135
10
2
| 餐廳: | Tokio Joe |
|---|---|
| 資訊: |
為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
影片
港鐵中環站 D2 出口, 步行約5分鐘
繼續閱讀
電話號碼
25251889
開飯介紹
Tokio Joe 自1995年起為本港熱愛日本菜的食客提供優質的日本餐飲體驗，25年來深受各界歡迎。餐廳的行政總廚華師傅從傳統的日本菜及文化娛樂取得靈感，並注入其本人對當代日本菜的敏銳觸覺，製作了一系列全新的「廚師發辦」餐單及單點菜式；他堅持選用最新鮮空運到港的食材，並利用其千變萬化的烹調技巧，致力保留各種食材的原汁原味。
繼續閱讀
營業時間
今日營業
12:00 - 15:00
18:00 - 00:00
星期一至日
12:00 - 15:00
18:00 - 00:00
*星期一至五最後點菜時間: 14:30及22:45 星期六及星期日假日早午餐:最後點菜時間: 14:30 晚餐最後點菜時間: 22:45
以上資料只供參考, 請與餐廳確認詳情
有關獎賞計劃
相關文章
餐廳位於蘭桂坊，以新派日本菜為主，日式裝潢舒適有格調，店員更服侍周到，入座即送上枝豆小食，另店內設有魔術師為每枱客人表演及互動，增加用餐氣氛，難怪碧咸都係座上客😌🇯🇵JOE'S TASTING MENU 嚐味盛宴（$1,180/位）.【CHEF'S APPETIZER 前菜】先上海膽北海道蟹肉伴日式漬蕃茄，酸甜蕃茄伴甘甜海膽，口感好fresh，另有少少魚子醬點綴，入口帶鹹香😌【SASHIMI 刺身】刺身有4款，分別係迷你吞拿魚沙律、吞拿魚腩刺身、油甘魚、磯煮鮑魚及炙燒左口魚，每款刺身都好新鮮，鮑魚又炆得軟腍入味，非常高質😌【SUSHI 壽司】壽司有5款，分別係北海道海膽、深海池魚、火炙北海道帶子、軟殼蟹牛油果卷、香辣吞拿魚蓉卷；軟殼蟹口感香脆，牛油果口感綿密，兩者配搭係perfect match，另吞拿魚蓉味道辣辣地，配香脆炸飯團，食落好惹味😌【TEMPURA DUO 天婦羅】天婦羅有2款，分別以紫蘇葉包住辣三文魚及比目魚同炸，蘸辣味沙律醬同食，唔會覺得好油膩😌【A5 SAGA BEEF USUYAKI 佐賀和牛薄燒】以A5佐賀和牛片包住香蔥及蒜片，和牛薄燒後脂香四溢，香蔥及蒜片不但可減低膩感，更令口感及味道提升😌【JOE'S INANIWA NOODLES 龍蝦湯稻庭烏冬】花竹蝦天婦羅入口香脆且厚實彈牙，稻庭烏冬煙韌軟糯，最正係龍蝦湯底，味道香濃又稠身，強烈建議一定要飲到見碗底😌【CREAM 京都抹茶雪糕】抹茶雪糕有好濃抹茶香，味道回甘且有粒粒紅豆，配同西瓜、提子及哈密瓜，最適合飯後清新口腔😌
繼續閱讀
平時嚟Tokio Joe都係與同事食午餐，晚餐都係第一次食，同事說趕完個project，今晚要特賞一下哈～呢間餐廳喺蘭桂坊已經好耐，與店員姐姐閑談間，她說已經29年了～晚上氣氛感很好，大家放工想輕鬆吓，聽到不少歡笑聲，令人很放鬆，我哋選咗JOE'S TASTING MENU嚐味盛宴，每位$1180。🍅前菜：日式漬蕃茄及海膽伴北海道蟹肉新鮮紅卜卜嘅蕃茄，配以日式沙律汁。 海膽伴北海道蟹肉用匙羹盛上，鮮甜嘅海膽及海膽蟹肉一齊，好鮮味。🐟刺身：內有拖羅、吞拿魚腩刺身、漬鮑魚、油甘魚、迷你吞拿魚沙律、鰻魚。刺身新鮮，甜度亦足，那肥美甘香的拖羅在口中慢慢融化，感覺幸福🥰。🍣壽司：北海道海膽 、深海池魚 、火炙北海道帶子、吞拿魚蓉脆脆及炸軟殼蟹卷。壽司中我特別喜歡北海道海膽，入口即化嘅海膽很甘香；仲有吞拿魚蓉脆脆壽司，微微辣，脆脆哋，口感好得意。✨天婦羅：辣三文魚，比目魚天婦羅做得好輕身酥脆。🐟銀鱈魚西京燒我哋唔想食牛，想食魚，店員幫我哋改為銀鱈魚西京燒。銀鱈魚外面燒到微微金黃，魚肉富油香很軟滑，帶有淡淡味噌的甘甜味。🦞龍蝦湯稻庭烏冬呢個係這裡嘅招牌菜式之一，幼身的稻庭烏冬好滑，而且非常掛汁，個龍蝦湯湯好鮮味好香濃，仲有隻花竹蝦天婦羅，每次食都比100分🤭。🍦京都抹茶雪糕配時令水果🍉抹茶雪糕內有粒粒紅豆🫘，抹茶味突出又帶回甘，質地creamy，甜度恰到好處，配以蜜瓜、西瓜及提子，呢餐好滿意❤️。
繼續閱讀
📍「Tokio Joe」- 中環今次俾👧🏻搵到間位於中環LKF嘅靚靚日本居酒屋，仲可以睇到師傅即切壽司，高質素享受呀😎📷餐廳位於中環蘭桂芳地鋪，裝修充滿日本🇯🇵風，環境恬靜坐得舒服，可以靜靜哋享受美食🍶staff 嘅服務態度都好好，好岩同另一半👫、閨蜜👭、朋友👭👬一齊enjoy 吓🤗🍽Weekend Brunch💰HK$620/head✨推薦指數：8.5/10🍴小食（一人一客）🔸北海道蟹肉件海膽：海膽唔腥，蟹肉味好濃😍🍴刺身（一人一客）🔸吞拿魚腩、吞拿魚、北海道帶子、鰤魚、油甘魚、三文魚、甜蝦：全部都好新鮮，特別係帶子好鮮甜，吞拿魚腩好肥美，油脂感十足😋🍴鯛魚（每兩至三位客人可選一客）🔸鯛魚腩刺身：食落好腍身，唔錯😇🍴主食（一人一客）🔸牛柳厚燒：食落牛味好香濃，肉質腍身，好重油脂味，👦🏻表示好中意🤤🔸照燒海鱸魚扒：外皮煎得好香脆，但係份量比較細，食落肉質超嫩滑，有少少似西京燒，不過沙律醬略略多咗啲，甜咗少少🤏🏻🍴前菜（無限量供應）前菜一共有6️⃣款，今次試咗兩款☺️🔸招牌吞拿魚沙律：雜菜同大大粒新鮮角切吞拿魚，配上沙律醬同黑醋，仲有大大塊脆脆夠開胃😋不過份量都幾多，所以唔夠位試其他款式🤣🔸香辣吞拿魚他他：吞拿魚配上辣醬食落好惹味，中間咗添合脆脆口感非常豐富，👧🏻推薦👍🏻😍🍴壽司卷餐廳主打壽司卷，又點可以唔試呢😝Weekend brunch 一共有1️⃣1️⃣款可以選擇，不過一款有6件，份量都唔少，所以今次淨係試咗兩款😙🔸香辣三文魚天婦羅吞拿魚卷：呢份係餐廳house roll，面頭鋪上吞拿魚刺身，中間包住壽司飯、紫菜、紫蘇葉同三文魚天婦羅，再加上香蔥做調味，食落內脆外軟，口感豐富，味道上紫蘇葉就比較搶fo 😆🔸元祖軟殼蟹牛油果卷：呢份面頭鋪上滿滿嘅蟹籽，下層由牛油果包住壽司飯、紫菜同軟殼蟹，食落口感由creamy 轉做脆卜卜，軟殼蟹炸到非常脆身而且夠大份，好好食😍😍😍🍴燒物（無限量供應）🔸日本雞翼：雞翼燒得金黃色，食落好脆，肉身juicy ，鹹度岩岩好😋🔸雞腎：👦🏻最愛，好似食咗半打咁多🤣🤣🤣口感勁爽口，唔會太淋太薄，調味岩岩好超推薦😍👍🏻🔸牛舌：厚薄適中唔韌，口感爽口🤤🔸日本青椒仔：食落一開始有少少苦味，之後椒味出返嚟幾好食😛🔸免治雞肉棒：食落甜甜味，外皮脆身，內裡充滿軟骨嘅爽口感，好好食，必嗌😆❤️🔸焗雜菇：牛油雜菇正常發揮🔸雞腿肉：外皮燒得勁香脆，內裡肉質嫩滑，只係用海鹽調味已經好好食，所以👧🏻都encore 咗好幾次🤩🤤🤤🤤🔸雞軟骨：正常發揮🍴炸物（無限量供應）🔸左口魚天婦羅：用紫蘇葉包咗炸，炸得好香脆，不過就蓋過咗魚味😕🔸茄子：外皮炸粉好薄，咬落好juicy，唔油膩😙🔸番薯：炸粉依然好薄身，番薯幾甜😗🔸海蝦：超中意呢款😍炸粉薄身海蝦勁大隻，炸到肉質岩岩好嫩好好食，推介🤩👍🏻🔸南瓜：超薄炸粉，南瓜好夠甜，好食😙🍴甜品（無張量供應）🔸雪糕：今次有兩款，分別係抺茶紅豆同黑芝麻，抺茶味超香濃，不會太甜，配上香甜嘅紅豆粒好夾，好食到encore 咗🤣🤣🤣黑芝麻味都好濃，但相比之下👧🏻更愛抺茶紅豆🤤🔸鮮果拼盤：今次有提子、哈密瓜同西瓜，全部都好鮮甜，解膩一流🤩🔸香蕉天婦羅配士多啤梨醬：正常發揮，不過👧🏻麻麻哋炸香蕉🤣
繼續閱讀
📍Tokio Joe 🍽中環蘭桂坊16號地舖-----新年前去咗呢間bookmark想食好耐嘅日式餐廳食咗WEEKEND BRUNCH（$620 Adult；$350 Child (aged 3-11)）呢個BRUNCH喺以半放題形式進行嘅，有部分食物係任食，有部分食物係固定份量嘅。.餐廳環境雅緻，服務亦係高級餐廳嘅標準，上菜無漏單，餐廳中央位置可以見到壽司師傅整壽司切刺身，整個用餐體驗都對得住價錢。🍴COMPLIMENTARY ITEM：北海道蟹肉伴海膽精緻小食每位客人都有一客，蟹肉鹹鹹鮮鮮，加上幼滑海膽，貌相精緻，好食得黎唔會佔胃，可以留返多啲空間比後面嘅食物。.🐡SASHIMI：一檯一客嘅刺身，望落色彩繽紛令人食指大開。赤身爽滑、吞拿魚腩魚油豐腴、北海道帶子貝柱肥厚、螄魚軟滑無筋、甜蝦甜味出眾，整體都無咩挑剔，質素整體中上。🐟BEST SEASONAL FISH：BURI: WINTER LARGE YELLOWTAIL（每兩至三位客人可選一客)餐廳用上今期嘅當造刺身製作料理，我哋就揀選咗鰤魚腩刺身，魚腩位置油脂充足，入口即化即化，加上酸甜嘅醬汁，幾開胃。🍲MAIN COURSE （每位選一款）主菜可以8選1，推薦照燒海鱸魚扒，海鱸魚魚質嫩滑非常，燒過嘅蛋黃醬醬汁香香甜甜，高質。其實試咗另一款主菜鰻魚飯亦不錯，鰻魚外皮香脆，內裡厚嫩多汁，不過有飯，容易佔胃。.除咗以上嘅食物之外，其他食物都係無限量供應嘅。.🥗APPETIZERS款式主要以沙律同埋刺身為主，個人好中意嘅有麻醬味好突出嘅蟹肉菠菜沙律，同埋香辣吞拿魚他他，吞拿魚軟滑，加上糅合於當中嘅薄脆，口感好豐富。🍣SUSHI ROLLS佢地嘅多款sushi rolls都係店內嘅人氣之選，款式好多，礙於肚子空間不多，最後都只係試到3卷，推薦元祖軟殼蟹牛油果卷、香辣三文魚天婦羅吞拿魚卷，前者嘅牛油果🥑揀選得非常靚，入口香脆幼滑，後者中央位置有天婦羅蝦🍤，外層則有鮮甜三文魚或吞拿魚，味道好豐富。🍢GRILLED ITEMS & DEEP FRIED ITEMS燒物及炸天婦羅同樣做得不錯。免治雞肉棒咬落帶粒粒軟骨口感。日本雞翼則燒得外脆內你嫩，非常多汁。焗雜菇牛油香氣馥郁，口感亦爽脆。天婦羅方面，個人心水之選係索盡油香嘅茄子同香甜蕃薯，整體天婦羅嘅炸皮都夠脆夠薄，同坊間平價d嘅放題有明顯差別。
繼續閱讀
一直bookmark咗呢間位於蘭桂坊屹立咗近30年嘅日式料理餐廳，最近趁住朋友生日就一齊去試試佢！ 環境偏向日式懷舊風，嘢食新鮮好味，估唔到夜晚仲有魔術表演，最估唔到係原來碧咸都曾經係座上客🫢🌟 JOE'S TASTING MENU $1180/pax我哋每人各嗌咗一份tasting menu，如果加多$380，仲可以配埋餐廳推薦嘅sake / cocktail pairing添～✨ CHEF'S APPETIZER前菜係精緻嘅北海道海膽伴蟹肉，面頭仲有啲魚子，海膽同魚子都係偏重口味，食落味道濃郁，帶有鮮鹹嘅海水味😌✨ SASHIMI第二道菜分別有迷你吞拿魚沙律、吞拿魚腩、油甘魚、磯煮鮑魚及炙燒左口魚。每份刺身都十分鮮甜飽滿，特別係吞拿魚腩，油脂分布均勻，每啖都好滿足😋✨ SUSHI壽司有北海道海膽、火炙北海道帶子、深海池魚，仲有2款招牌Joe壽司——牛油果軟殼蟹卷同埋辣吞拿魚蓉炸壽司，最欣賞係呢款，皆因出面好少食到炸壽司，再加上吞拿魚蓉辣辣地，好開胃🤤✨ TEMPURA DUO炸天婦羅分別有辣三文魚同比目魚，兩款皆用紫蘇葉包住，炸醬非常薄，食落好酥脆，同時又唔會過膩😌✨ A5 SAGA BEEF USUYAKI以嚟自佐賀嘅A5和牛片，包住香蔥同蒜片，輕輕一烤就食得☺️ 食落口油脂滿滿，牛味濃郁，又唔會太肥，好唔錯！✨ JOE'S INANIWA NOODLES以花竹蝦天婦羅配上招牌龍蝦湯烏冬，呢個配搭絕對一流！花竹蝦大大隻，夠哂香脆可口，而烏冬滑溜，龍蝦湯亦夠哂濃郁，一啖接一啖😋✨ KYOTO MATCHA ICE CREAM最後以時令水果同京都抹茶雪糕作結🤤 水果分別有西瓜、哈密瓜同提子，全部都好清甜；而抹茶雪糕香濃幼滑，仲撈咗少少朱古力碎落去，口感滿分！
繼續閱讀