影片
開飯介紹
墾丁茶房以藍白色為裝潢主調，模仿藍天白雲的感覺，並以白色燈塔及摩托車裝飾，營造墾丁海岸的情調。菜式主打各式台灣美食及飲品，包括焗飯、湯麵、吐司等。
繼續閱讀
以上資料只供參考, 請與餐廳確認詳情
同朋友喺megabox睇完戲周圍行下睇下邊度嘅晚餐好食，經過見到呢間台灣菜於是望下餐牌，見到啲set全部都好抵，全部都係幾十蚊，已經有湯有嘢飲有甜品， 就算餐牌正價嘅嘢食全部都唔貴 ， 一碗麵都係五十幾蚊，小食好多係二三十蚊已經有， 一入到去可能閒日所以唔多人冇乜客，所以畀張半圓形卡位我哋，兩個人坐好闊落，所以坐得好舒服 ，最後我哋叫咗個晚餐肉燥飯加 鹵水拼盤，再散叫咗一碗鹽酥雞扒麵， 一份鹽酥茄子同鹽酥豆腐， 再散叫杯飲品 ，好多餐廳通常叫套餐啲食物份量會縮水，但係佢哋個鹵水拼盤居然大大碟，碗滷肉飯嗰碗好似細細碗咁，但係由於係好高身所以啲飯其實好深份量係好多， 完全一啲都無偷工減料到，鹵水汁幾香唔會太鹹，同埋啲食物唔會浸到鹹曬得呢又好入味 ，飲品仲好細心，我哋叫左2杯凍珍珠奶茶， 通常珍珠奶茶呢類台式飲品 對於香港人嚟講成日都會甜得滯， 我哋出去買飲品嘅時候，香港人最中意叫少甜少冰 ，但係呢度係本身杯飲品無落堂，而係會另外想一杯糖水畀我哋 ，我哋可以自己按自己喜好落多定落少，甚至唔落亦可以，咁就唔會太甜或者太淡 ，而且杯飲品好大杯，好似飲極都飲唔曬咁 ，珍珠煙韌韌有口感好味， 而且可能因為客人唔多，所以完全冇趕我哋起枱嘅意思， 入座亦冇好似一般餐廳好老土未坐低已經講定一個半鐘響是一個半鐘要交枱之類食客最唔鍾意聽到嘅說話， 雖然明白香港而家租金寸金尺土，會好想客人快啲起身做多兩轉，但係作為食客有時約朋友去街，都會想慢慢坐下傾下食下，唔係好似快餐飲食完就走 ，呢度就做到顧客最想要嘅要求 ，可以舒舒服服慢慢坐下傾下計食下嘢 ，而且呢度價錢 亦都唔貴， 食品質素亦都唔錯 ，我同朋友都覺得值得推介俾朋友同埋自己再嚟食都係唔錯嘅選擇~
繼續閱讀
今晚同友人嚟到Megabox, 食我最喜愛嘅其中一間食店~墾丁茶房！！望嗰名都知食台灣菜啦！！通常我同友人都會叫套餐！！大碟夾抵食！！不用苦惱咁多！！我叫左鹽酥鷄排麵加餃子小食，凍蜜桃綠茶！！而我男友人則叫了滑蛋鷄肉+香菇肉燥飯加餃子小食，最傳統嘅凍珍珠奶茶, 最後加埋碟A菜添！！份量剛剛好！！鹽酥鷄夠晒大塊頭，炸得香脆美味！！湯麵QQ的！！湯底好好味！！仲有好多配料同半隻蛋！！健康豐富！！餃子就ok啦！！蜜桃綠茶都幾好飲！！而友人叫嘅滑蛋鷄肉則味道太淡！！有D失望！！香菇肉燥飯就好多汁！！好味道！！凍珍珠奶茶就茶味不足！！珍珠太過淋！！不過糖水就可以自己加！！颇貼心！！甜味可自己調較，而A菜都很爽口！！仲加左肉燥添！！所以最快食晒！！
繼續閱讀
呢間係我黎親 Mega Box 搵食嘅首選餐廳, 記得第一次去食係因為唔洗點等位, 諗住食過一次唔好食就算, 點知竟然有驚喜, 所以咁就成為我黎親都幫襯嘅餐廳｡今日一行 ✌ 人, Order 左個二人套餐, $198 加一, 比起商場入面其他餐廳, 絕對係抵食｡鹽酥雞🐔 炸得好香脆, D 雞肉仲好嫩滑｡滷水三併有雞翼、豬頸肉同豆腐, 滷得都算入味, 仲會俾少少滷水汁俾你點下 金銀蛋肉鬆豆腐鍋 成日以為豆腐鍋一定好淡口, 但呢個鍋夠晒味道, 而且仲非常足料, 大推 豆辦韭菜爽肉蝦球由於有大量芽菜 & 韭菜嘅關係, 呢個菜式屬於淡口類別｡ 有 D 不滿嘅係, 成碟只有兩粒蝦球, 真係一人一粒咁大把 香茹肉燥飯呢個香茹肉燥非常好味, 用黎撈白飯食, 真係冇得輸 台式珍珠奶茶最值得一讚嘅係呢個珍珠奶茶, 因為 Order 時我話要走冰少甜, 個職員同我解釋, 呢個珍珠奶茶係台式, 所以係唔會連埋D冰一齊出, 而且係客人自己落糖水
繼續閱讀
對商場餐廳總係抱有少少保留態度。覺得他們租金貴，變相都係賣得貴。否則就用相對平價食材，或者減少份量。但正所謂，凡事都有例外。今日呢間就係少數例外。環境：我地坐出面，可以睇到溜冰場。有得睇人溜冰又可以聽歌，一舉兩得。服務：有點人手不足。但算係可以接受範圍。食物：二人套餐 ($198)小食：台式滷水拼盤+鹽酥雞主食：金銀蛋豆腐煲+韭菜炒鹹肉+滷肉飯兩碗+珍珠奶茶兩杯。以上食物全部都唔係粗製濫造，有板有眼。以呢個價錢相當合理。值得之後返轉頭幫襯！
繼續閱讀
同朋友去完mega box，開始好肚餓，見到呢間好似幾抵玩，所以就入黎試下，同埋因為都算早，所以唔係等左好耐，就好快有得入坐。二人餐有皮蛋凍豆腐，我嗌左個滷水拼盤，口水惹味雞，雲腿菜肉餛飩雞鍋，香茹肉燥飯。好多野食，食到勁飽，每人百頭有找，幾唔錯。先講下我最中意既雲腿菜肉餛飩雞鍋，佢真係好香，d料又足，個湯又好飯，配飯真係一流!!佢個滷水有蛋豆腐，蘿蔔、牛腱同雞翼，樣樣都好入味！個肉燥飯都唔錯！咸淡適中！個口水雞都幾正，d肉好滑好嫩！個豆腐好大舊，皮蛋夠味，唔錯！
繼續閱讀