影片
以上資料只供參考, 請與餐廳確認詳情
剛巧經過元朗, 又不想等位, 就來到美都用餐。由於我太肚餓的關係, 一見到餐牌上的'泰式豬頸肉炒菠菜麵'這麼特別, 便二話不說選了它。泰式豬頸肉炒菠菜麵豬頸肉有點肉味, 口感亦見彈牙, 絕對合格。炒菠菜麵雖然是沒有菠菜味的, 但做到Al Dente的效果, 確實不錯! 最令我失望的是它的醬汁, 我不知道廚師用了甚麼醬汁來炒這個麵, 但這醬汁是很甜的, 味道很奇怪, 我感覺我在吃甜品一樣!!!這次的經驗教訓了我, 想清楚才好決定吃甚麼。
繼續閱讀
一直都有間中幫襯開呢間，因為我住開元朗，呢間開得比較晏，去到12點。人又唔多，坐得ok 舒服，都系深夜醫肚好選擇。提一提果時已經11點半後，換左早餐餐牌。今晚叫左個豆腐班腩煲，食開呢間所以無特別望餐牌價錢，印象中大概五十左右。個便服哥哥兼收銀應該系老細，下單寫左$55蚊。比想像中貴，但心諗可能系自己記錯便無深究。個煲味道質素尚可。偏鹹一點，是這間特色。結帳之後，出左門口望一望個門口向街個大餐牌。原來標價系$45蚊。入返到問個收銀價錢，他表示是舊價，跟住邊行去拿張店內餐牌望(我無望到)，接住話系$50，佢先承認收多5元再退錢。當時我信佢記錯，但事後諗返，即便改左價錢，做生意加左價，至少有責任要改埋門口個大餐牌，呢點不能接受。結論系，究竟會唔會佢又第二次「搞錯」，個餐真系$45蚊，真系無從考究。
繼續閱讀
好一陣子沒來美都吃早餐了，是關這裏早上經常大排長龍，實在沒什麽心機等位。是日本打算去麥記，但排隊由樓上排到落樓梯，放棄了。行過美都見沒太多人，等了約五分鐘有位了。餐牌很多選擇，而且可以轉換，幾自由喎。是日只有兩個人，就叫兩份餐吧。漢堡扒煎蛋牛油餐包配五香肉丁公仔麵，餐飲要了熱檸檬茶。漢堡扒味道像極Jones牌的，沒什麽特別，蛋要了反蛋，煎得幾香口。五香肉丁一般罐頭貨式，幾多。公仔麵餐牌上寫著是出前一丁，吃一口，果然沒説謊，好味。檸茶個紅茶底好香，靚茶葉正。另一份叫西多士配雲吞麵，餐飲要了熱奶茶。西多剛炸起，好熱，夾著花生醬，好好味。雲吞麵忘了影相就ko了……雲吞有三粒，大大粒，麵也是要了丁麵，幾好味。熱奶茶好正，幼滑，杯子也是熱的，正。侍應態度ok，只是坐位有點迫，卡坐撘枱，食物放到很混亂。題外，看到對面撘枱的人叫了豆豉鯪魚米，有兩條，好似好好食咁，有機會要試試。
繼續閱讀
下午去買外賣，叫了一個午餐，見佢門囗個牌寫有湯，咖啡或茶.咁我就叫左湯，見落單嗰無再問我飲咩，我就以為個餐要了湯就唔會再有餐茶.直到個伙記拎外賣出黎時，講左句“呢個人唔飲野呀?“我先知道個餐係有餐茶，都唔緊要，咪當自己睇漏眼叫少左...本來都諗住算點知同我落單嗰個(即係收銀，我估係老細掛)，一聽到佢個伙記咁講，即刻同個伙記打哂眼色咁，好似叫佢唔好咁大聲之類.我真係覺得佢好核突囉一杯茶，值幾多錢，駛唔駛做到咁核突呀!！
繼續閱讀
夜晚晚返到落元朗，究竟去邊度醫肚好呢？選擇性地行到阜財街一帶，愈夜愈旺市，不愁沒有餐館~記得以前元朗有很多茶記都叫做什麼都的，如金都~美都~銀都等..現在好像都關了，好景不常掛？唯有這美都撐到今時今日~看看有什麼好吃的？見到有個用阿膠力膠牌寫上晚餐二字，都幾吸引！有餐湯~麵包~小食~主菜~甜品和餐飲，都只是$43，超值！但只有一款選擇，咁另外那個點什麼好呢？心思思想吃焗飯，小菜亦不錯，見到旁邊”喳喳聲”的鐵板餐又想食~哎呀~妹子的選擇恐懼症又發作喇！就將計就計將選擇權交比小毛，咪幾好囉，男生特別喜歡主導麻~是日晚餐：羅宋湯或忌廉湯，我倆都揀白湯配上牛油餐包，可惜是日餐包竟然買晒，阿姐唯有轉做白麵包，幸好，是烘底，好過齋吃白麵包~內邊牛油只塗上一邊，還要用放大鏡先看到，不過心裡都會預左~食少點牛油當健康點，況且妹子都不太愛牛油。小食︰芝士焗帶子，幾有驚喜，旁邊用上吱花薯蓉，白汁味比較偏重，面頭有少許芝士焗至微焦效果，好吃^^令到妹子有點不夠喉添~想加添加添~薯蓉亦不過粉，應該溝了不少牛油呢~主菜：燒汁雞扒配飯，雞扒普通又不是炸得太過份，都嫩口~配菜有翠玉瓜中和下都唔錯既。剛好有一碗倒模飯，好像在吃午餐的快餐似的~什扒鐵板餐($60)，話明什扒，有豬扒~牛扒~香腸~煙肉片~雞翼配薯角，要了洋蔥汁，上枱時聽到”喳喳聲”特別興奮，哈..份量真的十足~洋蔥亦下得多，煙肉和牛扒妹子不吃的，炸雞翼都很大隻，其他的都是普普通通，最讚的是全都即叫即炸，夠熱辣！餐飲妹子要凍奶茶走甜，小毛要凍檸檬茶，凍飲加$2~而甜品則是啫喱，黃色來的，不知是芒果~菠蘿抑或檸檬呢？小毛話食唔出，兩三口便吞掉了！可惜妹子不吃呢~其實味道應該差不多吧~
繼續閱讀