影片
港鐵尖沙咀/尖東站 B1 出口, 步行約7分鐘
繼續閱讀
電話號碼
27210228
營業時間
星期一至日
12:00 - 15:00
18:00 - 23:30
以上資料只供參考, 請與餐廳確認詳情
今次試咗一個抵食的午市日式鐵板燒套餐，$200內有找。我揀嗰個餐有和風沙律，魚子蒸蛋，虎蝦，銀雪魚，蜆湯，炒雜菜，炒飯，雪糕，銅鑼燒。全部師傅響你面前燒。和風沙律以和風芝麻醬做dressing,有生菜，蕃茄仔，粟米，少少蒟蒻，仲有迷你甜薯仔魚子蒸蛋蒸蛋好滑，魚子鋪於面，鮮甜虎蝦以牛油黑椒煎香，師傅拆肉上菜，放便食用，肉質爽彈牙，蝦頭多膏銀雪魚魚皮燒得香脆，魚肉好滑，魚油香蜆湯有一粒大蜆，麵豉咸度適中炒雜菜大量芽菜，椰菜，爽口，但味道偏淡炒飯大量櫻花蝦，蔥花，煙肉炒成，香口，飯粒分明雪糕我選了綠茶味，清新不太甜銅鑼燒豆沙不太甜，襯熱食，軟度適中
繼續閱讀
Went here for a first date, food quality was good for the given price, The selling point of this restaurant is the amount of tricks the chef performs while cooking and the chef customer interaction. Creating an entertaining environment.In the end, before the fried rice is served the chef will ask if you want any special message to be presented. Afterwards the chef will write out the message using the ingredients on the hot iron plate(tepan) and you can take a photo of it with you standing in the chef’s place. You can ask for happy birthday or even a drawing of a pikachu.We asked for some chinese words (新年快樂) and the chefs wrote it in reverse (so that the word is properly viewed from our direction) which is pretty impressive. We absolutely loved it.
繼續閱讀
鹿兒島4-5人套餐魚子鵝肝蒸蛋， 我吃不出鵝肝味 ，蒸蛋很滑 ，跟魚子很配合。伊勢龍蝦兩隻 ，看著龍蝦在鐵板上欲動， 很殘酷 ，師傅說這個是神經反射作用 ，不用太傷心 。新鮮龍蝦很彈牙 ，亦很有龍蝦的鮮味！我從來未見過這麼大隻活鮑魚 ，他是澳洲黑邊鮑， 又是在鐵板上移動 ，感覺很新鮮！ 師傅將它切片再炒 ，足夠我們五人的分量 ，可想到這個鮑魚是多麼的大， 醬汁稍濃， 有點遮蓋了鮑魚的鮮味， 鮑魚肉很軟，好吃！目測大致至少有3L這麼大 ，師傅將帶子兩邊煎香便上碟， 所以中間仍是溏心 ，剛剛好！ 牛肉切粒煎香， 五成熟做到外脆內軟 ，充滿肉汁！ 可惜蒜片不是新鮮做起 ，雖然脆但少了一點香味… 龍蝦頭用來煮麵豉湯 ，我覺得麻麻，因為面試者蓋了龍蝦的鮮味。炒野菜很爽脆！櫻花蝦炒飯很香濃！甜品有紅豆煎餅 ，新鮮制的煎餅很好吃 ！紅豆完全不甜，很適合我的口胃！人均一千元便可以嘗到如此的豐富大餐， 我覺得是超值！
繼續閱讀
今日有同事升職萬歲，佢就揀咗去秋田鐵板燒食午餐，印象中一圍可以坐八個位，我哋成班同事啱啱好，所以book咗一個師傅去食鐵板燒。因為老細在場所以冇乜點影相，個set其實好抵食仲要有專人去煮俾你食感覺會好味啲亦都係鐵板燒啲精粹所在！個鐵板燒有海鮮有牛扒，最好味都個鵝肝！
繼續閱讀
聖誕前夕約晒啲girl friends出嚟食好嘢.呢一間都係喺OpenRice見到食評幾好所以就出嚟試吓。老實講呢嗰啲靚妹服務員嘅態度真係一般般，感覺係hea hea地嘅.一坐低就安排左一個沙律比每位食客非常新鮮開胃。另外仲有呢一盤日式前菜賣相非常靚仔。食落亦唔錯。同朋友出得嚟，梗係叫支梅酒傾吓計啦。幾香甜。第一道菜就係呢一個魚子燉蛋。非常之滑溜，蛋味好香。如果唔係有相片限制呢，就會將佢燒果幅相都upload上嚟。燒龍蝦之前呢其實師傅已經叫我地呢預備影相機呢去影低佢火燒嘅一刻。其實都幾壯觀的場面。師傅都幾勁，而且龍蝦都未食之前都係爬來爬去嘅。所以你可以知道佢係幾彈牙新鮮。之後呢一個呢就係燒鮑魚啦。鮑魚經過牛油嘅燒法，帶起佢嘅無限鮮味！肉質好靚非常之彈牙。燒嘅時候直頭見到隻鮑魚係郁嚟郁去，非常之咁新鮮。不過略嫌有啲咸。燒鵝肝入口即溶，同帶子同麵包好夾。呢個和牛都係非常之新鮮，不過列略嫌佢落得太多蒜蓉乾，仲蓋過咗牛肉本身嘅香味。另外一個燒新鮮牛呢就比較我覺得好食啲啦。肉質好鮮嫩啦，裏面夾左一啲香蔥啦。同埋好juicy啦.味道剛剛好.炒雜菜我當然非常喜歡啦。但相片限制嘅關係就冇upload上嚟啦。最後嚟到炒飯嘅時候。炒飯之前師傅問我地想要整一個乜嘢嘅公仔。我嗰位識講日文嘅朋友就話你間野叫秋田，你梗係要整個秋田特產怪獸俾我啦。師傅當堂嚇了一跳，什麼是秋田怪物呢？上網搵左一輪，就整咗呢兩隻秋田怪獸出嚟都收貨呀幾靚呀。整件事係非常之開心嘅，食物水準都好高！整體來講略嫌啲食物嘅條配係咸左少少。可能係已經用了好多牛油去炒同燒，再加埋鹽同埋好多條配嘅蒜蓉，某啲餸菜會鹹左少少，因為嗰啲材料已經咁新鮮，本身已經有好好嘅鮮味。個人覺得太多調味料，反而蓋過左本身嘅鮮味。咁嘅食物水準，同埋師傅咁好嘅服務，價錢當然唔會係平呀。但係間唔中豪一豪，覺得做嘢咁辛苦都值得嘅。
繼續閱讀