係對面Lumen Cinema睇完戲 就試吓搵附近有咩好食 之後就見到呢一間小店 見到係日本嘢就即管試吓 價錢好相宜 一個丼都係$48起跳 我哋嗌咗兩個丼 一個係蔥花拖羅蓉丼 賣相都幾好 驚喜嘅係佢拖羅蓉都唔少 仲有隻鵪鶉蛋 食落去都係新鮮，咬口都好好 整個感覺唔錯 性價比高 另一個係三式三文魚丼（多飯） 三文魚刺身、炙燒三文魚腩同埋三文魚皮 三文魚都算新鮮（係薄左少少🤏 $48有呢個質數都算係好好 勝在抵食 隨套餐送一碗麵豉湯 有驚喜！味道恰到好處 同埋有蜆喺裏面 之後再見到有個餐牌寫住生蠔買五送一（$38@1） 我呢一個生蠔控梗係要幫襯吓 結果冇令我失望，好新鮮！ 我都係第一次食呢一種赤穗蠔 好特別～～好好食！ 食完生蠔真係好滿足 好想再叫多round，但係理性制止咗我 下次睇完戲，一定會再encore！

因為生日的緣故，很想找一間好吃的火鍋店
有緣之下便找到這間大將
傳資訊給朋友看的時候她已經說裝潢很漂亮
而且很被窩夫機吸引

來到的時候果然不失所望
我特別欣賞那個鍋，非常特別
淺淺的，很有日本風味
我倆都是要椰子雞鍋，十分推介！
非常濃郁的椰子味
我們主要吃牛，每種牛都很好吃
應該說，基本上它的食物都很高質素

然後來到做窩夫了🧇！很興奮
非常欣賞他的蛋漿調得很好👍🏻
窩夫的成品外脆內軟，忍不住encore了一次

最後來到了生日驚喜！
店員貼心的為我們準備蛋糕
以及影相的物品，主動為我們拍照
然後送上「生日驚喜」
我先不透露生日驚喜是什麼
但是我收到很感動
實在太有愛的一間店
一定會再來

有次同班海鮮控傾計話好耐無食海鮮 有人就即提議話去三聖食 仲話有新鮮海鮮檔介紹 朋友一早係附近關財記買海鮮 買左基圍蝦、蟶子皇、美國桶蠔、元貝同龍蝦 超新鮮，見到已流口水🤤 由於多人同埋天氣嘅關係我地要左間房坐 （唔用房會平d，不過真係太熱喇，同埋我地太嘈） 俾左廚房加工之後就坐定定等食 終於出場喇！ 首先係白灼基圍蝦，愈鮮嘅海鮮愈簡單煮就好，超正！食到唔停口！（加工費$72） 之後就係蟶子皇！好惹味！仲要襯煎米粉底！！好耐無食過喇！（加工費加煎米粉$168） 本人最愛嘅桶蠔終於出場用砵酒焗，不過味道我自己麻麻地鍾意，可能平時食開其他味，但係d蠔好大隻好咬口（加工費$124） 另一最愛，元貝！亦用我最愛嘅煮法，蒜蓉粉絲！！一個字，！（加工費$120） 最後就係芝士龍蝦！今次係配炒飯底，同樣好食！芝士味濃，太邪惡喇！（加工費加芝士加炒飯$248） 仲有其他泰海鮮自家小菜，超推介芝心蝦丸！脆脆的外層加上熱辣辣嘅芝士心⋯何以抗拒？！（一客3粒$78） 總括而言 關財記嘅海鮮加泰海鮮嘅加工真係正！ 最後我地人頭$425 雖然對窮窮的我黎講有點貴 但為左食海鮮就豁出去啦！

是日行完婚展 就search下附近有咩好食 朋友話想食蛇羹 之後就搵到呢間 自己都好期待食蛇 因為已經無食好多年 最後做咗個餐 有蛇羹蛇湯同埋煲仔飯 首先介紹蛇羹 明白到咩叫做啖啖肉 真係好豐富 味道真係好好 之後就係蛇湯 飲完之後暖笠笠 好夠味道啊！ 加左錢要咗個糯米飯 因為真係揀唔到煲仔飯定糯米飯好 最後貪心地兩個要晒 雖然細細碗 但係真係好好食 勁多花生！ 最後再介紹煲仔飯！ 因為我本人好鍾意食田雞 佢啲田雞都好大隻！ 又係啖啖肉！ 等候時間都需時 好趕時間嘅你就要考慮一下啦

行完街街梗係想食糖水 終於都去咗想食好耐嘅康瑞！ 因為實在太掛住台灣嘅芋圓 睇完個餐牌就知道自己真係好三心兩意 基本上全部都想食 第一次黎嘅我 真係犯左一個錯誤 以為係要揀小丸子地瓜圓定係芋圓 仲猶豫左好耐 點知原來係全部都有 大家記得啦唔好好似我咁 最後三心兩意嘅我 揀咗好鍾意食嘅酒釀桂花！ 好好味呀 成件事係勁夾！！ 小丸子同芋圓嘅份量又好多！ 真係勁勁勁勁抵食 不過最後都係因為飽得滯食唔晒sosad⋯⋯ 下次有機會一定要試多d！

平時想去保安道街市3樓主要去食雞煲或者茶餐廳 婆婆話去飲茶，我仲以為電梯一上去個間 原來間野係雞煲對面！ 因為通常夜晚先嚟所以一直都唔覺 婆婆點左個百花魚肚俾我食 嘩一食落去，真係覺得超好食 啲鯪魚肉好彈牙 魚肚又好爽 加埋豉油胡椒粉真係一流！ 忍唔住叫多兩碟 之後叫咗我最鍾意嘅奶皇包 不過佢唔係流心 個包竟然大到要分兩籠上！ （我只係影咗呢張） 真係第一次見個包咁大個 平時嗰啲一籠四個都有 同埋我最欣賞最欣賞嘅係佢即叫即蒸 真係好耐冇食過咁新鮮嘅點心 不過大家真係要有時間先得 最好唔好繁忙時間去 總括而言，值得推薦

又係食日本菜嘅時候喇 今次去咗一張特別啲嘅餐廳 特別在佢嘅位置 首先係三文魚刺身 因為我哋多人 所以決定叫兩份黎試吓 睇落去已經覺得肥肥地 白色脂肪比例多 應該係好好食 入口之後嘅感覺真係好正！ Wasabi都好給力 係我鍾意食嘅味道唔太辣唔太刺鼻 之後我哋叫咗兩款小食 呢一款係鱈魚乾 非常之脆！直情有細個食零食嘅感覺 配埋沙律醬簡直冇得彈 呢一款係雞泡魚乾 見幾得意就叫咗黎食 呢款嘅口感就係好有咬口 都係一個唔錯嘅選擇 不過前提係你要有牙力 主菜就係我最愛嘅火鍋 雪酒淮山杞子雞火鍋 呢d味係我嘅最愛 不過可惜雞唔算太新鮮 唔係太有雞味 火鍋嘅配菜都唔錯 d菇好好食 仲有我最愛嘅大葱 d蘿蔔形狀都好靚，哈哈 好欣賞佢會整熟少少烏冬先上 影嘅時候仲冒緊少少煙 咁樣你就好容易控制個時間 而且個烏冬好好食啊！ 整體黎講呢一餐不過不失 可以更進步

一朝早行雷勁大聲 又落好大雨 驚會影響今日嘅旅程 好在過左一陣都雨過天晴 仲變得幾好天呀！ 我約左同兩個friend入挪亞方舟 今次試新野 就係食埋夜晚嘅buffet啦 我地六點幾入去 見到唔少人已經食緊野 我地三個坐係近拎刺身嘅位置 見到竟然有蟹腳食 初頭諗住價錢平平地 海鮮應該淨係得蝦，青口，蜆呀呢類 長腳蟹好有肉地，都算新鮮好味道 我食左三輪 燒烤食物我就拎左秋刀魚，墨丸同菠蘿 三樣都好食，即烤即食確實有風味 蕎麥麵一般般 同食放題嘅差唔多 甜品我覺得意大利芝士餅做得唔錯 食落芝士味香，口感又滑 最後食埋雪糕就飽飽了

我平時去開嘅地方都係食平嘅野多 今次有朋友邀請去試吓食西班牙菜 覺得自己都係時候要開下眼界 約左班朋友直接係餐廳等 都要搵一搵先知道係邊 始終個位置唔太開揚，不過靜有靜嘅好 可以同朋友好好傾計 睇menu揀野食，價錢都唔算平 而且有d英文睇唔明 就叫侍應介紹下有咩食 咁佢都好nice 介紹左幾樣野食俾我地 於是我地四個人就叫左5樣野 第一道係西班牙火腿 （因為一入門口就見到嗰隻大髀） 侍應放低果時仲話係48個月 薄薄的一層 但食落好有肉味 如果怕就咁食太重口味 就連埋脆多士一齊食 跟住上嘅就係蒜片蝦 我就最中意 因為蝦肉又大隻又彈牙 仲有好香嘅炸蒜，拎黎送飯都得 之後上西班牙豬肩肉 賣相幾精緻 豬肩肉好'林'身 有一pat野伴係側邊 原來係將cheese打成cream狀 當係食豬肩肉嘅sauce 而另一個汁係雪梨汁 兩樣都好好食 呢味叫veggie combo 中文唔知叫咩 其實係炒雜菜同菇 各式各樣嘅素菜放係一齊，顏色鮮豔 個蘑菇超juicy 仲有好多一塊塊炸蒜 估唔到素菜都可以咁好食 最後就係西班牙炒飯 朋友話食西班牙菜一定要食呢個炒飯 不過個飯比較咸，一般般 我地坐左成4個鐘先走 一直都唔算多人 但環境同食物都幾 價錢就偏貴啦，但都值得再黎嘅 情侶或者幾個好朋友都岩黎呢間餐廳

夜晚同朋友係apm 行完街 就搵地方落腳晚飯 我就建議去觀塘廣場逛一逛 朋友就醒起之前佢去過一間上海菜館好正 不過佢都唔係好記得路， 淨係記得係一個隱蔽地方 終於都俾佢搵到，相對來講都幾隱蔽 首先叫一個主食 朋友話好想食炒麵 我哋見到餐牌上有個三鮮炒冷麵 心諗一定係冷盤😂 上到黎當然就知道自己係傻仔啦 不過傻仔嘅我仲未知道點解要炒冷麵 但我覺得都好好食 雞肉都好嫰滑，有蝦仁 再叫一籠小籠包 我自己覺得麻麻地 因為佢唔夠湯水 食入口比較乾身，有待改善 呢碟奶油津白做得好出色 好鮮味，又唔會太甜 好想encore 我同朋友個肚仲心思思 好想再試其他上海野 所以叫多咗個擔擔麵 呢個係改良版嘅擔擔麵 佢哋話係加多左炒肉碎 事實上真係好正 最好用銀絲卷作結束 炸出嚟嘅時候仲熱辣辣 都好好食！ 我地得兩個人 但係餐牌上面七成嘅嘢都好想試 仲有醉雞啊回鍋肉啊嗰啲未試 你下次要叫多啲人嚟 不過佢哋真係好多人排隊 食得有啲急 好快就要收你嘅嘢 同埋佢哋真係超級忙 大家要有定心理準備