影片
電話號碼
2140 6883
營業時間
星期一至六
12:00 - 15:00
17:30 - 21:30
星期日
全日休息
以上資料只供參考, 請與餐廳確認詳情
招牌菜
中環札幌由交易廣場搬到去中上環新鋪，人氣依然，無他嘅，有麝自然香，質素好係取勝之道。我就趁未搬之前，就再嚟食番碗北海道靚拉麵。星期六，晏畫收咗工，約埋同事及太太，一齊會札幌。一碗拉麵平均六、七十，不過過百一碗都有，而定食就七、八十到一百。我哋三個人，各自點自已喜好嘅拉麵或定食，嚟到先試吓人哋碗味。製作需時，席間同事就問起坊間都有好多札幌或北海道喎，有無關係架，印象中睇過啲雜誌介紹過，其實都好複雜，佢哋之間有啲係朋友，有啲係對手，亦有啲師傅過檔或者自立門戶，當然亦有啲個名改得雷同，基本上無關係，總之依間「札幌元祖北海道拉麵」就只此一家，絕無分店。但點都好，依個係自由經濟社會，汰弱留強，掂唔掂食客自然食得出！大概都等咗15min，卒之有得食，講翻轉頭，我哋等位都等咗一陣，見住啲客一批走又一批又嚟，尤其今日係星期六，無晒平日啲寫字樓客，都依然進出進出人來人往。味噌拉麵 $65 既然叫札幌，拉麵自不然係攣而粗嘅麵條，掛湯效果好。札幌出名在於佢哋用上北海道札幌嘅西山拉麵，食落確係幾夠彈性有咬口，又耐浸唔易腍。味噌湯底幾夠麵豉香，又帶有少少甜味，呷一口稱得上幾鮮甜。而每款拉麵都有兩大片叉燒，同一般拉麵店比屬於偏瘦，食起嚟質感略硬，但由於切得較為薄，而且豬肉帶有點點油脂，所以口感又未至於嚡口，依種「瘦叉」啱晒我老婆，佢唔多喜歡肥豬肉。另外，配料方面有蔥花、芽菜、筍乾條、紫菜同粟米粒，份量適中，芽菜爽，筍乾脆，粟米粒亦係超甜，做得豐富又認真。所以，吮住啲麵嚟食，等每一啖都可以連湯帶麵咁食，就正得無比。牛油塩拉麵 $75 湯底味濃而不濁，入口帶點點鹹味，等大片牛油慢慢溶入湯中，拌勻後再呷一口，口感更加幼滑鹹香，亦無肥膩感。所以，食完碗麵，我都飲晒成碗拉麵湯，以示對師傅心機嘅尊重。至於麵條，同樣做得彈牙無失準，足證明無論麵廠嘅來貨，抑或師傅淥麵嘅手勢，都保持水準十足無閃失。叉燒同樣有兩大片，不過配料就跟上面味噌拉麵唔一樣，少咗粟米粒，但整體份量依然十足，一樣咁出色好食。燒鯖魚定食 $85 太太特別鍾情於日本嘅燒魚，燒三文魚、燒銀雪魚……等等，見有燒鯖魚定食，佢諗都唔使諗就揀定。一份燒鯖魚定食，已包括味噌湯、一小碟醃物、一小碟煮物及一大碗白飯。醃物同煮物賣相都好普通，有啲行貨嘅感覺，以一貫日本人做事嘅認真及精益求精，我就覺得依兩樣嘢唔合格喇。反觀條鯖魚，賣相就好好多，上枱已聞到燒魚香，不過，唔好睇相以為係原條燒，其實得半邊，但已去咗魚骨，所以食起上嚟都好方便嘅，只係略嫌份量少咗啲。雖然只係簡單嘅鹽燒，都已好好食，魚皮香脆帶點鹹香；肉質較結實，但魚味濃得嚟唔腥；魚油OK，擠啲檸汁，醮少少白蘿蔔蓉嚟食，多份清甜清爽嘅感覺。飯粒圓潤有米香，少許黏糯帶濕潤，米粒亦恰如其分有質素哩！
繼續閱讀
過完大海早了回來，就算自己不吃，也要解決家人的晚餐，最後就拉大家近近的吃碗麵吧。有別於近期多所灸手可熱的拉麵店，它們大多是九州來的，而此店賣的，是北海道的札幌拉麵，最有名的應該是味噌湯底了吧，又或是歷史更為悠久的鹽味湯底，但是日就仗着人多的優勢，一行五人，點了四個麵，其中一個麵跟餐，所以多了一份餃子分吃，那就試了四款的湯底。吃拉麵之前，要了個餃子分吃，餃子煎得外皮有點脆而不焦，餃皮都算薄，但欠了點彈性，至於餡料方面，都是如一般的用上椰菜及豬肉攪拌而成，肉質入口腍散，而論其肉香及香料的味道，又真的不太夠惹味，蘸一點醬油及酢溝成的餃子汁，吃起來微酸，就好得多了。之後就是拉麵時間了，拉麵真的是四款的湯底都試勻了，分別是鹽味、豬骨湯、味噌湯及豉油湯底。先來談談鹽味湯底，雖真的有不少油花在湯面，不過個湯頭入口沒有丁點肉香，的而且確是一個只有鹽味的湯底，人家的鹽味湯底，就算不是豬骨湯的白色，也有不錯的肉味來作後盾，是日的一口湯，真的令人不太味兒，一向也愛喝光美味的拉麵湯，是日不是本人不想尊重師傅的心機，而是我條脷叫我不要這麼做。再來嚐豉油湯底，又是偏為清及丁點肉味也沒有，比起之前的鹽味湯底較好的是，店家用上的豉油都幾有香味，清清的呷一口，帶有醬油的香甜，薄薄的伴麵條吃，感覺也算不錯的。之後就嚐應該最有名的味噌湯底，雖知道店家的味噌湯底是有分普通及特濃，本人點的雖然是普通的那一款，但也不代表個麵豉味可以那麼薄嘛？喝起來有一種近似鹽味湯底的味道，但就只不過多了丁點麵豉味而已，這比我想像中有點距離。豬骨湯底不是北海道拉麵的強項，但既然此店有供應，就理應有責任做得好，呷一口豬骨湯，終於有點肉及骨頭的香味了，大家可知道早前所談及的三個湯底，全都不太有肉味，而這個奶白色的湯頭確是好看，不過其實好看也不代表一定中用，豬骨的味道都是未算太濃，那種骨湯應有的鮮甜味不知到了哪？比起人家達磨及秀拉麵，以至是山頭火實在是差太遠。在介紹完湯底之後，再來介紹其配料、麵及叉燒，店定用上的拉麵用上馳名的西山拉麵，聞說是爽勁中又彈牙不腍，其實多年前在鰂魚涌的分店嚐過，無論湯底或是麵條，都令我王今難忘，此店的湯底已經是沒有鰂魚涌店的好，但這個麵條看來也要令我失望，韌勁依然但就不夠爽口，加上麵吃入口近乎無味，莫非我味覺失調？沒蛋香又沒麥味又不吸湯，其實頭兩樣本人也認為不太重要，因為如果有好的湯底，加一個掛湯的麵條，就又怎會沒味道呢？但就是不知何解，店家是日的拉麵可以連中三元，什麼味也沒有。叉燒則反之不錯，吃入口雖未至於油化，但豬肉入口至少一點也不韌而又帶有點油脂香，加上豬肉味來得突出，這方面是有所驚喜。店家所下的配料也不少，每碗拉麵有大量的海苔、洋蔥、大蒜、栗米及筍，由於洋蔥及大蒜下得夠多，五辛味很強，也纏住了不少的麵條，吃得人一口也是那種味道，加上海苔腍中帶爽，又有分鮮鹹香，加上香甜的玉米粒及切得厚薄適中的筍塊，配料方面夠認真。本人一次過都出了不少拉麵的食評，自問不是很喜歡拉麵，也一定不能說是什麼專家，而且又未吃過豚王，但依我有限的經驗，此店的質素都一定要比很多好評的橫綱及Domon的都要好，不過就未及函館、達磨及山頭火了。
繼續閱讀
相信都是敵不住業主的瘋狂加租，公司其中一個最「就腳」的餐廳又要搬離了。根據舊址通告指示，我們來到位於福興大廈的新店。感覺上檔次較以往低了點，始終交易廣場都是高薪白領的集中地，餐廳的選址確實對其形象有著莫大的影響。不過無辦法，現實始終是要面對的，真的不知道每個月要多買幾碗拉麵方可以補回租金的差額呢？以往在舊址，只要中午略遲到埗，就肯定要等上最少半個小時。不知是食客們還沒知道搬遷，還是他們已經離棄了她，以往門口擠得水洩不通的情況今天卻不復再。有待時間印證吧！新店的面積跟舊址差不多，但座位與座位的空間較以往寬敞。不過最不習慣的是店內環境偏暗，要知道環境越暗越感睡意，尤其是中午的時間，所以不太喜愛。至於食物方面，我點了最穩妥的豚骨湯拉麵($68)。湯底和叉燒尚算保持水準，今次敗筆在於麵條，我和其中一位友人都感到麵身略硬，不過還可以接受的。價錢跟以往一樣，倘若在中環，這個價錢算是合理，現在搬到接近上環地段，價錢並沒有相應調整，可見新店租金同樣令人吃不消。其中一個在太子大廈上班的友人說不會再來，原因是太遠。相信對於食店，以至食客，都要重新適應。
繼續閱讀
午膳時間於中環札幌拉麵品嚐了一碗牛油鹽味拉麵。湯底加了一整塊牛油，味道當然更濃更香，但多吃的話，難免有點油膩感，都係點到即止為佳。未知是否湯底加了牛油的緣固，拉麵麵質都幾滑口，口感煙韌，都不俗。餸料除有芽菜及昆布外，亦有兩小片义燒，味道偏淡，未見有特色。定食加三十餘元有餃子一客(五隻)，質素普通，肉香肉汁稍遜，以這個價錢，不作推介。
繼續閱讀
等唔駛好耐, 幾乎即刻有位, 不停有人入黎...4個樓面服務4,50個位, 窄些少...叫杯熱茶要2次...忙到唔記得...食左叉燒拉面, 炸雞1. 叉燒拉面好食, 湯夠濃, 麵夠彈牙, 叉燒肉厚度剛剛好, 有叫多碗的衝動...2. 炸雞差些少, 嫌肉少, 個醬太搶, 都好食...會再幫襯, 下次會叫醬油湯底2:30pm last order, 唔收新客...一定要2:30pm 到或落 order, 真係無情講...我食完個炸雞, 2:35pm 想叫餃子已經為時己晚...
繼續閱讀