影片
開飯介紹
「2000円放題專門店」最大吸引是全場冷熱生熟食物超過200款任君選擇，種類之多在日本放題食店中少有。食品包括: 時令刺身、炸物、精選料理、烏冬拉麵、石頭飯、佐酒小食、壽司及沙律等等。
繼續閱讀
營業時間
星期一至日
12:00 - 15:00
18:00 - 00:00
以上資料只供參考, 請與餐廳確認詳情
招牌菜
即興的一天，友人想吃放題。四周都沒有位，香港人真有米，動輒二百幾元的放題，仍然是遍地開花。記得八月試過這間放題，當時感覺是驚為天人的。因為廚師有心做菜，菜式有心思，味道出奇地比坊間放題有誠意，有特色。但是今日重來，就似乎已經是天與地，懷疑店家換了大廚。相同菜式但是出來不論賣相和味道，都已經完全不復當年勇。不過講真，這家放題的菜式的確有心思的，選擇也比較多，但如果食客鍾情刺身或串燒，這裡或未能滿足這個要求。不知怎麼，環境總令人感到好像髒髒的，可能怕燈火通明令人食慾大增？但是晚市沒有坐爆，證明沒有無麼客路。比較特別是有薑茶和西瓜汁等，薑茶暖胃，吃這麼多生冷東西，能有中和作用。意大利大蝦究極天使麵墨魚汁 坦白上次吃過真的有 A LA CARTE水準的，但今次天使麵太淋，而且用水煮熟後沒有炒至乾身，只是把濕濕的麵渾上墨魚汁，唉，這是什麼垃圾啊，喵，很不滿日式餃子PIZZA 比較可取之處是芝士絕不吝嗇，能拉出長長的芝士！芝士味道亦芝味十足！不過很可惜，餃子是煎的，不是炸的，結果放上芝士一焗便淋滋滋，唉，只差一點點便是上乘之作！ 汁燒小里芋及芝士焗西蘭花 汁燒小里芋其實是小芋頭，面頭的木魚好香口，但小芋頭太硬了，兔兔貓差點咬都咬不開！芝士焗西蘭花問題同出一轍，芝士味道濃，但是西蘭花是汆熟的，完全無味，而且太大件太硬，差點咬都咬不開！鹽燒鯖魚及鹽燒三文魚頭 鯖魚味道好鮮，加上檸汁，魚出突出，上菜時又熱又窩心！。三文魚頭的表面太鹹，鹽燒啊，不是鹽焗啊。但是部份裡面的肉，無咁鹹，肉質出奇鮮嫩！
繼續閱讀
本人已經光顧這餐店有十次多的經驗，原因是因為地點方便，而且價錢較其他餐廳的放題便宜 優點：首先，2000円的座位尚算寬闊，7:30PM前入座更佳，因為這個時段較少人光顧，可以在寧靜又舒適的環境下進食 ！而我最愛吃的必定是三文魚刺身！新鮮之餘，厚度亦適中，入口即融！另一款必點小吃就是鹽燒鯖魚，雖然魚骨頗多，但勝在煎得非常香口和惹味，因此我每次也吃兩至三條才“夠喉”！ 這一次的驚喜則非sakayuki牛肉鍋莫屬！牛肉鍋中伴著一次半生熟的煎蛋和十片牛肉片，而且還有不少配菜，例如：小白菜，娃娃菜，金菇和冬菇等，非常適合女孩子們進食。 再推薦：辣酒煮蜆，清酒煮蜆，吉列炸蝦，吉列蠔 缺點：首先，本人不建議點招牌火龍卷，因為內裏的蝦很硬，不鬆脆之餘，又會增加飽肚感，因為不推薦點這個。另外葱爆牛舌亦非常"un"，經過我和男朋友多番嘗試後，最終也放棄再點了 ，以前的比較美昧的。
繼續閱讀
一班朋友飯聚，其實book枱時見到食評咁，都心知不妙架喇，但有個朋友堅持要食半推就之下就中伏了！叫乜冇乜不在話下，有d 野食係原來已經賣曬，侍應都唔會話比你知架，要你追問佢，佢先話無曬！最離譜係個燒粟米，淨係燒左個面，咬落去仲係冰凍未融雪咁，個牛油放上去都唔融呀，咁都拎比客人食 2000円？無下次！
繼續閱讀
由於Lunch食得唔夠盡興既關係，老公就帶我食放題。老公之前同朋友食過，今次輪到我試試。7點幾去到，無訂枱都有位。座位非常窄，有人行出行入都會撞到。我最後發現原來張椅可以轉係俾人撞架，因為待應上菜既時候已經推過我不下10次。刺身第一輪一定係叫刺身，真係叫幾多就黎幾多，唔似其他餐廳，叫10塊都係得2、3塊。三文魚同鮑片係正常貨色，甜蝦就唔夠新鮮，有啲霉，八爪魚好韌。有冰墊底同乾冰放係隔離，上枱唔錯，幾好睇。炸物炸蝦天婦羅，厚粉，蝦細隻又霉。炸蠔就好啲，粉夠味厚度適中，蠔仲好JUICY。焗蠔我覺得好食過炸蠔，芝士忌廉汁好食，但蠔就比較細隻，但都好JUICY。不過食多幾隻會膩。壽司都幾多選擇，仲有個好得意既墨魚汁飯，不過我都係鍾意正常白飯多啲。長三文魚，夠長但完全唔肥美。芝士蝦，老實說我覺得爭鮮啲好味啲。鐵板???唔記得叫咩名，但呢個係全餐最好食既。入面有菇同蝦，啲蝦好食過刺身果啲夠爽口。用左少少鹽同胡椒調味，但係鐵板上熱辣辣好惹味，要再ENCORE。
繼續閱讀
朋友推介話大件夾抵食既日式放題，9點前係HK$188加一，9點後係$168加一，價錢確實相宜，當晚更有85折，即刻抵左！一大叠order 紙大約有10多種類吧，不過啱我地吃既又唔係話好多，點左大路既刺身﹑壽司﹑鐵板牛柳﹑吉列蝦等，詳情如下：1:刺身：點了甜蝦﹑鮑片同蟹棒，全部都鮮甜好味，後再追加2. 豚肉味噌湯：第一次飲味噌湯有咁多豬肉，可惜味道一般3. 壽司：芝士蟹棒﹑燒帶子﹑燒牛肉，味道好一般，其中既燒牛肉感覺有怪味 :S4. 辣酒煮蜆：本來不錯的，可惜蜆有砂5. 牛油金菇：賣相好唔得，所以點了也沒試，不好意思6. 鐵板牛柳：超得！沒想到會咁有牛味，連吃三碟才夠！7. 牛肉壽喜燒：佢加左我唔吃既蛋，所以我沒吃！8. 枝豆：老公自隊系列！9. 燒雞串：老公話變酸，但我食唔出有異樣，事後亦冇肚痛！10. 燒牛油大蝦：用粉醃過既蝦肉質猶如啫喱，不吃也罷！11. 燒三文魚頭：味道一般12. 吉列蝦：粉太厚，味道一般13. 炸雞軟骨：過油！14., 燒秋刀魚：一般15. 燒牛舌：一般16. 墨魚壽司：這個要分開講，因比較特別，壽司飯罕有加了墨汁，我真係第一次見，另以魚仔裝飾，成件事特別左，味道反而係其次了！17. 燒三文魚骹：淡而無味！如果一大班人唔知去邊度開餐，呢度會係唔錯既選擇，唔算貴又可以大魚大肉兼汽水任飲。另外，生日前後一星期惠顧，壽星半價呀！(好像要4人或以上訂枱才有)
繼續閱讀