嚟到Doraya，必食就係吞拿魚😍 餐廳裝潢主要係簡約木系，座位不多，但寬敞舒服💕環境寧靜，適合同朋友坐下來傾偈聚聚 佢嘅拖羅色澤鮮美，每塊都係厚切，從不令食客失望💯絕對對得起個價錢🥹 入口即化，留有魚香🥰 魚蓉也不要錯過，新鮮的，就算係簡單也有其鮮香味美🥰 來多客慢煮三文魚腩西京燒 即叫即煮～係有啲耐，魚香大足，肉質嫩滑☺️略甜的醬汁令三文魚腩更特別 不得不讚既係餐廳侍應的服務態度非常好～會體貼你需要～🩷服務也周到

葵廣出名小食店林立，要乜有乜 熱愛台灣美食，但又去唔到台灣嘅你就一定一定要試呢間食店 已經第N次幫襯 作為熟客嘅我，就一定推介你食 貴妃雞卷 其實就算我唔推介，你去到等外賣果一陣 個個都會買貴妃雞卷 雞卷新鮮即製脆薄雞皮包住嫩滑雞肉，烤烘出嚟嘅雞肉鮮嫩，肉汁鎖得非常好 唔洗多講，一咬落去都知乜事😂😂 就係爆汁囉😂😂😂 之後就推介你拌麵，拌麵堅係得 肉燥拌麵，麵係主菜 個醬汁岩岩好，每條麵條都掛上剛好的醬汁，入口彈牙而味道濃郁，加上肉燥的香，還有不少配菜，令人更覺滋味‼️ 就算當中的滷蛋也絕不馬虎係流心蛋，拌麵吃更有蛋香令人更覺驚喜 它的美味真的令我每次也掃了一大堆美食 花枝丸麵線係勁大碗你會覺得物超所值 真材實料，花枝丸一大堆，麵線也一大碗‼️ 台灣夜市的味道，令我想出走🙈 掛念旅行嘅日子✈️ 只限外賣，沒有堂食喔 但真係好抵！好抵！好抵！

炯記的燒味係我平日加餸必買，因為佢的燒味質素係好好 今次來到吃午飯，見二人套餐抵食，係疫情平食之選🤣🤣 小菜有雲耳、雞腎都好大碟 雲耳同雞腎都好爽脆 湯水又足料 到主菜了！ 這個醬皇豬手不得不推介的！大舊之餘，炆得入味且腍，味道濃而不過咸，入口帶有彈牙之感，令人不得不愛上！冬菇也炆得很入味，送飯係一流 ！ 手撕雞足料大碟，雞肉嫩滑，雞肉味濃香但不油膩且帶有芝麻香，令人留戀 再加上一碟鵝油撈粗，油香味撲鼻，醬汁剛好沾上每條麵條，麵條入口彈牙，飽肚之外，作為招牌也不過份！看似簡單，但味道不凡！ 炯記食物真的不錯，回頭率高的餐廳！

之前幫襯過一次餃掂手工餃子專門店，估唔到現在越開越多分店，港九周圍總有一間在左近，今次經開太子原來都有分店，所以就去幫襯下啦！ Shopping 完畢一袋二袋，一入店，店內姐姐就安排我哋坐餐廳最入位置，方便我哋又唔怕阻到其他食客，又會介紹我哋有咩好食，貼心又有禮貌，值得一讚！ 餃掂最出名係松茸餃系列，一場嚟到梗係要必食下啦！我點了至尊松茸豬肉餃，跟狀元九鼎湯！煎餃子入口皮薄脆香，松茸足料且香，肉汁多帶松茸香，沾上配有的醬料入口更香兼惹味 就算款式比較普通的粟米豬肉餃味道也不普通，粟米豬肉餡多到爆，粟米甜，肉汁多，餃子美味在包的手工卻只此一家。 另外點了蜜餞雞翼，新鮮即煎，皮脆肉嫩，肉汁豐富，沾上蜜糖，甜而不膩。

冬至團圓，想你。見你 最好的伴菜，就是有你們同枱。 珍惜和家人分享美食的每一個時刻。 脆脆黑糖瀑布珍珠奶茶 黑糖的焦香配上濃郁鮮奶加上煙韌珍珠、杯邊脆脆，豐富口感，味道完美配搭，特色滋味會令你愛上 古早紅燒牛肉麵 麵質彈牙略帶點辣，惹味得令人回味。牛肉厚度十足，但不減肉質嫩滑，入味但不會過咸，滋味令人留戀。這道菜值得令人回頭！ Tiffany Blue 的磚塊甜品很吸引吧？ 青蘋果酪梨蜜糖磚塊，青蘋果的清香配上酪梨幼滑，加上焦糖爆谷和蜜糖，令冬至晚飯更載甜蜜。 今日雖冷，但人情未冷。

燒味之中，我最愛吃的是燒鵝！ 燒鵝當中，要吃當然是獅頭鵝！ 日日香鵝肉飯店基本已成了我的日常飯堂 每次來到飯店，滷水鵝是我必點項目，滷水汁香而不咸，滷入鵝肉之中，滷得入味，鵝皮薄又香，鵝肉入味且嫩滑 茶樹菇鵝骨湯，我都係第一次飲鵝骨湯，湯汁濃香不膩，足料滋潤。除了品嘗到鵝肉，店舖還利用了鵝的不同部分製成菜式，不浪費之餘，還充分發揮了鵝的美味 吃不膩的除了鵝肉，還有鵝腎 鵝腎滷得香又入味，薄但入口毫不覺韌。滷水小吃也令人感到滿意。若果配上酒，感覺別有一番風味

是日放假，同另一半周圍搵食就係最開心嘅事 今次終於唔洗等就入到啦 它的爆餡吐司是最最最…出名！ 吐司款式多，最近還新出了童年回憶系列…白兔糖！ 芋泥白兔糖麻糬吐司，不但足料 ，麻糬煙韌，芋泥微甜且香，多吃不膩之餘，麻糬煙韌十足，是必點之選！ 我不是薯條系列是意外的推介！地瓜番薯條的地瓜蓉幼滑，新鮮即炸，粗切的番薯條外脆內軟，入口質感更重，沾上限定草莓味的果醬，入口味道酸酸甜甜，開胃亦美味！ 午餐選擇-魯肉飯配鹽酥雞、花枝丸，花枝丸彈牙，粒粒花枝作餡，好食！魯肉飯更有台式風味，唔會太乾，醬汁剛好，配飯一流👍🏻 店內環境舒服，和朋友聚會是不錯的地方！

大一歲啦我! 今年都係同另一半簡簡單單的吃一頓精緻的就是慶祝。 今次他為我選擇了日藉師傅主理的鐵板燒餐廳, 價錢不算貴, 環境以簡單和木系的日式風格為主, 感覺舒適。 今次我們選了鐵板和牛商務套餐, 青口配上牛油和香草的醬汁, 保留著青口的鮮味, 味道香而不太濃烈 和牛封門柳是這個午餐的重點推介, 牛肉味道濃郁, 封門柳油脂分佈均勻, 入口溶化。廚師以少量的調味烹煮, 呈現牛肉的鮮美, 配上以鐵板烤的蒜片, 蒜片香脆搭上牛肉香濃、嫩滑, 令人感到深刻的美味! 鐵板炒飯看似普通, 但不得不令人佩服的是師傅的功架! 炒飯粒粒飽滿分明, 醬油味道香且獨特, 飯粒吸收了醬油的味道, 令人吃到的不只是飯香, 更欣賞的是炒飯中醬油的美味, 提升了炒飯的層次。加上牛肉肉粒等配料, 炒飯味道更為豐富!
不得不提的是炒飯上薄薄的一片裝飾– 飯焦! 它看上去令炒飯賣相特別, 入口更令你感到驚喜! 飯粒於鐵板上炒香及吸收了醬油的美味, 本已入口令人愛上, 但師傅將飯粒壓成薄薄一片的飯焦, 入口更富米香, 米香之中有著醬油的咸香, 加上飯焦的薄脆, 令人感到平凡之中的不平凡! 突顯了師傅的功架! 甜品的咖啡凍也是值得推介! 咖啡香味濃郁, 入口不會太苦澀, 喜愛咖啡的你一定要試! 帶子三文魚海膽刺身飯, 刺身不用多說的新鮮, 海膽新鮮, 入口的鮮味已溶化於整個口腔。

限聚令終於放寛，好耐無見嘅朋友又可以聚頭 半島漁港係區內不錯的食店，今次我哋再次相約 好吸引嘅水煮魚！要預早同餐廳落定嘅菜式 燒腩係朋最愛，皮脆肉嫩，脂肪同肉每層相隔的脆腩 叉燒用上梅頭，入口腍滑 梅菜扣肉煲，惹味嘅菜式！ 肉炆得香焾又入味，配上梅菜，傳統菜式的味道傳神，送多碗飯也令人滿足 半島香妃雞係我最愛！雞肉嫩滑，皮薄又脆，加上佢嘅醬油，令雞肉味道更上一層次，肉味濃郁且咸香，食極唔會厭！ 食物質素不錯之餘，加上，餐廳服務周到、有禮，才會令我們再次在此聚頭😊😊 希望疫情快過，那就可以更多入一嘗此處美食

終於....終於都等到限聚令放寬啦！！ 好耐冇見既朋友終於都聚首一枱... 我們相聚於cafe, 有別一般嘅cafe, 揀咗一間素食cafe 之前一直都好想黎食，見到裝潢典雅，感覺寬敞舒服，係相聚好地方 午餐、晚餐都有set，款式仲好多 前菜叫左藜麥蔬果沙律🥗 菠蘿🍍好甜，藜麥多，新鮮蔬菜配上菠蘿百香果汁，甜甜酸酸，入口fresh之餘，仲好開胃 泰式鳳梨炒飯，份量好多，女仔嘅話，可以同朋友share，試多D唔同菜式 飯粒吸收了醬汁，入口香而不過咸 ，配上素肉鬆，豐富配菜同菠蘿，令炒飯味道豐富而不覺膩 就算不是素食者，餸菜味道也令人非常滿意 女士們又點會缺少甜品—椰香班蘭千層班戟，係推介食品之一 薄薄的班戟皮帶有香濃班蘭味，加上幼滑忌廉帶有椰香，入口配搭更令人難忘 令人感到驚喜的是素食餐廳🍴也有着出色手藝，cafe 也可以創造健康生活風格，而不失典雅氣派