影片
以上資料只供參考, 請與餐廳確認詳情
今次經歷係雙方都有錯(我地同餐廳)...我有幾點想講下...首先,食物完全係冇問題!地方亦坐得好舒服,我亦見到有好多外國人黎食...生意都唔錯...食物水準一d都冇問題...件事就係咁,我地各位同學(10個人到)諗好叫乜食...就叫落單啦...當我地叫野食,例如"兩碗香茅豬扒米線"...個女侍應就話"個menu個樣野食隔離有個number架,你地講數字啦!!!"但我地有個同學睇錯左no.,所以都讀錯...最後d野飲都叫錯....讀錯no.係我地既錯...但我唔明點解要讀數字...直接話叫個樣野食咪仲清楚明白!!!而且因為咁,個侍應係咁比說話我地聽,令到個氣氛非常差,我地亦都食得好唔開心~我係食香茅豬扒米線...d豬扒真係整得幾好味架!!!!以上都只係我既經歷,希望大家睇清楚no.先嗌野食,如果唔係就好似我地咁啦!!!
繼續閱讀
這間餐廳是第1次光顧的！午市套餐有很多選擇，除了有一般越南特色的午餐外，還有些是中式餸菜，如我今次吃的是甜酸斑柳飯...做得非常出色， 有5、6件魚柳，全部炸得平均且很脆，雖然是急凍魚柳，但不會有雪藏味！至於甜酸茨汁煮得亦剛剛好，整件魚塊都沾滿茨汁...good !! 其他配料亦豐富，有青椒、甜椒及菠蘿，配合得好呀！總括來說，如果價錢可以降低些至30-32蚊會更給引吧！
繼續閱讀
雞翼湯檬湯底很清，看似沒有味道的湯底，原來簡簡單單的清湯就可以了，沒有花式只加些配“襯”如芽菜，生蔥，及越南湯粉必備的薄荷葉便已久，這碗湯檬似乎就是靠3隻雞翼及湯底作主，雞翼很鬆脆，趁未浸透雞翼要即食其味道如何。可是炸雞翼不夠熟，生怕吃了會有什麼事，始終是不熟食物嗎!吃完這碗檬粉後只感到5成飽腹，需要再多吃一碗或者要外賣下什茶填肚才夠。另一款也是午市套餐 - 牛坑腩我試食了一件，味道不錯帶點花椒八角香，而且夠腍，白飯是最佳配搭，盡吸收了肉汁味道，加上一杯餐飲 奶茶沒有什麼特別味道，茶香味較本港茶餐廳的奶茶味道較淡
繼續閱讀
一二一二，是香港足球歷史上的傳奇一刻，作為支持港足的死剩種，未能入大球場親身見証多少有點可惜。五點幾路經佐敦柯士甸道，人雖在外，心卻完全記掛著足球，見「越」門外有電視直播，就在街上「立看」了整個上半場，當時六點未夠，不如就入去食個下午茶，順便睇埋下半場直播。這間越南餐廳的下午茶餐牌認真「港式」，除西多士外，就連芝士豬頸肉撈丁都有供應，想吃一些較正宗的食物，在牙車快、法包、撈檬中，選擇了後者。香蔥牛肉撈檬 ($24)，牛肉算腍滑但帶筋，檬粉份量足，可惜香蔥、菜絲及芝生碎下得太少，魚露亦只是普通貨色，不夠鮮不夠酸甜，整體味道主要來自拌牛肉的醬汁，水準平平。女友的鮮茄汁腸仔蘑菇螺絲粉 ($24) 亦不見出色，番茄汁味淡，螺絲粉煮得太淋，就連蘑菇也傳來一陣木味，不太討好，看來無必要再來了。飲著要少甜無少甜，篤極檸檬都只得甜味的凍檸茶，見証香港追平一比一，差點想在餐廳內大叫「陳七好波」，此刻心想，憑著強勁的主場氣勢，即使對手是日本，香港隊一定可以得金牌，可惜無線六點半要播新聞，餐廳又沒有轉去明珠台，唯有找數離開，．．．幸皇天不負有心人，最後我在圓方的豐澤門外，與圍著電影機前的十數人，見証了香港足球的傳奇一刻，非常感動！
繼續閱讀