影片
以上資料只供參考, 請與餐廳確認詳情
今次搭早機之前嚟到Lounge食返個早餐先☀️ 呢個Business Lounge雖然位置比較遠但係空間感比較大座位較多🫶🏻 一向木系嘅國泰裝修圍住好柔和🪵 座位寬敞望住停機坪景色好舒服👍🏻但係坐得舒服嘅位置又唔係好方便食嘢😅Dining Area既人又比較多呢食物方面好多人鍾意食嘅招牌擔擔麵同埋點心我覺得一般😅 試咗幾款點心例如燒賣外皮都係比較厚食落有啲膩😦而且擔擔麵嘅花生醬份量太過Thick🥜比較搶左重點反而比較推薦嘅係冷盤同埋三文治等小食🥪 Sandwich同埋Wrap既各款都口味都好輕盈🌯作為早餐好唔錯🌤️而且有唔少健康嘅選擇例如沙律果汁同埋Yoghurt營養滿滿🍉
繼續閱讀
返咗屋企嘅感覺，個個 staff 都好 nice，笑容 滿面。當日點了一個 Western Set 及一份 Poached eggs with hollandaise on toasted muffinOption: smoked saimon。Western Set 包括雙蛋 🍳 、Grilled American style bacon, Cumberland sausage, Sautéed mushrooms, grilled tomatoBraised cannellini beans, toasted sourdough. 樣樣有啲，份量適中。 之後 poached egg 略嫌overcooked咗啲啲,唔夠流心。基本上都係讚 ，冇乜挑剔。
繼續閱讀
是咁的，由於我老婆工作關係，我地無乜機會可以一齊去到旅行。經啲旅遊網book位果時見到個超抵嘅package，商務加靚酒店都係萬幾蚊。不過飛機情況同酒店係點就唔講，但有機會坐商務，真係要去國泰啲lounge，體驗下。我呢啲鄉下仔第一次Lounge，真係覺得好舒服，如果轉機嘅話一定得到一個好好嘅休息。有好多休息位，我唔方便影相，飲左少少酒我都訓左半粒鐘，真係好舒服。由於第一次去國泰Lounge所以早左好多個鐘到加埋delay，都有成半日係lounge，乜都抵晒。早餐呢，幾難食下。沙律吧呢，啲菜都好新鮮，呢凍肉就普通野。個個話必食吧膽膽麵同雲吞麵，都係一搬自助餐料。三文魚治同蛋治，普通自助餐野。有個茶吧，飲左杯普洱茶幫助消化。坐坐下就開始眼訓。訓前有杯白蘭地，唔記得邊隻VSOP。仲有好多酒，不過都唔好飲太多，上機係咁嘔就大獲。上機前食埋個lunch，普通酒店自助餐西餐，不過配飯就似茶餐廳喇。杯sparkling就普通野，好酸下。人一世物一世點都要試下國泰lounge，如果坐長機，沖個涼都幾好。
繼續閱讀
去到機場，可以入去lounge抖下，首選玉衡堂，地方夠大而且不同種類的食物及飲品區分明，可以慢慢坐下，今次主要是西式美食Pizza，不過有點失望因為食物的熱度不夠，後來轉去食中式食物例如粉面和包，味道不錯而且食物夠熱，距離飛機起飛還有一段時間，我選擇品嚐中國茶，他們會給你一壺慢慢坐在梳化享受，望住窗外的飛機，感覺很舒服。後來還有點時間，我吃了朱古力慕絲和飲杯咖啡，這兩款也不錯，如果下次去機場有時間的話不妨到玉衡堂頭頭輕鬆下。
繼續閱讀
今年聖誕節只要請一日假就可以放五日，咁難得的機會就一於外遊一下，當作奬勵自己全年努力工作的成果。常言道：「辛苦搵來自在食」，我就貪心一點：「辛苦搵來自在食玩買」。由於之前乘搭過國泰航空頭等艙及商務艙都有一個不錯的體驗，所以都是返唔到轉頭，一於貴些也選乘國泰航空的商務艙。乘搭商務艙的旅客有優先辦理登機手續，也有優先登機，還有的是貴賓室服務。由於閘口關係，所以今次只去了兩間貴賓室，一間是近35閘口的逸連堂，一間是近65閘口的玉衡堂。相較之下，無論環境質素定或是食物的質素，更甚至服務質素，玉衡堂都遠勝逸連堂。玉衡堂是剛翻新，設計簡潔得來帶點高雅，而且有空間感，就算是聖誕假期的第一天出發，也不算擠擁。而玉衡堂門口接待處的員工親切有禮，比逸連堂冷冰冰對著客人形成很大的對比（經多次進入不同貴賓室經驗）。餐點選擇也比逸連堂豐富，這裏有飲品吧，可以有地方給客人點特調飲品，如Cathay Delight、Orange Dream、不同的紅白烈酒和不同的現沖茶葉茶等等。今次我叫了一杯國泰的特調飲品 - Cathay Delight，它是由椰奶、鮮奶、奇異果汁及薄荷葉調配而成，由於是一杯一杯由不同的bartender調配的，所以每次都有不同的層次，而今次飲落是比較甜味偏向多椰奶，入口亦比較順滑，依然好飲，不槐是招牌飲品。另外，叫了一杯Jing鐵觀音，是用茶葉沖成的，濃郁得來好有層次，入口香淳，誠意之作。另外，主菜方面，點了三款現煮的麵。擔擔麵比上次有所改善，麵入口爽身，也少了一些硯水味，而湯底有濃郁的花生味配上麻而不辣的花椒麻香，實屬不錯選擇。雲吞麵湯底是久違的大地魚湯味，雲吞皮薄餡靚。素菜冬蔭湯粉的粉好像是煙韌版的瀨粉，夾落不會斷，亦吸到湯，冬蔭公酸酸辣辣，也不錯。除咗現煮餐點外，還有好像自助餐般的冷盤和熱盤，各式其式，好豐富，可以食飽飽上機。P.S. 個人感覺國泰商務貴賓室實在一年比一年節流，餐點種類也一次比一次少，今次甚至乎連雪糕也沒有見過，不知是自己找不到還是已節流了！提外話，商務艙飛機餐的份量也一次比一次差，以下已是本程航班的所有食物及飲品。今次連頭盤也沒有，實在令人失望。另外今程機連餐牌也沒有，連自己食乜也不知道，幸好味道尚算不錯。
繼續閱讀