影片
以上資料只供參考, 請與餐廳確認詳情
食家推介
相關文章
(13-4-2018)伏已中~！伏已中~！伏已中~！！！咁大條佬都未食過咁難食既甂爐！全部野都唔新鮮，個湯底叫“木瓜螺頭雞腳鍋”，原全冇味，將十令舊仔既冇味木瓜、兩粒仔既螺肉、十令隻既本地雞腳、十令粒冇切既紅棗掉落Ｄ滾水度，成為$108；豬黄喉有怪味，唔食得；鯇魚片雪死晒再溶雪既；話潮州牛丸，其實係雪乾晒既平平牛丸；響玲既；最精彩都係呢個“手切本地肥牛”，好似食紙皮咁，冇牛味，冇鮮味，食到一口渣；全部野都食唔到三份一！就唔見五舊幾水，仲要轉場食過……！😡😡😡
繼續閱讀
突然呀媽話想食雞煲、就諗住近近地試下呢間，見全場我係第二檯，都伏伏地，但試下無防。點左個雞煲、手切肥牛、生菜。個雞煲等左15分鐘，見到廚房即叫即整，味道普通。碟肥牛就係我食咁耐牛未食過咁差，以為食緊牛𦟌，啲筋多到嘔、直頭食唔到！同呀姐講換碟安格斯好過，呀姐咀妙妙！最後都換左。全程兩位呀姐無招呼、一個掛住打機、一個掛住睇電視。埋單好左check下單，茶錢、花生收左幾十唔緊要、換左碟平肥牛仲無改到，提呀姐時仲黑口黑面。下次咪攪！
繼續閱讀
年前在這裡吃過咖哩牛腩, 相當惹味.那天又在這裡吃午飯, 便叫了一個咖哩牛腩.牛腩和年前吃過的沒有分別,色香味一樣,但牛腩是涼的, 這個要扣點分, 白飯是濕濕地那種, 黏在一起, 這種飯的質地要撈上一點咖哩汁是相當難吃的, 吃過放涼的咖哩牛腩後, 白飯剩下半碗.
繼續閱讀
呢期大熱天時竟然迷上左打邊爐, 我們當晚點了招牌雞煲、黃沙豬潤、炸魚皮、水餃、魚旦、貢丸、牛胸爽、客家釀油條、本地牛肉、豬頸肉、手打墨魚滑、手打蝦滑招牌雞煲:好失望地個湯頭味道極一般，好彩d雞真係幾唔錯，有雞味本地牛肉，份量唔算多，但肉質唔錯牛胸爽，這個部位最能品嘗到牛的味道，而且口感一流水餃:雖然皮就厚了些，餡亦一樣唔算多，但都可接受既魚旦、貢丸，唔好要求太多，因價錢殺晒黃沙豬潤:豬潤非常新鮮，咬落係爽脆的，唔錯手打墨魚滑:不過不失炸魚皮:份量真係好多，不過我唔食的
繼續閱讀
今日返佐敦總公司開會，lunch去咗上海街附近的官仔記食午餐，好似出名海南雞飯，但我叫咗個咖哩牛腩飯試下。其實一般茶記無乜特別可以寫，不過這碟咖哩牛腩都幾值得介紹一下。這碟咖哩牛腩是較東南亞口味，首先它只有微微的辣味，另外椰香味好重，整個汁是甜中帶少的辣。對於不太愛辣的我，辣的程度剛好。牛腩炆得都算霖，但肉質就不算滑，一般快餐不能要求太高吧！除了牛腩外，餸內亦有不少的牛筋。細細的牛筋口感非常粘口，好霖身，比牛腩更為吸引。伴碟中的幾條清菜，正好中和濃味的咖哩，讓膩的感覺減輕不少。
繼續閱讀