影片
營業時間
星期一至日
11:00 - 23:00
以上資料只供參考, 請與餐廳確認詳情
無諗過打得成風仲要掛八號風球掛左成日食物當然無預足夠啦未落三號風球就落去九龍城廣場求其食D野好多人比我地早黎見到江南美廚有位就入去醉雞一般啦無乜雞味好彩有D肉食下酒味都重賽螃蟹好差唔識煮好心唔好煮一D味都無西蘭花又無蛋又無賣相亦相當唔吸引一劈劈好似漿糊咁系咪打風個chef 冇心情?!嫩雞麵差到講粗口份量少湯底十級鹹小籠包就還可以起碼內裏多肉汁素菜餃子就普普通通但好乾做得唔靚唔juicy銀絲卷就選擇無炸所以是普通饅頭點煉奶如果咁都難食會叫個chef 再培訓高力豆沙香蕉味道正常但唔夠熱囉係咪番炸我唔知但一定係炸起左一段時間先拎出來
繼續閱讀
今日黎到江南美㕑吃午餐，因為九龍城廣場頂樓的兩家酒樓食到悶悶地諗住食下上海菜。黎到要等位，我地四人等左大約十分鐘就有位喇出面餐牌有個餛飩雞孖寶，好似幾吸引喎我哋就order左一個拼賽螃蟹都OK嘅味精唔算多食完唔覺口渴但唔係特別好味囉賣相一般，好彩食落都還可以總結: 食物賣相一般，味道普通無乜特別，價錢可以接受。飲茶食點心食得多想轉下食其他中菜先會幫襯。
繼續閱讀
國慶同屋企人行九龍城廣場，捻住去吉之島行下，之後發現有一間食上海野叫江南美廚酒家，佢有午市精選套餐同優惠雲吞雞孖寶，超級正，卑個讚👍，仲有京燒羊腩、孜然羊肉生菜包、海參紅燒肉、海參獅子頭、狗不理包、養生薑汁糕、蒸／煎迷你八寶飯，正到無得頂啊👍
繼續閱讀
霖咗成晚，唔知食咩，一家人就坐車來到九龍城依個地方，通街可以見到好多食泰國嘢葛餐廳啊飯店個d，但係來到Kcp九龍城廣場，發現咗一間食上海嘢叫做江南美廚葛酒家，都發覺原來上海嘢都有好多嘢食，細細間又有孖寶，又有套餐，而且宜家仲有大閘蟹套餐添，可能啱啱開始做依d大閘蟹套餐，所以每隻蟹得5兩重，但係整出來真係好好味。另外特別推介醉雞啦，炒年糕啦，粗炒都係勁好味，小籠包生煎包鍋貼仲正啊。而且d服務員態度都幾好噶！！下次一定再來，值得推介！！！！！！！！
繼續閱讀
見其他地方冇位~咁岩見到間野D宣傳食物，好似好好味～所以就試下。叫左金牌擔擔麵 配 雞絲粉皮擔擔麵我走左辣，d麵林得制唔好食。食到1半已經唔想食放棄左。雞絲粉皮，算不錯，但我唔明點解要用咁細既碟裝。雖則知道係Q版，但連碟都q版，其實真係好難撈，我要將少少夾係個碗裡先再撈。雞肉唔似雞絲^^”似雞肉多d，唔夠絲口感尚可。粉皮唔錯。整體都算唔錯。PS.職員態度見仁見智。如果係1個人唔建議去食。感覺似唔歡迎你
繼續閱讀