影片
以上資料只供參考, 請與餐廳確認詳情
今日情人節，我都好明白情人節係十分多人，價錢都會比較昂貴，看到餐廳內只有十多張枱，但是等上菜的時間就十分耐，當日只做情人節套餐，前菜主菜只有三款左右選擇，由上前菜都已經等了最少半小時，整餐晚飯食了差不多兩小時（我哋選擇甜品是外賣嘅），如果你是類似法國菜等的餐廳我會接受。我們隔籬枱的人遲我哋三四個字到到，但上菜時間同我們一樣，食物質素一般，最特別的是個士多啤梨煙三文燴飯，呢個飯非常特別，未必個個人接受！但我相信有啲人都會鍾意！服務員質素很好！但是未能讓我感覺到依個價錢係值得嘅！
繼續閱讀
呢間算係元朗幾出色的西餐廳我之前嚟過幾次，好鍾意呢度嘅燒豬鞍，今次就試試煎羊架！午市 set lunch 包括了湯、主菜及飲品。.湯 我選了煙肉薯仔忌廉湯。呢個湯幾濃，有好多薯仔蓉，味道都可以。有提子包提供，麵包幾軟熟，上碟時仍是暖的，幾好。.主菜方面，我今次選了煎羊架。羊架有3支，外表煎到焦香，羊肉粉嫩，做到7成熟，係我鍾意的熟度👍🏻 羊肉嫩滑，無羊羶味。主菜可以另選跟白飯、蒜香意粉或薯條，我選了意粉。蒜香意粉份量不少，有好多蒜蓉粒、落了蒜油炒，好香蒜蓉味；意粉口感適中，不會太韌或太淋。另有配菜，包括車厘茄、翠玉瓜、茄子、紅椒、甜豆；當中翠玉瓜、茄子及紅椒有調味及輕輕煎過，好味。要特別讚一讚呢碟羊架配有芥末蜜糖醬，呢個醬汁超好味！配羊肉或配菜都好match 好好食！😋.飲品方面，我選了凍檸水，糖漿係自己落，可以自己控制甜度，幾好。
繼續閱讀
今日放假去咗元朗大棠睇紅葉，紅葉都還可以，跟住落元朗食嘢。朋友介紹呢間西餐廳叫savour之前都有食過，今次又再幫襯。晚餐時間我哋兩個都叫咗個羊架配白飯。餐湯我哋分別叫咗蘑菇湯同雜菜湯。佢嘅提子包熱辣辣非常鬆軟。蘑菇湯亦都好香、雜菜湯，亦都好飲。夠晒熱，值得加分。羊架七成熟小小血，有三件；夠晒Juicy 。白飯係用日本珍珠米，加少少忌廉汁，啱晒我哋胃口。最後兩個即磨咖啡；埋單四百幾蚊性價比甚高。呢間餐廳咁多年食物水準同服務都keep到，小店一定要支持。
繼續閱讀
這店逢星期日休息，路過都未有機會試。今天元旦經過營業中，決定一試。未到晚上七時已經剩下門外室外位置。我們點了set dinner, 一個要了雜菜湯，一個蘑菇忌廉湯。蘑菇湯有驚喜，不是金寶湯，而是吃到一粒粒打碎了的蘑菇，忌廉的比例也恰到好處。附送的蒜蓉包也烤得香脆。主菜的部分，我們點了一份雞胸配意粉，一份豬肉眼配意粉。雞胸肉有雞味，也不會太乾，反而豬肉眼一點豬肉味都沒有，還有陣陣發粉味道，有點失望。餐後咖啡普通，總的來說這個價錢算是不錯，但未必會再來。
繼續閱讀
星期六夜晚8:30左右去到，餐廳好多人已經好full，好彩有張2人枱😃-set dinner，有餐湯配蒜蓉包，係啱啱烘，好味👍🏻牛肉墨西哥薄餅：薄餅入面有芝士同好多牛肉粒，而且份量都多，食完好飽記得之前食過係雞肉，我個人比較鍾意雞肉多d😊雞胸配梅子蜜糖：梅子蜜糖汁係精髓，用嚟點雞肉甜甜哋唔錯餐廳燈光比較暗同有情調，我覺得好啱情侶嚟。有室內仲有室外，帶埋寵物都得。值得一讚係職員服務態度幾好👍🏻有禮貌-2人$249，人均$125，絕對係性價比高🤩
繼續閱讀