影片
港鐵九龍站 C1/ D1 出口, 港鐵柯士甸站 B5/ D1 出口
繼續閱讀
電話號碼
29722666
開飯介紹
坐落於101樓的日式餐廳，能享受居高臨下的維港美景。推介懷石料理及爐端燒。
繼續閱讀
營業時間
今日營業
12:00 - 14:30
18:00 - 22:30
星期一至日
12:00 - 14:30
18:00 - 22:30
以上資料只供參考, 請與餐廳確認詳情
相關文章
long weekend 食個chill lunch ~呢度食飯亦包埋免費泊車6小時，可以慢慢食慢慢嘆。☀️☀️☀️ 之前多數101或者Ritz Calton 食飯都係夜晚睇夜景多，今次天氣好過嚟食午餐又係另一種心情～ 😎先講吓環境，佢分開開咗好多個zone, 有omakase bar枱，普通窗邊table環境舒適全部都坐得好闊落，同埋包廂teppanyaki, 我哋揀咗包廂，私隱度非常高，加上180度居高臨下嘅海景絕對加分。🌟🌟🌟呢間餐廳午餐套餐選擇非常多，有懷石料理、和牛套餐、海鮮鐵板燒套餐、壽司omakase、天婦羅套餐等等。 每個人可以選擇自己喜歡嘅（唔需要2位起），咁我哋今次就揀咗個和牛鐵板燒同埋懷石料理鐵板燒。份量非常多，懷石料理前菜儀式感滿滿，刺身新鮮鮮甜，柚子醋沙律開胃解膩，鐵板燒師傅亦都會根據你嘅進度去安排煮下一道菜，確保熱辣辣送上，亦唔需要擔心擺到成枱都係。👍🏼❤️❤️❤️海鮮部份有南非鮑魚，好欣賞師傅用心擺盤，鮑魚煎得啱啱好，保持肉質幼嫩；燒大蜆啖啖肉非常多汁。另外仲有海鮮天婦羅，不過已經食唔落，留肚食後面嘅主菜和牛。另外亦有鐵板燒好常見嘅鵝肝，油脂非常豐富，加上意大利黑醋中和油分啱啱好。最後就有和牛薄燒，係我嘅最愛🤩🤩🤩，加上大量蔥花呢個配搭無敵；同埋厚切澳洲和牛肉眼扒，加咗少少鹽調味，牛味濃郁油份相對冇日本和牛咁重。特別一提有一壼日式清湯，加上少少青檸汁，淡淡清香好好飲，不過個壺設計問題，斟一次倒瀉一次🤪
繼續閱讀
Lunch Course 海鮮鐵板燒餐 💰780 + 10% 有一段時間無黎，明顯比之前少人好多，當日lunch 打去仲有位。之前食物都ok,但今次好一般，性價比低，價錢比之前貴咗，食材好普通，主要價錢去咗個view 度。。。1. 茶碗蒸+沙律🥚🥗蒸蛋係我至愛，好滑上面有三文魚籽提升鮮味，沙律菜就一般無特別2.刺身3款好普通，唔算特別新鮮。。。3. 大蝦🦐Ok 但唔算大隻， 配羅勒醬唔錯4. 魚🐠🐟肉質ok, 唔鞋，但上面既配料唔太襯，不過都係好普通既質素😑5.鮑魚😋呢個好食， 味道岩岩好，好軟身，上面配三文魚籽搭配👍🏻6.炒飯最出色係個炒飯， 裡面加咗d魚仔炒好香好好味，成個炒飯鮮香味提升🤩🤩7.炒雜菜ok, 正常8. 甜品🍮賣相好肉酸，完全睇唔出係乜。但食咗一啖，就覺得好好食，似熱情果既味道，酸酸地甜甜地，質地似creamy 既布甸
繼續閱讀
位於ICC 101樓的田舍家，環境優雅、地方整潔、景色怡人、店員友善有禮，給人置身日本的感覺。由於早一星期已訂位，所以不用等候。進入店舖後，已經看到食物全部放在枱面，可以見到那款新鮮就點那款，但美中不足是食物沒有標明價錢，要每樣查詢，所以只問了些較貴的食物。點了喜知次、鮑魚、燒和牛粒、長腳蟹蟹腳等。食物燒得剛剛好，唔會過熟或未熟。總結此店可以一試，因為食物真的新鮮好味，但價錢較貴，兩個人食已經要8千幾了！真的要有預算才可！喜知次燒得剛剛好，好嫩滑鮑魚好新鮮長腳蟹蟹腳價錢貴但份量少
繼續閱讀
一踏進這間位於 ICC 的日本高級餐廳，已被其精緻的裝修所吸引室內採用了傳統日式建築元素與現代設計相融合，營造出一個典雅的用餐環境柔和的燈光、舒適的座位以及細緻的擺設，讓人不禁沉浸在這個充滿異國風情的環境中這裡的食物也不負眾望，每一道菜都呈現出極致的美味。首先，燒帶子絕對是一道值得一試的佳肴。帶子鮮嫩多汁，烤得恰到好處，表面微微焦香，而內裡仍保持著濃郁的海味。至於刺身拼盤，每一種刺身都切得極為細薄，口感極佳。特別是油甘魚，肉質豐腴。赤貝的口感也非常獨特，帶有一絲清甜。茶壺湯也是一道不容錯過的美饌，味道濃郁卻不膩口，給人一種舒心的感覺。接下來是和牛薄燒，使用了上等的和牛，質地鮮嫩、口感豐富。肉片經過輕煎至微微熟，呈現出與眾不同的風味。
繼續閱讀
位於ICC 101/F嘅田舍家絕對係慶祝嘅好地點,是日天氣不錯,可以飽覽維港景色🌃今年BFF生日就揀左去呢度喇☺️由於我地食量唔大,所以就直接散叫☺️首先黎一個前菜 - 枝豆🌿刺身(金槍魚腹,深海池魚,赤貝)🌿法國鵝肝一上枱,就已經香味十足,煎香嘅鵝肝配上脆多士,十分香口🌿鐵板帆立貝🌿鐵板鮑魚🌿天婦羅(活蝦,南瓜,甜蕃著)食落完全無油膩感,南瓜及蕃薯都非常香甜🌿鐵板橡果豬最後,多謝餐廳幫忙準備嘅生日甜品😊
繼續閱讀
您可能會有興趣的...