一直想試泓一拉麵, 知道好出名, 行出黃埔站A出口都好多餐廳, 中西日韓泰都有唔少選擇, 但冇一間好似泓一咁出名排成十幾人。
我諗有２個原因: 入面得７—８個位， 門面唔大所以要排得耐，我地２位６：３３排到８：１５先入到去 喺門口打吓機睇吓片，少少凍都唔覺等好耐嘅～一坐低就叫一個醬油拉麵（辣醬油拉麵賣曬)，雞白湯拉麵，煎餃子醬油拉麵好好味,個湯好清澈, 好好飲係忍唔住會飲多幾啖, 同麵好夾, 麵係幼麵嚟本身冇乜味落去醬油湯好夾~我食曬成個麵連湯飲到見底, 高度推薦! 招牌雞白湯反而唔係好合我口味, 個湯係好濃郁,但可能因為係雞唔能夠太咸或再濃味, 對比醬油湯底有啲失色~但以雞湯嚟都好唔錯~煎餃又係唔岩我口味, 食得出餡料新鮮,皮薄, 但係完全唔香脆 溏心蛋又係有D失望,我果碗醬油湯嘅蛋過熟唔流心, 雞白湯底隻蛋就岩岩好~Total $220價錢好合理, 呢間小店得兩個人一腳踢做曬廚師,收銀,侍應, 真係好忙~以排成2個鐘嚟講, 雖然好好味但我只會食一次, 食過就夠~ 會推薦比朋友閒日時間去食~

好開心, 朋友一早訂左位, 喺屯門試呢間米芝蓮餐廳, 位置都唔近屯市中心, 係比較入啲嘅區域, 良德街都係食街嚟, 附近好多餐廳包括我好鐘意嘅Canadian Pizza一坐低食嘅牛油餐包好鬆軟蜜瓜火腿忌廉湯香濃 龍蝦意粉超超超好味, 龍蝦好大隻新鮮, 蝦頭都有膏醬汁好濃郁比意粉索曬甲羅燒意大利飯牛扒就反而有D失望, 好多筋, 有少少過熟, 個沙津菜冇特別, 值得讚係焗蒜~ 最尾叫左Tiramisu好好味, 係完美嘅句號. 想walkin撞吓運氣最好打去問左先, 果日大年初七JEP收早, 有幾個客2點嚟話喺澳門嚟想食摸左門釘

公司附近好多餐廳，咁啱instagram見到華樂冰室。去試吓食侍應姨姨好親切，一坐低就介紹新湯底蕃茄牛肉。我叫咗熱華田，姨姨走埋嚟話有得加粒棉花糖肉鬆蠔仔烏冬$68，味道唔錯，起碼有8-10粒蠔仔每粒都好新鮮份量嚟講女仔就夠食，可能男仔/食量大未必夠

幫襯過4次，頭3次味道都好好，定食算抵食，平時$100/份左右包前菜、湯、主菜 上星期六下午去食，有啲失望。 點咗兩個新年定食：三文魚籽茶漬飯、三文魚雜菜鍋 三文魚籽茶漬飯好正常味道，因為三文籽咸香味配茶漬飯啱啱好 三文魚雜菜鍋完全無味，淡到要問侍應再加飯素倒入湯都係冇味 係冇落鹽或黑椒，咩味都冇嘅，三文魚、菇、娃娃菜、豆腐湯鍋 埋單$260仲貴過平時嘅定食（$100左右/份），水準反而下滑左好多 下次真係未必再去幫襯

同老公慶祝結婚六周年紀念，老公book咗呢間喺觀塘中海日升中心嘅日本菜，地點方便就喺駿業街街市對面。 丼瀛位置唔起眼，要上一層電梯再轉彎先見到。 本身book 6:30 ，遲咗10分鐘去到，好彩仲有位，坐低已經八成滿，離座時全場都滿座。 本身係想點十道風味，侍應推介不如試吓12度風味一上菜見到好新鮮刺身用12個shot杯精緻咁裝住，下面可能墊飯或沙律菜，每一個都好好味，刺身都非常之新鮮清甜。 然後另一個招牌菜係天龍卷，味道好好，用天婦羅炸蝦模仿龍嘅形狀砌成嘅壽司卷，蝦頭都好脆好好味新鮮多膏。 另外點一個赤背刺身，好大隻非常新鮮清甜。 芝士焗蠔相對失色，芝士味濃郁，蠔就唔算係最新鮮，但對得住個價錢。 香檳葡萄特飲味道好好，唔係藥水味嘅葡萄果汁。 服務方面侍應非常殷勤，有詳細介紹或推介招牌產品，非常快嘅速度收碟。一坐低就擺低兩杯熱茶。 我哋兩個人坐左一張四人枱，所以非常寬敞，坐滿人都算熱鬧，但唔算太嘈吵。 以慶祝周年紀念來講，都係一個唔錯嘅地方。 下次會再幫襯加油！

咁岩喺附近做野，掃openrice睇Lohas新商場有咩食，發現有鼎王麻辣火鍋，當年好鍾意睇康熙來了記得小S有介紹過話川丸子超級超級好味，於是聽到鼎王嚟香港開分店嘅消息都好開心，咁岩喺附近食lunch就買左個麻辣鍋外賣食。 落單等大概15分鐘有得拎，我去咗附近嘅fresh超市買野飲。 拎到後行5分鐘我就打開嚟食，仲係好熱辣辣而且粉條同湯分開左唔會索太耐。 唔知係咪外賣嘅關係，湯底係微辣溫和嘅辣好易入口，完全稱唔上香（我係落曬芫荽同蔥嘅，後來再落埋成盒醋），都係唔夠香，然後湯底包左鴨血、豆腐同我點嘅蜂巢豆腐又係失望唔夠入味。至於小S大力推薦嘅川丸子卻係好普通好平凡嘅肉丸仔，稱唔上好新鮮/彈牙/特別餡。牛肉又係好普通嘅牛肉，唔重牛味肉質唔爽彈粉條當然唔會有問題，可惜湯底普通都有索到咩味….. 總括嚟講，我會想買盒老媽拌麵嘅鴨血寬粉返屋企煮，今次食鼎王係有啲失望，可能係期望過高。 鼎王好細心將粉條同湯分開確保唔會索到過咗龍。 包裝得好企理，醋、芫茜、蔥同分開袋裝，非常細心。 坐喺舖頭門口等外賣時見到嘅風景，睇到一忽仔海景，都唔錯。 午市時間門口好大個餐牌關於私家鍋。

喺附近返工做咗兩年都未食過誠品呢間椰小盅。近一樓入口，門面整齊乾淨，係自助式服務點餐後等一陣自己拎餐返位食，14:30呢啲清靜時間都有三四枱客食緊。我點左一份香煎餃子同雪耳燉桃膠。餃子煎得好香脆入味，算係大大隻脈卜卜。雪耳燉桃膠好清潤，一捧出嚟仲係熱辣辣，甜度岩岩好，好足料嘅，我有食曬啲紅棗杞子 自助式設計 可以自己再拎碟仔同調味料或加水，都好方便同乾淨企理。 整體嚟講，係有heart嘅家庭式感覺舖頭，喺咁商業化嘅鰂魚涌好少見

朋友推介太子呢間噢吧串燒好好味，諗起呢兩年都冇得設吓大陸食串燒，好掛住果個味道，趁得閒不如一齊去食嗌。 我地三個女仔都叫左唔少野，我比較深印象嘅係燒豆卜、燒豆皮、燒韮菜都好入味，燒蔬菜係最易食出店家調味料運用，咁淡味嘅食材都醃得好出色 由於一邊食一邊傾隻手污糟嘅關係（我地仲有叫埋小龍蝦），小龍蝦都係好惹味好好食，肉唔多勝在惹味 老闆好好客，招呼落單都好快，唔洗等好耐就有串燒食，係簡單摺枱圓櫈仔格局，勝在有多一兩張櫈可以擺袋係加分位下次會再嚟 三個人食到捧住個肚走，叫左差唔多三分正餐牌有嘅嘢都係$879，每人唔洗$300

咁啱同男朋友上山頂之前冇做過資料蒐集，搵過任何山頂嘅餐廳純粹只係喺山頂廣場行框，行行吓見到呢單已阿甘正傳在主題嘅黑餐廳，見到價錢相宜而且有幾有趣所以就決定入去食。雖然係星期日嘅夜晚6:30左右，完全唔需要等位，直接可以入去坐低食飯。 比較有趣嘅係枱面有塊鐵牌紅色同藍色，侍應好主動提醒我返開藍色就係代表想搵侍應落單平時就由佢係紅色就可以啦。因為比較肚餓但又唔算大食，所以就叫咗一個牛油蝦，一份煎牛扒配蝦同薯蓉洋蔥圈，飲品就叫咗一杯檸檬芒果梳打、一杯西瓜汁配啤酒特飲。 牛油蝦好香口，完全冇雪味，調味做得相當好，配蒜蓉包一流。牛扒五成熟剛剛好兩個人食得曬。我會推介檸檬芒果梳打，通常出面餐廳叫呢類水果梳打一係太甜太假一係太多氣（梳打水比例多）令杯野淡，呢度嘅檸檬芒果梳打令我有驚喜適當嘅果汁味同梳打水比例 我飲曬成杯 下次嚟山頂會再嚟食

咁啱同朋友喺西環食飯，住附近嘅佢推介TGIF，因為係閒日嘅關係所以好少人，而且佢特登將裝修改成幾幅落地大玻璃，望正西環公眾泳池以及馬路，景觀非常開陽舒適，裝修風格簡約。 嘢食方面，我哋叫咗個肉桂bagel、一份all day breakfast,我點左一杯熱cappuccino。玉桂好香甜，個包少少韌，韌到餐刀切唔開的，用手摵嚟食仲方便 All day breakfast藜麥好出色，麵包焗得香脆唔濃味同素allday breakfast蔬菜好夾。 下次會再嚟幫襯，好chill同放鬆嘅cafe