香港茶餐廳周街都系，至於連鎖茶餐廳#翠華餐廳  ，卻是多年嘅老字號，除食物種類多，有常餐、有焗飯、又有鐵板食，價錢合理又足料～ 我哋今次叫左鐵板同晚餐一試，全部改以碟上，免得系鐵板落汁時彈到我成身都系!!
羅宋湯
牛油豬仔包
凍朱古力
美國機的牛肩扒（蒜蓉汁） 粟米雜菌忌廉湯
牛油豬仔包
凍檸檬茶
鐵板薄西冷牛扒配意粉（黑椒汁）
餐湯味道濃郁，配上脆脆嘅豬仔包，無敵嘅組合。至於牛扒叫左七成熟，肉質唔韌，配黑椒汁更加惹味。 整個晚餐歷時約一小時內，有茶記要求嘅上菜速度同埋食物水準。

今日系荔枝角工廈區做完gym後，就系附近揾間小店休息下補充體力，上OP一搜見 #Monster Kitchen 環境唔錯，就決定walk in 入內一試!! 店內環境裝潢簡約，也有室外位置。而today special不時會update，當中更有期間限定菜式。 香脆蝦多士 $58
多士數量比我想像中多，炸到卜卜脆熱上碟，厚厚蝦肉配上脆脆餅底，口感一流。 芝麻青檸柚子脆炸雞翼 $68
味道幾唔錯，雞翼表面煎得香香，拌上柚子醬同芝麻，甜甜柚子醬使咸食嘅雞翼味道出奇地夾，而雞肉嫩滑。 蕃茄醬牛肉芝士燉飯 $108
飲粒同蕃茄醬溝埋矖一齊，口感綿密，牛肉嘅份量適中，仲布一大粒溫泉蛋，整體好Balance，非常好味😋 煙肉芝士意粉配韓式辣醬(Chef special) $118
作為期間限定，食物水準一流，味道帶點辣外，芝士亦絕對不少，口感多層次，值得一試!! 即使食物款式唔算多，但勝在味道一流，同埋唔會趕人走!!

有時出外揸車食飯，想搵個車位停一停都幾難，尤其是深水埗等地方。就連收費停車場亦不近食肆，而位於深水埗福榮街 #烤吧31 ，除左街邊可供暫時停泊，更設有戶外位置。方便睇住架車!!主食:清江魚$298
配菜:蓮藕片，豆卜，栗米，唐生菜
醬香野菌湯底
湯底本身屬微辣，醬香味濃郁，魚身很大條，整條魚骨已去又無細骨，每塊魚肉都集醬香既甜於一身。煮左咁耐都唔散，個人覺得魚尾位置比較嫩滑😎 食完仲外加入配料打邊爐!!就咁都飽左一半!!特級牛
細細一片，淥一淥即可入口。而且牛味濃郁!!白鱔片
白鱔份量同樣唔少，白鱔片一淥即熟，肉質彈牙爽口!!牛筋丸蒜蓉牛油娃娃菜配粉絲底
娃娃菜蒜蓉味重，配埋粉絲做底，都幾飽肚!!薯粉
薯粉十分適合耐煮，煮咁耐都冇咩縮水。仲吸湯夠香辣👅
整體黎講，食物質素高，好岩成班人一齊食辣打邊爐!!

系太子搵食，通常都會黎到基隆街呢邊搵搵，總有一間小店啱你心水，今晚想就黎#Simply Thai MODERN CUISINE  食個泰菜。全店免加一收費。環境寬敞，小店黎講座位算舒服，未到晚餐時間都好多人幫襯，感覺品質保證！脆炸雞翼$68
外表皮炸到金黃，咬落去仲有肉汁，肉質依然保持嫩滑。泰式青咖哩(豬)$88+印度飛餅$15
本身唔系好食得辣， 而呢青咖喱既香料味重，之餘有點甜味。而豬頸肉既份量適合二至三人分享。仲有泰國茄子，豆角條等配菜。泰式炒金邊粉$88
整體味道甜甜地咁，而金邊粉較為淋身，伴隨少少酸小青檸，令胃口大開！馬拉盞炒通菜$68

通菜好爽脆，馬拉盞味好濃!!凍青檸梳打(跟餐)生啤$38自製椰子雪糕$58
儀式感十足，雪糕底仲乾冰保凍，入口雪糕有椰子溶，口感smooth!!整體氣氛好唔錯，一班人聚又得，情侶食又夠氣氛!!

好耐都冇食過港式味道鐵板餐。網上翻查資料，見到旺角#龍城冰室 評價唔錯，決定就黎呢邊試試。餐牌選擇眾多，種類有煎炒煮炸煲等，連小菜都有。鐵板餐都系$100左右 ，特飲都只係加$9。招牌鐵板黑椒牛柳配黑椒汁 $118
牛扒係好淋身， 7成熟加黑椒汁，味道更勝一籌，呢度嘅扒都係淋身有口感，仲包埋餐湯，餐包，鍾意食淋身扒一定唔好錯過！鐵板照燒鰻魚雞扒$108
雞扒相信燒左一陣，不過肉質都仲好嫩滑，而且大大件勁抵食，唔食牛嘅朋友都絕對推介，仲有塊鰻魚食!!雜果冰+9
紅豆冰+9 店家坐落於旺角鬧市區域，座位寬闊，坐得舒適，百零蚊食得好飽，晚市時間已經開始滿座，好快就現人龍，預留時間等位。

時下食肆除左講求食物質素外，環境亦須要同時講究，尤其是泰國食品果種價廉物美，今晚就嚟到元朗形點I 地下新開泰國菜館#SO! BangKok Thai Eatery & Desserts ，一尋泰國風味！ 戶外座環境別緻，室內裝潢亦清新可愛！ 泰式串燒沙爹半打（豬🐷，牛🐮，雞🐥）
雞牛豬各2款，串燒得軟腍多汁，本身亦有醃好，雞肉串最特出，配搭甜甜地沙嗲醬，絕對係味蕾一大享受！ 泰式涼拌三文魚
三文魚味道較清淡，酸甜適中，帶點輕輕爽脆又美味！ 黑松露臘腸炸雲吞
咬落去外皮真系 “咔咔” 聲架，內裡嘅臘腸亦好飽滿，亦不乏黑松露，點埋個泰式甜辣醬就更惹味！ 泰婆婆秘製海南雞飯
無骨海南雞飯，雞肉幾嫩口同滑，絕不”鞋”口，帶皮有肉連骨，而油飯不油膩！再加上爽口嫩嫩的青瓜，令整個口感更清新！ 凍香椰子朱古力
口感濃郁豐富，想減一減壓，除了咖啡外，朱古力系個好選擇！
草莓鮮奶椰子奶蓋
椰子奶蓋好香，唔系太甜，啱晒鍾意椰子味重嘅朋友仔！ 焦糖布丁配椰子意大利雪榚
味道充滿蛋香同奶味，口感紮實，幾樣材料一次過擺入口，整體唔太甜，賣相好靚啊！

天水圍T-town雖然好多野食選擇，但好奈冇食川菜，今晚就黎#川川辣辣 過下口癮。餐廳又冇加一服務費，有budget叫多了餸菜。望望餐牌，除左川菜外，仲有中式小炒，港式常餐揀!! 甜酸松子魚$158(製作15-20分鐘)
 甜酸汁同松子淋系魚塊上，酸甜味道夠曬濃，魚塊炸得香脆鬆化，而且成條去骨，炸粉又薄 。入口香口醒胃，一點都不腥。 孜然牛肉$88
牛肉份量好多，牛肉肉質嫩滑，孜然味濃，辣度十足，食到我滿頭大汗! 椒絲腐乳炒油麥菜$68
油麥菜葉嫩綠新鮮，中和辣度。 招牌紅豆冰$24
龍鳳可樂$24
一邊食辣野，一邊飲檸樂，透心涼! 整體來講，所有菜式都夠地道，價錢合理，餐廳環境雅致舒服，絕對值得一試！👍🏻

與朋友在觀塘夜攝復活蛋過後，揀左間泰國菜食飯。#Add Some Thai Restaurant 位置好易搵，由地鐵站走過來約5分鐘左右，餐廳座位相當闊落舒適。價錢合理，用餐氣氛唔錯。有party room 服務提供，好適合一班人聚會!!⭐️泰式明爐青斑
青斑魚大骨已挑走，肉質結實唔腥，明爐除左可以保持溫度，亦令唐生菜吸曬湯汁，夾住部分肉鬆一齊食，味道清甜到不得了！⭐️泰式雜錦海鮮炒金邊粉
搭配各種海鮮，包括蝦、魷魚、魚片等。浸住微辣冬陰功湯內，辣中帶酸，金邊粉夠曬爽口，乾身又充滿鹹蛋花，條條分明，成道菜色香味都俱存！⭐️馬拉盏炒通菜
簡單而美味。有香香的馬拉盏味。能保持咗通菜爽脆口感。夠曬鑊氣，十分地道。⭐️富士山下(蝶豆花奶蓋)
估唔到泰菜餐廳都會有奶蓋飲，奶蓋味夠晒甜，啱晒天氣熱飲番杯！⭐️生薑紅棗茶
溫暖滋潤，暖胃舒服。📍 Add Some Thai Restaurant (觀塘) 開源道62號駱駝漆大廈第一座9樓D室

行過太子見到間有情調西餐廳，西式扒房餐廳🍴 #The Steakhaus，當然要去一試一試，餐廳裝潢主調為橙x啡色調，燈光柔和，重懷舊風既風格既扒房，由於還處於新張期間，上菜速度及效率有望期待!!  蟹羔蟹餅(必食前菜)  烤焗至香脆的表面，切開有滿滿嘅蟹肉，以一絲絲嘅蟹肉構成，鮮甜蟹肉盡入口腔內，價錢合理而且真材實料。 豬仔骨 (3支) ，另加煎扇貝  豬仔骨呈粉紅色，肉質好淋好Juice，扇貝肉口感彈牙。味道鮮美 。 經典卡邦尼薄餅
上枱就見到薄餅與別不同，薄餅上芝士流灑出黎，薄餅邊薄身，口感好脆，即席烤焗出來既感覺，正！ 提拉美蘇
呢款甜品咖啡味比較特出，奶油系提拉米蘇上面，口感濕潤，濃濃既焦糖味。 Green Apple Mojitos
以青蘋果為主，帶點酸又清新。

今日同姊妹嚟到銅鑼灣皇冠假日酒店呢一間CARVER食好西，見呢期主推午餐套餐，我地揀左$338 四道菜午餐。就試試佢地水準。 酒店內餐廳裝潢得明亮，燈光溫和，感覺幾舒服。 香辣吞拿魚他他
冷盤有以吞拿魚為主角既他他，吞拿魚蓉入口軟淋，口感鮮嫩有蔥香，好味又開胃。 白甘筍湯
滑溜口感，帶甘筍香，味道香濃幾特別。 味噌漬海鱸魚
呢個海鱸魚煎得好香，魚皮都煎出了薄脆感，而魚肉幾嫩滑，這道菜仲配有香辣薯仔，煙肉，青豆及洋蔥，非常惹味。 香芒椰子布甸
芒果香甜，布甸口感滑溜冰涷，配上芒果吉士，椰子忌廉，甜而不膩。