影片
以上資料只供參考, 請與餐廳確認詳情
小時候曾是九龍城的常客，但舊機場搬走後，已極少踏足此地無意中路過，步入了泰興旺，隨即有阿姨親切招呼午餐價錢超值，大大碟麵/飯 $40 有找，難怪成學生聖地，早點到才有位點了青咖哩魚飯($35)，咖哩略甜，但辣度適中易入口，送飯一流，食量小的我也吃了整整一碟飯，還差點想加飯呢阿媽點了「媽媽海鮮辣炒麵」(確實名字忘記了...)，幼身麵條不油不乾，味道不太鹹兼用料豐富，分享了一半唔夠喉，下次我要「獨霸」一大碟!下次再訪九龍城，一定再光顧
繼續閱讀
放工後好想去九龍城食泰國野，今次同上次一樣，兜來兜去搵唔到位泊，唔同嘅係今次唔走，點都搵間泰國餐廳食！所以就去到呢間泰興旺門口，見佢無乜人，門口double park。一入去，店員先遞上一大籃炸蝦片，之後極力推薦炸豬手，結果叫了炸豬手及泰式炒飯，還有柚子沙律。以九龍城泰國餐廳的標準來說，以上食物基本上全部都唔合格！首先，全部都係冇味！唔香！柚子沙律是全乾的，一滴汁都冇，真係第一次食！當然亦係冇味！個炒飯都可以冇味先至夠奇怪！到最後佢推薦的炸豬手，豬皮很脆，有一點香，但內裡的肉也是冇味的！兩個人食，約$180唔算貴，但在九龍城，真係有大把更好的選擇！
繼續閱讀
1）牛油雞翼只有脆粉，完全沒有任何調味2）冬陰公不辣不酸，M size亦只夠四人份量3）豬頸肉比較好，醬汁比較咸4）拼盤M size每樣二件，當中魚餅味道很淡，蝦餅不彈牙，春卷不脆加單需時額外45分鐘，三催四請仍然未到。整體令人憤怒，一樓七張枱得一人招呼，永不再幫襯！
繼續閱讀
同朋友一行四人去九龍城食泰菜，有人話呢間唔錯咪去試吓首先叫左個生蝦個綠色既汁好好味，比平時其菜館多左種辣味一打串燒雞同豬個人覺得燒得乾左少少，個沙嗲醬唔夠香炸蝦餅呢個可算係全場最失敗，因為一啲都唔彈牙菠蘿炒飯個飯炒得靚，最鍾意佢有咁多腰果，但一齊炒會更好囉炒椰菜芯呢個味道普通泰式湯烏頭條魚好鮮味，可惜個湯酸左啲，蓋左啲魚既鮮味總括嚟講食物水準中等，但一場嚟到九龍城，可以食間好啲
繼續閱讀
泰興旺係九龍城一間開左唔夠半年o既泰國菜館,佢地唔駛收加一,平日夜晚都幾多人幫襯,店員之間係會用泰文溝通早前o係網站見到呢間泰國菜館有團購優惠,用$40 o既價錢買一張 coupon o係晚市時段當$80 用,若果星期一至四惠顧,每人可免費獲贈一杯珍多冰或青檸梳打coupon 可以散叫餐廳內o既食品飲品,不過餐牌編號 10,40, 90,91,92,94,95,96,100, 102, 104, 107, 108 o既菜式唔適用,好多網站會員都關心呢o的係乜野菜式但係好多日都得唔到答案,本人索性買 coupon 前打去商戶問清楚係乜野菜式,原來就係 "海鮮"我地當晚大約 7:30pm 入到菜館就見每張枱上都有一兜炸蝦片,原來要收$10一份,就好似中式酒樓要收客人花生酸菜o既小食錢店員話唔食o的炸蝦片就唔駛收錢,不過我地都食左o的,最後朋友拎大半兜炸蝦片返屋企原來呢o的炸蝦片仲放o係門口賣,$10一袋,我地見到有街外客人拎兩袋炸蝦片入菜館俾錢商戶可能想多o的團購客人o係平日晚上享用優惠,所以o係星期一至四使用團購優惠o既客人係可以獲得一杯珍多冰或青檸梳打我地兩個都要左珍多冰我地點菜時見到燒魷魚賣相幾吸引,不過店員提醒我地呢款係海鮮食品,唔可以用 coupon 俾錢,我地只好選過另一款菜式等左大約十分鐘後,第一款菜式泰式柚子沙律 (原價$45) 黎左沙律有好多肉鬆,仲有柚子肉,味道清新之後黎左泰式肉碎奄列 (原價$48)我地最初以為店員送錯菜式俾我地,因為送黎o既奄列與餐牌個樣有幾大出入店員話餐牌係方便食客睇到o的奄列餡料,所以奄列中間係會開左個窿俾大家睇到o的肉碎,相片係與實物有出入雞蛋包住肉碎,又有蕃茄,用料豐富酸酸甜甜,非常開胃火車頭炒飯 (原價$42)呢碟飯有豬頸肉,個賣相幾好由於泰國之前有水災,有一款用木耳做材料o既甜品冇得叫最後,我地叫左兩款泰式糕點,兩款都係每件$5,三件就係總共$15椰汁西米糕有香蘭葉o既香味我地今餐食得好飽,叫左咁多樣野剛好$160,唔駛補錢由於商戶唔俾用 coupon 食海鮮,若果用兩張 coupon 係比較適合三個人黎食我地落單前仲驚大家唔夠飽,所以叫一碟飯,真係眼大肚窄食完泰國菜後,我地仲要去區內o既甜品舖嚐樂
繼續閱讀