好耐都冇去過太古喇！之前上網見到太古有間新開左一段時間既熊人cafe，依日一於同朋友過黎試試店面採用大玻璃窗，採光度大大增加！ 店內既佈置擺設都好靚，感覺好warm 鰻魚飯定食… 見到好多人都叫依個鰻魚飯，鰻魚份量都唔少，啖啖肉，只係最尾端有少少骨，仲配左個炸魚仔合桃前菜 茄汁大蝦扁意粉… 佢個賣相好靚！好鐘意意粉係捲住咁present 茄汁既酸甜味岩岩好，扁意粉亦煮得唔會太淋，蝦亦好爽口！ 黑熊芭菲…其中一個吸引我黎既就係依個芭菲！咖啡味既雪糕再配微苦既咖啡凍同焦糖脆餅，下層就係朱古力cream同粟米片，口感一流啊 士多啤梨乳酪餡蜜…依個甜品平時好少有，當然要試下啦！雪糕係雲利嗱味配焦糖醬，旁邊圍住既係好煙韌既白玉丸子同比較清新既士多啤梨凍，食落真係有唔少士多啤梨果肉嫁

今次係第二次食陳儀興，記得第一次係喺新蒲崗既火鍋店度打邊爐，估唔到原來佢依間分店係做潮式中菜，食過之後仲另我地一班朋友眼界大開 鹵水鵝片…叫左個例牌4個人食份量岩岩好！鵝片厚薄適中又入味，底下仲有幾舊鹵豆腐 鹵水鵝肝… 依個真係估佢咁到咁粉嫩！每片都好軟身，鹵得唔會太咸，真係食到肝臟既甘味！ 花膠北菇湯… 食過兩樣冷盤鹵水野，飲番啖熱湯先~兩碗share岩岩好。我出街食飯除非係叫套餐，如果唔係其實好少叫湯飲，不過朋友推薦我地一定要試依個湯，湯頭真係幾濃郁，每碗仲有兩隻花膠！不過如果可以再膠質d就好喇 生醃膏蟹… 輪到其中一個主角出場喇！第一次食潮式生醃蟹，感覺係似韓國醬油蟹，不過就冇醬油蟹咁咸，食到d酒香之餘真係食到蟹味 依度係一隻既份量，可想而知隻蟹真係幾大隻！而且好夠膏嫁! 生醃瀨尿蝦…黎到第二個主角！原來瀨尿蝦都可以生食同膏蟹一樣既汁，有d酒香，瀨尿蝦味都幾濃。 魚露浸花甲… 我好似係第一次食依個煮法既花甲感覺好似前菜咁，魚露既咸鮮加上花甲既甜，好開胃！ 芙蓉香酥鵝… 原來係腐皮包住芋泥同鵝肉碎再拎去炸！依個想對比較膩，食一舊已經好滿足 古法糯米酥雞… 早一日預訂左依隻「糯米雞」，真係不得不讚師傅既手藝！炒香左既糯米飯釀左落隻走地雞入面再炸香，雞肉仲係好juicy ，我最愛既糯米飯亦軟糯 沙茶牛肉炒芥蘭... 食完d肥膩野要食番d菜，沙茶味都幾濃，同牛肉好夾，我就鐘意食下底d菜清下油膩感。 反沙芋頭… 聽就聽得多，食就又係第一次。依加好多地方都冇整依個考工夫既反沙芋，外層好脆，入面既芋頭都仲有咬口，唔錯啊。

上網搵尖沙咀有咩中菜好食，見到依間d片皮鴨好似幾靚幾好食咁，所以就一於叫埋班朋友試試佢！不過去到就俾d海鮮吸引左原來依度既海鮮先係主打！ 望住維港食特別正～ 椒鹽魷魚鬚…先黎個魷魚鬚作為starter ，碟頭唔大，如果三、四人食岩岩好，個炸粉唔會太厚，魷魚夠彈牙又保留到應有既鮮味 醬皇蒸東星斑…蒸魚就食得多，但將豉油換成醬汁既蒸魚真係第一次見同第一次食，條東星都幾滑，加埋面頭個豬油渣再沾埋個醬，第一次可以用惹味黎形容東星斑 欖豉醬爆花蛤皇…每隻花蛤都幾大隻，最緊要係無沙！欖豉醬就令花蛤變得惹味 山楂鳳梨脆皮咕嚕肉...最鐘意食拔絲既咕嚕肉！皮脆肉嫩，肥膏唔會太多，面頭既菠蘿乾好甜又脆脆地 濃雞湯海味浸時蔬 龍蝦芝士焗伊麵… 一上枱，我地成班朋友既眼球都focus 左喺碟龍蝦伊麵度！有別於傳統，依度既芝士超多之餘仲焗得夠哂香口！龍蝦亦夠厚肉，夠哂滋味！ 香茅蘆薈果凍… 食到飽如果再食糖水就會膩，但依個果凍反而有清新既感覺，第一次食加左香茅既甜品，味道好特別，真係可以清哂飽濟感

講起大坑，好自然就會諗起超有氣氛既舞火龍！我諗係依個緣故，今次黎既依間中菜都特意喺壁畫畫上舞火龍同鑼鼓，喺大坑見到特別有感覺。見咁有特色，依日就即興同朋友黎試一試！ 柚子脆蝦球…新年要好意頭，當然唔少得炸到圓淥淥金黄色既蝦球啦！蝦球微脆爽彈，面頭沾有柚子汁同柚子肉粒，酸甜度剛好 黑松露海皇炒鮮奶…鮮奶真係炒得好嫩滑，不過就多油左少少底下既海皇其實係蝦仁同帶子粒，份量都幾多嫁。 上湯雲耳浸豆苗…浸豆苗一直係我既愛，無論用蒜蓉炒定上湯浸都好正依度既豆苗口感近似豆杯，入口爽口無渣，加埋雲耳同杞子好夾。 自家製XO醬和牛炒陳村粉… 見未係太飽，店員就推介依個炒陳村粉，係平時比較少食到既菜式，加埋自家製XO醬一齊炒好有鑊氣，陳村粉仲略帶煙韌好有口感！和牛亦夠嫩夠淋。依個XO醬完全唔辣，我另外沾左少少辣椒油仲好食呢

近排愈來愈多人食依間川菜，今次就黎左荃灣分店。 眼見十個有十一個都有叫佢個勁霸氣既炸饅頭隻船大大隻，仲有好多煙飄岀黎。一碟有六大粒炸饅頭，即叫即炸超級新鮮熱辣脆脆即外層伴隨住果隻炸包既香氣，入面就好軟熟，再蘸埋絕配既煉奶，真係無得輸啊 另外仲叫左個小辣既酸菜魚，辣度岩岩好，唔算超重口味，魚片都幾多幾滑，底下仲有寬粉添！ 每逢到10月就係食大閘蟹既季節，原來佢地都有賣所以就要左隻試下，每隻足四兩重，我地叫左鹽焗真係冇揀錯！鹽花同大閘蟹味道好夾，d膏都唔少，味道幾甘香嫁

有日放假去左黃金海岸行下順便食晚飯。上網見到原來秋香喺依度都開左分店！之前喺另一間分店食過豬腩肉煲仔飯覺得好好食，今次黎到黃金海岸分店就一於再食多次黎得秋香就一定唔可以錯過佢地既煲仔飯！ 我地叫左個二人套餐，而依個煲仔飯係套餐加$40 ，好似比散叫更抵白鱔係鹽燒，所以就最能夠食得岀鱔本身既味道，肉質嫩得黎又有彈性，邊邊位仲係微脆嫁底下既珍珠飯吸收左鱔既精華，再撈埋醬油同蛋汁，真係幾好食嫁！ 套餐仲有前菜、刺身、炸物同串燒！當日刺身有帶子、油甘魚同三文魚，味都都幾鮮。炸物就有三樣，分別係吉列炸蝦、廣島蠔同唐揚雞件。 串燒當中最愛波板豚肉串🤤肥瘦均勻又juicy~ 我地另加左兩份威士忌燒蠔，雖然唔算肥美，但蠔同whisky 既味道幾夾。 另外當日仲送左兩隻好嫩好入味既磯燒鮑魚俾我地添😆

放假同朋友黎食即夾即煮既海鮮火鍋！依度最特別既就係有個海鮮池，可以俾客人自己夾完再即刻打邊爐！真係又有得玩又有得食 湯底就分別揀左濃厚番茄湯、清酒煮沙白湯同埋秘製麻辣湯。食靚牛既時候我最鍾意用清清地既湯底黎淥，好似當中既清酒煮沙白湯咁，咁先食到最原汁原味既牛肉味 每個set都包任食自助活海鮮區既海鮮！記得記得！夾蝦之前一定要拎d冷放入海鮮筒先呀！因為咁先會令d蝦凍暈，唔洗驚佢跳出黎蝦肉好爽彈，蝦味濃郁。海鮮類別都有唔少，基本既沙白蜆、海蝦緊係唔少得啦，除此之外仲有澳洲鮑魚、瀨尿蝦、花螺！ 當中我就最愛澳洲翡翠鮑魚因為d鮑魚真係超級新鮮既關係會吸實個池邊，夾上黎果陣都要用d力摌，煮左10分鐘左右，咩醬汁都唔洗蘸已經好鮮味，夠彈牙爽口！一定要encore 依加4人同行仲送一隻松葉蟹咪話送既就冇好野，依隻蟹真心好有誠意！我地用沙白湯底煮，肉嫩鮮甜啖啖肉又有蟹味，仲係爆多蟹膏嫁 除左海鮮吸引，佢地既”上忍之卷”套餐既牛肉都好正第一次食日本A5藤彩和牛，特別推介牛舌同牛肩胛！！依度既牛舌同平時既好唔一樣，打直切帶有脂肪層，其實完全睇唔岀係牛舌，但一食落口就知，質感好爽嫩 真係一分錢一分貨，七百幾蚊就可以任食海鮮、任食和牛、任打邊爐、任食刺身小食天婦羅、任飲啤酒汽水甜品，真係算值回票價！

未入門口，已經覺得餐廳好靚！店入面既擺設同佈置都好有心思 Grapefruit Wings… 先黎個餐前小食！依個雞翼食落有少少焦脆，味道主要來自滿滿包裹住雞翼表面既柚子蜜，味道甜中帶酸都唔錯 Smoked  Salmon  Mentaiko Risotto… 煙三文魚有兩大片，意大利飯口感都幾好，忌廉汁包住哂每粒飯，食落又唔會膩。 Asari  Clams  Linguine… 蜆既份量好慷慨，味道都算鮮甜意粉煮得有口感唔會太淋，記得撈勻底下既醬汁先好食呀！ 飲品方面就叫左黑芝麻Latte同Hazelnut 味既Cappuccino，一放上枱真心覺得個公仔整得好靚近排好hit既squid game 紅衣人極度似樣！支槍頭仲有黃色開槍時既火光另一杯Cappuccino 就有招牌3D奶泡，飲落好香榛子味！

聽講觀塘新開左間以狗狗做主題既火鍋店，放心！唔係食狗肉，係老闆將愛太做生招牌，大大隻哥基貼左喺店既唔同位置，睇得岀老闆好愛狗啊 依間火鍋店最正係無限時！！最岩一大班朋友食野傾偈玩足成晚火鍋套餐有兩款，兩款都有海鮮嫁！貴d既當然會再豐富d啦！我地今次就食平d果款，我同朋友都覺得係有質素，亦對得起個價 刺身併盤… 三款刺身都幾高質，起碼夠厚身冇雪味，尤其最愛依度既三文魚！真係好鮮！ 打邊爐前先黎個雞煲！有辣有唔辣，我地揀左BB辣，對我黎講岩岩好，麻味香味都好正，又唔會過咸。店員仲主動落手幫我地加魷魚、豬皮、牛栢葉三樣配料超好服務，我地可以唔洗郁，炒下炆下大約等十分鐘就食得隻雞估唔到都幾滑，咬開仲有肉汁流岀黎嫁唔係講笑唔夠喉雞煲仲可以refill添！ 到打邊爐喇！我覺得最緊要係個湯底。我地揀左番茄薯仔湯，另外仲有麻辣湯底，愛辣既可以試！好彩揀左唔辣既湯，咁先食得岀海鮮到底新唔新鮮！依度全部既海鮮都夠新鮮，尤其係生蠔同蜆，食落就知好鮮甜 牛小排、西班牙黑豚肉、三寶丸三色餃... 打邊爐點少得肉同丸！牛小排涮十秒就食得，牛味都幾濃又幾嫩口。黑豚豬肉就厚身小小，豬肉味同肉汁都有齊丫！ 紫菜響玲、炸魚皮... 響玲加左紫菜又幾特別喎！同炸魚皮一樣，記得淥一淥就食得半脆半軟最正！

好耐未食過韓國炸雞喇！有日朋友推介我食Nene既初雪炸雞， 今次當然係為左佢以黎啦 平日夜晚黎到，客人都唔少，不過剛好有位唔洗等仲見到都有唔少人都點左初雪炸雞！不過我就想試多隻味，所以叫左雙拼！岩哂我可以一次過滿足兩個願望 雙重滋味炸雞… 叫左必食既初雪炸雞+咖哩炸雞，初雪炸雞用左大量芝士粉包裹住！食落係香濃既芝士味，咸中帶少少甜味。仲有厚身炸到脆卜卜既真薯片而咖哩炸雞就有大量既咖哩粉包裹住，咖哩味真味好濃厚！重口味人士必點！ 黎到冇理由淨係食雞既~ 見到menu最近有新野食，我又想食年糕，所以就叫左依個有年糕既寬粉喇！ 玫瑰醬寛粉炸年糕... 一黎到比個size 嚇親好彩只係直徑大，其實好個底好淺，微微辣同酸甜味既玫瑰醬，味道幾正喎！除左有我至愛既煙韌年糕同寬粉之外，仲有腸仔、煙肉同西蘭花添 可能最近有消費券，我同朋友仲叫多左個小食不過個份量都唔少呢。 明洞小食派對... 依個真係好似開party咁有好多款小食有炸粉絲餃子、炸年糕、炸紫菜卷、炸壽司飯、芝士年糕魚糕，3,4個入share就最岩喇！ 青蘋果薄荷茶&士多啤梨乳酪特飲… 食左咁多熱氣野，食番依d清甜解渴既野飲就最岩喇