影片
港鐵何文田站 B1 出口, 步行約6分鐘
繼續閱讀
電話號碼
90897732
特色
適合大夥人
營業時間
今日營業
18:00 - 23:00
星期一至日
18:00 - 23:00
以上資料只供參考, 請與餐廳確認詳情
相關文章
從來只說一間食店成敗先取決於食材，尤其火煱。這店雖不是隱世食店，卻也不是就腳，甚致是沒有甚麼事也不來這幾條街，沒有識。香港坊間飲食業總說已死，但店沒有買一送一，放題，和其它種種形式優惠，卻每夜也高朋滿座。你來吃就給你最好最鮮，沒有花巧，沒有宣傳，只有口碑，好的食店不就是這樣嗎？我們這夜一行七人到此店真是食柒咁食，蕃茄蟹湯煱不只有蟹，其它湯料份量讓湯更濃更多層次。肥牛鮮美，份量足，不是坊間那些紙咁簿，淥完就縮，食咗等於冇食。牛骨髓軟滑如布丁，自家手打四寶丸，脆肉鯇，豬腳筋，生魚皮，蠔，墨魚，鰤蚶各自精彩，本人最爱吃這的雞內贓雞腎雞潤雞腸，尤其黃油雞腸，油香雞味濃，只有是鮮雞自劏才可有供應。最後老闆娘還點了生粗麵，湯底掛於這裡可吃到全是鮮，相對其它火鍋店所供應的食材，本人覺得此店物有所值，雖知新鮮的食材與價錢是成正比，還有就是每份食材上枱前有99%厨房工夫是我們所見不到。若只限於價目而作品評，就請去街市購買同等新鲜食材和自劏自洗自砌自製火鍋餐，看看是否會比這裡平？否則我還是勸你去那些連鎖或全包任吃一個價的食店吃。這沒有高檔装修，位亦不多坐亦只普通，但這裡不會限時，雖知打邊爐就是與三五知己把酒談歡和聯誼，那些限時進食我從不內進。這店我將會再試其它食材。
繼續閱讀
呢間火鍋店喺大酒店嘅附近，真係好少會去嗰頭。咁啱最近有個朋友約我去食呢間火鍋，我從來都未試過即管試吓啦。點知幾有驚喜喎！雖然食物嘅質素同環境冇得同而家新派嘅火鍋店比較。但係勝在有地道嘅風味，食物價錢唔貴，雖然坐得唔係咁舒服，但係菜式上面都有唔少選擇。我哋先叫咗幾個小食，包括鴨舌，螄蚶，白雲鳳爪。螄蚶好食喎，冇任何腥味！鴨舌亦都非常入味。湯底方面，我哋叫咗兩個，一個係冬陰功湯底，令一個係椒鹽豬肚豬粉腸。兩個湯底唔算話特別好辣，但係都幾足料。新鮮田雞同埋大墨魚好出色，我哋另外再加多一份豬粉腸，因為實在太邪惡太好食，亦都冇任何異味。但係牛肉呢就冇特別嘅位置選擇，得一款正常操作。螺片亦都好食，而且份量都好足夠！滑丸類正正常常，唔算好彈牙嗰種。鵝腸份量夠，值得推介。環境係嘈吵咗少少坐得唔係咁舒服之外，其實好值得嚟試下。最後每人埋單都只係$350咋！
繼續閱讀
揾食真係要擇日不如撞日，跟班朋友行到紅磡墟都係要食番餐好，今次我哋揀咗一間名嘅老坑。🍲 先講講頭盤獅蚶，豉油醃過新鮮爽口到不得了；手切牛肉嫩滑得嚟滋味十足，食落啖啖肉香。至於龍躉翅，煮得啱啱好嘅彈性，夾埋清新嘅湯底，真係一流👍🏻煲仔黃鱔，韌味一流，攪埋啲香蔥皮蛋係爐仔邊逐啖享受；鮮四寶丸，每款都彈牙過癮，點之前又驚冇，食之後又不斷盛讚。當晚最正嘅就係啲秘製螄蚶同胡椒豬肚湯，後者嘅辣椒爽口又開胃，整體而言，食完之後真係心滿意足，味道記實咗喺心頭。 💯 大班人嚟到一齊傾偈嘆嘢，老坑嘅氣氛俾人一種好似返到屋企嘅舒適感。吃嘅歡樂加埋抵食嘅價錢，讓呢度成為我心目中嘅必食推介！老坑，過晒名但係每次嚟又有新發現。食住啲有質素嘅嘢，聽住朋友講笑，環境簡樸但心情一樣好，這裏就係打邊爐嘅打卡熱點！下次仲要帶多幾個鐵杆兄弟嚟試下，一齊享受過癮嘅火鍋之旅。👫🍀
繼續閱讀
過去一年嘅經歷，促使 #小秘書 急速成長🥹 感恩身邊有班好朋友同boss嘅支持，總算捱過去🙏🏻 為迎接新嘅一年，馬拉松式嘅團年飯當然少不免🤪 無幾可會過嚟 #紅磡 嘅我，呢晚跟住 #首領 嚟到佢嘅老家，到來 @老坑火鍋 朝聖😎 原來餐廳距離巴士站都有一段路，好彩有支盲公竹，比預期中仲要準時😎 一心諗住可以試吓馳名 #蕃茄蟹鍋 嘅我，點知遇著有人皮膚敏感😅 唯有退而求其次，叫個 #蕃茄鍋 做湯底😏 餐廳嘅食材出名係新鮮，#肥牛、#雲吞，同 #水餃 🥟 當然係少不免。不過最估唔到佢嘅 #豬腳筋 原來非常出色，放落湯底慢煮30分鐘，煙煙韌韌韌嘅口感，再配上新鮮肉味，認真一流🤤 而佢哋嘅 #餐前小食，#鬼馬油炸鬼 （油炸鬼釀蝦膠）、#炸魷魚鬚 都做得相當鬆化… 正呀🤤 而值得一讚嘅係佢哋嘅服務態度，幫我哋落單嗰位 #四眼哥哥 見佢走來走去非常忙碌，但係仍然對我哋嗰枱照顧周到，好客嘅 #事頭婆 仲特登走過嚟請我哋飲啤酒🍻 ㊗️賀一番！突然升lev做咗貴賓呀🥳📍 老坑火鍋 (紅磡)曲街25號鉅基閣地舖
繼續閱讀
🥰 同事 “范閒” 大力推介 “老坑” 打邊爐, 地點少少吊腳, 似係臥虎藏龍, 今晚六人飯局.🥢 全條街黑鼆鼆, 落車見到 “好姐老坑火煱”. 點樣呀? 究竟係好姐, 定係老坑呀? 服務員帶我哋穿過大廳, 目測十枱八枱, 入後巷, 再進入副廳, 五六枱左右, 光猛闊落, 坐圓凳, 舊式火鍋店格局. “范閒” 點菜:馳名蕃茄蟹湯底鮮牛肉鮮四寶鮮豬腳筋新鮮八爪魚牛白肉鮮牛柏葉油麥菜韭菜餃🦀 馳名蕃茄蟹湯底, 時價, 我冇睇單, 應該$350-400. 今餐嘅靈魂, 包一隻蟹, 蜆肉, 蕃茄, 薯仔, 湯底成功提升火鍋材料味道, 值得推介.🐂 鮮牛肉, $460. 唔平喎, 肉味Ok, 有嚼口, 嫌略厚, 中規中矩, 合格吧. 🍡 鮮四寶, $120. 每款五粒, 份量慷慨. 味道口感非常出色, 必點!🐂 鮮豬腳筋, $130. 放入湯煮30分鐘, 腍滑, 膠口, 今晚驚喜之一, 鎮店菜色.🦑 新鮮八爪魚, $120. 新鮮, 爽口, 掂!🐂 牛白肉, $150. 夠簿, 脆口, 出色!🤗 鮮牛柏葉, $90. 唔嫩唔爽, 麻麻哋.🥬 油麥菜, $40. 正常.🥟 韭菜餃, $80. 皮厚, 災難…🤗 總結: 鮮牛肉冇乜競爭力, 反而豬腳筋充滿驚喜, 其他地方少見. 牛白肉, 八爪魚, 四寶丸非常出色, 後加嘅韭菜餃有點災難. 人均 $380, 唔平喎, 勝在有賣點!
繼續閱讀
您可能會有興趣的...