影片
星期日晚，太古城每間食肆都人頭湧湧，唔等番半個鐘都幾難會有位坐低堂食；正當我地行緊去丼丼屋等位途中，竟然發現溜冰場隔離既Deli and Wine有吉位，於是即刻決定試一試依間平時被我地忽略左既餐廳！蘑菇汁餸飯一流好多芝士 正😋兩個主菜加汽水及咖啡都只係$12x，太古城黎講係超值，睇黎Deli and Wine將會成為我倆星期日嘅新飯堂。
繼續閱讀
除了快餐店和Food Court，在太古城中心搵食動輒要過百元，難得有Deli and Wine這間有中西式食品提供的餐廳，一試無妨。這裡環境舒適，尤其是梳化位。外表像咖啡店，這裡卻有茶餐廳食品提供，常餐、干炒牛河、意粉、焗飯等都一應俱全，惟沒有套餐供應，食品要單點或要加錢才能轉餐。餐廳以自助形式，點餐後自行找位置。叫了焗豬扒飯和cappuccino，等了差不多15分鐘，店員為我送上食物。整個飯鋪滿茄汁，焗飯不是炒飯底，不夠惹味，有點失望；豬扒的肉質雖然不算韌，可惜太瘦。總括而言，味道中規中矩，太陽蛋最合心意。
繼續閱讀
我都唔知點解咁喜歡去太古開飯~~今次又來太古啦啦啦啦~~介紹下小女光顧率最高的飯堂: Deli and Wine!!!Deli and Wine就在冰場旁邊食飯時間真的好多人所以我都會選早一點/晚一點來避開人潮~沒有太多選擇, 但每一樣都好食喔!!!環境個人很喜歡, 有大大小小不一樣風格的餐桌, 仲有sofa位添架!!排隊點了餐付了款, 就找個喜歡的位置坐下, 等會就有人送餐來呢~點了很喜歡的喇沙麵, 香濃的椰香, 少少辣, 足料~!!!由於是晚餐時段, 簡生幫我點了熱朱古力, 免得晚上訓不著...XD但!!! 真的要補充說句, Deli and Wine的house coffee都好正呢~另外, 簡生點了個炒飯, 也很香口呢!!晚餐多謝$132!! 合理價錢, 好吃, 舒服!!* * * * * *其實下午茶時段來吃也是不錯的選擇~~有最喜歡的BURGER!! 連咖啡都是$3X!!自己一個人嘆返個下午茶, 寫意到爆~
繼續閱讀
上星期係尖沙咀食完，張單附帶一個問卷調查既邀請，做左就有$30回增留返下次用，明知公司樓下有分店梗係做左佢拎完$30先~~今日就大派用場喇~~ 同同事一齊去食，大家都係食常餐，每人減$15，$35食左個好飽既lunch, 抵！個度既常餐同茶餐廳既差不多，意粉其實幾大碟，個蛋做得好滑，多士香而不焦，間中食下都唔錯~~ 不過lunch time預左多人，最尾見有人企係隔離等緊，飲品都係拎走飲... 有少少美中不足啦...
繼續閱讀
四間 Deli and Wine 全部都時常幫襯, 以前幾乎每星期日都喺文化中心食晏, 佢哋係咁多間入面最最最繁忙, 但係工作人員的態度仍然非常好, 食物水準一直都保持得到, 值得讚賞!!!因為咁, 當太古呢間正在裝修期間, 已經好期待, 可惜由第一次幫襯到上星期, 真的不下20次 (因小朋友每週上溜冰課), 無論早餐、午餐、下午茶(初初有, 依家已經無下午茶喇) 或晚餐, 食物令人失望都算喇, D職員態度簡直令我以為自己無比錢食緊免費餐(事實價錢可以話比其他店貴), 而且每況愈下, 久唔久都會見到一D 比較寬容有禮的新面孔, 可惜好快又消失了........被迫係因為希望小朋友有多D選擇, 食物一般都尚可接受, 態度惡劣真係好難容忍, 究竟佢哋有無諗過改善呢????????? OK, 講番食物, 當日點了(1) 星洲炒米, 係被佢嘅香氣吸引咗, 可惜除咗义燒同蛋本身嘅味道, 成碟米粉根本就無味, 就連咖哩味都只係聞到但食唔到...... (2) 滑蛋蝦仁飯, 蝦仁當然係雪蝦, 並無任何期望, 不過都好大隻, 最意想不到係D 飯硬到真係接受唔到, 一向都唔喜歡食軟飯, 但真係硬到食到一半已經要停, 真係怕會胃痛, 不過..... 佢哋個滑蛋真係炒得好滑, 只係 cream 多咗少少, 有D 膩!!輪到飲品喇, 佢哋嘅咖啡一向唔錯, 夜咗都忍唔住要叫番杯飲吓,今次叫咗 ice caramel latte, 平時喺其他三間 Deli and Wine 飲都自然有 topping cream, 並唔需要特別要求, 但喺呢度竟然無, 以為係漏咗, 於是問問先, 結果得到悔氣嘅回答「不嬲都無架喎」, 我話「第二間飲開有架喎」, 佢即刻話「要加四蚊」, 我答「吓! 好, 我加錢」, 佢隨即同我唧番 whipping cream, 不過無收我錢喎, 咁係咪即係漏咗呢???? 其實, 漏咗咪漏咗囉, 唔使咁唔客氣吖.......去親太古呢間, 每次都係貪方便睇仔溜冰, 今次唔係朋友堅持話要去, 真係一定唔會去。其他三間 Deli and Wine 嘅職員令呢個 branding 做得咁出色, 太古 Deli and Wine 可唔可以改善吓呢??????
繼續閱讀