗一陣, D嘢食就到嘞 :嘩, 大家睇吓圖先, 我無食過以$32蚊食海鮮飯或者面, 會有"珊湖蚌"囉, 而且仲有"帶子"添, 個泰式醬酸酸甜甜好開胃, "正"!! 而恐龍果個菌皇肉片炒面, 大家又睇吓相, 超大碟囉! 我好少喺街食肉片, 因為好多時D肉片都俾D梳打粉"嗱"到無晒肉味, 但係呢碟有肉味之餘, 仲好"淋", 再用肉絲炒面的面做面底, 脆卜卜再加D醋, 又超多菇, 好美味呀~~~! 雖然兩碟嘢都幾大碟, 但我地都通通清晒! hehehe! 我地仲發現咗, 呢到有免費WIFI提供, 本來諗住食完飯去library做assignment, 依家唔駛去之餘, 恐龍仲有電視睇添~ 後來, 我仲有個friend來join我地, 佢叫咗個叉燒瀨粉下午茶餐, $25蚊仲有嘢飲送, 佢碟叉燒靚到呀! 我同恐龍梗係老實不客氣"桔"佢D叉燒來食, 肥瘦適中, 仲有豬頸肉0既口感, 超多汁唔會"乾曾曾", 我地差D食晒佢碟叉燒 我地三個人, 唔駛$100蚊0既價錢就消磨咗一個下午, 有冷氣"嘆" , 有電視睇, 有網上, 絶對可以稱得上"有茶餐廳0既價錢, 酒樓級水準0既食物, cafe的舒適感", 最重要係無人趕你走, 又坐得舒服, 大家不妨試吓, 仲有佢啲西式食物都好似幾得.. 煙鴨胸天使面.. 正!! 不過食唔落.. 下次再來試先~
繼續閱讀
見佢新開張, 試下去食其實係門口都覺得怪,冇餐牌入到去~發覺佢都叫做ok 平~$29-32~諗住叫黎食~跟住一早黎到個朋友即時話呢個價錢要1點前埋單~ok...算....但已經有上左賊船既感覺好~再睇另一張餐牌~wah!最平既飯都38...再望真d 有個四寶飯~$32...都ok wo 另外個frined叫豬扒羅宋面叫個侍應黎~落完正想叫野飲~佢話我地叫既餐係唔包野飲~熱加$6~凍加$7...同一張餐牌~同一種color但唔同price...心裡火到黎埋~~食飯....個四寶飯都好一般~d燒仔硬到爆~但比得咁既錢~我去食太興好過啦~朋友e個面仲差~個豬扒冇味既冇下次~大家要去就自己諗啦
繼續閱讀
尋晚我又再幫襯"嘆茶"喇今次食0既係晚餐, 2個人分別叫左帶子豆豉蒸豆腐, 蝦乾冬菇蒸矮瓜及白飯一碗, 另餐廳奉送燒鵝例牌一碟. 評語如下:讚 :- 服務有禮兼勤快- 茗茶方面有白毫銀針, 鐵觀音等, 比一般酒樓特別- 新張期內, 凡2人以上幫襯小菜即送燒鵝 (真係鵝而非鴨). 雖然係免費, 但係燒鵝味道唔錯, 肉質亦幾滑, 分量唔少, 仲有脾位食添- 要求0的餸少油亦大致做到- 0的餸唔算細碟彈:- 要求帶子豆豉蒸豆腐落少0的豆豉, 點知仲係落左好多, 淨係撥出0黎唔要0既都足以放滿半隻碗, 所以攪到碟豆腐幾鹹下- 蝦乾冬菇蒸矮瓜0的蝦乾都好鹹, 真係唔用0黎送飯唔得- 唔計果碟免費燒鵝, 前後只係叫左兩個餸及一個飯, 但係加埋0的茶水花生埋單要成一百八十幾(已經唔收加一), 其實都幾貴總結:下次我都係試下飲茶食點心, 好似划算0的
繼續閱讀