影片
今次係我第一次寫食評，多多指教！當女友番工個時問我放工個時去邊度食個時，我就開始頭痛啦，因為次次佢一咁問，就好煩，要諗邊間餐廳好，野食好，最後就會諗唔到，算數！食大家樂，老麥了我就諗，今次一定要食好ｄ，特別ｄ，無意中黎到呢度，見呢間食評唔差，就問我媽媽好唔好，而媽媽就打比係側魚涌做野既朋友問，答案係佢話媽媽印度水準比以前差左，但係最後，我都想去試試女友放工同佢黎到側魚涌，跟住個地址搵啦，原來係我細個住既地方既附近，間商場係我細細個時係得商舖三四間個隻，到而家去番，仍然係清靜，有Ｄ可怕（可能細個陰影啦）間媽媽印度係商場最角落既地方，我對佢感覺唔係咁好，不過女友一睇就話想食，最後就入左去，一入到去，估唔到．．．間野好有家庭ｆｅｅｌ，雖然間野細細，有大約３０位，但都比人感覺唔迫，好好ｆｅｅｌ，好ｆｒｅｅ餐廳上下都係印度人，佢講英文唔太識同佢溝通，我地都係少少簡單英文同指餐牌點野食冇耐，佢就比左ｄ好薄既脆餅黎，以為係比錯原來係送，之後黎埋咖喱羊，咖喱茄子，手帕餅同咖喱雜菜角咖喱羊：女友話太ｕｎ，不過我就覺得可接受，咖喱汁好好，辣辣地，但唔太過分辣，ｏ岩我同女友呢ｄ唔太食得辣既人咖喱茄子：女友點，原本我勁唔鐘意食茄子，但女友比左少少我食，發覺加埋咖喱係好好味，呢樣我極力推介手帕餅：其實硬左少少，比我平日食個ｄ差少少，都可以接受咖喱雜菜角：裡面ｄ料唔差好好味，不過個皮厚左ｄ，唔太鐘意叫埋一碟白飯撈咖喱汁，食完哂，我同女友已經飽得好勁埋單＄１６０ 對仲係學生既我倆，價錢ＯＫ總估環境好，野食好份量夠，價錢合理，老闆又熱情食完又去左舊居行行懷念下呢間真係勁好，下次一定會再黎！
繼續閱讀
開飯介紹
家庭式小店，環境整潔，售賣正宗印度咖哩。
繼續閱讀
營業時間
星期一至六
11:30 - 14:30
18:00 - 22:30
星期日
18:00 - 22:30
以上資料只供參考, 請與餐廳確認詳情
招牌菜
食評 (7)
我和老公都酷愛吃印度菜，而我是嫁來香港的馬來西亞華裔，可說是食咖喱食大，對於咖喱十分挑剔。今天特別有吃印度咖喱的craving，在網上搜尋住家附近的印度菜館，無意發現這閒媽媽印度餐廳，網友的評語都頗爲不俗，於是決定與老公一試。餐廳位置有點隔涉但不難找。餐廳空間不大，但乾淨企理，舒適家常的格局。我們點了Chicken Tikka Masala，羊肉炒飯，薯仔椰菜咖喱及Sweet Naan bread。炒飯是正宗的印度飯，用的是長身的印度米，炒得香口干身，粒粒分明，帶?所以開胃，很好吃。至於雞肉是無骨的，肉質滑溜啖啖肉，紅咖喱濃稠，酸辣帶點甜，好吃得不得了。薯仔椰菜咖喱則是黃咖喱，很香，小辣，同時帶少許甜，很不錯。Sweet Naan Bread中間夾有椰絲那種，餅鬆軟熱辣，不過有點油膩（也算正常啦！），沾咖喱汁吃一流。總括來説，覺得這閒印度菜味道正宗，咖喱做得精彩，嗜咖喱者不可不試。
繼續閱讀
老婆喺附近做嘢咁耐都冇嚟幫襯過，今次突然心血來潮走嚟試吓。一入去便覺得很整齊、乾淨。雖然地方唔大，只有大約30個位，不過唔知點解客唔多，好易搵位。午市有buffet($68)，有大約十多種食物選擇。老婆見唔太肚餓，就食個set lunch算數($48，只星期一至四供應)。先嚟餐前小食，是一片燒雞。佢一向對燒雞都麻麻，因為多數鞋什什，不過呢件燒雞就俾到驚喜，唔乾唔鞋喎。主菜要咗咖哩羊配naan。咖哩汁香滑，味濃而小辣，配熱辣辣嘅naan一流。羊肉夠稔，而且保留臊味，啱口味。不過嫌分量少啲，薯仔加羊肉夾埋都係得五、六舊。呢度收加一，五十幾蚊個set唔算平。不過佢勝在環境乾淨企理，食物質素亦唔錯，可以一試。
繼續閱讀
位於太古坊海光苑商場最內邊角落,經營左至少十年以上仲存在,想必定有佢過人之處.尋晚同屋企人去試下,老闆識少少單簡廣東話,足夠佢介紹菜式用,再唔係D菜差唔多全部都有中文名,同有英文簡單介,實睇得掂.根据老闆提議,叫左咖喔羊肉,香辣蝦,同一個唔辣既雞(唔記得左個名),仲有手帕餅同炸餅加埋個香料炒飯,甜品係拉茶同印式布甸同印式雪糕.綜合起來d野唔算太辣,因為我地係生客老闆成日驚我地受唔到辣,經常提醒我地邊d菜好辣架咁.我地又無乜點食過正宗印度菜,都唔知到底有幾辣,保險起見就接受左佢既意見.原本想點一個"勁辣咖喱雞"都係佢好心勸阻之下改變左主意.個香辣蝦佢都話好辣,所以減左辣俾我地.上左菜之後個雞就一般,咖喱羊同辣蝦就好好味,咖喱係我地屋企既口味叫做完全唔辣(其實都係少少辣,但我地其實好受得辣),但個汁好香好正.個蝦就真係算幾辣,d汁一樣好正好好味.配飯同餅真係一流.個印式布甸好特別.以家庭手制雪糕咁,有種粗糙感,但味道唔錯,奶味好濃.個拉茶絕對係成晚至正既食物,好香好滑,仲有一種淡淡地但又好明顯既類似花香既味道.食完之後勁飽, 到半夜就打d香料味既飽嗝.雖然間舖好細,又家庭式咁,但好乾汗,d杯碟完全都無崩口.老闆又熱情.一個字:正~ 會再去
繼續閱讀
燒完雞翼時未夠晚上七點就完，而自己仍然有quota，所以拿拿林搭極速小巴落黎，當晚客人不算好多。這裡偏向暗黃色，共有八張四人檯，廁所對出還有擺放灌頭及乾貨，真係唔驚俾人偷。今次叫的全部都比較辣，第一個道係Murgh Chat，第二道係Chana Masala，而伴著係吃的麵包係Nan，最後以Masala Tea 完結。Murgh Chat 即係印式烤雞肉沙律，以蔬菜(今次以蕃茄為主) 配以Masala，帶辣味，雞肉應該係雞起肉，因為經常食到有根及軟骨；Chana Masala 係雞心豆配合傳統豐富的Gravy，它是用烹調後所產生的肉汁或油脂，配上麵粉、高湯或牛奶所煮出來的調味汁，可以淋在燒烤的肉類，或是炸雞和洋芋泥上，這道菜都幾辣下；Nan烤餅選番最Traditional既，即時整，夠厚兼乾身，送汁岩曬。由於之前太熱，最後還有少少食唔曬，失策失策，與辣無乜關係。最後以一杯Masala Tea 結束，之後即刻有位熟客亦點左，原來有段估，上次他完膳後點了，點知太甜，原來佢講番係一杯好難拉，呢樣我覺得係正確，因為老板真的會拉茶，但係茶味呢樣真係有點懷疑吧，anyway我覺得比禮品出食得多，還有一樣野，就係會比一的funnel小茴香解辣呢，之前我係完全唔識，侍應就卑張超大既香草種類俾我聽，真係大開眼界，個幾鐘既dinner 就此完結。一點點知識：Masala 意思是綜合香料——沒有特定的配方，不同地方、不同廚人自由隨性調配出各自的組合；一如其他的纖形科植物，茴香原生於南歐，地中海一帶尤其多。在世上許多非熱帶地區已歸化為當地植物，如日本、波斯、印度與美國，大部份生長在海邊。羅馬人將它引入北歐，又由早期的歐洲移民帶到美國，在加州已成為雜草。為強健的多年生植物，有許多藍綠色的羽狀葉以及黃色的繖形花，開花後會結出種籽、它有一種義大利產的近親，名為佛羅倫斯茴香(finocchio，學名F.v.dulce)，此為一年生植物，會長出肥厚的球莖，與羽狀葉和種籽一起當沙拉生吃。中國人、印度人與埃及人在很早之前就認識茴香，用作調味料與藥品。羅馬人利用其助消化的屬性，在飯後的糕點中加入茴香等種籽;印度人現在還是如此，在飯後上茴香等多種種籽的點心；希臘人認為茴香是一種減肥藥草，由於茴香略具利尿作用，這種看法或許有幾分的道理。適用病症：急腹痛、消化不良、心痛、腸併發症注意事項：茴香並無任何負作用，癌症病患應該避免使用大量茴香。
繼續閱讀