影片
以上資料只供參考, 請與餐廳確認詳情
招牌菜
女店員告訴主人與奴隸獸此食店在四月二十三日後就結業，所以試了此店的優惠二人套餐（HK$210）後，更覺可惜。套餐的菜式有：1. 麻辣牛舌：麻辣是奴隸獸的禁忌，但此菜式，不太麻，亦不太辣，合心水。2. 茄子茸配烤餅：茄子茸沒有什麼味道，清清淡淡，易入口。3. 雞肉串燒：雞肉嫩滑，雖然沒有配上任何醬汁，仍非常好味。4. 吞拿魚帕爾木丁：口感特別，味道普通。5. 新疆烤乳羊：保留了羊原始的味道，拌了乳酪汁，正！！6. 酸辣斑球：OK喇！！7. 馬肉腸炒皇帝菜：馬肉腸食落，感覺特別，味道普通。8. 紅豆綠茶桂花糕：糕有質感，三種味道都嚐到，美味。雖然快將結業，但員工依舊服務殷勤，難得！難得！！
繼續閱讀
成班同學想話食d特別野，係open rice見到咁多好評，就決定一試睇有d人話會一入到去就洗手先但我地去到時剛好無水，無緣一試我地一行八人，因遲了book位，所以俾左個露天的位置我地坐點了一個四人set加一隻book位時預訂了的羊大腿加埋一個清真咖哩(牛)和帕爾木丁(雞)跟住再每人一杯飲品第一道上係清炒翡翠絲煙鴨胸伴果醋汁，味道清清地，有d醋酸味，作前菜都幾開胃第二道上係茄子蓉雞心荳蓉配烤餅，個茄子蓉味道怪怪的，在座一致認為雞心荳蓉好味好多第三道係wasabi野菌餃，wasabi餃皮包住d野菌，個wasabi味唔太濃，不過不失啦第四道係牛羊串燒各兩串，份量都幾多，羊肉燒得幾香不過唔太「騷」，但牛就好似燒得有點過火，有點’un’第五道係帕爾木丁(雞)，味道唔錯，有d似酥皮的餃類，都幾香之後就停左上菜，開始跳樓表演，兩個著新疆服飾的女仔跳得好好睇，你會感覺到佢地係跳得好enjoy，笑容好甜。但之後個俄羅斯女仔就有d hea了，都唔出黎我地露天位置跳的…之後再上野菌清炒翡翠苗，呢個好味!!正好為濃味的食物黎個intermission跟住上隻羊腿，上桌時已經分好兩大碟，仲切好一片片的。一食之下，唔~~羊香撲鼻，d肉好嫩滑，正!!!但可能要就下唔食羊的人，所以「騷」味都唔太濃烈，但呢個絕對係必食推介!!!之後有清真咖哩，味道ok啦，無乜特別。仲有沙拉蝦球，呢個個汁做得唔錯，,但可惜蝦球入面無味的，我諗佢同d蝦調下味先煮會好d。仲有個唔記得咩炸雞，炸得好香脆，點埋d甜甜辣辣的汁就更正食完之後唔夠食，加多左個酸溜白菜，好辣帶點麻，但辣得好好食，令人一食再係。食完後做第二場跳舞表演，同第一場差唔多，,但係俄羅斯美女就換左衫。不過呢part加多左個女人跳，佢帶動晒全場的氣氛，大家一齊拍手，佢又請左在坐一男性出黎一齊跳，好好笑^^之後到甜品，原本跟餐係木糠布丁，但佢賣晒，改為桂花綠荼紅荳糕，佢仲送多左四件同一碟合桃餅俾我地食添。個桂花綠荼紅荳糕好好味，唔太甜但好足料，好清香的一道甜品。合桃餅係用一張蛋皮包住一d好似琥珀合桃碎咁做成的，幾有特色但真係好甜。總括黎講，呢間係值得一食的，環境、氣氛同野食都好好，係d服務就失色左些少，有時叫極都無人理我地咁> < 但好似聽聞做到四月底，要食趁早了
繼續閱讀
帕莎主打新疆菜，也有其他fusion菜式，菜式裝潢有風情，香港很少同類餐廳，吃過數次覺得味道也不錯。 最近得知它做到四月底就會結業，重開計劃未明；正所謂有食趁早，現在還有東亞咭優惠，上週六我與龍及家人即去大擦一頓!我們叫了東亞二人餐，又再散叫兩個主菜，以及串燒及甜品，食得相當豐富： 麻辣牛舌(餐)-夠辣又夠麻，愛川味的媽咪食得滿意茄子蓉配烤餅(餐)-茄子蓉口味比較清淡，作為開胃菜都不錯羊肉串燒($18@)-理論上新疆菜中做得最出色是羊肉，因為羊肉與其特色孜然粉最夾，但串燒羊肉肉質一般，反而雞肉更好牛肉串燒($18@)-其實早知效果不會好，不過為了牛魔王媽味，一試無妨雞肉串燒(餐)-帕莎的雞肉串燒多汁又香口，是幾款口味中最好的!吞拿魚帕爾木丁(餐)-帕爾木丁即是焗餃子，香酥餅皮與吞拿魚餡的配搭，味道不錯卻更似西式酥皮點多於餃子。紅燒乳羊(餐)-乳羊肉不太多卻勝在十分香口；第一次吃沒加特配的乳汁，今次加了享用更覺滋味馬肉腸炒皇帝菜(餐)-新疆菜以肉類為主，吃多了難免覺得膩；這碟炒菜就是沙漠中的綠洲，皇帝菜又夠爽很受歡迎~酸辣班球(餐)-比較普通的一味，由超愛班球的細妹包辦吧!香酥羊排骨($95)-羊肉與排骨有點分離，卻無損那陣動人的騷香味，與串燒羊的羊肉完全不同等級，絕對是一食傾心；更讚是羊排帶適量肥膏，吃下去滿咀油香，很飽膩但亦真的很美味~~風味茄子夾($68)-茄子釀起免治羊肉再炒香，另一媽咪鍾愛的菜式~ 帕莎的甜品水準也不錯的，是晚得到經理厚待，將套餐中水準一般的紅豆綠茶桂花糕，改成另兩款更好吃的甜品：西林布甸-其實是木槺布甸來的，那層忌廉打得甜美動人，口感與味道皆很好，$20一杯其實很超值的!金瓜豆沙餅配石榴雪糕-熱暖香甜的金瓜豆沙餅，與冰凍的、口味清新的石榴雪糕，絕對是一個絕配。很飽很滿足呀! 經理還送我們免費飲料，雖然帕莎飲品水準一般，但有杯枇杷蜜潤喉還是不錯。由於飲品與甜品免費，今餐埋單超級抵，很多謝經理厚意。 喜歡/想試帕莎的食友，有食請趁早呀!
繼續閱讀
上星期去, 己唔記得d野實際個名炒駝峰....即上咁濟, 快餐?煮定? & 主要材料原來係蒜心! 釀餅(3個字!)(肉係上面) 餅..un 的....以上兩樣d汁都幾"杰" , 味都ok馬腸沙律....d腸跟d 沙律--紫洋蔥,蕃茄,莞西,紅椒-- 都係切條咁....口感應該會好d另一個羊肉餅(肉係入面), ok啦.但d羊肉蘇得黎...又怪怪地, 麻麻***本人都幾鐘意食蘇既羊肉coffee 都ok既又係一間退步既食店....其實有幾多可以多年不變呢?
繼續閱讀
本人是十分喜歡吃羊。最回味是天寒地凍, 拿著廿多串烤羊肉, 灑滿孜然, 大口大口吃, 以及那包著羊網油來烤的羊腰...... 有一天羊癮起, 來到這兒希望"痴"到少少風味。對此集團的出品一向有保留, 總覺得無論是吃什麼, 甚至吃不同餐廳的, 只要是其集團出品, 都係同一個味道。該晚就有一道代表作- 羊肋排。3道羊肋排的菜式, 一拿上來, 心已涼了一截。是我最怕最怕的壓力羊, 拎起條骨, 咬都不用咬, 肉已自動離骨。最基本的肉味都欠奉, 更遑論羊騷。事先已吩咐菜式要多孜然, 然而每人對多的定義不同, 我是要完一碟再一碟, 不然都唔知點吃得下那壓力肉。相比之下, 烤羊肉比肋排好多。雖然是大大粒的羊肉非正宗的小粒小粒, 羊都算juicy, 不過沒有羊脂始終是沒有羊脂。侍應收碟都收得幾過份勤奮, 可稱得上係狼死。一碟差不多吃光照收, 吃完羊肉串的一支鐵簽都照收, 有時太多未必好架。切記, 有得揀, 一定要坐open area, 坐餐廳裡面是極之高分貝, 嘈到什麼都聽不到。2個人, 1頓飯, 4碟菜, 由入座到埋單, 是用了整整三十分鐘。論效率, 此集團食肆同麥記有得fight!
繼續閱讀