好耐無食烤魚，今次同朋友嚟呢間專食烤魚嘅餐廳，有4種魚俾你選擇，包括：海鱸魚、江團魚、寧波魚及筍殼魚！ 另外仲有9款烤魚口味俾你揀～除咗烤魚仲有雞煲及川菜食，真係咩都有！而且服務亦非常周到！ ❈ 老壇酸菜豆花+江團魚（$348）老壇酸菜好好味，好酸好開胃，另外佢亦好貼心可以揀辣度，食唔到辣嘅朋友仲可以揀唔辣！魚肉嘅size好大隻，肉質好厚，啖啖肉，最緊要肉質好甜，又唔係好多骨！ ❈ 匙仁（$168）係牛肩胛骨嘅嫩肉，通常打邊爐的話三4秒就可以攞上嚟！油花雖然比較少，但係肉質仍然好嫩！ ❈ 澳洲龍蝦亦係一大亮點，非常新鮮，肉質爽甜，多蝦膏，絕對係啖啖肉！ ❈ 另外我哋仲嗌咗兩杯凍飲，分別係韓國柚子蜜（$32）及白桃紅茶（$42）份量都幾大杯～ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 9/10 服務： 9/10 環境： 8.5/10 推介值：9/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個分享可以俾”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

同朋友們去呢間小店食晚市串燒同鍋物，覺得佢地幾有Heart，自家製多款特色串燒及調配醬料，而且食材新鮮，醃料及調味亦做得唔錯，必須要推介一下！Menu及其他照片會另外upload～ 【串燒】 - 燒雞皮：雞皮燒得好薄，好似食緊薯片咁！必點！ - 燒馬友：第一次食用日式燒嘅方法去燒馬友，就咁食已經好好味！另外沾自家調製嘅醬汁都非常夾！ - 燒椰汁糯米飯：食咗呢個燒糯米飯，大家都覺得好驚喜！味道香甜，糯米燒完一啲都唔乾！ - 生菜豚肉卷：店家有試過唔同嘅包裹生菜份量得出呢個完美比例，估唔到燒完啲生菜仲係咁脆！ - 芫荽豚肉卷：荽控必點，芫荽好爽脆！ - 免治雞肉串配蘭王雞蛋：淋上自家製燒汁令味道昇華咗，再加埋蘭王雞蛋不得了！ - 燒雞翼：食得出醃製嘅醬料味道唔錯，雞皮燒得香脆，唔需要加任何調味已經好好味！ - Wasabi雞肉串：芥末唔算好嗆口，雞肉Juicy！ - 勁辣青椒：好似抽獎咁，而我揀中咗條最辣嘅🤣 【晚市小食及鍋物】 - 涼拌話梅蕃茄仔：除咗蕃茄仔仲有苦瓜，估唔到咁！而且非常入味，話梅亦係小店親自挑選過，啱食仲有零售嘅話梅可以買走！ - 日式燒豆腐：正常發揮，習慣表示如果可以再多啲醬汁就好啦！ - 豚肉鍋：鰹魚湯配雜菜非常鮮甜，加配飯或烏冬，Perfect！ 【飲品】 而家好興嘅手打檸檬都有，見到店員真係逐杯逐手杯打出嚟！ 另外亦非常推介兩杯特色Cocktail，愛華梅及桔仔燒！女士應該會喜歡愛華梅，Whisky底，有話梅嘅香味，而且甜甜地！桔仔燒就係燒酒再加清新嘅桔香～ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 9/10 服務： 9/10 環境： 9/10 推介值：9/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個分享可以俾”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

呢間小店人流都幾多，環境感覺舒適，座位闊落，店員嘅服務亦很好～重點係價錢很相宜，粥粉麵飯都有～ 叫咗個多人推薦嘅麻辣牛筋幼麵套餐（$70）包油菜及一杯飲品～我覺得就算唔食得辣嘅人都食到，因為佢嘅麻辣好溫和，牛筋炆得好腍好入味～ 另外都叫咗個炸醬撈粗套餐（$80）面底及醬汁超多，夠晒飽肚！而且醬汁甜甜地好開胃！ 另外仲叫多個炸兩（$31）及炸鯪魚球（$36）炸鯪魚球非常有誠意，醬汁及魚球都係真材實料嘅蜆蚧醬，鹹香味夠哂濃！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8.5/10 服務： 8/10 環境： 9/10 CP值： 8.5/10 推介值：8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

喺灣仔抵食嘅川菜套餐（$238），可以自選小菜及主菜，仲有辣度選擇，我地就揀咗小辣，套餐包括以下嘅嘢： ❈ 燒椒金色皮蛋（燒椒味道特別，好開胃！） ❈ 膠原脆皮豬手（豬皮整得好香脆！） ❈ 經典香鍋（夠鑊氣，好惹味！） ❈ 兩碗飯 ❈ 手工紅糖糍粑（多豆粉同紅糖醬抵讚！） ❈ 熊貓冰粉（必點嘅可愛打卡甜品！） ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8/10 服務： 8/10 環境： 8/10 打卡： 7/10 推介值：8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

已經幫襯過N次嘅長龍烘焙店，今次襯母親節買多幾款食品返去孝敬媽咪～淨係見到包裝咁繽紛都好開心！ 呢款麻薯麵包係我經常買，價錢實惠，一包有6個，有幾款口味，其中抹茶同紫薯係我嘅最愛，口感好柔軟，甜度剛剛好～ 最多人買嘅有餡曲奇，有齊兩種口感，口味亦非常多選擇！ 呢排有幾款新出嘅產品/口味，都買咗嚟試！ 🆕糯米糍，有芒果、開心果、榛子脆脆同埋士多啤梨，尾3款都係新出嘅口味！糯米糍皮薄餡靚，餡料肉多但又唔會太甜～ 🆕盒裝蛋捲，有2款口味：抹茶同阿華田，揀咗屋企人喜歡嘅抹茶，口感好鬆脆！ 🆕獨立裝嘅隕石髒髒朱古力包又係新出，脆脆好食，濃郁朱右力味，會食到隻手都髒髒～仲有其他咸或甜嘅口味，每款都有造型！ 雜錦曲奇咩口味都有，size同厚薄剛剛好可以一啖食到～ 仲有好多人推介嘅樽裝飲品，今次揀咗咖啡latte，順滑香甜，易入口！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8/10 服務： 9/10 環境： 9/10 打卡： 8/10 推介值：9/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

心血來潮想嚟韓國街食飯，聽聞呢間係由韓國人主理，係呢區開店時間最長，而且算係同區最經濟實惠嘅韓國菜，店內環境帶點韓國小店嘅感覺，好闊落，環境整潔，座位寬敞坐得舒服～ 🔹入座後會送上小菜3款 🔹半份韓式豬手（$168）配生菜、兩款醬料，豬手鹵得入味，豬皮好有彈性，包生菜食更好味！ 🔹年糕人蔘雞湯（$119）味道就算就咁飲或餸飯都剛剛好，非常清甜！雞肉亦已非常貼心地撕好晒～ 🔹生米酒（$105）因為叫咗豬手，必須要叫枝酒餸一餸！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8.5/10 服務： 8/10 環境： 9/10 推介值：8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

今次去食呢個人氣火山排骨（$228）一出場即刻被巨型嘅份量震撼了，排骨啖啖肉，啱晒一班朋友開心Share！醬汁味道清新帶點辣，仲有好香的芫荽味！ ❈ 另一個必點嘅係咖喱三重奏（$218）賣相好似咖喱火鍋咁，有晒紅黃綠三種咖喱，入面全部都係海鮮同蔬菜，份量十足！ ❈ 仲有推薦泰式烤羊架（$98）烤得好香口，配埋青咖喱汁可以咳羊臊味 ❈ 大頭蝦冬陰功湯（細$128）酸酸辣辣好開胃～ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8/10 服務： 8/10 環境： 8/10 打卡： 7/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

成班女人去打邊爐之餘，環境同食物可以打卡又可以補充骨膠原，大家都必選花膠雞湯底！非常濃郁，食材都可以掛到雞湯嘅味！ 花膠雞湯和半隻（ $328 ）仙氣飄飄的湯底花膠又厚又大件！ 大滾油牛肉拼盤（$428）一共有7款牛肉，牛柳粒、封門柳、牛舌⋯⋯等等，唔使煩惱點咩肉，每樣都試到！ 伊比利亞橡果豬（ $228 ）個個都話必點，一打開蓋啲煙好仙氣飄到全枱都係，好夢幻！肉質的口感幾爽！ 自家製竹蔗茅根（ $78 ）份量都幾多，清甜解渴！ 自家製芥末炸墨丸（ $82 ）即叫即炸好脆！ 手打鵝肝墨汁墨魚丸（ $72 ）口感幾彈同爽口，中間係鵝肝夾心！ 鬼馬油炸鬼（ $78 ）上有係蝦滑及蟹籽，食落去口感幾特格！ 雜菜拼盤（ $118 ）有6款蔬菜，萵筍、蓮藕片、木耳、娃娃菜、油麥菜及黑木耳，又係唔使煩惱嘅拼盤～ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8/10 服務： 8/10 環境： 8/10 打卡： 8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

喜歡呢間韓國炸雞店係價錢同份量好friendly！有時得一兩個人真係食唔落咁大份炸雞，加上有其他菜式選擇，而且店員服務有禮！ ❈ 韓式泡菜蛋蓋炒飯（$42）蛋蓋Juicy，炒飯底微辣幾惹味～ ❈ 韓式魚串（$24）帶魚香，口感同味道都唔錯！ ❈ 蔥蒜醬油炸雞（$59/6件）之前食過再Encore呢隻味，無骨啖啖肉，有蒜片同大蔥嘅香味！跟餐仲有小菜、炸薯條同飲品！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 8/10 服務： 8/10 環境： 8/10 CP值： 8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯

係九龍城的Lento慢活一天，炎熱嘅天氣坐底飲杯冰涼嘅Expresso Tonic，係一個咁舒服的環境，食個飯嘆個甜品咁就一日～ 菜式上都幾用心，有Fusion亦有唔同食材嘅Mix & Match，而且擺盤都好靚！ ❈ 避風塘蟹肉意粉（$135）啖啖蒜蓉及蟹肉嘅香味，意粉口感彈牙～ ❈ 紅蝦意大利飯 （$138）好喜歡青醬的香味，配搭蟹膏及刺身紅蝦肉好Match！ ❈ Expresso Tonic（$48）炎炎嘅夏日，真係唔少得一杯透心涼又提神嘅Espresso Tonic！ ❈ Sesame Latte 依燕麥奶做Base，配鮮磨嘅芝麻醬，味道濃得嚟一啲都唔甜！ ❈ Cake of the day （$58）係朱古力又有微微Whisky酒香的Cheesecake，口感軟滑，最緊要唔太甜，非常喜歡！ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ 味道： 9/10 服務： 9/10 環境： 9/10 打卡： 8/10 推介值：8/10 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯ ⊃✎⁾⁾喜歡呢個Post可給予”心心”以作鼓勵( ´͈ ᗨ `͈ )◞‎♡⃛ ⋯⋯⋯⋯⋯⋯⋯⋯⋯⋯⋯⋯⋯⋯⋯⋯