影片
港鐵九龍塘站 C2 出口, 步行約12分鐘
繼續閱讀
營業時間
星期一至日
12:00 - 22:30
以上資料只供參考, 請與餐廳確認詳情
招牌菜
🥰有幸被一位城市大學教授朋友招待，呢間係新裝修好既餐廳，同時話說要係教授級同時先可以在此用膳，榮幸吃一餐性價比很高的午餐，也見識了在大學當中，寧靜吃飯的過程，在人多擠迫的城市，確實非常與別不同。以下全包一份套餐盛惠 $168烤焗丹麥豬鞍配香橙燒汁伴烤薯及雜菜呢個名好長，好難諗到用配、伴、及，得啊！最近去不同西餐廳食豬鞍都係來自加拿大，今次食嘅係丹麥豬鞍，侍應一放低個碟真係喜出望外。有兩大塊豬鞍擺你面前，我哋三個冇肉不歡嘅人，大家都係叫同一個餐，即係同一時間有6塊豬安喺我的眼前，何其震撼！講返塊豬鞍，肉質算係軟淋，有少少黑毛豬嘅香，同埋師傅烤焗嘅方式相信拿捏時間做得唔錯，因為豬肉最怕過火，就會無晒肉汁，所以呢塊豬鞍係中上水準。同時配上香橙燒汁，有兩塊細細的橙皮我都食埋，就唔會有好肥膩嘅感覺，塊橙皮都唔係苦㗎。跟住陪咗佢焗薯仔同埋不同嘅雜菜有蘆筍又翠玉瓜又矮瓜又青椒都係幾豐富嘅配搭所以呢個主菜性價比真係高。日式蕃茄粟米沙律配芝麻醬以為係簡簡單單一個沙律啦！雜菜係需要新鮮嘅先會食到個清甜，咁呢個沙律係做得到嘅配上我喜歡嘅紫洋蔥抗氧化極高，同埋紫洋蔥有時會過辣，但係我相信佢處理得好好所以冇個辣味。特別要讚一讚佢嘅芝麻醬，唔係一大Pat厚身芝麻醬呢冇乜負擔感，佢嘅芝麻醬相信用醋開稀左再放落沙律度，所以醬唔多但係你食出每一條菜甚至一粒粟米都係有好清香嘅芝麻味，但係唔會過甜同過肥膩，呢個係我最欣賞呢個沙律嘅做法，為着好多追求食物健康又想有口感同層次嘅人，廚師係有細心諗過，所以非常抵讚！餐包與牛油平平無奇嘅餐包與牛油，但係都食出驚喜之處，啡色嘅餐包係有墨香喺裏面，個軟熟程度同香嘅程度係會令你有幸福感。另外淺黃色嘅餐包又係軟熟，而外層係有少少脆口，成盤餐包係熱㗎，朋友估計應該係啱啱焗起，而唔係返熱佢平時返熱佢嗰一種，所以唔會乾身，同埋食出啱啱焗爐出嚟嗰一個感覺。另外你睇吓嗰塊牛油切得幾工整，我哋每人有一舊，首先唔使你搣開張紙，三粒工工整整嘅油油放上枱面，就已經係講緊俾你知喺呢度食嘢係有水準嘅服務，細緻度極高，講完！抹茶慕絲餅一個簡簡單單嘅抹茶慕絲餅，唔會好甜但係有抹茶清香，配上¼粒士多啤梨，一粒藍莓小小嘅士多啤梨醬點綴一下，令你完美地食完個午餐，喺圓滿嘅畫面俾你最後一個畫龍點睛嘅功效，真係無話可說！香濃黑咖啡配上蝴蝶酥最後一份驚喜，黑咖啡係有質素嘅，唔係求其比杯餐茶你就算數，甘苦適中，跟住個黑咖啡配上蝴蝶酥，呢一個係額外獎賞亦都係令到你對呢間餐廳念念不忘回味無窮嘅一份禮物，我好少飲黑咖啡嘅過程會端上蝴蝶酥俾你做配搭，人生係第二次，感激呢個難忘嘅經驗，令你全日都會好開心！總括嚟講有時食一餐飯，除咗係見朋友之外，你感受到餐廳服務員、廚師、環境，都係有誠意去服務你，每一個細節位都做到盡善盡美，成餐飯一個套餐都係$168 ，但係完全係高級酒店嘅水準，咁你話係咪好值得感恩呢！再次多謝朋友嘅招待啦！P.S. 睇返個餐牌，貴精不貴多！
繼續閱讀
城大 City Top 嘅食物質素一向唔錯，環境又靜謐舒適，今日就跟同事再會一下呢間餐廳～楓蜜三文魚扒 (套餐價 $89）✨Lunch set 包左是日餐湯或凱撒沙律，今日嘅餐湯係西蘭花湯，一聽到就覺得好新奇想試下～ 原來是將西蘭花磨成蓉再放湯，質感幼細到食唔到任何西蘭花🥦 味道都頗為別緻，可以一試～✨全塊三文魚扒都係魚腩，一條骨都冇，好方便🤩 魚皮煎得幾香口，而魚腩位置肉質又夠嫩滑，魚味香濃，正！🥰✨我選擇左跟薯蓉，薯蓉質感柔軟細滑，非常creamy😛😛✨醬汁都係一大亮點，酸酸甜甜咁同三文魚和薯蓉味道好相配～✨飲品方面我選擇加 $3 要熱水蜜桃茶，其實只係蜜桃味嘅茶包，味道略為苦澀，一般般～總結，無論係環境定係食物質素都唔錯，值得一試😊
繼續閱讀
叫 左一個burger（紫椰菜牛肉）同埋一個是日精選意粉（香蒜辣椒煙三文魚意粉） 今日餐湯係南瓜湯 但湯頭有啲似老火湯咁😂😂 飄浮緊的是麵包糠🙈🙈🙈burger好足料 牛肉係厚身個款 我拎走左塊蕃茄同夾住既菜 都唔能夠一啖咬到哂成個burger 證明真係好足料😂食完超級飽 最鐘意係佢地既薯角上菜時係熱辣辣好脆意粉都唔錯 個汁好香濃、唔太辣每個餐平均都係七十幾蚊 如果想食西冷扒都係九十幾蚊而已 但質素唔錯 性價比高
繼續閱讀
黎親九龍塘食飯通常都係又一城，今日同事帶路先知原來cityU入面有間西餐廳！冇人帶路都應該唔容易搵，因為係其中一座building既頂樓，沿路都無指示牌。估唔到係U入面有間環境幾唔錯既西餐廳，環境闊落，坐得舒服，餐枱唔會貼近隔離餐廳有set lunch，價錢約$60-90，有餐包、雜菌湯或 Caesar salad，仲有餐飲！我點左個double cheeseburger，伴碟竟然又有沙律菜😂個burger都幾大個，牛肉上面有層牛油果醬，有一塊都幾厚既番茄，仲有溶緊既cheese，睇落都好吸引 食落真係好jujcy，好味！set lunch 真係好抵食，有包有沙律有餐飲，朱古力都唔洗加錢，又唔洗加一，好飽好味既午餐！！
繼續閱讀
朋友星期日睇早場，係九龍塘貴地段貴食?搵餐廳唔再局限係又一城朋友帶路，黎一個懷舊的西餐廳，就係位於城大上樓餐廳，真係屬隱世仍然傳統裝修，我地order 左 蕃茄湯，新鮮蕃茄打蓉，熱烘烘香濃配包yummy可惜，麵包一般拎貨貨識朋友揀左左油醋沙律正常，到主菜係medium rare steak 😍由steak 到side dishes都好好味互相配搭，牛扒岩岩好，加配菜甜味令人驚喜，可以再試配埋餐飲一set ,無加一
繼續閱讀