呢間餐廳環境好型格,黑色檯椅仲有可以睇到廚房師傅制作串燒同切魚生既吧台位置,職員好友善仲要即時提供左個籃俾我地放袋用,我地叫左一份荔枝豚肉串,一串必食推介燒白鱔,鱔魚用厚肉燒至外皮香脆 仲有我地叫左一份三文魚,油甘魚同吞拿魚刺身夾埋食既多士,一啖一口擺盤好靚,刺身味道新鮮同多士既麵包食落好有層次同口感, 我地叫左一碗牛肉烏冬牛肉係半生熟既再浸落熱湯度慢慢浸熟食落唔會好硬身,仲好有肉味同好似食緊肥牛咁,烏冬份量都幾大碗同埋好彈牙。

呢間餐廳位於紅磡商場內，入面位置都好闊落，環境好浪漫，好多卡位，我地叫左一份西冷牛扒配薯菜，薯條好粗身，仲有豆，蕃茄同粟米，肉眼扒好厚身，肉味都幾濃同埋牛扒大大塊，加左轉芒果橙汁特飲，芒果同橙汁又幾夾，甜甜地甘，另一份炸魚牛柳肉質都好軟熟，炸魚好大塊外層脆卜卜，牛柳好厚肉，配黑椒汁岩岩好，餐湯係羅宋湯仲有香脆既蒜蓉包。 心太軟內軟外熱配埋桃肉酸甜開胃，少左個雪糕如果唔係仲正。 @cafemed_hk #紅磡

呢間餐廳位置銅鑼灣535 TOWER上面,呢度入面好日式屋企FEEL,以木質材料為主,我地去左呢間服務幾好既餐廳,我地叫左一份咖哩炸豬扒飯,職員仲好好咁俾左配呢個飯既配料俾我地加,入面有紅蘿蔔酸酸甜甜咁同個咖哩飯好夾,跟餐叫左餐湯同沙律,咖哩醬仲好細心分開上菜, 我地仲叫左一份芒果法式多士甜品,呢度既生果全部都係用日本生果,比較FRESH,法式多士好厚身既麵包整成,仲有好多芒果同CREAM好香滑,另外仲有蜜糖醬汁同埋雪糕。

呢間餐廳位於樂富FOOD COURT入面,新開唔係好耐但FOOD COURT座位可以自由選擇坐邊同埋都幾闊落既,我地叫左一碗即叫即炸既3L炸蠔沾麵,呢碗沾麵份量相當驚人,比起平時食既炸蠔佢真係不得了,隻炸蠔大到好似手掌咁大仲有2粒咁多,呢個價錢真係好抵食,佢咬落個皮好鬆脆同平時食既炸粉有D唔同,可見師傅用心制作,拉麵就用左一個熱辣辣既鐵碗裝住有龍蝦肉既醬汁再撈埋粗麵食,另外一碗叫左櫻花蝦拉麵,櫻花蝦既口感好易咬同埋拉麵比較彈牙,仲有即燒叉燒片肥瘦岩岩好。

呢間茶飲餐廳歡迎寵物黎坐同打卡係佐敦區既隱世茶店，入面仲有賣寵物tshirt，可以自己訂造款式tim，我叫左研磨開心果燕麥奶茶好smooth,好香濃開心果味道仲有開心果果仁碎，咬落有口感，即叫即做，奶味都勁濃郁加入左蘆薈口感彈牙，飲完開心d，而且貌相好有層次，綠色一層層甘，仲有開心果醬響入面。 另外，芒果沙冰用左新鮮芒果肉，咬落好有芒果味唔係用芒果汁溝成既甘，奶蓋香滑用左澳洲既牛奶制成，啖啖芒果肉加左珍珠好煙韌。

呢間放題位置好方便，位於地鐵站上面附近既商場，呢度座位闊落，一入到黎就見到好多熟食，放題餐有四個餐可以選擇，出面擺放左好多飲品連啤酒都有，仲有炸物，冷盤，爆谷，雪糕雪條等等既食物可以選擇，我地坐低左就用qr code點餐，叫左多款刺身好似三文魚，油甘魚北寄貝等等,食物上菜速度都算快，羊架入味大大隻，炸物個人認為椰汁炸波波(食左同類tim)係幾出色既，因為個波波係流心效果既，炸天婦羅如果可以再多幾款選擇就更好。

呢間餐廳有好多座位,而且有幾款配菜任夾既有泡菜，蘿蔔，青瓜等等，客人可以自己拎，我地叫左一份牛骨湯，牛骨好多肉同好大舊，牛肉味濃郁，加埋個好滾同熱辣辣既湯真係幾正，我地仲叫左一份真雪花牛肉，牛肉既油脂分佈好平均，肉質比較嫩滑，另外仲有一碟牛護心肉，呢個比較少見同特別，肉質比較彈牙，肉味香濃煙韌少少，加埋燒烤醬汁同埋生菜夾住食就減低左油膩感，食物份量都幾大碟同已經切好晒俾客人自己燒，另外仲有芝士蛋同泡菜蛋可以任加。

朋友帶我黎九龍城搵食,呢間餐廳前身係一間懷舊中藥店,中藥店翻身之後變身成為呢間CAFE,我地見到佢保留左好多唔同特式既位置,好似門口既鐵閘都好值得影同打卡,另外仲有入面沖咖啡既位置既中藥百子櫃都有保留度,我地叫左一份全日早餐,入面有好多唔同既配搭仲可以自己再按想食既食物額外再加,我地再加配左一份煙三文魚,煙三文魚會另外再分開碟上,全日早餐個薯餅好香脆,所有食物都係即叫即整,熱辣辣又新鮮,飲品叫左一杯手沖咖啡,自家制咖啡入口好SMOOTH,有D蜂蜜既甜味幾特別,另外,叫左一杯LATTE,個拉花好靚,同埋一份牛肉漢堡包,漢堡包好大份仲配有粗身薯條,呢度好岩同人傾計同打卡,打卡位置都幾多嫁。

呢間餐廳位於新蒲崗新開張無耐既餐廳，主要食順德菜同潮州菜為主，小編最近都真係幾鐘意食潮州菜見佢新開就梗係要去食下啦～呢度既脆皮炸鮮奶好香脆可口6條甘多仲要配埋練奶醬入面鮮奶軟滑，令人一啖接一啖甘咬，外皮用左麵包脆炸。 鵝肝：必食推介好軟熟，個肝滑溜，份量仲有得揀半份或者全份，半份都已經好夠食，而且都幾飽肚感。 翅煲：呢煲翅真係用足料超抵食黎形容，份量係好大煲，而且入面既翅都好大塊，湯都煲到好入味同香濃。

呢間餐廳位於東涌商場內,入面環境好闊落光猛,仲可以睇到入面D廚師整包點既情況,咁睇到廚房既運作就可以令食客食得放心衛生,我地叫左一份原味小籠包,小籠包即叫即整仲好多汁,皮薄涵靚,店員都好友善,上菜速度都好快, 另外,我地叫左一份豆沙窩餅入面好多豆沙涵都係廚房即時整既,呢度仲推出左一D新系列既飲品,我叫左一杯香水手打檸檬茶好大杯酸甜醒胃,檸檬份量好多 仲有肉絲夾餅,肉絲份量好多,涵餅皮就有少少硬如果可以軟身D就好。