夜晚喺朗豪坊睇下有咩啱食嘅時候見到Lab 10門口有個任食餐牌，只係$248就可以任食多款肉類同沙律，飲品都係任飲，望落環境乾淨企理，之前都有聽過同事講起呢度嘅無煙韓燒，一直都好想試，加上睇落又好似幾抵食，所以決定試下。店內每個座位都會間上隔版，情況就類似自修室咁，令客人可以有返屬於自己同朋友嘅私人空間，無論同朋友傾計定食野都唔怕俾隔離位望住同聽到，避免尷尬。雖然呢度主打燒肉，但係都不得不讚呢度嘅沙律好好食，仲好靚咁放咗喺個玻璃樽入面，蔬菜好新鮮，口感爽脆。 一開始店家會送上一個牛牛板，上面擺放了唔同肉嘅部位，豬牛雞都樣樣有少少，等你可以每樣都試下，然後食過覺得特別鐘意食嘅就可以再Encore！啲肉都好靚同好新鮮，鮮紅色肥瘦分明，已經急不及待要燒！
無煙韓燒真係第一次試，覺得好神奇！燒肉嘅過程完全冇油煙攻上黎，唔會油淋淋同埋搞到頭髮同衫都一陣味。尤其而家冬天多數著冷衫，一般黎講好易吸味，無煙韓燒就最適合。睇佢個爐仔細細但火力好夠，好快就將肉烤熟食得，任食梗係要爭取時間啦！ 另外想特別同大家介紹嘅係薯條！韓式薯條有兜混合咗唔同種類嘅芝士，只要放上爐上面加熱，等佢半溶就可以用黎沾薯條！每條薯條都可以做到芝士拉絲嘅效果，真係好食又好玩呀！不過略嫌薯條多咗少少鹽，如果少返啲鹽就會更健康啦！

最近聽同事說位於鰂魚涌海堤街這間鯛魚魚湯專門店好好食，上網一查才發現原來這店很出名，所以這天放假特意過海來到鯛魚魚湯專門店品嘗一下海鮮大餐！ 極鮮象拔蚌貝柱蟹棒可選烏冬或湯飯，而我們選了湯飯，底部有火一直為小鍋加熱，能夠在食的整個過程中一直保持溫度，而且海鮮的量真的超多，整鍋都是滿到快要瀉的程度，鯛魚魚湯十分鮮甜，完全沒有味精的味道，加上象拔蚌十分新鮮，質地夠爽口，另外裡面有極多貝柱，蟹棒亦是較高級的款式，不是普通的蟹柳，見到餐牌上可以加錢追加不同的配料，而來到鯛魚魚湯專門店當然要追加鯛魚片，真的超好食，魚肉鬆軟又夠滑，完全不嚡口，只需加$18就有4片，好抵食好值得追加！ 如果不想食海鮮其實亦有另外的選擇，就像這款安格斯牛肉蕃茄鯛魚湯烏冬，選用高級的安格斯牛肉，安格斯牛肉份量同樣超多，肉質結實牛肉味濃，蕃茄鯛魚湯底十分濃郁，能夠同時品味到蕃茄和鯛魚的味道，兩者味道加起來實在很配合！同樣追加了鯛魚片，不得不說的是這裡貼心地因應你點的主食而附上不同的湯底。另外亦加了很多配料，令到整碗烏冬口感和味道均非常豐富。

鼎爺私房菜好出名相信大家都知道，book咗都要等起碼大半年先有得食，聽講鼎爺啲燉湯仲好好味！而棋哥嘅燒味亦都好出名，成日見到佢銅鑼灣店人頭涌涌，最近留意到佢地竟然一齊開咗舖，而地點更係喺戲曲中心，平時經過都見到新起好嘅戲曲中心好靚，但就一直未去過，所以即刻約朋友去食鼎爺燉湯同棋哥燒味，順便睇下戲曲中心入面係點。平日夜晚去到好彩去到都唔洗等位，不過都見到幾多客，見到佢地嘅餐牌真係好有心思，專登整成中式月曆咁，好靚！ 餐紙同埋紙巾都印咗餐廳名，餐紙仲好精美，而家已經好少見到咁揼本嘅餐廳啦！ 餐廳嘅裝修都好有特色，除咗門口有懷舊鐵閘同埋牆上嘅手繪壁畫之外，仲有呢個復古味濃嘅中式算盤，真係好特別！ 秋風起，最好就係飲返盅燉湯補一補，呢盅椰菜瑤柱海皇湯真係真材實料，隨便一撈就已經係蠔豉同埋乾瑤柱，真係落足料好揼本！椰菜瑤柱海皇湯聞落已經好香，飲落去清得來又有好鮮嘅味道，仲有少少回甘，真係好正！ 遘到補，又點少得椰皇燉嫩雞，一打開已經聞到好香嘅椰子味，飲落好清甜，估唔到燉咗咁耐但雞肉都真係仍然保留到鮮嫩肉質，真係好鐘意呢盅湯，我會俾100分！！！ 店內員工真係好nice，佢地仲專登拎個外賣攜杯出黎介紹俾食客知原來佢地呢度嘅燉湯可以外賣！個外賣杯真係好吸引，方便拎之餘設計仲好方便飲同攤凍，真係睇得出佢地好有心！ 荔枝柴燒鵝飯真係呢度必食嘅燒味飯，而家仲用荔枝柴去燒嘅燒鵝真係買少見少，賣相仲好靚，食落表皮夠薄夠香脆，食落真係食得出荔枝柴獨有嘅香味，燒鵝份量都好多，肉質夠厚夠多肉，而且唔肥，賣相吸引。 對於我嚟講，燒味一定要食脆皮燒腩仔，呢度嘅燒腩仔皮夠脆，咬落啲聲脆卜卜，味道唔會太鹹，發覺而家可以食到個皮真係脆嘅脆皮燒腩仔真係唔容易，好彩喺呢度可以食到高水準嘅燒腩仔！ 桂香切雞選擇配瀨粉，平時好怕啲切雞好肥好油，而呢度嘅雞皮唔多肥膏，切雞肉質好滑好新鮮，搭配薑蔥蓉一齊食就更夾！ 奶茶見住店員喺凍櫃拎出嚟，冰凍嘅奶茶真係同燒味好夾，茶底香濃又夠滑，唔會太甜亦都冇澀味，剛剛好。成個感覺都係好港式，呢啲真係香港獨有嘅美食，要好好保留呢啲咁能代表香港嘅特色

最近留意到扇火鍋推出了最新的泰式風味冬蔭功湯底，看見海報上的冬蔭功湯底賣相非常吸引，既然暫時沒有機會去泰國旅遊，一於吃個冬蔭功火鍋止止癮！扇火鍋是1.5小時任飲任食的模式，除了所選套餐中的肉類任食之外，還有自助吧可以任意享用，配料款式和種類選擇非常多，光是菜已經有好多種，更加見到而家超流行的羽衣甘藍！另外麵類都好多，拉麵和烏冬都有供應！當然不少得乳酪雪糕，最喜歡可以自己擠出來和加toppings的軟雪糕，好食又好玩！除了有泰式冬蔭功湯底外，扇火鍋還特別有泰式紅咖喱飯供應，可以自由盛載，味道很好，不會太辣，重點是很足料，有很多肉在裡面。實在每一款都好想試，大家要小心不要眼闊肚窄，珍惜食物亦很重要！汽水和果汁都是任飲，而且款式選擇多，站在櫃門前真的令人花多眼亂，出現選擇困難症！終於講到重點的冬蔭功湯底！真材實料到令人有很大的驚喜，本來看似平平無奇，但撈之下竟發現鍋裡有原隻大蝦、還有魷魚等海鮮在海底裡面，一點也不馬虎，令人覺得物超所值，實在超讚！ 這個泰式風味冬蔭功湯底的另一個特色是可以自己炒香料，能夠自製喜歡的泰式調味，這是點其他湯底沒有的喔！
我所選的套餐是澳洲上級長期穀飼牛套餐，牛的穀飼期為270日以上，由澳洲送。此套餐包括牛肉、豚肉、牛舌都是任食！喜愛吃肉而且對肉類種類有要求的試食之人必定要試！
澳洲穀飼牛的雪花很美，肥瘦分明，入口軟稔，牛肉絕無激素及抗生素，大可食得安全又放心。

牛舌都好靚，肉質很爽口，平時燒烤都喜歡食牛舌，但打邊爐倒是第一次，原來牛舌都好適合用來做打邊爐的配料！

豚肉大大片，同樣肉夠軟稔不鞋口，令人不禁encore再encore！任飲任食真的會一不小心就會吃太多，大家要注意量力而為！ 然後令人我驚喜的是只要點泰式風味冬蔭功湯底，就可以無限任飲泰國象啤！通常啤酒任飲都要額外加錢，但只要點泰式風味冬蔭功湯底這個set就會是全包，個人覺得打邊爐就是要飲啤酒才爽！所以計返呢個套餐真的好抵！ 因為扇火鍋現在正做泰式風味冬蔭功湯底的promotion，原來還有泰式椰子糖和精美的抹mon布貼送，真係又食又拎，好抵！而且這裡的服務真的好好，店員經常問你要不要追加肉類，好像生怕你吃不飽而且怕害羞而不敢點似的，親切的服務令人留下了很好的印象！

早排經過大角咀，見到呢間The Galley by Cafe Proud Wings外形成架飛機咁，好特別，之後上網睇下先知原來佢入面都以機場作裝潢，見到咁有特色就打算來試下。好彩黎之前有book位，因為平日晚上都幾full，冇book位的話未必可以walk-in入座。之前見到有好似機艙咁嘅用餐位，但原來唔係個個位都係咁嘅形式，只有兩張4-6人枱先係，其他都係普通半卡位，枱同枱之間個距離都幾近，講野都會俾隔離枱聽到。我地今次2個人黎，當然冇得安排住機艙位喇，真係有啲可惜！ 餐枱係好似平時啲貨lift個地下咁，其實張枱唔平嘅關係所以啲餐具都容易sin來sin去，放水杯一定要好小心，唔係就好容易因為放唔平而倒瀉。其實間野啲餐都唔算平，最後叫咗個$598嘅商務艙晚餐，包一客前菜、一份沙律、兩碗餐湯、兩份主菜、兩杯餐飲同兩客甜品。 前菜有兩款可以揀，分別係香煎蟹餅配芒果莎莎醬同埋西班牙蒜片蝦，而我地揀咗前者。即叫即煎所以送上黎時都幾燙口，不過份量就有點小，蟹餅是一口的大小，但芒果都幾甜幾好味。 凱撒沙律可以選配煙三文魚/香辣海蝦/純菜，我們選了煙三文魚，捲成玫瑰花狀的煙三文魚賣相吸引，沙律菜新鮮爽口，份量適中。 餐湯可選廚師手工湯或黑松露野菌忌廉湯，當日的廚師手工湯是羅宋湯，而作為黑松露愛好者當然二話不說地選擇黑松露野菌忌廉湯，黑松露味未算太濃，口感都算細滑。 主菜可以3選2，我們選了燒美國牛小扒為其中一款主菜，牛小扒賣相吸引，外面燒得脆身而內裡肉質軟稔，咬落仲好Juicy！配上特製燒汁，每一口都有肉汁和燒汁的配合，肉質口感細軟。
西班牙蒜片雞實在好有驚喜，雖然本身都喜歡蒜香，但起初還是會怕蒜味太濃烈，原來是我多慮了。味道恰好，不會太濃但又有蒜香，雞肉沒有雪味，而且肉質夠嫩滑，十分惹味！

是日甜品是朱古力蛋糕，一般朱古力海綿蛋糕並沒有太多特別，個人偏好濃度較高的朱古力，因此會覺得朱古力味稍為欠缺濃度。

套餐包普通的咖啡或茶，但沒有提及過凍飲需額外加錢，所以埋單時發現多收$3覺得有點被濫收的感覺。不過出外吃飯都不想計較甚麼，只是覺得如果餐廳能在餐牌上附註會比較好。

第一次來到橋香園，而我都好肯定亦會係最後一次。非常恐怖嘅服務，入到去先啱啱坐低，餐牌都未拎出黎睇就已經問你要食咩，拎完餐牌出黎都未完全睇晒有咩餸揀，已經又問你要食咩，同佢講轉頭先、睇睇先，完全無視你講嘅野，中年男店員對客人呼呼喝喝，前後俾佢Chur咗3次，問題係間店完全唔多人，仲有好多張吉枱。落單時又成日記錯聽錯，完全冇用心聽客人講野，其實唔止我呢枱，佢每一枱都係咁，成日搞錯晒啲野，要客人好有耐性咁不停重複要咩餸。 終於落完柯打，佢印返張單嚟，其實你直接放喺枱面咪得，如果驚俾風吹走咪攝落紙巾盒底或者搵野壓住，但佢唔係，佢係要客人親手接佢張單，仲要喺人面前揚兩揚咁暗示你去拎佢張單，真係想問咩態度黎？ 接完佢張單之後，等食期間我重新拎返個餐牌出黎影相，順便再睇多次其實佢有咩餸揀，因為剛才真係俾佢Chur到嗱嗱聲落單就算，但佢好似驚我睇蝕佢個餐牌咁，先啱啱影完張相就已經西口西面咁將個餐牌攝返去旁邊，其實野食又未到，客人又唔係多，但就讓人完全感受到一種不被歡迎嘅感覺，真係好差。 上到枱啲野都係甩甩漏漏，成日將唔同枱嘅客人碗米線搞錯，而同佢講話唔係我嘅就一句唔好意思對唔住都冇，好似老奉咁，仲要大大聲大條道理話「係呀我知唔係你嘅，擺住先轉頭拎返走」，錯都好似錯到佢啱晒咁，真係第一次見。 分別叫咗一碗湯米線同一碗撈米線，先講湯米線，揀咗兩餸(魚卷、肥牛)、清湯，米線口感真係冇咩特別，唔會話特別煙韌，魚卷應該都係出面拎貨返黎，所以味道同樣普通無特別，肥牛有3條，口感有啲韌，揀肥牛仲要額外加1蚊，個人覺得唔太值。湯米線有好多配料，其中有好多酸菜令到味道偏酸同好濃，如果酸菜份量少返啲應該就冇咁重口味，食完返到屋企都好口渴，睇黎味精都幾重。撈米線要咗四餸(乍醬、牛展、雞翼、生菜)，牛展幾入味，但係滷水雞翼就完全唔夠味，得個表面有色，但係入面啲肉完全唔入味，配料調味同樣都係味道偏濃，同上次喺第二間所食到嘅撈米線真係差得遠。食物本身又唔係話好出色，仲要受埋啲咁差劣嘅服務態度，真係不了。

早前和朋友講起西貢的一起果醬永遠都坐無虛席，才知道原來尖沙咀也有一間一起果醬，終於不用專程去到西貢也能品嚐到美味而又多款式的果醬！於是得知這個情報後馬上約朋友來一解多個月來對一起果醬的思念！ 一起果醬的餐牌款式選擇多，更有時間限定的Brunch食，可惜我地是來吃餐晚，無緣品嚐這裡的Brunch，但其他食物同樣吸引！

點了一個Dinner Set，包沙律、餐湯、自選主菜及甜品，田園沙律配上熱情果油醋汁，味道清新醒胃，比起一般落沙律醬或者千島醬來得健康。是日餐湯是黑松露蘑菇忌廉湯，是我的最愛啊！餐湯一點也不馬虎，真材實料，喝的時候能夠吃到粒粒打碎了的蘑菇，非常好味！主菜選了慢煮極黑毛豬扒配肉桂蘋果汁，黑毛豬扒用上慢煮的方式烹調，能夠鎖住裡面的肉汁，超級Juicy！搭配自家製的肉桂蘋果汁，能夠品嚐到一起果醬的招牌果醬，肉桂蘋果汁味道清新，能夠中和肉類的飽膩感，減輕負擔，低部更有新鮮蕃茄仔、薯仔和蘆筍，蔬菜和肉類得以Balance。是日甜品是士多啤梨芝士蛋糕，同樣以自家製的士多啤梨醬作點綴，果醬味道酸酸甜甜非常美味，芝士蛋糕口感軟硬適中，有濃濃的芝士香味。雖然甜品與餐湯一樣同樣只是作為配角，但是亦非常出色，令整個Dinner Set變得十分完美。
小食方面見有好多人都點了薯角配士多啤梨燒烤汁，所以都來一客試試，本身薯角感覺會比較熱氣，但是搭配士多啤梨燒烤汁後竟然能夠令這種熱氣完全消失！果醬的酸甜味更加中和了炸物的油膩感，難怪這麼多人都點這個薯角。

既然來得一起果醬，就當然要多試試它們不同的果醬！而且作為雞翼控，沒有不點這個玫瑰蘋果醬單骨雞翼的理由吧？將雞翼做成單骨雞翼已經非常加分，因為食的時候更為方便，配上玫瑰蘋果醬，幽香的玫瑰味完全將整份
單骨雞翼昇華了一個層次，蘋果醬帶點蘋果蓉，清甜可口，十分好吃！
甜品方面，單是Dinner Set的芝士蛋糕又怎能滿足到我這個嗜甜的人呢？所以點了一份英式奶油鬆餅餐，這份鬆餅真的超推薦！因為鬆餅除了配上德文郡奶油外，更可以自選果醬，而我們選了平日少見的丁香香橙，一上桌的時候已經聞到超香的鬆餅香氣，入口更是非常鬆軟，丁香香橙的果醬裡面有香橙果皮，很有特色，而且和鬆餅的味道非常搭，無論賣相還是味道都令人驚艷！雖然這晚每一款食物我都很喜歡，但尤以這個英式奶油鬆餅餐最令我難以忘懷了。

早前經過發現這間一起食堂，裝潢帶點日式，細看門外的餐牌發現原來是台日料理，這裡有個很特別的賣點，就是叫外賣會是便當盒的形式！賣相真是100分，超吸睛！不過我是堂食所以未能一睹美觀的便當盒，但食物的賣相也絕不失禮，呃like一流！ 一起食堂所提供的台日料理一張點餐紙就可以睇晒，比起用一本餐牌方便很多，而且所提供的食物種類都好吸引，要小心一個唔覺意就點多了，真的樣樣都想試啊！


原條蒲燒鰻魚飯賣相真的超吸睛，果然是原條，長到已經超越碗的直徑！即叫即燒的鰻魚上桌時還滴著油，超香脆的鰻魚配上鰻魚燒汁，外脆內軟的口感實在一流！鰻魚飯還有一隻溫泉蛋，飯的份量十足惟我個人覺得濕了少許，不過整體味道都非常好！這碗鰻魚飯份量多到女士未必能夠食完，建議可叫少飯減少浪費。
三色海鮮茶漬飯包括蟹肉、廣島蠔、鯛魚，三樣都是貴價海鮮，其中我覺得尤以蟹肉及鯛魚較為出色，蟹肉弄成碎但亦能保留鮮味，碎上混合茶漬飯變得更易入口，令茶漬飯的味道更帶鮮味。鯛魚肉質嫩滑，去骨做得仔細，同樣鮮甜味美。這個三色海鮮茶漬飯我亦是很推薦！
燙青菜用上的是油麥菜，我個人很喜歡油麥菜，附上頂部炸過的乾蔥，十分惹味，這是一道富有台式味道的燙青菜。

小食方面點了鹽酥雞，鹽酥雞即叫即炸，所以非常燙口，炸到脆卜卜的鹽酥雞裡面仍能保留嫩滑肉質，味道足但調味不會太濃，所以吃畢亦不會覺得非常口渴，價錢不貴所以非常值得一試，性價比極高！


甜品點了最近非常沉迷的芋圓仙草凍，份量之外真的有點嚇到！這碗正是裝飯的那個碗啊，沒想到才只不過$38卻有這麼多的份量，很是驚喜！所以要拿小碗比較一下讓大家看看這巨型的份量。芋圓煙煙韌韌，很帶口感，吃得出很香芋頭的味道，仙草在夏天食十分消暑，配上花奶更是一大點綴。

飲品方面很推介這款蘆薈桂花雪梨茶，蘆薈、桂花、雪梨配合起來就是清香的味道，而且三者都是很健康，很有養生的感覺。味道不會太甜，這點讓我加了很多分！清潤解渴很滋補！


這款冷泡茉莉毛尖茶是喜愛喝茶的朋友必試的，因為很香茶味，茶底夠濃，帶有回甘的效果，冷泡茉對身體非常有益，夏天喝尤其消暑。

早前從網上留意到這間由鼎爺兒子豪仔開設的阿久根和牛拉麵屋，自開業以來一直都是人氣熱店，所以這店也是我的wish list榜中的一席位，終於在過去的星期日晚上找到機會一嚐人氣和牛拉麵。阿久根和牛拉麵屋店面不算很大，只有10多個座位，晚上6時剛開始營業時準時入座，不到15分鐘已經坐滿，可見這店的人氣熱爆程度之高！真的好慶幸決定一開始就去到，否則就要在門外等位啦！ 店內亦以非常先進的方式下單，只需要掃瞄店內的QR Code，便可以在手機上看餐牌，省卻了拿著一大份menu翻來翻去的步驟，亦可以隨時瀏覽餐牌，加單也很方便！下單之後便可以到門口旁邊的自助點餐機付款，可以直接在機上使用八達通或信用卡付款，亦可以通知店員以現金付款，非常方便快捷！ 店內座位全部都是以bar枱形式，份外有在日本屋台吃拉麵的地道風味，而且座在bar枱位置更可以偷看師傅如何造出一碗美味拉麵，光是眼前的景象和等食時聞到的香氣已經是視覺和嗅覺上的一大享受。 等候食物送來的期間店員還提供了一個繪馬，可以將自己的願望寫上去，然後可以掛到門外的繪馬牆上，能夠在拉麵店中有這樣的體驗真是很新奇，亦令我對阿久根和牛拉麵屋留下了深刻的印象，這間真是很有日本風味的餐廳！ 不得不介紹店內提供三款不同的辣粉，分別是海鮮辣、洋蔥辣及蒜味辣。實在沒有想過原來辣都可以分成這麼多種，大家可以按照自己的喜歡加入不同的辣粉，這絕對是喜愛吃辣的人必試的福音啊！ 店內提供拉麵和沾麵，可供客人選擇喜歡的款式，我和友人分別選擇了一碗拉麵一碗沾麵，正好可以試上兩款不同的造法。這碗慢煮A4和牛叉燒．濃蝦湯 沾麵真的超好吃！慢煮A4和牛入口很軟，接著有種很香的油脂香氣在口腔內蔓延，這片A4和牛果然名不虛傳，完全能夠與我在日本所吃到的和牛媲美。 濃蝦湯好杰身，配上沾麵一齊食掛湯度極高，入口就是濃濃的蝦湯味，真的好夾！食完沾麵更可以叫店員加上高湯，真的一滴不留地喝畢整碗濃蝦湯，實在太好吃了！ 縱然慢煮A4和牛叉燒．濃蝦湯沾麵已經好出色，但這碗慢煮薩摩雞．雞白湯拉麵絕對不比沾麵遜色！先是雞白湯的湯頭，味道適中不會太濃之餘有陣鮮味，雞湯和拉麵真是絕配。主角慢煮薩摩雞好有驚喜！肉質鮮嫩好軟好滑，有別於平日所食到好韌的雞肉，所以這個真的非常推薦大家一試！ 習慣在外面食飯都會叫上小食，這份沖繩苦瓜餃子真的很有特色。日式餃子通常以肉餡為主，但這裡竟然用上沖繩特產的苦瓜做餡，很有新鮮感，日式煎餃即叫即造，皮脆多汁，沒想到連小食也同樣出色。 這天忽然很想食章魚燒，本想到對面街那間知名章魚燒店買盒吃，但想到將近吃晚飯時間就作罷了，竟然見到這裡的小食菜單上有章魚燒，果斷點了來吃！上面舖上滿滿的木魚碎，每一粒都有真正的章魚肉，味道不俗。

親身到阿久根和牛拉麵屋後真的明白到為何這店自開業以來一直大排長龍，因為價錢親民之餘真的很高水準，能夠以這個價錢吃到這樣美味的美食真的超值，性格比極高，絕對會再來光顧！

早前經過譽發廣場，發現新開了一間名叫橫浜水產的放題店，看見價錢不貴而且有不同價目的套餐選擇，更可以食足2小時！於是馬上相約朋友前來一試，我們選了$258的牛肩肉火鍋放題，價錢合理而且可以任飲任食，飲品更有不少特色飲品，如果食量多的話其實都頗划算。 店內環境很有特色，日本風很重，看見裝潢十分用心，甚有特色。 橫浜水產的爐分別火鍋和燒烤兩邊，所以不單止火鍋，還可以將食材放到燒烤盤上燒，兩種食法一次過滿完燒烤和打邊爐的慾望！ 下單之後可以到外面的自助Bar混合醬料，醬料選擇都算多。另外更有一些少食可以隨便拿，而我就拿了章魚燒和卷物，章魚燒略嫌粉多了點，如果混合多點蔬菜口感應該更為豐富，而卷物則非常好食，可惜之後沒有再fill過，這點是令人有少許失望的。 火鍋的自助Bar有超多款式可以選擇，有大量不同的蔬菜和丸，還有餐肉及芝士腸，更有烏冬和出前一丁，完全不用怕沒有喜歡的食物，這點實在值得一讚！ 和朋友都喜歡360牛乳海鮮鍋，所以索性點一樣的，如果大家想試不同的可以點兩個不一樣的湯底。牛乳海鮮鍋味道傾向清淡，但帶點鮮味，實在不錯！ 套餐包海鮮頭盤，擺盤精美呃Like一流！而且食材都好新鮮，帆立具大大粒，海蝦都好大隻。 我們將海鮮拿去燒，最後放少少蒜蓉去調味，令鮮味更出！真的覺得這個爐好正，打邊爐又得燒烤亦可。 肉類方面提供豬、牛、雞，雞肉很嫩滑，用作打邊爐亦不會韌。但豬和牛則認為可以切大片一些，但可能考慮到要燒烤所以店方會切得較薄，能夠令豬肉和牛肉片更快熟。兩小時可以無限order真係好抵食！ 飲品方面都唔錯，點了這杯巨峰乳酸，賣相和味道都不俗，放題店來說真的很高水準！