505
90
38
| 餐廳: | Harlan's |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
港鐵尖沙咀/尖東站 B1/ N5 出口
電話號碼
29722222
開飯介紹
原位於中環國際金融中心的Harlan's於2010年7月6日遷往尖沙咀The ONE，此店佔地7,000平方呎， 120個座位，而且有飽覽維港美景的露天雅座，供應時尚歐陸美食，另設生蠔吧，並有超過200款搜羅自世界各地的佳釀，餐廳入口特設「名釀廊」，以佳釀、畫框配襯燈光做成特別視覺效果。
特色
浪漫情調
適合駕駛人士
獎項殊榮
Fine Dining銀獎
十大扒房
營業時間
今日營業
12:00 - 22:30
星期一至日
12:00 - 22:30
*午餐最後落單時間: 15:00 星期一至四晚餐最後落單時間: 21:30 星期五至日及公眾假期最後落單時間: 22:30
以上資料只供參考, 請與餐廳確認詳情
有關獎賞計劃
優惠
| 餐廳: | Harlan's |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
終於到咗十月生日月，朋友book咗The One 19/F嘅Harlan’s同我慶祝☺️🥖可以refillStarter🧀焦糖無花果，布里芝士，鵝肝醬配四川花椒士多啤梨果醬 無花果酸酸甜乖開胃，配搭芝士和鵝肝醬中和膩感。唔係好食到花椒味但士多啤梨果醬好fresh 。🦞日本A4和牛伴龍蝦油法式麵包多士配蠔葉，魚子醬及海膽A4和牛豐富的油脂和細膩的肉質搭配龍蝦油酥脆法式麵包多士，入口層次分明。蠔葉，魚子醬和海旦更增加了獨特的海洋風味。但相對地就少少膩。Soup🥣菊芋松露濃湯配烤螯蝦，芥末葉呢個湯非常濃，失策嚟唔切影相。烤螯蝦菊芋芥末葉係碗上面，然後server 就淋啲濃湯落碇。Main🍽️ 美國頂級牛柳配香煎山楂鵝肝，茄子醬牛柳唔韌容易切，鵝肝配上山楂汁解膩。茄子醬唔係好食到茄子，最內圍嘅Sauce似乳豬醬，幾好味。🦐 西班牙紅蝦配北非小米，乾魷魚，夏威夷果仁醬‼️ 北非小米含麩質，麩質過敏人士要小心。乾魷魚有少少overcook。Dessert🎂柑橘慕絲蛋糕配陳皮芝士泡沫訂位時有寫慶祝生日，甜品碟上會寫上生日快樂同壽星名。陳皮芝士泡沫真係出色👍🏻柑橘慕絲蛋糕內有少少橘皮，好有口感。DrinksMocktail - Rose 🌹 一飲落去腦海出現「瑞士糖士多啤梨味」 😂有少少海鹽，Rose同士多啤梨值得一讚👍🏻✅侍應非常有禮貌✅環境坐得舒服✅有得Book枱✅靚景，巧與幻彩詠香江✅枱上嘅花係鮮花👍🏻 OpenRice 訂位有折
繼續閱讀
時間： 星期六午餐等候： 0 ，OpenRice 訂座服務：細心 主動 感覺好細緻食物：主菜+半自助沙律吧 +甜品+飲品前菜沙律吧 ，有少量凍海鮮，青口 蝦，煙三文魚，味道可以，普通正常沙律選擇都有十幾樣，試咗薯仔沙律，水牛芝士番茄，燒茄子，蓮藕，樣樣都幾好味，醬汁和香料調得幾好👍🏻👍🏻食完一碟想再拎 的感覺有餐包和湯 ，我就無試主菜：燒比目魚金宝，即叫即整，又預留前菜時間俾客人慢慢食，時間安排細心燒魚一上桌 已經嗅到香味，魚皮香脆，魚肉滑捋捋，魚皮上有炸火腿，更顯得咸香 好野味配菜豆豆 用了煙肉蒜汁，配搭幾好星期六還有加餸環節： 燒牛肉眼見不錯，但我不食牛肉 沒有試甜品： 試幾款蛋糕，抺茶 朱古力 芝士….質素普通，正常味道，選擇不算好多6-7款另外有雪糕 2款 總結： 環境一流 180度海景. 食物味道中上上，服務很好，加上不限時，我當天坐咗1:45 個鐘，仲有好多人聚會傾繼，是一個好地方，推薦👍🏻👍🏻
繼續閱讀
望住無敵海景食飯真係好寫意，每道菜嘅擺盤都好有心思，最可惜係朋友唔算好鍾意甜品，如果唔係嘅話我一定嗌Tiramisu試一試。見到同場都有人慶祝生日，餐廳氣氛確實都好適合慶祝同埋聚會，經典嘅燭光晚餐。‣ 3 Courses Set ＋ 4 Courses Set $788 & $888· 乾式熟成雞胸鵝肝肉卷，大菜醃漬本菇，脆雞皮雞胸嫩滑得嚟又有咬口，而鵝肝入口即化，油香同肉香完美融合。大菜醃漬本菇帶啲酸甜，豐富咗啲口感，加上有脆雞皮點綴，口感同味道都層次分明。· 酸橘汁醃牡丹蝦刺身，指橘蜜糖山葵汁牡丹蝦本身已經夠鮮甜，用酸橘汁醃製之後多咗一份清爽嘅果香，而蜜糖山葵汁更加係畫龍點睛，甜中帶點微辣，襯托蝦嘅鮮味之餘又唔會搶戲。· 日本帝王蟹蛋泡沫配24個月法國康帝芝士脆片及海膽我自己個人最鍾意呢一道前菜，味道相當濃郁，有齊晒我最鍾意嘅元素：蟹肉、海膽同芝士。入口輕盈綿滑，蟹味濃郁得嚟又有溫泉蛋嘅溫潤，而芝士嘅鹹香同脆口搭配蟹肉非常之夾。再加啲海膽點綴，鮮甜味爆棚。· 紫菜蠔忌廉湯配龍蝦油煎帶子湯嘅濃稠度我比滿分，每一啖都飲到濃濃嘅蠔香，仲要滲一啲龍蝦嘅香味。忌廉湯底滑順得嚟唔會太heavy，帶子又煎得外脆內嫩。· 意大利麵捲釀雜錦海鮮及五花肉，松露康帝芝士忌廉汁個人最鍾意呢一道主菜，好彩嗰陣時心思思揀咗呢一個冇食牛扒，相信我，你絕對唔會後悔。咬落去海鮮嘅鮮甜同五花肉嘅油香互相輝映，口感豐富到不得了。而芝士忌廉汁更加係靈魂所在，將麵捲嘅香味提升一個層次，絕對值得一試。· 慢煮乾式熟成鴨胸配鴨油薯仔香辣煙燻車厘子，士多啤梨果醬，油封金甜菜鴨胸平時都食得多，熟成都係第一次食，肉質軟嫩多汁，帶少少熟成嘅獨特風味，果醬就中和咗鴨肉嘅濃郁。我自己都幾鍾意鴨油薯仔，你真係會食得出吸收咗鴨油嘅精華，香味四溢。· 榛子朱古力慕絲配鹽味焦糖開心果忌廉海鹽開心果忌廉嘅果仁味真係相當之濃郁，而我幾鍾意佢一絲絲嘅鹹味，平衡得相當之好。榛子朱古力慕絲入口即溶，濃郁嘅朱古力味同榛子嘅香氣真係好夾，甜度啱啱好唔會太膩，再搭埋開心果個口感就更加豐富。
繼續閱讀
閨蜜定咗佳期，揀緊地方結婚。佢同男友諗住喺尖沙咀The one Harlans呢度擺Wedding party。搵咗我同男友過嚟一齊食嘢俾吓意見。諗住長假期前嘆個晚餐，大家輕鬆chill 下。先黎個紅白酒：輕鬆chill chill。我哋叫咗個三道菜晚餐。四個人可以share。前菜分別有雞胸鵝肝肉卷加本菇脆雞皮、酸骨牡丹蝦刺身、帝王蟹蛋泡沫芝士脆片及海膽、仲有個紫菜蠔忌廉湯配龍蝦油煎帶子。四個前菜各有特色，無論刺身同鵝肝及海膽都用料細緻，非常新鮮。主菜就有意大利麵卷雜錦海鮮、慢煮鴨胸同埋A4和牛西冷。三款之中尤以A4和牛西冷最好味，牛味非常豐富；唔會太熟啱啱好。最精彩就係個甜品榛子朱古力慕絲配鹽味，焦糖開心果忌廉。有特色又美味。我哋放工即刻去，可以日夜景兼得。呢度仲有下午茶自助餐，下次可以一試。
繼續閱讀
見到呢間餐廳tasting menu幾吸引，於是即刻book位試吓，果然冇令人失望🥹一入到餐廳已經見到落地大玻璃同維港夜景，好有氣氛！我哋揀咗total七道菜試吓~-🍽️頭盤🍖乾式熟成雞胸鵝肝肉卷 鵝肝同雞胸肉卷嘅搭配好夾，入口細膩無腥味，配埋醃漬本菇微酸嘅味道，層次分明，開胃又提鮮😋🦐酸橘汁醃牡丹蝦刺身 牡丹蝦肉質爽甜，配上帶微微甜味嘅指橘蜜糖山葵汁，酸甜平衡得啱啱好之餘，帶出蝦嘅鮮甜☺️🦀日本帝王蟹蛋泡沫配24個月法國康帝芝士脆片及海膽蛋泡沫口感好綿密，入口即化，加埋康帝芝士嘅鹹香味，再配上海膽嘅鮮味，每一啖都好鮮好有驚喜🥰🍲紫菜蠔忌廉湯配龍蝦油煎帶子湯底濃郁但唔會過膩，紫菜嘅鮮味同蠔味融合得啱啱好，帶子香煎得外脆內嫩，仲有少少龍蝦油嘅香氣點綴😚🧆主菜🍝意大利麵捲釀雜錦海鮮及五花肉 配松露康帝芝士忌廉汁意大利麵捲嘅口感好煙韌，內餡係滿滿嘅海鮮同五花肉，鮮味十足，配埋松露芝士忌廉汁，濃香度啱啱好，味道層次豐富，一啖接一啖食到停唔到口🥹🪿慢煮乾式熟成鴨胸配鴨油薯仔 鴨胸經過乾式熟成，肉質嫩滑有嚼勁，皮煎得香脆，油脂香氣濃郁，正🐽鴨油薯仔好香，不過口感可以再香脆啲~配埋微辣煙燻車厘子同士多啤梨果醬，酸甜微辣嘅味道中和咗鴨胸嘅油膩感，真係不得不讚🙈🍫甜品榛子朱古力慕絲配鹽味焦糖開心果忌廉朱古力慕絲嘅質感幼滑細膩，另外亦都有啲脆脆增添口感，入口濃郁得嚟唔會太甜🫶🏻開心果忌廉好正，鹽味適度平衡咗甜味，再加埋濃郁開心果嘅香氣，味道層次好豐富，同朱古力慕絲都好夾！食材用料上乘，味道配搭非常有心思，頭盤、主菜同甜品嘅味道都好有層次，每一道菜都好似藝術品咁精緻，真係值得一試！餐廳仲有靚景同室內室外座位揀，服務都好貼心，絕對啱晒打卡同撐枱腳😚
繼續閱讀