影片
招牌菜
另一間kebab 無開, 咁就試下d間比較少人的Mr. Kebab。晚上7點左右去到, 店中竟然洗地中, 唯有行一陣再返啦。點了一個meatball kebab, 本身唔知kebab 點解, 原來係烤肉。主食係羊肉, 羊味唔太騷, 又有香料味, 我唔太食羊都接受到。拌菜薯條係即炸, 熱辣辣, 好味!! 另一個我地本來想叫羊肉轉轉烤肉, 不過因為係weekday, 得雞肉。d個味道淡d, 但沾佢果2種sauces好夾味, 一定要加!! 店面唔太大, 得把大風扇, 有少少熱; 仲有好多蚊, 做定防蚊措施就食得舒服d 啦~ 不過d食物加環境影相好色彩繽紛, 幾有feel 呢!
繼續閱讀
土耳其卡巴配薯條和咖啡，店裏有一大串卡巴轉轉轉，即叫即切，配薯條好像不太正宗，這裏沒有荷包麵包，像美式卡巴店多一些，羊肉卻有很重的香料味，熱辣辣很有異國風情。其後有一杯飲品，我點了咖啡，最初只是一般的咖哩，與店主傾談下，店主突然拿出他私伙的咖啡粉，說是在網上訂來香港，並即時用傳統器具煮起上來，味度真的與一般咖啡不同，很香和滑，店主的熱情令我喜愛上這店子了，雖然價錢不算平宜，大約要六十到七十多元一個set，但店家的感情就值得加分了！http://icuteee.mysinablog.com/index.php?op=ViewArticle&articleId=2582797
繼續閱讀
呢次叫o左個烤魚捲真係麻麻地, 魚冇乜味但又會有d腥好彩羊肉卡巴搭夠, 但我覺得水準好似下降o左咁, 希望係錯覺啦同埋係咪土耳其菜o既特色呢? 好多o野都好乾爭爭咁, 唔飲o野都唔得... @@
繼續閱讀
服務好!食物水準好!價錢合理!土耳其salad好fresh!!不過d洋蔥有d腥....羊肉好得!!有4隻醬俾我地自己落~(一隻係辣,沙律醬,茄汁,仲有一隻冇咩味的)蘋果茶好特別!呢個一定要試下~只係$10不過附近好多狗冇啦啦入黎..本人好怕狗,..所以大家要諗清楚~~haha
繼續閱讀
原本唸住出返市區食晚飯，但又唸唔到食咩，經過呢間mr. kebab，望落都幾乾淨，又坐得幾舒服，就一於試下啦~雖然menu得一頁，但都唔知揀咩食好，最後試左個雜錦拼盤，同埋芝士羊肉卷，同埋叫左杯土耳其咖啡。先呢芝士羊肉卷（ａｒｄ＄５０）: 羊肉唔會好"so"，個皮唔會太厚，芝士應該係用車打芝士，雖然個卷幾熱，但如果d芝士溶溶地會更好~拼盤（＄１００）: 真係咩都有，所以都唔知邊款打邊款。不過其中轉轉烤肉，好味! 又有沙律，車厘咖伴碟，唔會咁漏~最後係土耳其咖啡（＄１２），個杯好靚，細細杯，好似 espresso咁，可能唔岩我口味，所以唔係太鍾意。總括呢講，食物係ｏｋ架，而且我坐出面，覺得幾舒服～店中有個肥肥地既西人，我估佢係老闆掛，幾ｎｉｃｅ， 好主動問我地有咩需要。我趺左野又會好快手幫我地執，非常親初。下次入呢，我都會再食呢間～
繼續閱讀