影片
港鐵旺角站 E2 出口, 步行約6分鐘
繼續閱讀
電話號碼
3586 9520
營業時間
星期一至日
18:00 - 03:00
以上資料只供參考, 請與餐廳確認詳情
相關文章
每月一度朋友仔飯局短聚又到喇，今次我揀左寶寶雞煲，記得新假期大讚，就黎試一試啦 ﹗係 openrice 網上訂左八點半，但我準時到步都要係門口等，依家九點都未有位比，搞錯呀 ﹗最討厭無緣無故被罰企，火都黎又等到頸渴，叫支啤酒降降火先得啦。朋友們都唔多好啤酒，都忍無可忍要呷返兩口，飲勝 ﹗罰企無野做，唯一娛來係背 menu。值得一讚款色真係非常多，包羅萬有、多姿多采 ﹗仲有好多特別又另類食材添，值得一試 ﹗不過價位都比較偏高，市區雞煲店黎講都差不多，最緊要好食。等位其間突然關安廸來電稱要放飛機，唔得閒黎，無所謂。原本五福星變左四天王，剩返盧珍妮、姫絲、李輸同我，唔能夠叫得太多食物喇，唔想浪費食唔晒。古法麻辣雞煲一隻，寶寶供應兩款麻辣雞，一款係古法、一款係招牌，先試古法啦 ﹗朋友們唔食得辣，唯有叫微辣啦，無緊要。試試味先，不幸地微辣只係麻辣湯溝水，一飲便知道，滾水味濃水汪汪，淡而無味，稀到不得了。最初本打算叫兩個煲，一個辣一個唔辣，最後發現張枱實在太細，無法容納到兩個爐，無奈。雞件係生料送到，要等慢慢煮喇，起碼等上十幾廿十分鐘。瞓醒開飯，雞味淡荗荗，質地微嫩滑，無作任何調味，可憐個湯底都好淡呢。可能有雞煲醬料已調好小辣或以上，有客 order 低辣度就加水溝淡了事，點可以那樣馬虎呢。響鈴，我以前食一舊就會即刻喉嚨痛架喇，因為太油膩。難得今次唔會喎，寶寶響鈴炸得乾爽，不油不膩。先試拖一拖湯即入口，似乎有點通風，未夠鬆脆。再黎浸湯試試，待響鈴軟化，吸盡湯汁，好食好多。無奈地湯底本身水汪汪，淡而無味呢，唯有出絕招，指天椒豉油救駕。手打蝦丸，menu 上寫住必食推介喎，不妨一試。又真係非常爽口彈牙噃，真材實料，不過我略厭調味太重，蓋過鮮味呢。魚肚，帶有微弱腥味，還有輕輕油益味，如果湯底夠濃一定能蓋過的。幸好烚熟後沾上指天椒豉油味道都唔錯，爽爽的質感。只不過係普通炸魚鰾呢，仲諗住有做雞紮那種白滑魚肚食添。百花釀油條，都幾有趣 ﹗繼尖沙咀高流灣百花釀魚鰾後，又一巨獻，墨魚膠釀油炸鬼。香口油條索盡湯汁變得嚥嚥韌韌，墨魚膠都夠滑彈，質感併在一起都幾得意，一試無妨。牛骨髓，我都幾喜歡牛骨髓既口感，膠膠黏黏的，雖然好難可以炆得入味，但原味恰似奶類食品，濃厚帶香已經不錯。魚腐，重口味，調味偏咸啊，雖則預左係外購貨，唔會係自家製啦，諗住佢吸湯力強先 order 架乍。手切牛頸脊，賣相吸引，顏色富光澤。夾住拖一拖，粉紅色最嫩口，即刻食啦 ﹗質感嫩滑，不乏肉汁，牛味淡了一點，切得太薄影響味道，切厚一點會更好。日本清水蠔，第一次聽亦係第一次食，清水蠔？淡水？無咩特別，味道及質地都似本地蠔囉。微弱蠔味，清淡非常，蠔身夠飽滿 juicy 富彈性，合格既。窩筍，眾所周知雖然叫做筍，但只不過係油麥菜既莖啫，仲可以當沙律菜生食添。輕灼保持爽脆就似筍，烚到軟腍就似瓜。味道清甜多汁，我都好鍾意食。蝴蝶腩，豬味濃郁而微羶，瘦猛猛但鬆化，不算乾硬，質感好似靚牛腩喎， 又有趙口，合格。野生竹笙，我都唔知點分野生唔野生，顏色？質感？索湯力特強，本身無味道，全靠湯底，但湯底唔多惦呢。古法麻辣雞煲微辣，食到尾聲了，大家都好飽晒嚕 ﹗朋友們沒有什麼意見，但我就非常失望喇，市面那麼多雞煲食肆，應該唔會再有下次，後會無期。
繼續閱讀
上星期去到旺角，由於天氣開始轉涼，所以想食下雞煲，打下邊爐，所以就去旺角黑布街嘅"寶寶雞煲"晚膳。一黎就係雞煲，D雞肉勁硬，又辣可能想掩蓋D雪味，之後上左好多鍋料，都一般般，牛肉就太差，無肉味，次等貨，差，一定不回頭😤
繼續閱讀
終極中伏了!!!!!唔記得係邊個話要食呢間了~~~一世人只會食一次的.真係太差.用呢個價錢食.其實寶寶雞煲日頭係會做埋茶餐廳野食架.入到去鋪內，環境就係舊式茶餐廳咁囉，細同窄,仲要唔太乾淨囉.好啦要講下個雞煲啦,唔夠濃(d汁好希)，D 雞係冇味同鞋口，湯入面都幾多味精。要左個少辣。等左大概20分鐘左右，雞煲嚟到了。香氣就有，但望落去冇乜色水，汁有點多得滯，唔似平時食開既惹味雞煲,煮滾了先吃雞件，果然唔夠調味，辣味是有，但又唔甜又唔夠鹽。我真係唔like咁希,佢呢間係用湯稷食既~但係其他係用汁煮的.食物又普通又冇咩特別, 但價錢唔平.服務方面，D waiter 態度唔太好本人鍾意濃味少少既~如果食雞煲的話.呢間野最有特色應該就只係得個超大杯檸檬茶, $28元.(其實一品都係啦~不過就真係唔係間間都有既).我想再諗下呢間到有冇其他值得我寫既地方~~`但對唔住~~~真係冇咩比我再用時候寫落去囉.應該冇下次.............差得緊要...............總括嚟講，喺呢間有點大排檔feel既火鍋店吃淡味雞煲，價錢絕對唔經濟..........這間，去一次便夠，唔試唔知佢唔得嘛!!!
繼續閱讀
琴晚一行人聚會, 約10人, 哥度地方好細, 只夠擺幾張枱, 好在有訂位.叫了鴛鴦鍋, 好大個.食物很普通, 但價錢唔平.牛肉唔光滑.最有特色應該就係個超大杯檸檬茶, $28元應該冇下次
繼續閱讀
半夜飲完酒想搵 D 野食，去左呢間寶寶雞煲。當時都十二點幾仲有好多客。由於同行有人唔食得辣，我地就叫左個唔辣雞煲，手切肥牛同幾款菜。個雞煲唔夠濃，D 雞係冇味同鞋口，湯入面都幾多味精。手切肥牛就幾好食，都夠花同唔太薄。另外叫左個冰豆腐，放左落煲吸收晒所有湯，如果個湯濃 D 舊豆腐就會超正。環境就一般啦，好似好舊咁，不過食雞煲都唔會要求靚環境。坐得都算舒服。服務方面，D waiter 態度唔太好，埋單個陣，我地明明飲左好多支都係三十幾蚊既 Asahi ，但佢就唔知有心定無意入左我地全部都係飲五十幾蚊既 1664。好在醒目睇下張單。
繼續閱讀