今日黎左荃灣楊屋道catee食西餐！其實都好易搵，就係荃新天地對面，馬路隔離。 一去到個門口既聖誕佈置真係好吸晴😍 食煙既朋友仲可以選擇坐出面bar枱飲野，好chill! 一入到門店員主動熱情招待，杯茶仲要係我喜歡既洛神花茶🥰 香香涼淡既花茶味，加上暗暗既燈光，真係好relax, 呢到無用餐時間限制，所以摸住酒杯底傾計呢到絕對係個好選擇！😎 我揀左個Catee’s香煎海鮮拼盤set，巴馬火腿蜜瓜... 有埋餐湯（羅宋湯，入邊有濃濃嘅茄肉、芝士），沙律，甜品，野飲 海鮮拼盤好新鮮，有蝦，貝殼類，煎魚扒同埋配菜，好大份 小食方面因我從來冇食過pama ham melon而以我第一次食嘅感覺相當特別個哈密瓜好甜好多汁好好食而且好香，我覺得如果一個哈密瓜唔夠甜香多汁去配合pama ham 嘅話就會俾pama ham 鹹香味完全蓋過，呢個真係值得一試👍 餐飲叫左朱古力，唔甜，係好既朱古力！仲真係有朱古力粒❤

今日同個重要客戶傾完單生意後， 佢車我到西貢食lunch,這間靚景又有質素嘅餐廳， 佢話食完包你喜歡。 這間位於白沙灣碼頭酒店地下的食之劇場餐廳， 主打日本菜法國菜， 以用心烹調美食給顧客為本， 因為我們坐於吧檯可以一邊欣賞大廚榮師傅之廚藝， 一邊欣賞戶外白沙灣碼頭之美景， 簡直係相得益彰。 當日有多款精選午市定食套餐， 只需300至400港元， 就可以食到咁有質素嘅食物，相當超值。 其實咁嘅價錢，以這裏的日式高尚裝修和戶外的美景，已經值回票價。 先嚟前菜：野菜沙律， 新鮮健康， 食完令胃口大增。 再來南瓜配木魚絲，口感軟腍，少少甜味又有栗子口感。 主菜是鰻魚飯,單看賣相已非常吸引。 原來這鰻魚大有功夫， 有別於一般餐廳即時焗製。 鰻魚是先經過蒸然後再燒過， 再加上餐廳自家醬汁去醃製， 味道與口感都非常出色，只需食少許已分辨到非一般煮法，非常出色，質素好高。 至於別一款是黑豚腩肉酱燒丼， 味道極佳， 也是自家醬汁味道甜甜地，完全不鹹。 最欣賞是這些黑豚肉就好像腩肉一般， 有少少肥肥哋口感特別，佐飯一流。 最後是餐廳自家製雪糕， 芒果口味， 原粒芒果肉 ，新鮮清爽口感，正！

今日約了朋友行波鞋街，行咗成個鐘頭都冇收穫，見到寶哥火鍋味館的燈箱招牌，$198打邊爐任食好似幾抵，見肚餓係時候醫下肚仔啦。
$198加一兩小時任食，包一個湯底（四人以上可選鴛鴦鍋），七款生掹海鮮，八款自選升級配料，同任食火鍋配料。

湯底有好多選擇，我們四位可以揀鴛鴦湯，點了猴頭菇鯊魚骨和雪蓮椰子湯，兩邊湯底平分秋色，鯊魚骨湯料非常豐富，加入紅棗 杞子和猴頭菇，湯味更突出和濃郁。而另一邊椰子味芬芳撲鼻，未食都覺得清新香甜。


正當剔緊食乜火鍋配料時，侍應好快就奉上一盤海鮮拼盤，包括海蝦 活刀貝 生蠔 蟶子 青口 龍躉肉。全部都好新鮮，洗得乾淨，最先食海蝦，大大隻夠生猛， 爽口彈牙，蟶子肉厚鮮甜，生𧐢超級肥美，好吸引呀。

打邊爐冇肉食點得呢， 分別點了特級美國肥牛，頂級安格斯牛小排和日本黑豚肉三款， 睇個樣質素都唔錯 ，美國肥牛好大碟，無雪味，色澤紅潤，肉味濃郁。牛小排油花分佈均勻，肉質相當軟嫩。黑豚肉色澤偏粉，油脂比例較高，口感滑溜質素上乘。



手打丸子，最正係蝦丸，新鮮打造，爽口彈牙有蝦味。

叫咗鮮蝦雲吞同鳳城水餃， 皮薄餡靚，都ok嘅。

有花膠仔食，份量好多，出街甚少食到， 口感結實同爽口。

仲有好多蔬菜丸子菇類同麵，都係無限任食，食到飽飽只係二百零蚊， 高質素又抵食， 下次出旺角都要再嚟幫襯。

最近同茶木餐廳好有緣份， 今晚老友約食飯又選荃灣荃新天地茶木， 勝在這間坐得舒適，食物質素又掂，就接受他的應約。 今日餐廳轉了新menu， 可試新菜式,正。 芋頭花枝餅，有四大件，口感好粉的芋頭，味濃， 混上足料的花枝餅，炸得金黃色，香口美味。 蚵爹肉碎泡飯，好多蠔仔，size也不細，味鮮。而肉碎配上泡飯，配搭令胃口大增。 甜蜜糖心蛋拼芝士雞翼， 溏心蛋配上香炸雞翼，挺特別，味道出色。 滷肉燥刈包， 香濃惹味嘅滷肉，汁濃好食， 還有地瓜條，甜甜地又香脆。 黑糖冬瓜茶， 很少嘗試飲冬瓜茶，因味道太淡， 但配上黑糖甜甜地又不錯喎 ，非常潤喉。 台式酸梅冰， 之前飲得太甜啦， 今次試下酸酸地嘅酸梅冰， 醒神開胃， 解渴怡人，正。

今日出旺角shopping，行了大半天， 買了一些運動服飾 ，收穫豐富。行到攰又係時候揾間舒服嘅餐廳醫醫肚， 眼前瓊華中心食肆多的是，就入去大堂look look有什麽好食，一看見到這間台式茶木餐廳，就决定食了。 這間茶木都好大間， 座位又多，當中靠近窗邊的卡位又濶落,啱哂我邊食邊傾。 餐牌款式其多， 圖片又精美吸引，好不容易才揸定主意點餐。 Teawood三小碟， 溏心蛋、醉雞和台式豬血糕、台式烤夫， 特別的食。 最欣賞的醉雞，肉質嫩滑而酒味香醇，肶肉肉厚又入味。豬血糕和烤夫都好辣口，口感以烤夫為佳。而溏心蛋色香味美，也不錯。 紅燒半筋半腩牛肚麵, 好香的一道湯麵。 當中主角牛筋牛腩超軟淋， 容易咬口， 香濃的牛腩味， 味道確實不錯。而非常入味的湯底， 配上闊條的面身，咬口爽彈，正。 芝心雞翅， 賣相好吸引， 香氣撲鼻， 店員剛放下不久 ，我便忍不住馬上放入口，味道惹味。而雞翼皮特別香脆， 加上肉質入面配合了芝士和蘑菇，滋味滿足。 海鹽珍珠奶蓋岩漿蛋糕， 茶木最近流行的主打甜品，因為有姜濤號召， 賣相又吸引， 蛋糕口感軟綿綿好有彈性，甜甜地又唔太膩，配上朱古力甜筒和大量杏仁片，好食。 芒果沙冰，凍凉解渴怡神，飲落芒果香甜，好fresh。 而紫薯奶蓋， 味道幼滑香濃， 質感好creamy。

平時工作忙到無停手，放工後梗係想輕鬆一下揾d好嘢食，日本料理一向都係本人的至愛之一，而朋友食過和民覺得唔錯，就趁今日出開茘枝角做嘢，一於約埋朋友去食下。 餐牌都有好多選擇，圖文並貿清清楚楚，單睇圖片已好吸引，好似樣樣嘢都想食，真係唔知點揀好😀 幾經思量，我們終於揀到。先嚟一款豪華刺身盛合，每款有三件，因為吞拿魚無晒，轉咗帶子來， 再加上原本三件合共六件 ，質素幾好夠新鮮， 三文魚色澤亮麗， 油脂好靚，入口即溶鮮甜美味。 牛肉薵喜燒份量足，set得又靚又整齊，睇落幾豐富，材料有雪花牛肉片 大萵 金菇 冬菇 豆腐 娃娃菜，醬汁味道甘甜濃郁，牛肉口感仲好juicy添， 食完個湯唔好嘥，加入烏冬同生雞蛋， 超滿足呀。 點了一份和風牛小排陶板燒，$99八塊唔係貴，質量非常唔錯，油花分佈相當均勻細緻，吃起來肉質軟嫩肉味十足。 壽司卷盛，五種款式 ，賣相小巧精緻。個飯唔會太大舊，整體質素都好新鮮。 盛滿天婦羅盒子飯，金黃色蛋漿薄脆唔厚，食落香口鬆化，酥脆美味。 以和食來說，餃子可算是常見熱門菜色，$29六隻好抵食，餃子煎至金黃色，外皮酥脆香口，皮薄多汁味道一流。 和民位於四小龍商場裡面，交通便利， 荔一枝角站行上去就好易揾到，店鋪環境舒適好坐， 店員招呼週到，食物款式種類又多，而且價錢合理， 下次有機會都會再來。

近年愉景新城人流確實多了，全因除了引入一些較潮嘅商店內，以及適合一家大細的寬敞休閒嘅親子遊戲區， 最重要還是這裏的食店確實多了些有質素和有份量的。 今日約了朋友去這間茶餐廳2.0食Lunch,2.0的意思相信是 進階了的茶餐廳，開揚而整潔的格局，座位寬敞，完全沒有一般茶餐廳的擠迫感覺，確實比普通的茶餐廳來得高級。 價錢大眾化、味道好又提昇了CP值，幾十片一個餐，看看這碟紐西蘭肉眼扒就知， 超大塊又肉質嫩，配上跟餐之咖哩汁，佐飯特別正， 連埋嘢飲都係HK$93元,低食。 煙三文魚白汁忌廉意粉，味道香滑，意粉又是大大碟， 煙韌彈牙， 不錯。 值得一提這裏的凍杯又係大大杯，而且杯具特別，果然係2.0風格，下次來愉景新城肯定會再食這間。

老朋友從美國回來香港度假， 當然要帶他食啲有水準嘅菜式啦， 來這間尖沙咀 Ocean Terminal的羲和雅苑招待外來朋友，絕對唔會失禮。 景色方面除了可以飽覽整個維多利亞港夜景外， 還可以食這裏的招牌菜馳名烤鴨，絶對能令賓客大飽口福。


這裏的烤鴨即時製作， 師傅現場慢慢一片片切， 分成三碟。 第一碟先嚟鴨皮， 點上蘸藍莓和爆炸糖， 新穎食法，口感特別香脆。


再嚟第二碟鴨胸肉， 配上傳統芥末醬，味道酸中帶甜，肉質嫩滑可口。

第三碟是鴨髀肉， 連皮帶肉， 最啱用卷餅包的傳統食法， 加上甜麵醬、蔥絲、黃瓜條，味蕾好享受。 亦可以用西式食法，配上藍莓醬加紫色洋蔥和京糕條，食法夠曬特別， 味道更上一層樓。

跟着還點了獅子頭、磯煮鮑魚、 黃扒魚肚、紅燒炸乳鴿和福建炒飯， 豐富到極。

獅子頭HK$48一客， 味道香濃、肉質嫩滑，配上迷你白飯,幸福在心頭。

磯煮鮑魚HK$88一隻， 鮑魚浸了特製醬汁， 味道出色，肉質鮮甜爽彈，片片厚薄適中，好彈牙。

黃扒魚肚HK$148一盎， 口感鮮味， 一大片魚肚金黃發亮，滑口又營養價值高, 加上小南瓜來烹調，好入味好好飲。

紅燒炸乳鴿HK$88/隻， 即點即炸，熱辣辣非常入味，皮薄肉嫩，味道特別惹味。

最後朋友想食福建炒飯， 雖然是大路菜式， 但這裏的福建炒飯做得粒粒飯粒分明，加上配料新鮮，濕濕地食落又不膩口，有水準。

朋友食完這間羲和雅苑後，都舉起手指公大讚，話回到美國都介紹其它人來試下。

週末放假約咗老朋友晚飯聚舊， 當然要搵間有質素又坐得舒適嘅食店啦， 這間尖沙咀加拿分道樂天經典就最合適不過。

主打廣東菜、 新加坡菜嘅樂天經典跟隔離同系樂天皇朝的上海菜食法不一樣，口味更迎合大眾，加上這店的裝修高雅堂皇， 雲石效果的枱配上木色座位, 寬敞的間隔，令人 進餐時倍感輕鬆自在。

廣東菜、新加坡菜的餐單款式甚多， 加上圖片賣相吸引， 不其然多叫了幾碟餸。

先來招牌菜必吃首選之一， 黃金焗螃蟹， 點了中size份量， 這隻經典新加坡螃蟹估計有斤幾重， 價錢HK368元 絕對超值， 加上蟹肉新鮮鮮甜, 配上陣陣香氣撲鼻嘅鹹蛋香味， 絕對是色香味俱全，CP值其高。


跟著古法清蒸黃魚，每份HK$118, 肉質鮮甜、口感香滑，食黃花魚絕對以清蒸為最正確的烹調方法。


之後砂煲花菇西蘭花扣海參，HK$198, 雖然是細份量，但三個人食絕對可要飽肚。 味道方面，海參入口即化， 而冬菇味道香濃， 西蘭花滲滿了海參和冬菇的味道，非常入味爽口。


燉湯點了個淮山杞子鮮螺頭湯，大大盎只係HK$188 , 材料豐盛，除了鮮螺頭，也有淮山、杞子、排骨、赤肉、老雞和雞腳， 夠曬營養，入口溫和滋潤，每人可飲到兩大碗，加上湯渣食落也非常美味， 滿足到瀉。

最後來個臘味炒飯， 香口味濃， 飯粒粒分明，濕濕地食入口又特別惹味，口感嫩滑美味。

原來呢度的甜品好有水準， 叫了楊枝甘露， 香甜又滑， 比起一些著名的糖水店的更好味,好滿足。

到了天水圍食乜好？很久没有到銀座，有人說這裡有間湘川滬很好！那就來了試試看。真有驚喜啊！店舖很大，也可坐出商場寬敞的位置。 想不到會有人參烏龍茶，那種回甘是我最喜歡的。 先點一個開胃菜，菠蘿黑醋骨。甜酸甜酸正好來開胃，而且肉多骨少，又選用鮮菠蘿，真好。 菜怎可少呢？我至愛椒絲腐乳通菜，這裡的一點也不覺肥膩，辣味剛剛好。 江浙名清炒河蝦仁，嘩！真晶瑩剔透，味道清香細膩，質感又爽又滑，份量超多！四個人都不能全消。 酥炸金蠔來了。可能因為近流浮山，所以這些金蠔特別味美。炸好也那麼大啊！蔥花和其他調味都滲入脆皮身，金蠔煙韌，層次豐厚。 好似少了雞鵝鴨？因眼闊肚窄關係，只可以來一小隻樟茶乳鴿。驚喜啊！味道很特別，肉又嫩。雖然肉少，但更入味。 味品怎可少呢？豆沙鍋餅和鴛鴦桂花糕，味道一濃一淡，絶配！我個人特別欣賞鍋餅，這皮薄餡厚又不油不膩。茶、豬、菜、海鮮、甜品都齊，又好味，完美！