影片
以上資料只供參考, 請與餐廳確認詳情
假日陪同屋企人探完親戚回家，落車後突然。。。本橘餓了，所以就就地揀一間近近地嘅餐廳醫醫肚橘爸橘媽一向喜歡食麵，所以最後就㨂左間平民上海菜食：金雋鍋貼大王一坐低首先要點嘅係小籠包，因為要等15分鐘-之後就可以慢慢點想食嘅炸豬扒麵餐$50 有4樣野咁多，豬扒肉碎雙拼淮山麵，無糖豆漿，鍋貼兩隻，CP 值爆滿-生炸豬排炸得好香脆，吾會過老，吾會得粉漿，一啲都吾會求其-鍋貼叫得鍋貼大王當然有水準，好juicy，入面嘅豬肉吾係肥豬肉，堅有大王之風-15分鐘後主角出場大大粒小籠包，正！ 新鮮熱辣，一開籠蓋，非常香，亦都非常晶瑩剔透，認真薄餡靚，吾到30蚊有6粒有水準嘅小籠包，本橘認為是必食之選———食完之就飽住個肚回家，本橘弟行行下就話，不如我地去買手搖？ 果然是有橘blood
繼續閱讀
媽媽呢排成日同佢家姐一齊黎食呢間上海野🥡今日話要帶我食喎😌😌今次嗌既全部食物都好平呀，大概$20-$30😉其間仲見到其他顧客食米線😯😯炸饅頭 熱辣辣勁好味呀😛外脆內軟💕餐廳俾咗好多煉奶，夠晒我用嚟點💖香煎鍋貼呢個媽咪點名話好好味，勁多肉汁，果然！佢地仲附送豆瓣醬🥣個人黎講原味最正小籠包一籠有成6隻😍抵食喎，我覺得皮有d厚，但肉汁就都好多😗😗😝粢飯偏硬，好似乾身得濟，食到一半就放棄咗📍金雋鍋貼大王 (屯門)屯門青海圍8號屯景大廈地下C舖
繼續閱讀
飽飽地的晚上，來這間輕食也是很好選擇，雖然飯團已賣哂，我也可以點另一至愛：熱咸豆漿，同行朋友點了餐：豬扒麵配小食煱貼及一杯凍豆漿，味道各方面都保持水準，朋友第一次來也讚味道好
繼續閱讀
呢間街坊上海野食左好多年，次次一定係食擔擔麵餐加兩隻餃子同熱豆漿🥛。下午茶餐連豆漿都係三十至四十蚊左右超抵食😋。外賣就好似加$1，不過行過就順便自己買番屋企食。同埋外賣佢係會分湯既，唔怕浸到啲麵軟晒😳！多餃子就會有發泡膠盒裝，少既就用紙袋裝。凍熱豆漿外賣都係同樣大細，不過堂食熱豆漿大碗啲。①擔擔麵餐🍜佢啲擔擔麵醬好濃好香，有花生碎、肉碎、少少菇粒加兩條菜🥬。擔擔麵係配幼麵，掛到湯，好好味。特登介紹過朋友食，都讚不絕口，如果公司附近都有就好。②雙拼(豬扒+擔擔麵)🐷🍜雙拼既豬扒擔擔麵既豬扒都炸到好香，同埋會預先切開幾件方便食，都唔係嗰啲用鬆肉粉醃到lum晒無豬味既cheap豬扒。不過外賣用紙袋裝，拎到番屋企食通常都凍左就無咁好食會扣少少分。
繼續閱讀
27.06.2021 星期日 今日午餐又叫外賣，Deliveroo叫「金雋鍋貼大王」 $150有$30優惠，因為佢啲食物唔貴，所以叫咗好多先夠$150，結果食到超飽，哈哈。「金雋」其實啲野幾好食，又大碗又抵食，惟一小籠包啲皮太厚，如果皮薄啲會好食好多。菜肉雲吞米：份量好多，雲吞味道ok炸豬扒上海麵: 炸豬扒香脆，好味生煎鍋貼：煎得幾香，幾好味小籠包：本身味道幾好，但皮太厚。陳醋小雲耳：份量不少，大半碗，醬汁味道好特別，唔會太酸另外叫了兩盒菜，鋪頭自動給了菜心同生菜，醒目！午餐：菜肉雲吞米粉、 炸豬扒上海麵 生煎鍋貼、小籠包 菜心、生菜 陳醋木耳一盒、 豆漿呢啲舊舊地嘅舖頭，其實食物味道唔錯、又抵食，得閒可以再幫襯。
繼續閱讀