自從做咗媽媽，都無晒時間寫食評， 今晚同幾個中學朋友出嚟聚會， 覺得呢間餐廳無論食物環境service 都幾好， 就出山寫個食評推介俾大家啦。

今晚食咗 3 款蠔
廣島岩蠔， 小町， 同法國 Gillardeau，
好 creamy, 好新鮮， 送白酒一流

之後叫咗蟹籽salad, 蕃茄salad, 雞泡魚乾，小牛排， 炸蠔， 牛舌， 炒野菜，燒魚鮫， 蠔飯， 蟹柳烏冬， 燒紫薯， 全部都中上之作。
蟹籽salad大大碟， 燒魚鮫好味

臨走order 埋榴槤炸彈， perfect 池， 滿足的一餐

差唔多4年無寫食評，今日真係迫不得已要我敏捷仙出手寫呢篇劣評。
友人生日，諗住食好D，點知。。。真令人失望

一行8大人，2個小朋友，安排坐o係近門口一張大圓枱，環境舒服，光線柔和。
坐低睇餐牌，叫佐侍應幾次俾幾杯水o黎飲下先，無反應。
再叫，一個女侍應戰戰驚驚攞住兩杯水過o黎，打開餐牌最尾果頁，呢度有鑛泉水 order o架。
望一望，盛惠 ＄58.

叫o左：
每日一杯 drinks: 有落神花茶，椰青，珍多冰，around $28 一杯，除o左珍多冰超甜外，其他 ok
雜錦拼盤：有炸蝦，豬頸肉，蝦餅，串燒 ，ok
柚子蝦沙律： ＄118 ，偏酸
海南雞半隻：無乜特別
泰式豬手：味道 ok, 肉太"鞋"，豬皮好味
鰔魚炒芥蘭：有少少苦
蒜蓉炒菜苗：並唔係菜苗，好老
泰式炒金邊粉：太乾，食橡筋咁，唔掂
燒多寶魚：疑似漏單，無福品嘗

聽聞朋友o既朋友去完日本輻射超高, 唔可以生bb !!
唔去得日本, 唔知食呢餐日本和牛會唔會都中招呢 ~~

睇到生果報o既介紹, 半價咁吸引, 一於打去book 枱.

環境大, 樓底高, 抽氣系統幾好, 唔會見到油煙

service 好好, 會自動加茶, 一晚換幾次燒網, 讚 !
但部分 waiter 對和牛o既部位唔係太清楚, 問佢呢幾款係咩部位, 都答唔出 .... ?!

兩人叫o左:
凱撒沙律 大大碗, 份量多, 蔬菜新鮮, 個沙律汁分開上, 可隨自己喜好. $58
和牛三人盛 $390
呢個盛合, 有五個A5 和牛部位
木板上o既係肉眼扒 250g
好失望, 一d 雪花都無, 雖然有兩大塊, 應該足250g, 食落都有好濃o既牛肉味, 不過有少少un
檸檬下面o既牛舌
有五塊, 係咁依煎一煎, 點少少海鹽, 好爽, 好味 ~
中間o既係牛肩脊
有五塊, 我覺得最好食o既一部份, 好多肉汁, 煎到外脆內軟, 要生菜包住食, 一流呀 ~~
右邊o既係牛筋肉
有五塊, 濃濃o既牛肉味, 爽爽地, 都好味
汁燒胸外腹
有五塊, 醃肉個汁麻麻地, 好似麵豉咁o既味, 怪怪的, 肉質都唔好, 好un

如果要用原價o黎食, 真係失望, 好彩試業期間半價 ~~
呢個三人盛, 份量ok, 兩人食o岩o岩好 ~~

友人從外地返o黎，一心搵一間環境舒服，可以坐得耐o既餐廳傾下計，食下野，吹下水 ～
見到電視賣廣告，好 ～ 就試呢間 ！

7:30 去到，因為訂o左枱，唔駛等位，被空排坐樓上卡位。

D service 真係麻麻，坐o左15 min, 落埋order, 叫o左伙計幾次，可唔可以攞幾杯水o黎 ... 一係無人理，一係扮睇唔到，最後D 野食o黎到，果幾杯水先到

中環地區，都預佐貴，但估唔到份量咁少 ～～

叫佐：
大虾沙律 ， 細碟，D虾幾大隻
腐乳砂糖多士，全間餐廳最平o既，＄15，第一次食，幾特別
炸乳鴿 ，好味，皮脆肉嫰，唔駛“點”鹽，都好夠味
來佬汁炒牛河，好味，同太平館差唔多味道 ～
咖喱蟹肉炒飯，辣辣地，炒得好乾身，但份量太少
紅豆冰， 全晚最好味，大大杯，紅豆又大大粒，又唔係太甜 ！ GOOD ～～

埋單 ＄520 ！！

坐正冷氣底下，又凍，D野食又出得慢，份量又小， 野食又貴 ～
食物唔差， 但o黎一次就夠

無讀日本語已有兩年，但依然久唔久 keep 住同幾個同學出o黎聚聚。
同學推介食呢間食沖繩菜，大家都驚訝：沖繩菜，食咩o架 ？！

好彩 book o左枱，間餐廳好細，一眼望晒，只可容納50人左右。
店內放滿盛載泡盛的陶皿，燈光柔和，牆上掛上好多日本feel o既小攞設，好有特色 ～

訂枱時， 服務員已講明淨番一張四人枱，咁我地唯有照 book 啦 ～
我地一行五人被安排坐一張四人枱，都坐得舒服 ～

未點菜，waiter 已送來三小碟枝豆，但熱茶／水欠逢，因為茶都係要錢o架 ！
唔理啦，都預o左貴，睇下menu 有咩飲，啊，發現綠茶一壺＄35，仲要 free refill 㗎．

叫咗：
芥辣墨魚 呢味之前都食過，少少芥辣味，作餐前小食一流 ～
花生豆腐 好特別，煙煙韌韌，有少少花生味，有少少似年糕，可以一試
海葡萄 沖繩特產，第一次食，好特別，咸咸地，好似食緊蟹籽咁 i like it ~
炆豬肉 炆得好入味，一半肥肉，一半瘦肉，正呀 ～
煎魚餅 煎得好香，點埋沙律醬，好食，但份量太少，一碟得6件
炒苦瓜 呢個都係沖繩特產，用個筲箕仔盛住，無平時果D苦瓜咁苦，切得細細條，炒得好乾身，都可以一試 ～
墨魚汁炒飯 成碟飯都係黑色，真係用墨魚汁煮，有墨魚味，食前將半熟蛋撈一撈，蛋汁溶埋落D飯到，好味 ～
辣汁雜肉炒飯 呢碟麻麻 ！有D似肉醬意粉D肉醬，不過辣o既，仲有少少印度D香料味
海帶炒豬肉 呢碟o左少少，但都幾特別 ～
香腸併盤 有兩款香腸，好味，但無乜特別
每人一杯鹽味曲奇雪糕 好重奶味，又有少少咸味，又有曲奇o既雪糕。

由7:30 坐到 11:30, 席間不停有人加茶，服務OK，無人會無意／有意趕你走，係一間適合傾計o既好地方
值得一提，洗手間非常乾淨，設備齊全，有漱口水，棉花棒，最窩心係有M巾呀 ～

之前忙攪結婚D野，好耐無寫食評。
適逢老公生日，又係食我至愛o既和牛，就想同大家分享一下。

呢度環境舒適，坐得舒服，座位比“和宴”寬敝，服務比“伊呂波”好，但講到和牛，我都係至LIKE “和宴”，但呢間都OK，下次可以唔叫SET，散叫

今晚叫o左個和牛盛宴（二人前）＄868
有：
佐賀和牛刺身： 好食，第一次食和牛刺食，食落一D都唔似食緊牛肉，同熟o既味道完全唔同，同個汁好夾 ～
松阪牛肉他他： 用紫菜包住o黎食，牛肉好凍，感覺麻麻
火焰佐賀和牛壽司： 好食，但太細件，同埋每人得一件，孤寒 ！
燒和牛沙律： 好食，但太size 太細，和牛得兩小塊，蔬菜新鮮，個沙律醬好味 ～
牛肉春雨卷： 普通春卷一條，無乜特別 ！！
究極之牛盛合：
﹣牛柳：D雪花紋好靚，牛肉味超濃，讚 ！
﹣牛肩肉：
﹣牛舌：一般，可能我自已本身唔係太like 牛舌
﹣牛肋骨： 切得好薄，係咁E煎一陣，再加少少糼鹽，已非常好食～
﹣一口牛： 我的至愛，好有牛味，入口即溶，推介 ～～
汁燒牛柳： 老公至愛，因為D牛用o左D特別o既汁醃過，非常入味，因為切得好薄，好冧
和風牛藏石鍋飯： 牛肉＋洋䓤＋溫泉旦，perfect match ! 本來已好飽，但都忍唔住食o左2碗 ！
芝麻味雪糕： 芝麻味濃，好食 ！

夜晚九點幾o係太子諗唔到食乜，唔想 parking 咁貴，細佬提議去九龍城食泰國野。

車停正係熱鍋門口，錶都唔駛入

店內只可容納3張2人枱。我地4人，只可以坐門口，仲正 ～

生虾
我無食 ～ 但細佬話個汁又辣又正， 次次必食喎

咖喱蜆 ＋ 蒜蓉包
無敵o既組合，個咖喱汁超正，對於唔係太食得辣o既我，我覺得好正。
同我o係曼谷食果D好似，有蛋花o架 ～
蒜蓉包熱辣辣“yam"埋D咖喱汁，無得彈呀 ～

炭燒豬頸肉
燒得好乾身，好香 ～

虾醬通菜
俾個名呃o左，超辣 ～ 食唔到 ！

菠蘿炒飯
好夠料，有菠蘿，腰果，肉鬆，魷魚，虾，提子。好味 ～

炸虾餅
炸到好香口，點埋個甜酸汁，好味 ～

唔好睇D想以為好細碟，其實係因為太肚餓，太好味，食食下先記得影相 ～～

順便講一講，隔離間鋪係買泰國拜神野，所以坐門口會聞到D“香”味。但一D 都唔難聞。
我估呢間鋪頭都好出名，好多人o黎買野同埋拜神。仲見到張柏芝個細佬停低架車係度買佛珠o忝 ～

次次想o黎食，遠遠就見到長長o既人龍。
同行2位友人都未食過， 好想試。
好，等就等啦。30分鐘，比想像中快。

3人叫o左：
厚切豚肉稻庭烏冬
上級牛肉手打烏冬
黑担担牛肉手打烏冬
蟹肉沙律 （＄58） 超LIKE， 大碟，個沙律汁酸酸地，好味 ～

稻庭烏冬係分開上o既，好滑，比手打烏冬糼身
湯底香濃
上級牛肉好滑，好有牛肉味
黑担担即係芝麻湯底，友人話好怪，同烏冬好唔夾

服務一般，坐o左成個鐘，無加過一次水 ！！
味道，一定好過隔離o既自家烏冬 ～

等30分鐘，都值o既 ～

睇完醫生八點幾，醒起家樂basement 開o左幾間日本野。一於去試下。。
等o左半個鐘，終於等到。

2人叫o左：
吉列雞扒拼虾定食
雞扒好食 ，虾太細
炸得好脆，一D都唔油， 個沙律醬好好味

芝士包包原味炸豚肉
超好味，一刀切落去，D芝士湧出o黎，好香好濃
加＄15 由飯轉烏冬
呢個稻庭烏冬好滑，正呀

通常食呢D吉列，會任食椰菜絲。但呢度唔會，只會隨餐有一碟
沙律汁有2款：芥茉汁同柚子汁
2款都好，我較LIKE 柚子汁

唔知係咪佐敦o既牛奶公司真係做得太出色，陸陸續續都有類似o既餐廳出現，繼灣仔o既華星冰室之後，又有呢間民華餐廳。
共通點係“常餐”
多士定方包 ？
煎蛋定炒蛋 ？
火腿通定牛肉通 ？

好。講番呢間民華，全店都係卡位，環境光猛，地方乾淨。
叫o左2份常餐：
熱奶茶 幾香幾滑
多士 熱辣辣，牛油好香， 烘得o岩o岩好，外脆內軟
餐肉炒蛋 炒得好滑，餐肉亦煎得好香
蕃茄牛肉通粉：份量小，湯底偏酸
蕃茄豬潤通粉：豬潤好“鞋”，好老

唔知係咪先入為主，都係覺得佐敦牛奶公司好食D ！
不過呢度都唔差o架，下次會試下佢D點心，盅頭飯同米線。