影片
以上資料只供參考, 請與餐廳確認詳情
招牌菜
同朋友一齊團購黎試下 之前見到啲食評有啲擔心 但去到又OK喎我地BOOK左8:30-11:00果輪, 大約8:20分到 門口個姐姐仔就話要等上一輪走左8:30先入得 到左8:30又話要等執好枱先入得環境OK 唔似 其他放題咁迫夾 當晚坐唔滿人 我地一黎就點再4大張紙 啲野都差不多黎齊 好少漏單 我見間野坐位唔多 我諗坐滿都唔會等好耐都無野食食物方面放題黎講真係OK 款式多 質數都OK 團購價 連服務費$150 絶對超值 比好其他放題好好多 因為大部份放題都好垃圾 唔係無野食就唔好食 我同朋友都打算再去食 希望唔會係為左吸引客人 團購期間先做得咁好 依度啲刺身 新鮮肥美 啲三文魚仲要係厚切 全部刺身都無雪味 好鮮甜 $230以下嘅放題 第一次食到咁嘅質數 辣酒煮蜆 夠辣啲蜆又夠新鮮 粒粒都漲卜卜 我自己一個人食左3煱 秋刀魚 應該係即叫即燒 一啲都唔柴皮 依度仲有啲芝士 焗乜乜乜 全部都係用細鐵板上 個醬汁超杰 又夠熱 啱晒鍾意白汁芝士嘅朋友仔 我地點左燒三文魚骨 但係黎果碟係炸嘅 男朋友話是但 所以我地無考究係黎錯左定係定 仲要凍嘅 所以扣分 有無唔知乜乜蟹杯 個名好似好好味 但係流到爆 蟹就唔多食到 似沙律薯蓉多啲 4個人叫一杯一人食一啖就差不多 壽司我地只叫左個唔記得咩海鹽拼盤之類嘅野 一客5件定4件 依個都幾好味 可以一試 餃子就認真麻麻 太油 唔知係咪無吸油紙 同埋一早煎起 反熱 食到成口油食得太多款野不能盡錄 但總括黎講依間野都好味嘅 如果一直KEEP住水準係值得推介嘅
繼續閱讀
果日係去慶祝朋友生日既，咁我就訂左8:00-10:00既時段點知去到都仲要等，仲等成20分鐘，入到去仲要發現原來有好多吉位同檯，外面仲排左一大堆人都算啦，可能佢地出野好多好忙啦...點知又唔係喎我一坐低就梗係tick啲刺身呀，壽司同熟食啦，因為肚餓啦嘛佢真好野，我tick幾多次刺身呢，佢就漏我幾多次單最後碟刺身黎果陣已經9:15哇，你唔係呀，坐左成粒先黎一碟刺身，仲要唔夠數@@跟手就壽司，哇~壽司就經典啦俾左單佢，佢就一味質疑咁問我地食唔食得哂咁我明既....唔好浪費食物呀嘛又好得意喎，佢問完之後啲壽司單又消失左喎漏我幾次之後終於壽司都黎啦，不過....下，呢碟咁既野都叫壽司@@真係笑左我十幾分鐘，你唔係下化，洗唔洗咁孤寒呀最後係熟食，一開始黎左清酒煮硯嗯，冇味既，係連啲湯都冇味之後黎左蟹杯，即係薯蓉隻蟹鉗仲細過我手指尾真係呢啲蟹係邊度捉嫁= ="值得一讚係野飲因為我點提子汁，佢係可以黎橙汁...仲要黎得最齊最快就係野欽呢間野....你請我去多次都咪搞浪費時間仲要肚餓入去，好肚餓咁出返黎...last order time係9:20.....你話嬲唔嬲..
繼續閱讀
呢間係朋友揀既，所以我都無事前做下功課就去食誤打誤撞，食完真係唔會再有下一次如果想考慮去呢間度食既朋友，除非你可容許劣食否則百幾蚊真係可以有其他更好既選擇！我地食6點-8點，埋單$130蚊一個人已連+1長話短說，講下間野有咩問題 【刺身永遠無影，拖單拖時間】：－(１)刺身永遠要等好耐先黎，但熟食又鬼咁快就到入去坐低邊食邊等，成半個鍾有多先黎第１盆刺身而且個份量仲要唔係跟足我地填既數量等既其間望下周圍既客人，發覺大家都有同１個情況就係台台都唔會有刺身熟食都仲要煮，但刺身你切出黎就有點解要等咁耐？ 好明顯就係拖客人時間【侍應服務態度不佳】：－(２)問侍應拎野永遠就唔會有下文，而且個個侍應都無黎神氣問佢野就鬼食泥咁，食到成台野都唔會主動收下ｄ碟果度仲有個好惡既男人，因為野食等得太耐，所以會有客人一次俾好多張單個男人就反鬧話1次只可以遞1張單，態度好差，但因為果ｄ客人係10幾歲d後生仔見佢地都唔敢出聲，好可憐!【野未黎齊就催埋單】：－(３)坐低６點，６點８左右先黎到第１盆刺身之後我地食完再剔第２輪，到７點鬆ｄ就黎第２盆，但份量唔足跟住離譜到７點３就話last order！！！！你係咁漏單，野又要我等咁耐，我坐低１個鍾鬆ｄ你就話last order？？？見佢last order所以最後剔多一盆刺身，但最後到埋單佢都無送到黎！！！跟住仲催我地交台，真係食到一肚火！呢間野真係唔會再黎，頂多你黎到都係食到幾舊三文魚刺身架咋佢永遠拖你刺身唔俾你食，跟住就話last order，然後就迫你交台【野食味道】：＿(４）我地果晚有嗌到「青酒煮蜆」，呢個同事話好食，我覺得個湯都OK，蜆就中規中矩另外仲有個「自家焗雪場蟹杯」，呢個反而係唯一一個我覺得幾好食，雖然同事反應麻麻「炸物」粉比較多，「鹽燒雞腎」就好乾同埋好硬，間野優點係野飲任叫，同事每人叫左2次，都真係有黎足刺身味道唔算難食，但份量一定唔足同埋真係拖好耐時間先至送一盆！食到人無晒心機！因為等既過程太肚餓，所以我地叫左個烏冬頂住唉，我都唔知俾百幾蚊入黎係食麵定係食放題刺身呢間野真係不知所謂！！！
繼續閱讀
聽人講，佐敦店好過旺角，所以一試去到唔洗等位，７點入坐，滿懷歡喜即刻點嘢食．．．第一輪當然咩都點，７個人點咗好多嘢食，但只係嚟得少少～～哩度就係我地第一輪既嘢食，加條秋刀魚，二人份量既「一條粟米」６件天婦羅，加多幾件壽司，同少少散件，就係咁多跟住就係坐，同等，同再等間唔中嚟一碟，三文魚魚生寫２０件，嚟７件最不滿，係一開頭落既單，佢話無晒，叫我地再落，跟住同我地講，魚生無，壽司無，天婦羅無，吉列蝦無但大佬，ｄ嘢係我地一開頭已經落，佢一路拖都無上過，到８點幾同我講咩都無，無嘢食重叫咩放題最後，男仔唔飽，要叫個叫烏冬嚟填肚，邊有可能最後落單叫雪糕，又係要等，唔問佢都無得食，當然最快就係埋單，哩間真係無下次下次去食，都係去返旺角，貴重２０，但勝過唔會無嘢食
繼續閱讀
Great food the buffet skull you can eat for $168 well worth it. food is good quality and there is large variety which keeps you coming back. Staff ewere very friendly and attentive and even helped us translate the menu, very gui lou friendly. Only thing they don't really do any desert just ice cream, but your so stuffed with good chow by then you really don't care favourite dish It's all good but the grilled fish and sashimi is epic. 10 out of 10 for value. You get nothing close to that quality and quantity back in the west. Well worth a visit.
繼續閱讀