影片
電話號碼
2851 8088
營業時間
星期一至五
10:00 - 22:00
星期六至日
08:00 - 20:00
以上資料只供參考, 請與餐廳確認詳情
相關文章
K先生同我一向都幾好鐘意食雪山叉燒包，今次我同K先生去到上環食好西，我就帶佢去聚點坊飲杯茶，食幾個雪山叉燒包先先。我地兩個都未食早餐，餓餓地，點咗幾碟點心，包括我地至愛雪山叉燒包，我至愛馬拉糕，好好味。我地都覺得呢間d點心係好有水準，好食過香港mtr 站添X運。 但聚點坊服務就麻麻地，叫加茶時，尤其個女待應成曰黑住面，叫佢加茶要睇佢面色。希望服務態度改變下。不過，個雪山叉燒包真係好正，下次都會再encore 雪山叉燒包 ，馬拉糕同試理佢其他點心先
繼續閱讀
今日同朋友一齊去上環食嘢，朋友話想食點心，所以帶咗佢去上環一間出名嘅點心都食嘢。 雖然係夜晚九點鐘，但成間舖都係擠滿咗人，我哋兩個人入到去都要同人搭枱，同成間鋪頭入面超過一半都係外國人。 我哋睇枱上面啲圖，同埋嗰張點心紙上點左5樣野，分別係鳳爪排骨飯，鹹水角，叉燒包，流沙奶皇包同埋蝦餃。 雖然我哋九點鐘食， 但啲反仍然好乾爽應該係啱啱蒸出黎，同啲排骨熟得啱啱好唔會黐住啲骨，啲肉新鮮彈牙嘅。 流沙奶皇包熱辣辣，搣開過包，兩面啲流沙流曬出嚟，啲流沙重蛋黃味一啲都唔會漏。蝦餃層皮好薄，入面好多蝦肉，全部都爽脆彈牙。 叉燒包個酥皮好脆，入面係啲肥叉燒， 啲密汁同個包好夾。 最後仲有鹹水角，啱啱新鮮炸出來，層皮好鬆脆。
繼續閱讀
很喜歡點心, 經過幾千年的文化洗禮，點心的種類層出不窮，看見此間點心專門店午間大排長龍, 就試下。叫了12種點心, 點心包括了包點、餃子和腸粉, 加上每人3元茶錢。先上蝦餃, 馬拉糕, 奶皇包及煎腐皮卷。蝦餃是一間點心店最具代表性的點心, 澄麵皮包著蝦爽口彈牙, 但皮不太薄, 一般水準。馬拉糕呈深褐色, 發酵足夠, 柔軟但不太蓬鬆, 香味口感不俗。奶皇流沙包雪白完整, 咬開流沙餡洶湧出來, 奶味足夠而蛋黃味不足, 但都算有水準, 好吃。煎腐皮卷金黃香口, 但餡料一般, 得蝦, 芽菜及豬肉。春風得意腸以腸粉包春卷, 通常用上炸両, 此出品有脆度及香口, 好吃。招牌燒賣皇以切碎豬肉, 鮮蝦為主要餡料, 豬肉餡有點肥肉也沒有筋, 水準不俗, 但仍有進步空間。雞扎有冬菇, 雞肉, 魚肚及火腿, 都是 一般水準。雪山叉燒包皮薄鬆化, 熱得燙口, 叉燒醬料適中, 好吃, 但筆者覺得在IFC的點心專門店比較好。紅油炒手秘訣在於紅油, 麻辣嗆全沒有, 差。奶皇流沙包雪白完整, 咬開流沙餡洶湧出來, 奶味足夠而蛋黃味不足, 但都算有水準。粟米鮮蝦腸看不見有粟米, 其實粟米加蝦筆者都是首見, 可能粟米在米漿內, 但食不出來, 但算好味。店內坐得算密, 不太從容, 但內裹很多外籍人士在此品嘗, 食品水準算中上, 同樣的點心專門店中未算最好, 在中上環區是一間已性價比取勝的食店。
繼續閱讀
終於遇到 "熱騰騰" 點心, 不是平時在酒樓的温熱, 而是即使點心上枱後10分鐘都仲可以見到蒸氣冒出的熱。在微涼的天氣, 只係這一招, 已可以KO 食客。 未到十二點, 午市已爆滿!開茶並非一張枱, 一壼茶加小茶杯, 而係阿姐俾一隻壽司茶杯, 再以鐵水煲斟茶, 飲完阿姐會再斟。唔好以會啲茶好唔得, 實則非常清香。問阿姐, 飲完要再加時, 會唔會斟錯茶? 阿姐話, 用茶杯顏色去認飲乜茶, 包無斟錯!!!SUPER推介: 春風得意腸 ($20) 估你唔到, 唔係炸両, 係腸粉包春卷春卷保持脆度, 唔油, 並無俾腸粉整淋, 但兩者又好FRIEND, 好配合。外軟內脆, 口感特別。 PS 師伙可能為免豉油浸淋春卷, 所以只俾小小豉油, 各豉油怪, 如要多豉油, 請同阿姐響。雪山叉燒包 ($15)雪山名不虛傳, 輕輕一咬, 外皮如落雪, 如酥皮鬆化, 但賣點是皮更薄!!叉燒醬汁甜度及濃度適中。鴛鴦臘腸卷($16)平時好怕叫臘腸卷, 怕條腸唔知要同副牙搏鬥幾耐, 先咬得開。但呢到臘腸卷好軟, 唔乾, 一咬就開!膶腸肥肉十足, 無滴油, 正!臘腸唔會死咸, 食完兩件都唔覺油膩。黃沙豬潤腸($20)豬潤起沙, 唔老, 只係呢兩個賣點, 已經偷咗我個心!黑椒安格斯牛肉粒 ($22)見到點心紙註明 "全新/再度推出", 個名又叫安格斯牛, 以為一定驚為天人!上到枱, 原來係洋葱炒牛肉。可能其他嘢太好食, 此點心只是一般。仲有好多正嘢食, 就睇定張點心紙做下次 "食前準備"
繼續閱讀
一早醒咗訓唔返決定去經過好幾次嘅聚點坊飲茶. 可能真係未到 Lunch Hour 唔使等位 (對我來講極緊要) 就坐低咗，感覺幾光掹同乾淨. 店内可以坐35-40人, 最大6人檯.我地兩個比較細食點左5個點心試下，價錢我覺得ok.雪山叉燒包, 唔算好好攞出來嘅時候都幾熱下輕輕攤涷啲個皮會脆啲. 我覺得偏甜同埋叉燒偏小.黑糖馬拉糕, 極普通. 有黑糖味但係唔夠濕.春風得意腸(腸粉包春巻), 好食!! 會建議豉油另上因爲耐咗會浸軟啲炸得好香脆嘅春巻. 唔食蔥嘅朋友記住叫走青呀.蕃茄腐竹巻, 比個X佢. 個人唔係好鐘意呢個配搭, 加食到少少油益味但係唔嚴重.鮮蝦菜苗餃, 好食~ 絕對改啱名, 菜嫩蝦鮮. 啲皮再煙韌啲就開心死啦.總結: 經開冇人排隊可以試下, 啲嘢食普遍來講都唔錯有機會會再試下其它嘢.
繼續閱讀