呢間餐廳係大埔都開咗好似一年左右，由於諗唔到食咩好，就決定入去喇！見到門口都有比較家庭既菜色，但今日我地都想食下扒類，因為平時屋企都少食 Menu都有好多唔同類型，有咖喱、素食、肉類同埋當日Dinner Set. 通常Set會抵食D因為有湯、主食同飲品，最正係有埋甜品，所以都有D少期待 懷舊紅湯 紅湯最好味係濃得黎帶少少辣，真係會令個湯昇華，呢到既湯真係做到 南美燒羊膝配吉列炸蝦 ＄128 羊膝都唔係好多地方有得食，最多都係羊扒，見羊膝都幾特別所以都叫咗食下。平時我都少食羊，因為我好怕個陣羊膻味，但見身邊果個話如果頂唔順就佢食，所以加強咗我信心叫咗。 羊膝加咗黑椒汁，膻味無咁濃但口感都唔錯唔會韌，同埋比想像中大舊好多，男士食都絕對足夠 澳洲穀飼T骨扒 $138 嘩，見到真係O哂嘴，因為係好好好大塊，見到好似有2大片，真材真料。但唔知係咪廚師重手咗D，真係咸啊～好彩有意粉中和一下，但食肉獸見到真係會眼前一亮 甜品黎啦～今日係雲尼拿雪糕，細細杯可以解解膩，總括整體都唔錯啊

成日都以為廟街先有得食嘅煲仔飯，原來尖沙咀都有得揀㗎 環境好舒服而且可以帶埋老人家過嚟食，唔使怕地方污糟或者唔就腳 呢度有套餐選擇，而且臘腸都係自家製，最正嘅係加咗辣椒係臘腸度，所以同坊間嘅臘腸好唔同，如果喜歡嘅現場更可以即場買走 四季豆干扁雞髀菇有少少麻辣，食落好好味 籠仔荷葉蒸土雞飯，土雞行肉質嫩滑而且蒸飯好重荷葉味，值得一試 薏米水落足料而且係炎炎夏日飲薏米水簡直一流 甜品亦都落足材料，綿滑足料， 如果可以再添食就好啦

坊間有好多間火鍋店，但不是每一間都有新鮮海鮮同埋任食放題，呢間火鍋店位置係旺角所以都好方便 火鍋湯底有好多選擇今次我揀咗蟲草花水鴨湯，非常之濃味而且好有老火湯嘅感覺，即使食到最後個湯底仍然越煲越濃 會有一張可以選擇八款食物嘅點心紙， 點心紙上面嘅食物就不能夠任食，所以要認真選擇想食嘅嘢 之後有一張可以任食嘅紙就大家可以放心咁點啦 當然不得不提嘅係會台都會提供新鮮海鮮盤，入面會有鮑魚、聖子、貝類、海蝦等等，仲有一隻蟹添㗎 呢度嘅放題都幾有誠意，湯底就一定要試吓唔同口味啦

滿屋位置係銅鑼灣都好方便而且入座安排都好有系統，人手安排叫號入座 一入到門口已經見到有個飲日本酒既位置，冷盤區同飲品凍櫃。客人可以自由去拎飲品同出而既冷盤 食得放題當然唔係著重出面冷盤區，行咗一個圈就快快手入去坐入紙寫想食既野。見到壽司都有幾款好特別，最好既係呢到既壽司飯唔會好大舊，所以都有quota食多D其他野 刺身都有唔同選擇，都係叫返自己鐘意食既魚生，有三文魚、帶子、甜蝦、大蝦，食落魚生都好新鮮而食落唔會有腥味，俾既份量都好足 呢到仲有海膽手卷任食，雖然係細細件但海膽新鮮又無限每叫既數量，所以食完又覺得好食又可以再叫過 燒野當然唔可以錯過牛舌同燒蝦喇，牛舌燒得岩岩好同埋都算厚切，食落唔會好乾既感覺 入場時會俾一張雪糕紙，每人限叫一杯。仲可以揀MOVENPICK添啊，但小妹最愛榴槤就當然唔會錯過食榴槤雪糕，食落都有一陣陣榴槤味同埋有榴槤果肉，味道都算唔錯

呢間串串小妹食過一次，已經好深印象因為D香料味好香濃而且同大陸食辣野既味道都好相似，所以知道有放題食當然不能夠錯過喇 睇到落單紙，同之前散叫紙差不多，唔會因為放題而俾少D野食選擇。 好快就上菜啦，無漏單，點幾多俾幾多仲俾左一大盤辣油香料，所以食之前可以沾滿辣油，一個字係爽啊 小妹點了2round 串串、肥腸麵。肥腸麵都好好味，有酸菜食落又辣又酸好開胃。但個都都係爽滑，口感唔錯 最後職員推薦呢碗冰粉，冰粉就無咩味但有少少糖水配襯，所以甜甜地又凍凍地好完辣野食返碗冰粉都好舒服，所以食完放題記得唔好錯過

行完尖沙咀婚紗街又肚餓當然要食下野醫下肚啦，經過呢間充滿日本色彩既拉麵店就沖咗入去。 拉麵店其實選擇唔會好多但食品出產係精品就OK啦。小妹揀咗白湯蜆松露鹽味拉麵＋小明太子飯連飲品 用了好濃郁既雞濃湯，拉麵軟硬岩岩好，湯汁完全掛上拉麵，所以每一啖都食到麵同湯。雞好嫩滑同埋蜆肉每粒都漲卜卜好新鮮，話咁易就食哂成碗拉麵 當然唔可以停手住啦，因為仲有一碗飯等緊我。明太子飯好彩佢係小碗份量否則一定食唔哂。明太子唔會俾得好少仲有一隻溫暖蛋，拌哂成個飯每一啖都好滿足

Nuts $40 呢到一入座就會有薯片提供，仲會不停refill所以唔使怕就住黎食 帕爾瑪火腿配蜜瓜沙律 ＄98 每件蜜瓜切出黎，見到都心心眼。蜜瓜好清甜同埋size都幾大，水果新鮮加埋帕爾瑪火腿，中和了火腿的咸但又唔會cover咗蜜瓜既甜 西班牙香燒乳豬仔 ＄98 見到有燒乳豬仔好似好特別，因為見過出面既燒乳豬不論份量定係口感都好鬆脆。不過呢到就係一客4件，仲好好咁加了青瓜同多士，可以清一清油膩感，食落好香豬肉味濃同埋個外層都好脆，食落有D似港式乳豬，但明顯豬味比較濃 龍蝦汁大蝦海鮮闊條麵 ＄138 闊條麵麵質好煙韌同埋好掛汁，龍蝦汁都算濃而且份量都夠2個人分。海鮮除了2隻青口仲有一隻大蝦同埋闊條麵仲有魷魚等等既海鮮，味道幾好 澳洲牛肩胛和牛 ＄308 和牛叫了5成黑椒醬，熟成程度把握得幾好，不過炭燒味比較濃但牛肉質數唔錯 環境好有Feel，氣氛唔錯，如果一班朋友一齊飲下酒食下野都幾正

六公館可以話係長期都咁多人，可能因為環境同食物質數都好好，所以今次小妹都提早一段時間黎Book枱 呢個聖子好新鮮而且沒有沙，食落爽口仲有仲有海鮮既鮮甜味。最主要係海鮮烹既時間，如果時間耐咗就會好韌，所以不得不讚呢個聖子好正 48小時慢煮牛肉，煮咗48小時入面都係咁Juicy同埋一D都唔韌。加上用咗Ribs，所以牛肉味更加重 魚肉肉質非常嫩滑，魚味濃而不是腥味。唔食魚既人更加唔使擔心，因為好貼心咁將骨拆走，入面仲有蛋白，連埋魚肉一齊食，好香好滑 呢個辣炒雞有一陣好香既辣椒味，由於小妹食得辣所以就唔會覺得好辣，但朋友就覺得辣咗D，但個雞都仲帶點嫩滑，所以小妹都幾Like 最後要食返個甜品喇，有燉木瓜，木瓜Size1-2人食都無問題，燉完既木瓜更加香同埋食完都有有滋潤既感覺 呢到既好Modern又有點情調，好適合2個人一齊食

小妹之前去過旺角分店，覺得小籠包幾好味，所以今次同朋友見面都第一時間諗起樂天皇朝，仲要銅鑼灣都有分店，方便朋友一收工就可以食。銅鑼灣分店既氣氛同格局好唔同，好有氣派同旺角分店好唔同，如果各位想坐得舒服D都可以黎銅鑼灣分店 酸辣湯 ＄52 小妹最LIKE既酸辣湯，個湯酸同辣既比例好平均唔會過酸或者過辣，同埋入面配料都有好多 香辣蒜泥白肉 ＄68 蒜泥即使切成小粒但仍然有口感而且中間夾住青瓜絲，切到好幼可以同一舊放哂入口加埋辣醬，係完美組合 沙拉排骨 ＄88 朋友係食肉獸，所以一定要叫一份肉俾佢－ 沙拉排骨 上枱時仲係熱辣辣，即叫即製而且D排骨大大件啖啖肉，岩哂我地。個排骨唔會炸到乾哂皮，仲好Juicy架加埋芥邊沙拉醬，食到停唔到口 原味小籠包 ＄98／10粒 黎到又點可以唔食小籠包呢，小籠包現場包，所以保證粒粒都係現場做，每一粒小籠包都有好多湯汁 黑松露小籠包 ＄108/6粒 黑松露味係之前試過8式小籠包最鍾意食既口味，所以今次再叫。黑松露味道好濃，同埋每一件都有野菌，所以每一啖都有好香菇菌味 蟹粉炒飯 ＄128 呢個炒飯同我想像中有少少唔同，以為係乾炒飯但原來係先用蛋炒飯再加蟹肉蟹粉的汁，蟹味好濃同埋個炒飯底都好好食

今日終於約到朋友同我黎食呢間羊肉火鍋啦............ 入到去裝修都好令，好彩不用排隊，因為入面已經好full，超多人食呢間主打羊肉火鍋加串燒😍😍😍 一坐低更係要叫個成雙鍋先，呢款係一半辣一半清湯，好多材料去煮，超濃厚！！ 跟住要叫主角羊肉，我地叫左2款，塔拉上的快樂卷同埋千層肋腹肉，2款肉超好味，肉味超濃 仲有一定要叫蒙式燒烤，我地試左蒙式烤串同蒙式羊棒骨，個烤串肥瘦適中，香料不會太重而蓋過肉味，羊棒骨超多肉汁，不會烤到好乾身 見到D特別配料，當然要試下。紫山藥，自家製土豆粉，鴨血！！呢幾款係外面少見，食落都非常好味，個土豆粉超有口感！！一個字正 最後都要叫左個薄皮韭菜盒，因小妹超鐘意食韭菜！！呢款皮薄餡多😍😍超正！