影片
特色
適合大夥人
營業時間
星期一至日
12:00 - 15:00
18:00 - 00:30
以上資料只供參考, 請與餐廳確認詳情
相關文章
是夜本來想幫襯寧記, 不過因為沒有坐位而改去近近地的巴西燒烤, 怎料便出事了巴西燒烤, 很久沒去過了, 今次重臨, 只感覺是差差差~第一地方差, 一踏入門口一刻, 已感覺地板是痴笠笠的, 提起雙腳也有難度, 點解地板那麼痴笠笠都不去拖拖地~~第二地方差, 食物差, 所有食物不覺得是燒烤出來, 感覺是焗熟或洽熟, 再放在燒烤叉上, 如果是燒沒理由一點焦焦的地方也沒有, 點解我會咁講, 係因為以前幫襯不是這樣的(可能有7, 8年前了, 係唔係轉左手?) 而且種類很多, 不會像今晚, 只有粟米, 腸類(3種), 菠蘿, 豬脾用, 粟米出左兩, 三轉添, 燒牛肉見過一次, 還沒埋到我們的台便沒有了, 再問一問已說今晚不會再有燒牛肉, 真係有冇攪錯, 我都唔知自己今晚食過D咩燒烤,數一數手指都不夠5樣, 每樣只係一round, 熱盤一般, 沒什麼特色或有大驚喜~~第三地方差, 我還沒說埋單, 一個類似經理級的拎張單過來叫我們埋單, 便走開了, 跟住我驚佢比錯人,再叫返佢過來問清楚, 這個人說因時間差不多夠了, 所以要埋單先~~ 夠鍾埋單我覺得好正常, 但都應該要講聲吧, 一張單隊埋黎, 咩都冇講, 我地都唔知發生咩事, 係唔係都要同個客講聲夠鍾, 麻煩埋左張單先, 呢D基本禮貌或常識都不懂, 怎可以做服務性行業, 還要這裡是尖沙咀區耶
繼續閱讀
早幾年食過都唔差，諗住再試下啦！我哋係食消夜時段，每位＄６８。一入去明明有好多卡位都唔比我，又話有人ＢＯＯＫ咗！Ｄ侍應態度好差，好悔氣咁攞Ｄ巴西燒問你要唔要！又無表情，問佢嘢又唔答！Ｄ嘢食又夠難食！我自問要求唔高，但係都要食到先得架！件豬扒硬到無辦法咬得開！冷氣勁凍，好似想趕你走咁！個日係星期日，食到一半有半個場都係吉嘅！我唔明佢點解安排唔到卡位比我囉！終於明白點解執剩呢一間！我以後唔會再去！
繼續閱讀
筆者早前曾與朋友吃過這間巴西燒烤，只覺食物的品質只可算是一般，談不上叫好味，加上筆者是9:30後入席，表示是最後一ROUND，所以魚生，青口的東西都是沒有的。可是筆者認為若要吃這些東西，相信其他地方會有更好的選擇。故此，筆者只是抱著「抵食」自助去的。可能好多人會認為自助餐若食物素質談不上好，食來何用呢?但筆者認為這間巴西燒烤之所以值得一去是因為如下其一) :食物的款式( 甜品，熱食，凍食)都算多。(其二) :餐廳的一個特色是有專人把燒好的食物走到你前面問你要不要，再切給你。(其三) :場中有註場的結他手，在你吃東西之餘都能好好享受一下，放鬆心情吃東西。(還能點歌噢~，筆者可見到有外籍人士點了「NOBODY」。)以上三點都是本人覺得其比較吸引之處~大家若都與筆者當時抱著「抵食」的心態的話，不妨一試!!
繼續閱讀
尋晚(14-5-2010 Fri)放工後同男友出尖沙咀食飯,原本想同佢去Initial,點知真係要book枱兼full o左,我o地唯有搵過第二間食,忽然好想食燒牛肉之類o既o野,男友就話不如巴西燒烤,其實我同佢未認識前同N年前都食過,o個次我同朋友食時好爆,要坐o係近正門o既房裡面,攪到要行好遠至攞到o野食同人地有o既我o地冇慘況.不過男友講過好多次想再o黎食,今次就順佢意啦.呢晚7:00pm場$128.00一位加一,限食兩個鐘,冇問題啦.時間尚早唔多人,男友呢頭去攞o野食,o個頭有個男仔拎串燒羊肉o黎,我就要o左兩件先.我食到羊羶味,男友話食唔出.其他o既有:幾好味o既有:吉列雞翼,估唔到咁都整,雖然凍o左但皮仍脆,雞肉仍嫩.千島汁焗蠔南瓜忌廉湯,南瓜味濃.田螺,青口同蝦都好新鮮,唔錯,可以encore.黑椒腸,比起辣肉腸冇咁辣,香香地咁啦.粟米腸,裡面有粟粒,有口感.燒粟米,好有牛油香.鼓油雞,估唔到呢個好味喎.燒秋刀魚燒菠蘿,男友好記得有呢樣o野,話要必食.點知o岩o岩講起,個男仔就拎出o黎,我o地有得食返,暖暖地o既菠蘿係幾好食.可以o既有:焗青口辣肉腸,呢個勁辣,我食o左一啖畀o左男友,男友食落都話好辣.燒蕃薯,蕃薯都有甜味o既,只係食落有啲論盡.燒牛肉,如果食到個皮就好好,因為燒汁只留o係皮o既位置,肉就冇味,要自己加喼汁食.白汁雞扒燒茄子炸魚塊,呢個外青似炸薯餅,連外面o既味道都似,魚肉唔’梅’唔,鯹.麻麻o既有:煎豬扒,落o左泰式酸甜醬,辣辣地,豬扒畸嫌乾o左啲.三文魚刺身,唔係好靚.唔知咩魚刺身.燒雞髀菇,雞髀菇口感似鮑魚,可惜串住o黎燒,橫切畀客人食就覺得唔夠味.好差o既有:酸瓜,竟然呢樣最唔掂,係沒浸過龍,白蘿蔔竟然酸到可以嗆喉.甜品:好味o既有:相中左下角o既係由一個用cream唧到似菠蘿釘再用火燒o既外層,裝住o既甜品,其實我唔知係咩o黎,試o左覺得唔太甜,男友話係栗子蓉,佢唔太甜之餘亦唔漏,裡而亦有菠蘿肉.而o個pat cream,男友就好欣賞,話燒到好似棉花糖.香蕉蛋白慕思香蕉,男友一食就食得出係香蕉,清清地,唔漏.芒果蛋白慕思,一樣係清清地,唔錯.朱古力雪糕,裡面有朱古力粒,有口感又好味.紅豆雪糕,好有驚喜,唔太甜但紅豆味足,好味.咖啡雪糕,亦唔太甜,唔錯.普通o既有:桂花糕,清清地啦,不過冇乜味.膠杯裝綠色啫喱,以為係蜜瓜味,點知係薄荷,面o個層魚膠狀o既o野太清涼,唔係幾好多食.林明頓方塊芝士餅,冇問題.麻麻地o既有:檸檬蛋白慕思香,面上o個層魚膠太甜,蛋白裡面o既檸檬味都好濃烈.環境:好闊落舒適,枱與枱之間留有一張椅畀客人擺o野,真細心.仍保留外籍歌手埋枱點唱呢個特色,增加熱鬧感,唔錯.衛生:地下有啲黐笠笠,唔係幾好呢.
繼續閱讀
一間完全唔得嘅所謂巴西燒烤!!!! 經理 - 唔識變通。食物 - 有熱爐啲嘢食都係凍嘅，巴西燒烤都係又少，仲有好多嘢食都好似放隔咗唔知幾多日咁。環境 - 一入到去有陣味。價錢 - $118 + 10% 服務費；我覺得$48 都比多佢，10% 服務費? 算拉，比佢。我同媽咪仲有舅母一齊喺嗰到大約20分鐘。我與經理嘅對話:-我: 我想問點解啲食物一啲都唔熱嘅?經理: 我地已經將個熱爐開到最大，佢唔熱我都冇辦法。我: 咁我想問有咩辦法我可以有熱嘢食呀?經理: 唔好意思，我幫唔到你。我: 咁你啲食物唔熱你叫我點食呀?經理: 唔好意思，真係冇辦法。我: 經理我都係做飲食，我唔理你收幾多錢，你都唔應該比啲凍嘅熱盤比客食囉。熱盤係熱食家嘛係咪? 假如你同我講你會幫我丁丁佢,我反而仲會開心啲。經理: 小姐既然你都係做飲食，你都好清楚丁反熱個味道係唔同。我: 經理，我都知，但係你啲嘢食好似隔咗夜,丁唔丁都係咁家拉!經理: (冇聲出)我: 咁我又想問你,如果你係我，我應該繼續比錢食凍嘅熱盤定係有其他選擇?跟住係點，我相信大家都心中有數.....各人口味都唔同，有人覺得冇所謂，曾經係飲食業打滾嘅我雖然只係一個管理6間分店嘅行政人員，但係我真係睇唔過眼囉，因為我係受害者。
繼續閱讀