影片
港鐵宋皇臺站B3出口, 步行約3分鐘
繼續閱讀
電話號碼
23822973
附加資料
火鍋新鮮手切肥牛專門店。
營業時間
今日營業
09:00 - 18:00
星期一至日
09:00 - 18:00
以上資料只供參考, 請與餐廳確認詳情
食家推介
小編都系聽聞幾出名，有日就鄉下妹出城記，去咗九龍城，小編都只係第一2️⃣次去，九龍城係一個買火鍋嘅天地，揀牛肉梗係要揀啲雪花多啲啦，雪花夠多之餘唔會好肥，亦都唔會好膩，好重牛肉味🐂平時都好多人去排隊，但係當時咁啱係閑日冇乜人，去到即劏即切❕呢個價錢真係超值，$400可以令你食到嘔，呢個價錢仲要係最多雪花，亦都會有幾個價錢可以比客人選擇，當然小編會推介$4️⃣0️⃣0️⃣最多雪花嘅牛肉俾你地啦，食後感只可以同大家講質感好滑唔會油膩，但亦都好有牛味👍🏻👍🏻-因為排隊好多時都係幾個鐘起跳，大家想試嘅話其實WhatsApp係有得提早預訂㗎😆
繼續閱讀
特別推薦大家✅牛頸脊(4️⃣:最多雪花)✅騸牯吊龍✅肉眼邊✅封門柳《牛頸脊(4️⃣:最多雪花)》總共有四款牛頸脊，呢隻4號係最肥、最多雪花❄️😍，不過都係最貴🤭，係我哋最鍾意食嘅一款成塊牛呈粉紅色、好多雪花、好靚🤤，見佢咁多脂肪，但係佢唔係和牛嗰隻咁油膩，食落好軟淋，有牛味但又唔肥膩，有入口溶化👄，超好食😭😭💰$430/斤 (圖2)(1號: $250/斤, 2號: $300/斤, 3號: $350/斤 ~ 號碼愈細愈少雪花)《騸牯吊龍》呢款牛🥩係依四款當中油香➕肉味相對適中嘅一款，油花唔會好多，唔會好油膩，食落會係鮮甜、多肉汁💦💰$500/斤 (圖3)《肉眼邊》依四款之中第二多脂肪😌，食落都好軟淋，但冇牛頸脊咁入口即溶嘅感覺，牛味相對上會重d🐮💰$450/斤 (圖4)《封門柳》相對上四款牛當中，最少脂肪既一款😎，佢牛肉味係最濃，雖然冇乜脂肪，但食落又唔會韌，咬落都幾淋，好輕易就咬斷🦷，鍾意食肉味嘅朋友啱晒🤩💰$350/斤 (圖5)*唔一定要買晒一斤，可以根據你哋自己嘅食量而買🤰🏻，我哋每款大概買咗💰$100-$200，每樣都試吓✌🏻**都要預返少少時間排隊，我哋sat 1230去到，1310先到我哋買🚶🏻♂️🚶🏻♀️🚶🏻***嗰到嘅牛柏葉都唔錯🤫
繼續閱讀
沒有晚市堂食的日子，加上呢個星期急轉凍，最舒服自在莫過於喺屋企圍爐烚下烚下。打邊爐最緊要係咩？除咗個爐，火鍋料都十分之重要！講到火鍋料，梗係去火鍋配料重鎮——九龍城，買齊料開爐！肥牛作為火鍋不可或缺嘅主角，一於去手切肥牛店揀下是日精選部位先。位於九龍城市政大廈嘅「李輝記牛欄」，一到冬天就人頭湧湧，今日星期六嘅中午不例外。12點多嚟到，人龍沿街市內鋪位大排長龍，足足轉咗三個彎。可能近冬至嘅關係，個個都想買靚牛肉，一家人聚埋一齊食餐團年飯。隊伍慢慢向前蠕動，開始同肉檔接近，眼見一啲受歡迎嘅稀有部位，池板、肉眼邊、挽手等，逐款逐款被貼上「 已售罄」嘅牌仔。「李輝記」供應一啲平常於餐廳甚少出現嘅部位，on menu 嘅部位多達十多款；單單牛頸脊就有4種，以雪花多寡分級數， 油花越多，價錢就越貴，唔同口味嘅朋友都搵到適合自己嘅。大概2:45，過咗兩個多鐘頭，終於到我哋啦～「下一位，唔該！」肉檔師傅面對咁長嘅人龍都有耐性，冇燥底。師傅先將牛肉上秤，再切至約2-3mm 厚，然後喺發泡膠盒內放入冰袋，細心地將肥牛鋪整齊，以冰袋保持牛肉鮮度，認真抵讚 👍=========================牛頸脊①號＄200（一斤）個人鍾意食瘦嘅，所以揀雪花最少嘅①號，肥牛帶少許油花紋，輕灼後見到一絲絲半透明嘅油脂；肉質有咬口，軟熟唔柴，帶微微油香，但就缺乏了些少牛肉味。封門柳＄100（五兩）封門柳係橫隔膜下面嘅肌肉，油花較少，肉質軟腍，有口感，肉味濃郁，推薦俾鍾意牛肉味濃嘅朋友！黑柏葉＄50（四兩）輕輕灼五秒左右即可，口感爽脆彈牙，灼耐咗小心過硬啊～大家對於今次收穫十分滿意，為咗屋企人食得開心，等兩個鐘都值得嘅。 「李輝記」其實有設立WhatsApp預訂專線， 不過預訂嘅客人太多已滿額，下次一定要早啲book咗先！=========================李輝記牛欄📍 九龍城衙前圍道100號九龍城市政大廈2樓M14舖
繼續閱讀
疫情關係晚市堂食只去到6點，加上2人限聚。天氣凍凍地，最好就係打個邊爐！適逢做冬，我同女朋友四出買靚料同屋企人打邊爐。上網搵到九龍城呢間「李輝記牛欄」，出哂名嘅長龍名店，梗係要黎朝聖排隊。其實為左唔洗排隊我地都試過whatsapp預訂，不過因為預訂牛肉嘅人太多額已滿，所以只可以現場排隊。 星期六嘅中午，訓飽飽嘅我地差唔多12點半先到九龍城街市嘅2樓。今日開嘅舖頭唔多，但係大部分都明顯地為左李輝記而來！唔知係咪撞左做冬，排隊嘅人數竟然可以包圍街市排左一個圈！既然我地都黎左，咁就加入排隊嘅行列啦～ 等了又等，等到咁上下我就行上隊頭影低餐牌諗定買咩牛肉。可能時候唔早，一啲比較熱門嘅牛部位例如挽手，牛抓邊，肉眼邊等等已經沽清。等到大約兩點九，足足等左差唔多兩個半鐘，終於到我地買啦！「下一位要咩呀！」師傅仔問，為左唔阻住後邊排隊嘅人我地即刻答左諗定嘅答案。=========================牛頸脊 1號（越大號碼雪花越多） 一斤 $200封門柳 $100黑柏葉 $50。見到師傅仔同隔離嬸嬸手起刀落，將磅好嘅一大舊牛肉切薄片，真係夠哂薄呢，冇番咁上下刀功真係做唔到～放落盒果陣舖頭都會細心地附上一舊冰包嘅盒底，防止係回家嘅路程牛肉因唔夠凍而變色，影響賣相。 幾個鐘後終於番到去打邊爐，牛肉依然保持鮮紅色！牛頸脊夠淋身，牛肉味就唔夠封門柳咁突出，不過封門柳就比較有咬口，我個人就比較喜歡牛頸脊！黑柏葉夠爽，最啱輕輕碌一碌五秒搞掂！今次嘅牛肉好滿足，不枉我地等了又等等左兩個半鐘！下次真係要book定喇！ 李輝記牛欄📍九龍城衙前圍道100號九龍城市政大廈2樓M14舖
繼續閱讀
今晚同朋友講開，好耐冇同過一班朋友係屋企打邊爐。呢排天氣雖然熱左，但也沒有減低打邊爐嘅興致，出車過九龍城買材料打邊爐。多年來，九龍城都係買火鍋料嘅兵家必爭之地。牛肉來講，離不開兩個選擇，一個係文記，一個係李輝記。剛巧上星期文記關門，食好少少買李輝記。牛肉分幾個選擇，當然一定要食最多雪花嗰種，四百元正，你喺出邊打邊爐食嘅水準，一定冇呢個咁正，就算咁正都一定唔係呢個價錢。嗰種雪花同牛肉味，不得了。另外，當然不能錯過佢嘅黑椒牛丸，彈牙又爽口。比起文記嘅黑椒牛丸，佢大粒好多，口感都實在好多。平日冬天經常排大隊，而家排幾個就到，如果你未試過呢到嘅牛，就趁呢個時候打下邊爐試下啦。李輝記牛欄 九龍城衙前圍道100號九龍城市政大廈2樓M14舖
繼續閱讀
您可能會有興趣的...