影片
以上資料只供參考, 請與餐廳確認詳情
源自大阪道頓堀嘅拉麵店，主打價錢親民🇯🇵深受當地市民及遊客歡迎。近日竟然喺香港開咗分店😍當然要去試吓餐廳採用開放式廚房設計👨🏻🍳可以望住師傅煮拉麵🍜裝修亦帶有濃厚日式風味🌟招牌原條豬軟骨拉麵 $148原條豬軟骨約長25cm😍經過8個鐘慢煮，肉質軟嫩入味🐷骨膠原滿滿。湯底經過10小時熬煮，奶白色嘅豬骨湯底加埋醬油🤍足料又香濃🍜自家製麵條爽口彈牙，仲好掛湯添！糖心蛋用上蘭皇雞蛋🥚蛋黃呈橙黃色，蛋味香濃又流心。🌟幸福拉麵二重奏（叉燒、豬軟骨） $128叉燒用上五花腩，肥瘦均勻，外層微微焦香，肉質嫩滑🐷豬軟骨當然同上面個碗一樣咁好食🙂↕️豚骨濃湯底加入自家提煉嘅雞油同背脂同時帶有雞油同埋豬骨嘅味道😋香濃得嚟又帶點鮮甜🌟天婦羅紫菜魷魚鬚 $55外層以天婦羅將加入紫菜，薄薄嘅炸粉，炸得金黃酥脆💛裡面包住彈牙嘅魷魚🐙亦能保持鮮嫩多汁，表面加上幼細嘅紅辣椒絲作點綴，再點埋沙律醬，好食到停唔到口
繼續閱讀
大阪道頓堀人氣拉麵喺香港已經開張! 🇯🇵餐廳嘅裝修走簡約風，以木質為主調，燈光柔和感覺好溫馨同舒服, 服務員態度友善，上菜速度都快🍥 拉麵同小食都好出色, 可以一試!💛The popular ramen shop from Dotonbori, Osaka, has officially opened in Hong Kong!The restaurant features a minimalist design with a wooden theme, creating a warm and cozy atmosphere with soft lighting. Both the ramen and side dishes are outstanding, definitely worth a try!————————————————食物 Food:❆ 招牌原條慢煮豬軟骨拉麵配溏心蛋 $150Signature Slow-cooked Pork Rib Ramen with Soft-boiled Eggs 豬軟骨慢煮8個鐘😍 入口即化! 肉質鬆軟仲有啲膠質嘅口感~ 拉麵嘅質地彈牙, 掛湯能力一流🍜 每一啖都食到湯嘅精華! 溏心蛋蛋黄流心得嚟醃得入味🐣The pork ribs are slow-cooked for 8 hours, melting in your mouth with a tender texture and a rich, gelatinous feel❆ 幸福拉麵二重奏（又燒、豬軟骨）配溏心蛋 $128Happiness Ramen (Roasted Pork, Pork Rib) with Soft-boiled Eggs叉燒肥瘦均勻🥓 外層微微焦香, 咬落去好嫩滑🥰 豬軟骨同樣出色, 肉質軟腍得嚟又有咬口🐷 湯底同樣濃郁, 帶住醬油香氣! The roasted pork is well-marbled with a slightly charred exterior, tender and juicy with a hint of sweetness!❆ 天婦羅葉菜魷魚鬚 $52Tempura Squid Tentacte外層炸得金黃酥脆🦑 咬落去好輕盈，魷魚鬚本身好新鮮🌊 彈牙得嚟又唔會韌The squid tentacles are fresh, chewy but not tough, with a subtle oceanic flavour————————————————整體 Overall:✦ 價格 Price: 4.3/5✦ 味道 Taste: 4.4/5✦ 服務 Service: 4.2/5✦ 環境 Ambience: 4.1/5✦ 再訪指數 Visit again: 4.3/5花丸軒 (中環)@hanamaru📍地址 Address: 中環荷李活道39-43號地舖⏰營業時間 Opening hours: Mon-Sun 12:00-22:00
繼續閱讀
早排聽朋友講有間黎自大阪道頓掘既拉麵店開到黎香港，主打慢煮豬軟骨拉麵，價錢親民，質素又高，所以今日同朋友一齊黎試下，睇下係咪真係咁正。餐廳既裝修有濃濃日式風味，木質裝潢配搭溫暖燈光，坐低即刻有種舒適既感覺。 .招牌原條慢煮豬軟骨拉麵配溏心蛋 $150試既第一碗係佢既招牌原條慢煮豬軟骨拉麵，我揀左激辛湯底中辣，湯底入口辣得來有層次，濃郁又香濃，帶住少少豚骨既鮮味。拉麵係自家製既粗拉麵，煙韌爽口，掛湯效果一流，每啖麵都吸晒湯底既精華。而重頭戲當然係果條超誇張既慢煮豬軟骨，慢煮8個鐘，肉質嫩滑得黎入口即化，真係完全感受到時間同心思煮出黎既效果，配埋溏心蛋，蛋黃仲係流心既，好Creamy，呢碗拉麵完全無得輸。 .幸福拉麵二重奏配溏心蛋 $128第二碗叫左幸福拉麵二重奏，今次揀左醬油豬骨湯底。湯底比激辛版溫和d, 但濃郁得黎層次豐富，每啖都有種細膩既感覺。二重奏有叉燒同豬軟骨兩種肉類，叉燒肥瘦比例岩岩好，嫩滑帶少少炭香，而豬軟骨就一如既往咁出色。碗面仲有片紫菜，上面印左開運字眼，得意又有心思，帶住d小寓意，好岩打卡。 .天婦羅紫菜魷魚鬚 $52最後叫左天婦羅紫菜魷魚鬚小食，炸得香脆但吾油膩，外層係薄薄脆脆既天婦羅粉漿，咬落去聽到d酥脆既聲，魷魚鬚啖啖肉爽口彈牙，配埋淡淡既紫菜香，好岩一邊傾計一邊食
繼續閱讀
去過大阪，總會念念不忘"花丸軒"呢間拉麵店。大阪嘅花丸軒24小時營業，每次經過都會見到長長人龍，因為真係好好食❣️😋聽到花丸軒會登陸香港嘅中環，超興奮！！即刻衝去食😍🤩🍜招牌原條慢煮豬軟骨拉麵呢個係"花丸軒"既招牌，必試！！！湯底醬油豚骨湯底，超濃郁😋完全copy大阪嘅味道呀😋😍❣️原條豬軟骨，超級大條，份量好多！肉嘅部分超級軟稔，豬軟骨部位膠質滿滿，食完個嘴會覺得黏黏的，骨膠原充沛， 食完簡直覺得膠原蛋白都boost up😋😍佢上面仲有一塊寫住"開運"嘅紫菜,誠意加分！價錢方面，加咗溏心蛋，$148雖然價錢係比喺大阪食貴好多，不過唔使飛去大阪， 隨時去中環都食到喎！香港其他普通拉麵都係呢個價，所以呢間拉麵真係推介👍👍🍜幸福拉麵二重奏(叉燒豬軟骨) 豚骨濃湯拉麵二重奏就有半條嘅豬軟骨加叉燒，上面有一塊寫住"幸福來訪"嘅紫菜配溏心蛋$128更加抵食。除左佢招牌既醬油豚骨湯底，另外仲有激辛湯底可以揀，小/中/大辣,特別要求走葱/走蒜又或者追加配料。食拉麵，可以加38蚊升級套餐，就可以有多一款小食同飲品。佢好多小食選擇，仲比大阪嗰邊多選擇！天婦羅紫菜魷魚鬚，每日限量52份，脆脆的， 入面魷魚鬚都大條彈牙，都幾好味。見到佢仲有個香港限定嘅黑豚丼飯。環境方面香港呢間又畀大阪乾淨舒服好坐喎！香港呢間服務真係不錯，仲好貼心有提供小孩座椅/圍裙/髮圈。香港拉麵界有多個強手啦❣️😆
繼續閱讀
嗰日，我同朋友決定去呢間新開嘅拉麵店試下。聽講評價幾好，店外面仲有日本風情，真係好期待。但入到去後，經歷真係好失望。首先，服務員態度冷淡，對顧客嘅需求好似完全唔在意。我哋等咗差唔多十分鐘先攞到菜單，點完餐後又等咗半個鐘先上菜。期間，我哋試過引起服務員注意，但佢總係匆匆而過，完全唔理。重點！！！當拉麵終於端上嚟嘅時候，我哋嘅期待瞬間變咗失望。湯頭淡到冇味，麵條煮得過軟，完全失去拉麵應有嘅口感。更慘嘅係，碗裡面嘅配料幾乎可以用“可憐”形容，份叉燒薄得好似紙，根本唔夠飽。我哋試過同服務員反映問題，但佢冷淡嘅態度令我哋懷疑唔會有改善。最後埋單走人今次光顧拉麵店嘅經歷，唔單止打擊咗我哋對拉麵的認知，仲令我哋明白，淨係靠外觀同評價係唔夠嘅。可能下次我哋返返去其他店，先可以真正享受到好味嘅拉麵。打算過嚟食的朋友，伏我幫你地試左，錢多先好過黎😫
繼續閱讀