影片
營業時間
星期一至日
12:00 - 00:00
以上資料只供參考, 請與餐廳確認詳情
招牌菜
We went there for tea time on a weekend afternoon and saw the menu of the restaurant, a but pricy but still give a try to the nicely built resto.The enviroment and decoration is quite good; however, we order 2 tea set which of $78-98 + tax and was quite disappointed.We order squid plate in tomato sauce and a beef mushroom pasta ; however, as a western restaurant, no bread /salad was served and the squid plate is so lonely without any vegetables to serve with. I would say it's an entree rather than a tea set main dish.The taste of the squid is really average as it's very basic tomatoes sauce on top on it, but this so-call-tea set menu in fact comes wth a drink only with no bread, no soup/ no salad.The beef mushroom pasta taste fresh and ok but the the slice of beef it countable. Althought it's tea set, but the portion is so little and we pay for nearly $200.our 2nd dishes didn't come after long waiting and waitress only notice it when we ask for more water... We were quite diasppointed on the portion size and quality of the dish and it's definitely over-priced.Overall comment is either too little portion or the dishes are over-priced, afterall, it's a good atmosphere resto to try for sure for don't have high expectation.
繼續閱讀
前一天才在Savour Cafe本店吃過一頓不太滿意的午餐，翌日辦事後因為太餓，又與老公幫襯了它在鳳攸街的新店。新店的用餐位呈長型，在主餐區以外還有一獨立房間，可供舉行派對；整間店內掛滿歐陸風味的油畫，而餐椅也舖上紫色絲絨外層，與本店一樣都是以華麗環境作招徠。當日所見，場內相當爆滿，以致BB車也入不到，要麻煩嫲嫲先帶寶寶回家；對爸爸媽媽來說，突然賺到二人世界浪漫午餐，也算是意外之喜。 是日與老公就坐紫色卡位上，打開在閃爍水晶燈光照耀下頗為難睇的menu，各自點出自己的心水選擇。新店的兩道菜午餐比本店要貴些，價位由$68-$98，不過就多了加$28換甜品的選項，最吸引的莫過於此! 落單後不久，侍者首先送上麵包籃，內容是兩片新鮮烘起的蒜茸包，吃來既香又脆，比起本店好吃有水準。頭盤有四個選項，我揀了西蘭花忌廉湯。綠色的湯上畫上忌廉紋，再拌以車厘茄作裝飾，未知是否店方刻意營造聖誕氣氛，總之效果是幾討好，而且更重要是此湯清新得來也香滑creamy，口味不俗。很少有午餐頭盤可選翡翠螺，成功引起老公興趣，就點了一份；當日兩隻中型偏大的翡翠螺以冰鎮形式上檯，我沒有試，據老公講味道正常。 來到主菜環節，二人要了魚同牛各一，店方安排同時上檯。 當日我點了香煎三文魚扒伴刁草忌廉汁($78)，當中刁草忌廉汁的調味不俗，很能惹人食慾，可惜是三文魚雖有微脆外層，中芯部位卻煮得太熟了，沒有Boston 1的溏心鮮美效果。而菜式的配菜為少見的蕃薯批，以及三色椒，整體口味不過也不失。 老公則要了炭燒肉眼扒拌香草燒汁($98)，成品頗大，而且當日的牛扒比本品的有肉味，亦沒不太乾，但離好吃出色還有一段距離。 之後來到加$28追加的甜品環節，除了價值$78的心太軟（在此區來講還真貴!!），食客可於餐單中任選，聽上去頗抵，當日也加了兩個。首先是原價$58的黑白戀人，那其實是半雪糕狀的慕絲蛋糕，黑色是朱古力味，白色則是偏甜的乳酪味，一濃一淡的口味富有對比感，成品質感軟滑得來也算吸引，不過就是份量很小，個人認為未值$58。 另一款甜品是朱古力榛子蛋糕，成品其貌不揚，吃上去更是在黏乎乎的，底層更是濕答答，同時一點榛子香或朱古力香濃度也無，可以說是相當難吃。不要說原價$58，這樣的出品收$28也十分不值，不推介! 餐後老公點了熱咖啡，水準十分普通，不飲也罷。 我則要了凍檸茶少冰，水準也是爾爾，而這樣一頓午餐就花了$250多，老實講不太抵食，果然又是一間吃環境的餐廳。之不過，由於新店靠近新居，將來相信還會再訪，在此希望餐廳能提昇食物質素，可改寫今次的評價!
繼續閱讀
今晚想食西餐，原本打算去NY CAFE, 但FULL左, 係附近搜索時俾Savour黑色門面吸引入去了。店子佈置華麗乾淨，座位闊落，非常有candle dinner feel。侍應明顯有訓練，很得體地介紹是日海鮮生蠔。我們order左白松露忌廉湯，菌味濃！ 見有牛肚湯咁特別就試下，味道非常出，美味又驚喜仲有4色芝士薄餅，芝味濃郁，餅底薄！都好好味！Main course係澳洲M8西冷，美國黑牛肉眼，蘇格蘭穀飼牛柳。五成熟！待應表示要由牛味淡至濃地食。肉眼嫩滑多汁，牛柳只是一般，西冷牛味濃郁！合好牛的我們。有樣要讚的是每道菜食完先會上下一道，並會換碟和餐具，侍應回應是想顧客細嘗每道菜！甜品點了焦糖燉蛋，賣相吸引！味道ok, 蛋很滑沒有散。還有豆腐芝士蛋糕，糕身偏實，不是我杯茶！此店不知是否試業中，待應會主動問我們對食品的意見，並會向師傅反映！埋單共$790今晚人流不算多！不知人多的時候能否保持質素
繼續閱讀
Savour Café係元朗都已經有幾年歷史，食物質素亦都有一定水準，上星期得知Savour係元朗雞地開分店，所以今晚專程黎試吓。舖頭位於鳳琴街與鳳香街交界嘅7-11隔離，附近有唔少食肆，都好易搵。門面唔算大，只得十多呎闊，呈長方形，大門係正中間，枱櫈分兩邊擺，左邊係三張四座位卡位，右邊係一排長櫈，背靠牆身而擺，相信係方便多人一起用餐，水吧就位於這排長櫈後方，再後面，就係Savour嘅心臟地方---廚房，一直行到尾，就係兩格洗手間，係洗手間隔離，仲有一隻門，打開隻門，原來係一間可以容納八至十人嘅VIP房。裝修格調跟舊店一樣，全室呈咖啡色，一邊牆身貼咖啡色暗花牆紙，另一邊牆身則用啡色木板包裹，係長櫈嘅上面，掛著一幅好長嘅大油畫，畫中嘅人物，衣香鬢影，載歌載舞，正在開party，係左邊嘅角落，就有三個人坐係一張方枱旁品酒，竊竊私語，很配合整間餐廳嘅格調；係其他嘅牆身，都掛滿唔同大小嘅油畫；而係卡位嗰邊，則吊著三盞水晶吊燈，別有一番滋味；門口兩邊嘅窗框，就掛著一襲啡色嘅窗紗，延續浪漫嘅情調。水吧亦一如舊店，高腳酒杯掛滿係水吧頂，後面則擺咗唔少嘅紅酒樽，數量雖然唔及舊店多，但亦貫徹舊店嘅風格；係水吧同廚房嘅間格牆身，亦故意開了一個一呎高嘅玻璃窗，讓客人可望穿廚房嘅工作情況，增加客人嘅信心之餘，亦增添一份情趣。枱面嘅擺設，亦一絲不苟，與舊店一樣，有蠟燭座、鮮花、鹽、黑椒、橄欖油同醋，刀义都非常閃亮、新簇，感覺良好。打開餐牌，發覺價錢好似比舊店貴，而且食物嘅種類都唔完全一樣，仲有一個tasting menu，連甜品，唔包酒，六道菜，每位$588，不過服務員話最好預訂，因為恐怕沒有合適食材，佢好有誠意咁話幫我問吓大廚可否幫我準備，不過我今晚反而想散叫，所以婉拒咗佢嘅好意。今晚有兩款蠔，係Gillardeau和Ecaille，兩款都係法國蠔，$288半打，我就要咗半打，每款三隻；跟著就叫咗我嘅至愛---龍蝦湯，正當我諗緊要什麼主菜時，嗰服務員就同我講，佢哋d意粉同pizza都係大廚親手自製，與舊店唔同，頗吸引，即時係pasta嗰版搜索，但係睇來睇去，都好似提唔起我嘅食慾，最後決定要一個蟹肉意大利飯，再加一個四式芝士簿餅，就算食唔到意粉，都想試吓佢嘅pizza，哈哈。生蠔未到，當然先揣上麵飽，據服務員講，麵飽都係大廚自家製作，有兩款，一款係意大利簿脆，另一款係提子鬆餅，兩款都暖烘烘，吸引，服務員放下麵飽後，更主動幫我倒橄欖油同醋，非常細心；意大利簿脆，呈長條形，非常簿身，非常脆，不過味道偏淡，仲有少少油份，而且簿到唔駛咬，一放入口，已經散開，冇嚼頭，有d似食空氣咁，唔太喜歡；至於提子鬆餅，呈四方形，約一寸厚，表面脆脆哋，中間頗鬆化，味道帶甜，幾好。食完麵飽，飲一啖清水，開始品嚐今日嘅生蠔，先食Gillardeau，唔知點解，已經入秋，但三隻Gillardeau都唔太肥美，海水味依然，但覺得唔夠鮮，肉質亦唔夠爽口；至於Ecaille，比較少食，眼見亦不太肥美，但比Gillardeau鮮甜、爽脆，海水味與Gillardeau差不多，但餘韻悠長，比Gillardeau好食。品嚐生蠔過後，就係我嘅至愛---龍蝦湯，服務員先放下一隻大圓碟係我面前，中間有一塊龍蝦肉，碟邊則有一小塊車厘茄、菜苗及香草伴碟，跟著服務員就將龍蝦湯由一個茶壺倒入這隻大圓碟，龍蝦湯嘅香味就徐徐地散發出來，唔錯，估唔到係元朗嘅餐廳仔，都有這種享受，$78一客龍蝦湯，絕對不便宜，但有這種服務水平及心思，值得。先嚐一口龍蝦湯，味濃，香滑，絕對唔係開湯粉或罐頭，相信都係真材實料熬製而成，只可惜奶味比較重，反而酒味唔足夠，若果可以係忌廉及酒嘅份量再調教一吓，相信會更好味，而且湯嘅質地亦略為偏杰，調稀些少會更好。再來嘅係蟹肉意大利飯，賣相一般，全碟食物嘅顏色都青青綠綠，意大利飯係底，上面鋪咗一層蟹肉，份量都唔少，係蟹肉上面就插著一撮蕃茜，只係碟邊鋪上車厘茄、菜苗及香草等伴碟，唔夠色彩；先把蕃茜拿走，搯一口蟹肉，咦，原來係新鮮蟹肉拆絲，鮮味無比，絲絲入扣，有驚喜，再搯一口意大利飯，漿度適中，不會太乾身，毫無稔口，亦不會太爛，一撻撻，蟹肉與意大利飯嘅味道非常配合，再加幾片露荀混和其中，唔錯，食多兩口都唔覺膩，係水準之作。跟著係四式芝士簿餅，賣相比意大利飯好，至少都有點紅色，哈哈；唔係好大個，直徑約8-10吋，開六件，係正統嘅意大利簿餅，餅底簿，只係用蕃茄和芝士，沒有其他餡料，非常正宗；芝士係用Mozzarella, Emmental, Gorgonzola, Parmesan四款，其實我對芝士冇什認識，不過當嗰pizza擺上枱後，就聞到一陣濃郁嘅芝士味，非常吸引。一手拿起一件，見到餅與餅之間嘅千絲萬縷，證明大廚絕無欺場，芝士份量十足，難怪芝士味撲鼻，一咬入口，濃郁嘅芝士味充斥整個口腔，加上酸酸哋嘅茄醬味，十分醒神，餅底雖簿且脆，但並非好似餅乾咁脆、咁乾身，幾好，整體上，係一件有水準嘅pizza，雖然食唔哂，都叫服務員幫我打包，留番宵夜食。最後，仲叫咗個法式焦糖燉蛋，呢個甜品嘅賣相，就非常有驚喜，一隻大匙羹，直徑都有3吋大，盛著黃色嘅燉蛋，上面擺放咗兩片士多啤梨，上枱前，服務員倒了少許rum酒，再用火機將佢點著，連火焰一起上枱，非常有特色，賣相一流，一撮藍色嘅火焰係黃色嘅燉蛋上面，中間仲有一片紅，非常吸引，視覺效果絕對不比火焰雪山遜色。可惜，當我一羹搯下去，發覺完全唔對辦，d蛋心好似溶咗嘅雪糕，根本搯唔起來，好難處理，嗰層焦糖，仲有少少燶味，可能rum酒太多所導致，係今晚最失敗之作。整體上，食物嘅質素唔錯，比舊店更好，價錢亦比舊店略高，哈哈，不過係賣相方面，應該可以改良一吓，但係全晚賣相最特出嘅甜品，質素就……；至於裝修、擺設，餐具等，都係經過悉心嘅安排同選擇，有大餐廳嘅風範，非常好；仲有，佢哋嘅服務亦非常好，好細心介紹每一道菜，亦非常樂意解答各樣問題，而且笑容滿瞼，若果將來都可以維持這樣服務水平，就更值得讚賞。埋單$781，好似貴咗d，不過今晚食咗半打蠔，仲有半個pizza攞走，否則應該約$400-$500一位左右。
繼續閱讀