影片
港鐵筲箕灣站B1出口
繼續閱讀
營業時間
星期一至日
07:00 - 22:00
以上資料只供參考, 請與餐廳確認詳情
食評 (17)
有日坐的士，問司機叔叔知唔知筲箕灣那處有好味煲仔飯，司機叔叔介紹我去東大街街尾 "香港茶餐廳"。今日上openrice睇睇先知唔係大集團個間，係呢一間日本菜餐廳裝修的茶餐廳。店員知我地專情來試煲仔飯，介紹我同媽媽order "招牌煲仔飯" 同 "生滾黃沙潤雞煲仔粥"。兩樣都好味。個煲仔飯有5樣餸，臘腸，潤腸，雞，排骨同臘肉。樣樣有1至3塊都幾豐富。另外，啲飯焦脆脆地，好好味。個粥都好味，啲豬潤好"沙", 個人喜愛豬潤，所以食得好開心。跟餐有一杯中國茶及魚湯娃娃菜，店員介紹魚湯冇落味精，係每日用新鮮魚煲，所以可以連湯都飲埋。媽媽試個魚湯都話好味。最後埋單結帳總共80大元，抵食!另外，司機叔叔介紹我食蘿蔔牛腩煲，但同媽媽兩個人食唔到咁多，唯有留番下一次。
繼續閱讀
晚上我跟先生到東大街食晚飯，首先在印尼沙嗲屋品嚐美味的印尼沙嗲串，再由街頭搜尋目標食店，途中有不少新食肆，走到接近一連串食肆的盡頭，有一個光管招牌迎著我們的方向，它就是香港茶餐廳，一個太普通的名字本來不會吸引我們光顧，但有位熱情的服務員向我們介紹他們的煲仔飯和粥，反正今晚突然轉冷，正好來個熱騰騰的飯或粥。我們要了一個招牌煲仔飯及豬潤雞粥，首先來了豬潤雞粥，粥底很靚，好綿，不會出水，黃沙潤新鮮好食，雞肉都很嫩滑，是水準之作。煲仔飯蓋打開有陣陣的飯香，飯不太硬不太軟，粒粒好食，我最愛的飯焦更是恰到好處，不太硬、不會有焦燶，還帶有少少脆，整個飯融有少少的酒香，所謂招牌煲仔飯的材料是有排骨、臘腸、潤腸、臘肉、雞肉，因我們怕肥，請服務員用臘腸代替臘肉，排骨和雞肉都很滑，臘腸的味清一點更好，當然臘腸會有一定油份，但整個飯不油膩，他們很貼心地奉上有茶包的熱茶，魚湯浸娃娃菜。結帳只是78元，即招牌煲仔飯52元及豬潤雞粥26元，是超值之選。服 務 ：服務員哥哥熱情有禮貌，對食物的製作及材料的選配都很熟悉，廚師也跟我們分享製作的過程及聽取意見。從談話中得知此餐廳原本是沒有晚市，曾一度停業裝修改為有煲仔飯賣，連店名也改了。環 境 ：這裡的地方大不太大，是一般的餐廳環境啦。總括來說，是一間非常有水準有誠意的餐廳，它的煲仔飯及粥 較著名的坤記及生記更值得推介。
繼續閱讀
早幾日經過呢間日本野, 平平地又幾好食wow~睇返之前呢道既食評都好惡劣下~ 我諗應該轉左師傅~成班人去食到勁飽!! 一人$100都唔洗~~ d野食又靚又好味~~ 正丫!! 哈哈!!
繼續閱讀
朋友看了專欄，專程搭車來吃午餐。星期五中午約一時來到，餐廳坐位唔算多但都有一半空位。友人叫了豬頸肉撈丁，我就叫了雞扒撈丁，兩人都叫了凍奶茶小甜。先來凍奶茶，叫咗小甜，張電腦入菜單都打咗小甜，但來到就勁甜雞扒撈丁，將出前一丁鋪在一個類似蒸籠的籠上，下面通窿，所以啲麵好快乾了。上枱時丁麵已撈了相信係餐廳自己溝的醬汁，味道類似日式燒汁，但就勁甜，仲以為自己吃緊甜品隨麵上的一碗所謂湯，就超勁胡椒粉味，唔知佢要辟乜嘢味。好辛苦先吞咗碟甜的麵。可以將我至愛的出前一丁整到咁難吃，可謂極高難度。
繼續閱讀
今天上午因事到筲箕灣,之後順道在那裡食午飯,因得知「黃毅力」先生所開設的食店「日丁一保」就在東大街,於是一試。 因時間尚早,只是11:30左右,因此不需等位。因得知此店的「豬軟骨拉麵」是主打食品,坐下後,便點了一份,看見餐牌上有一個叫芝士白魚煎餅的小食,好奇心發作下,想知道是什麼,便又點了一客,再加一杯港式奶茶。 先來的是奶茶,入口香滑,頗有水準,相比家居附近的茶餐廳好得多,只是熱度略為不足。 拉麵亦具水準,麵質爽彈,湯香濃,味道濃淡適中,與「味千」相比,是「味千」的湯較濃,但對我來說,這湯更合我的口味。豬軟骨入口鬆化,炆得入味,但可能味精下多了,吃後有口渴感覺,但仍不失是具水準的拉麵。 白魚芝士魚餅,入口軟綿,一口咬開,中間原來藏着香濃的芝士,熱烘的魚餅使芝士溶化,點上附在碟上的沙律醬,令香濃的芝士魚餅添加了一份清爽,個人對這小食很是喜歡。 總體食品是水準之作,值得一試,結賬60大元,價錢適中。裝修因走大眾化路線,沒什麼特別,但整潔舒服。 員工服務態度好,也是我欣賞的優點,現在很多茶餐廳食肆的侍應服務水準之差,絕對令人驚嘆。 有機會再試這店其他的食品,會再將結論告訴大家。
繼續閱讀