影片
以上資料只供參考, 請與餐廳確認詳情
等左咁耐總於有登記啦..西灣河突然開左好多間齋店....原本諗住食行前小小個間的,..不過要等位仲要答枱...見這間新開就試下...好細..大約得6~7張枱..都坐我好迫下哦~~~~細齋 羅漢齋炒面 炒年糕 炸大腸 : 見幾得意又係我至愛的大腸咪叫下...點知.....都唔知咩黎的...又勁細粒.坐坐下都好多人等位呀..好似有點吹你走咁.....
繼續閱讀
呢日係齋期而且又係星期六,所以跟屋企人到外面吃,知道今天一定會好多人食素,所以就選擇較晚的時間. 而且剛巧要在筲箕灣買床墊.所以就搞到晚上差唔多9點先去食. 由於之前媽媽一直都去開筲箕灣近工聯會的另一間齋舖,但佢地實在太多人啦! 因為佢係老字號囉,羊群心態嘛,多人等就越多人去等. 佢D齋好新鮮,因為多人嘛,貨去得快自然咩都新鮮D啦! 太夜太餓的關係,我地決定地唔等,甚至想到去荼餐廳食羅漢齋麵就算啦! 點知行前D轉角見到有間唔係好起眼的慈航齋,爸爸話佢知道都開業一段時間,但一直都唔見好多人食."你睇下今日齋期,一個人都無喎!" 咁本住我都係食齋,應該唔會難食得去邊0卦!! 所以呢晚成間就得我地一台客.我係初一十五先跟媽媽吃齋,所以唔係太熟識當中應該有D咩野.但係我睇到佢地D menu,好多選舉喎! 良瓜炒大腸, 糖醋排骨....呢d當然全部都係素啦! 出到嚟,好精緻喎.而有素的媽媽因為有幾同事都食長齋的關係,媽媽對素的材料認識很廣, 佢話呢間野用的材料都唔係平野嚟ga,都幾貴的現成料.比起多人果間用冬菇蘿蔔...呢間野d菜式精緻好多. 所以我地食完都話要幫佢平反下. 我地仲討論埋佢個門面可能太暗,唔夠光猛,因為佢門口係凹左入去ga,所以唔起眼囉! 我會再去幫襯ga!! 希望佢地做得住啦!!
繼續閱讀
五月廿九‧夏至 約了素朋友吃飯，說去齋舖，也好，如果不是與素朋友吃飯，我真的未必會去吃中式齋。 這裡是新開的，幾光猛新淨，最可喜的是空調強勁，大熱天時，太陽猛曬，坐入來也很涼快，非常不錯。比較起附近另一間較老字號的齋店，這裡還是剛起步，周日的一時來到，就只得兩檯客。 什麼也試試，先來一碟雜齋，再來涼瓜炆鱔、腐球湯麵及粟米粥。 只見收銀阿姐剪了良久，才看到一碟雜齋，速度雖慢，但都擺得美觀的。幾款「硬」齋表現很一般，齋燒鴨已經是十分之硬，更遑論齋叉燒及齋鮑魚了。幾款「軟」齋算是可以，原味齋及咖哩齋吃起來稔稔又鬆軟，只有酸齋仍然是微硬的。這裡的雜齋，還有進步的空間；涼瓜炆鱔也不錯，涼瓜味甘苦，吃起來爽脆，是時令品。鱔是用腐皮做成的，味道是人工的，預期中，吃起來也頗油膩； 腐球湯麵沒有什麼，一向覺得齋麵也不會好吃得去邊，因為不用肉去熬湯，要做得真正美味，成本太高，很多時也是靠人工味道；粟米粥反而最有驚喜，粥底米味香濃，用上粟米、木耳、白菜等去煲的，味道是天然的鮮甜，沒有任何添加，份量也足，值得推薦。 阿姐的服務不錯，雖然有點生手，但很有禮貌，值得一讚。 埋單106蚊，不算便宜，一試無妨。
繼續閱讀