※本文以用餐當日的環境、服務和食物質素為準，口味亦因人而異，文章只作參考之用。 . 元朗區的泰菜競爭力頗大 位於安樂路的芭堤雅泰國餐館開業多年 口碑一直不錯 以往餐廳係一貫泰國風情的裝潢 前排裝修後煥然一新 變成純白小屋 綠悠悠的感覺 頓時清新不少 而且菜式的擺盤也更加精緻了😍 可見餐廳的用心！ . 泰國椰青 $42 . 生蝦刺身 $138 一碟帶8隻的生蝦刺身 size不細 食落鮮味彈牙 配上蒜片和醬汁食 惹味非常！值得一試 . 干炒泰式雞肉河粉 $88 河粉賣相吸引，寬河粉每條晶瑩剔透 ～ 味道岩岩好 亦唔會太鹹 ～ . 蒜蓉包 $38 佢地既蒜蓉包比較似韓式蒜蓉麵包 ～ 可以好似pizza咁撕出黎食 麵包有烘過 所以很香 如果中間的蒜蓉醬可以再返少少會更好呢！ . 椰子雪糕杯 $58 估唔到呢度都有咁靚既椰子雪糕杯食 香甜既椰子雪糕 配上不少堅果 粟米和椰青肉 味道豐富 賣相又靚！一定要黎食返杯☺️

※本文以用餐當日的環境、服務和食物質素為準，口味亦因人而異，文章只作參考之用。 . 地址就在人氣咖啡店旁的西班牙菜餐廳 以後去開MCL睇戲又多一個選擇了☺️ 餐廳環境不大 當天去也預約滿了 可見口碑不錯 . 松露蘑菇可樂餅 / 蟹肉可樂餅 $19 坐下後先迎來了兩款即炸熱辣辣的可樂餅 可樂餅的份量不大 作為餐前小食剛剛好呢！ 炸至外脆內軟 蘑菇味那款的蘑菇味真的很重 蟹肉味那款除了絲絲蟹肉外 調味也是很惹味呢！ . 傳統煎蛋餅配辣肉腸 $92 每次到西班牙餐廳看到有必叫的蛋餅～ 蛋餅內放滿滿充滿鹹香的西班牙辣肉餐！ 每一啖都食到，很惹味！也比較飽肚 . 西班牙蒜油蝦 $108 蒜片蝦充滿著蒜香味，但又不會蒜到有苦味 味道是剛剛好，用麵包蘸上蒜香汁食很討喜 . 西班牙海鮮飯 $258 主食叫左西班牙海鮮飯 佢地既份量岩2人享用 面頭有蝦、青口和蜆肉等 食得出是新鮮的 海鮮飯味道調得惹味 飯芯仍保留點咬口 就係飯的份量比想像中小了點 可以多返點會較好 . 西班牙油炸鬼 $78 飯後甜品必來一份西班牙油炸鬼🤤 油條炸得不油膩 簡單蘸上朱古力醬已經很不錯

※本文以用餐當日的環境、服務和食物質素為準，口味亦因人而異，文章只作參考之用。 . 主打日本直送的藍鰭吞拿魚丼飯店專門店 餐廳會將新鮮運到的藍鰭吞拿魚分成三部份 包括大拖羅、中拖羅及赤身，名為「夢之丼」 佢地仲有供應吞拿魚拼盤，睇到都吸引呢！ 所以我都忍唔住叫左份細既刺身盛🤤 . 餐廳選擇唔算多，但都係圍繞住吞拿魚😍 早一日預訂仲可以食到熟食 吞拿魚面頰肉等 . ⧐ 夢之丼$168 一碗有齊大拖羅x1、中拖羅及赤身x3切、拖羅蓉 大拖羅油脂味道不錯，赤身的魚味也頗突出 . 還搭配了沙律、蟹膏茶碗蒸、麵豉湯 ～ 米飯用上日本米 加入左碎切的黃蘿蔔、壽司薑和芝麻，令到壽司飯味道提升不少呢，只吃飯也不會覺得味道單一，有用心到。 . ⧐ 土魷肉餅飯 $128 名稱很中式，其實係鮮吞拿魚蓉+紋甲魷魚☺️ 他們的吞拿魚蓉魚味是頗突出的 不像有些食落會很淡味，加上蔥花和日本豉油 味道更突出～ . ⧐ 刺身盛 $386 每份大約有200g的大拖羅 中拖羅 赤身和背拖羅 每件都有返一點厚度🥹🥹 背拖羅入口油潤細膩 真係好好食！ . ⧐ 魚蓉燒賣 $32 用點心籠盛著 好似平時食既點心燒賣 可愛 燒賣中間就轉放左吞拿魚蓉 用了由大豆做的外皮 味道都唔錯，睇得又食得！

※本文以用餐當日的環境、服務和食物質素為準，口味亦因人而異，文章只作參考之用。 . 之前有食過板神既鐵板燒覺得唔錯🍴 最近佢地出左兩個全日$398既鐵板燒同御膳set 無論中午、夜晚、週末及公眾假期都可以用呢個價錢食到～之前身邊都有朋友介紹覺得抵食～ . 而且環境仲好大好靚添 . 鐵板燒14品 $398 前菜、沙律 刺身三款 南非鮑魚、大蝦 帆立貝、白鱈魚、法國鵝肝 （3揀1） 薄燒/厚燒·豚肉/牛肉 季節野菜、炒飯、漬物、麵豉湯、甜品/咖啡 - 15品御膳 $398 前菜、沙律 刺身3款 壽司5款 天婦羅、西京燒魚 麵豉湯、甜品/咖啡 . . . 鐵板燒最鍾意食鵝肝漢堡 咬落油脂滲出 好邪惡 大蝦肉質夠爽口，面頭裏上蝦膏 夠晒惹味！ 薄燒牛肉，裡頭包住蔥同蒜片又係我喜愛的～ 會令人食唔停口～ 最尾個炒飯炒到粒粒分明 ～唔錯 - 御膳三款刺身係帆立貝、梭子魚同汁蒸八爪魚 八爪魚蒸得超入味呢！ 壽司有深海池魚、真鯛、赤蝦、伊左目、中拖羅 西京燒魚整得好嫩滑，好好食！

※本文以用餐當日的環境、服務和食物質素為準，口味亦因人而異，文章只作參考之用。 . 首次認識”HOW”係比佢地既日系風裝修設計吸引 一直都有留意住佢地 希望將來有機會用到 ·͜· 除左裝修設計 佢地仲有開設咖啡店 全港有3間 今次去左荃灣廣場比較新既分店 店內環境開揚 店內裝修靚 係我鍾意既簡約木系風格☺️ 叫左幾款食物 整體都唔錯 會想再黎呢～ . Sunset $68 飲品叫左想試好耐既橙啡 Sunset ~ 平時唔飲咖啡既我 對果汁+espresso組合有好感 因為入口無咁苦 又會飲到果汁味🙈 比較順口 呢一杯仲加左牛奶 ～面頭多左層奶泡 飲落幾得意 但對於飲開咖啡既人可能未必會鍾意😂 . Old Rubbish $58 Flat White $44 Old Rubbish相對係不愛啡人士比較清新既一款 益力多+橙汁+西柚汁既組合，很消暑🍹 . 日式蟹棒芝士蛋卷 $108 小食點了蟹棒芝士蛋卷，即係玉子燒 份量很足，中間夾了蟹棒肉和芝士 還帶流心呢 面頭加上紫菜和木魚絲 芝士和蛋味都突出 好吃 . 吉列芝心豬扒·日式咖哩飯 $158 主食叫左咖哩吉列芝心豬排 豬排炸得夠脆唔油 中間仍保持到芝心 配上甜甜的日式咖哩 唔錯 . 慢煮四元豚肉 $198 另一款主食來自日本的四元豚肉 底下有好食既綿滑薯茸、配菜及焦糖蘋果～ 四元豚肉扒切開後仍帶點粉嫩的肉質 搭配焦糖蘋果減低膩口的感覺 很不錯 如果肉質可以再軟嫩一點會更好呢！ . 金柚肉焦糖布丁 $88 甜品叫左焦糖布丁 搭配有很多水果的布甸🍮 布甸質感綿滑 焦糖味很重 略嫌甜左少少🙈

※本文以用餐當日的環境、服務和食物質素為準，口味亦因人而異，文章只作參考之用。 . 月街周邊有不少特色餐廳 其中一間係Chullschick 主打食秘魯特色菜 睇餐牌都覺得頗特別呢！ 黎食飯之餘 仲可以好好小酌一杯 叫左幾款食物味道都唔錯👍🏻 . 餐牌 . 炸雞肉棒配秘製蛋黃醬 $92 用了手撕雞肉再炸成雞肉棒 雞肉棒炸得乾身 咬落仍帶脆口感 食落肉質軟嫩 加上蛋黃醬味道更豐富 . 烤西班牙香腸 $118 西班牙豬肉腸，食落帶惹味鹹香 加上阿根啊青醬和黃辣椒醬同食 更覺惹味！ . 秘魯特色牛肉餡餅 $130 賣相好似加大版既餃子🥟 外皮炸至金黃色 外圍的餅皮稍為硬脆 內裡填滿滿免治牛肉餡 牛肉用香料調過味 加埋阿根廷青醬 非常惹味！ . 招牌秘魯烤雞四分一隻 $100 烤雞有幾個份量選擇 叫細份可以留肚食其他野☺️ 四分一隻烤雞比左雞髀我地 雞髀有用香料醃過 香料味道頗突出呢，肉質也頗嫩滑！配菜仲可以揀我愛既波浪薯條🤤 . 秘魯油炸鬼 $68 最後黎一道西班牙油炸鬼 熱辣辣食落外脆內軟 如果朱古力醬可以濃稠返一點便更好了

※本文以用餐當日的環境、服務和食物質素為準，口味亦因人而異，文章只作參考之用。 . 位於銅鑼灣食肆雲集的澳門逸園中心 經Openrice訂座 不論午市及晚市都有第2位半價 午市$480-$980位 晚市$980-$1680/位 我地今晚試左 $1680 「匠」，共有22品🍣🥢 整晚既菜單款式都令人感覺很豐富 ～！ 除了壽司刺身不錯外 季節和食和主食都很喜歡 也試到一些比較少食的魚類稀有部位 . ⸝⸝⸝ ⧐ 前菜 螢光魷魚 （味噌醬） 北海道磯煮榮螺 . ⧐ 刺身 岩手縣真蠔配柚子啫喱可搭配紫蘇花 肉身爽口肥美，入口重海水味，味道鮮甜 配上柚子啫喱，酸甜味道令層次提升 . 北海道北寄貝配岩鹽 簡單配上岩鹽和青檸汁，質感爽口味道清新 . 灸燒京都太刀魚 . 蘋果木煙燻間八魚配三升漬 用上高貴的玻璃器皿呈現，打開後帶來視覺效果 魚肉入口的煙燻味道很重 搭配三升漬 魚味更突出 . 沙甸魚卷 簡單的蘸上豉油食，不腥，魚脂感滿滿！好食 . ⧐ 季節和食 目光魚天婦羅 天婦羅粉漿很薄，咬落很脆，咀嚼中感到很香口 . 金鯛立鱗燒配南瓜茸 呢款立鱗燒出名可以連魚鱗一齊食 魚肉嫩滑，想味道豐富點可加上南瓜茸一齊食 . 燒吞拿魚下巴 燒到魚皮勁脆 魚肉味道突出 充滿油潤感 好食🤤 . ⧐ 壽司 北海道鮮帶子 真鯛 深海池魚 配三升漬 富山灣白蝦 配炒過的烏魚子 九州鰹魚 配酸汁啫喱 長崎縣赤睦魚 配柚子胡椒醬 鹿兒島中拖羅 吞拿魚面頰肉 配辣油 醬油漬三文魚籽根室馬糞海膽杯 . 壽司總共有九貫，味道同魚類都頗豐富 喜歡佢地舍利既酸度 ～ 師傅握的力度不錯 夾起沒有鬆散的情況出現 最印象深刻係灸燒吞拿魚面頰肉 油香超突出 綿滑的口感加上辣油 估唔到又幾夾🙈 鮮甜既富山灣白蝦加左炒香過既烏魚子後 多左重鹹香味 豐富左口感和味道！ . 醬油漬三文魚籽根室馬糞海膽杯，味道鮮甜 賣相靚之餘，這海膽杯更係打卡一流呢！ . ⧐ 主食 北海道毛蟹配蟹醋啫喱、蟹膏醬 估唔到主食係北海道毛蟹 ～😍😍 加埋一旁的蟹醋啫喱同食 味道鮮甜 很開胃！ . ⧐ 湯品（魚湯） ⧐ 時令水果

※本文以用餐當日的環境、服務和食物質素為準，口味亦因人而異，文章只作參考之用。
.

於中上環區將英國的中菜帶回來的 1908bc
主打中英fushion菜 也有一些懷舊菜式
可以一面喝著Cocktail 一面細味品嘗中菜
也是一個不錯的體驗 ～
.

餐廳內環境也像西餐廳 有著酒吧的位置 有室外位
裡面有一間大房 當天有客人包了房 可以自成一角
店員們態度很好☺️ 會向客人推薦一些菜式
.

蝦多士配甜辣醬 $160
一客四件熱辣辣的蝦多士 每件的份量不細
薄多士釀入蝦膠 面頭加上黑白芝麻和蝦仁拎去炸
就算放左一陣先食 咬落去仲係脆口的 真心好食！
.

KFC甜酸辣椰菜花 $110
名字很有趣的菜式☺️ 先將椰菜花拎去炸
再把它加上甜辣醬一起炒～
椰菜花炸至口感適中 ～亦很適合素食者享用
是一道明顯的中英融合的菜式！
.

豬腩肉割包 $140
鬆軟的割包，中間夾住肥瘦適中的豬腩肉
加上燒烤醬和泡菜同食，食落會無咁膩呢
.

椒鹽脆豆腐 $90
喜歡這種炸至外脆內超級滑的豆腐
通常看到小菜中有都會必叫～☺️
簡單灑上椒鹽 還人一粒接一粒
.

集會脆麵 $170
麵餅上放了蝦仁、燒肉、肉片、雞肉和魷魚等，熱辣辣的麵餅咬落很香脆 ～
.

Suzie Wong $95
以荔枝、石榴、玫瑰及Gin調製而成
入口荔枝味突出，不飲酒的人也覺得易入口
.
Calamansi Seltzer $70
我的mocktail，以金桔味為主 ～
入口酸酸甜甜 非常醒胃

※本文以用餐當日的環境、服務和食物質素為準，口味亦因人而異，文章只作參考之用。
.

地點很方便的日式居酒屋（就在銅鑼灣Sogo旁）
主打日式燒海鮮 仲會有店員幫手燒 新鮮好食🤤
店內貼了不少日系海報 仲有當日推薦既時令海鮮
翻開餐牌很多選擇 好多都想食🤤
.

特製黑松露灸燒平目魚邊沙律 $138
份量很足的沙律 新鮮沙律菜加上黑松露醬
搭配埋開胃既甜酸汁 仲有富油香既平目魚邊
呢碟沙律豐富又好食！
.
跟住就開始燒海鮮時間🦀🦐🦪
每款海鮮都係會前方既爐燒 確保食物熱辣辣
.

味噌蟹甲羅燒 $88
蟹蓋內滿滿的蟹肉和蟹膏 放上烤爐加熱 一邊拌勻
再放上梳打餅同食 入口蟹膏味特濃 ～
非常邪惡滋味！
.

活日本響螺浜燒 $368
配以清酒汁底，響螺肉食落彈牙 ～清甜美味
.

漁獲浜燒盛盒 $888
（包括有珍寶大蝦、松葉蟹腳、鮑魚2隻、蠔2隻活帆立具2隻）
一大盤上枱望上去非常吸引 ～
.

燒生蠔
肉身肥美飽滿，入口質感綿滑，蠔味同海水都很突出
.

燒鮑魚
睇住兩隻鮑魚不停扭黎扭去，真係很新鮮！
鮑魚咬落爽口，簡單配上柚子胡椒已好吃
.

燒松葉蟹腳
蟹肉入口很綿滑，蟹味濃郁 好食！
.


燒活帆立具
兩隻分別以牛油燒和清煮燒 ～兩種都好食
牛油燒個隻會帶埋蒜香 食落更加惹味🤤
.

燒珍寶大蝦
蝦肉爽口 ～正常發揮
.

蟹肉黃金海膽炒飯 $188
佢地既炒飯都相當唔錯 加入了蟹肉、雞蛋、蔥花和芝麻等去炒，面頭放上了幾瓣頗鮮甜的海膽。
飯炒得粒粒分明，味道相當唔錯。

※本文以用餐當日的環境、服務和食物質素為準，口味亦因人而異，文章只作參考之用。 . 最近人氣頗紅的九龍城中式小炒店 豪門小菜 餐廳門外貼滿了推薦的小菜 還放了海鮮～ 白飯也是任裝！食完之後 味道真的是是很不錯呢 有不少款式也是較少見的 很想再黎食🤤 . 芝士龍蝦伊麵 $480 淋上芝士汁的龍蝦伊麵滿滿一碟 賣相吸引 據說芝士汁係用左三種芝士所製 食落芝味十足 配上爽口不韌的啖啖龍蝦肉 真係相當唔錯！ . 豉椒炒蟶子皇 $40/隻 （4隻起） 蒜蓉粉絲蒜扇貝 $40/隻 （4隻起） 揀完海鮮之後，仲可以揀埋想點煮～ 蟶子就揀左夠晒惹味既豉椒炒！ 食落口感爽 仲食左三隻🤤 仲另外要左煎米粉底墊住 米粉食落脆卜卜 吸晒豉椒炒既醬汁 夠晒滋味！ . 我最愛既扇貝就揀左較大路既蒜蓉粉絲蒸 每隻扇貝都頗肉厚 如果質感可以再滑啲就更好 重點！蒜蓉加粉絲加豉油，真係絕配 超美味！🥹 . 三層脆豆腐 $88 餐廳自家創手工小菜～ 店家用豆腐所製成的蒸煮豆腐 加上臭草後再拎去炸 再淋上惹味醬汁 食落味道豐富左 更加有層次！ 豆味超級濃郁！ 愛豆腐的人必點！ . 椒鹽四季豆 最後叫返個菜健康一下🫣🫣 揀左椒鹽炒四季豆，炒得夠乾身～ 薄薄的一層炸粉，加上椒鹽蒜粒 好涮咀！