去西灣河探朋友，之後佢帶我去左間日本菜餐廳，估唔到可以咁高水準。 位置就近西灣河的海旁，及碼頭。 先點了小食, 入口卜卜脆的鳕魚干，餸啤酒一流。 另一特色小食，柚子醋清真鱈白子, 向來小食內臟，但師傅夾了柚子醋，蘿蔔蓉，遮蓋了腥味，又帶出魚鮮味，入口香滑。 串燒叫了燒牛舌， 厚有, 薄又有， 厚的牛舌味濃，薄的爽口。 一夜干 燒至皮脆，刀功非常好，中間條骨都劏開一半，肉質結實鮮甜，配上蘿蔔蓉酸汁，好好味。 本鮪壽司盛 有大拖羅、中拖羅及赤身壽司，每塊魚都切得好厚, 赤身壽司味道清香，質地較實, 中拖羅油脂夠， 大拖羅入口即溶， 鮟鱇魚肝壽司，好特別，未試過咁食，好香濃，原來唔腥，而且味道好像午餐肉味，夾埋蘿蔔蓉，同蔥花，好香。

每次經過都好想試，這間非常傳統的日本料理店，室內裝修也好傳統，以木系為主。仲有多間包廂房，有間特大房可容納30人，真係好利害，應該係比日本公司攪活動及旅行團包場，可惜呢三年受疫情影響。 先來時令秋刀魚刺身，原條起肉，刀功非常好，肉質夠嫩，魚肉味香， 魚生沙律 有幾款魚生，三文魚、吞拿魚、大量蟹籽、沙律菜有青瓜、生菜、溫室豆苗、紫椰菜和蕃茄 ,酸醋汁好開胃。 小食叫了明太子煎蛋卷 $75 蛋卷裡既明太子同葱花，帶點咸味同香蔥味，好味。 加州卷大大份，夠飽肚。 牛肉壽喜燒鍋，勁多料，牛肉香濃，有豆腐，鮮菇和菜，湯底香濃。 甜品還有香芋雪糕、芝麻雪糕 $18，香芋同芝麻味都好重，一解滯感！

九龍城有琳琅滿目的餐廳，今次去試下正宗日本手握壽司餐廳，入到餐廳見到天花裝飾，好特別，金魚好有生命力飛在天。 店內以吧枱為主，唔算好大，但師傅都多，有3-4位，而且每位都好像日本人，好似去左日本咁。 三色海膽丼$238 這碗丼有5款食材，色彩繽紛，刺身有超鮮豔的三文魚，新鮮到不得了的帶子，同日本馬糞海膽，海膽味道好甘甜，彈牙三文魚籽、還有鮮甜蟹肉。 火炙壽司盛盒 $138 壽司選擇眾多，被這款吸引住，全因有款蝦膏赤蝦壽司，蝦膏味好濃郁，微微辣味，蝦肉彈牙， 另外原條海鰻同樣非常吸引，魚味夠香，又冇細骨，師傅處理得非常專業，其餘壽司包括有三文魚、油甘魚、帶子、左口魚、鰻魚 。 帶子超厚又超大件，好新鮮呀！ 餐廳店員及老闆非常有禮貌，招呼得相當周到。

今晚去了佐敦食中日火鍋，見有個2人套餐，有魚生刺身、海鮮，配料, 湯底叫了雙併湯底，冬瓜瑤柱鍋和胡椒豬肚鍋，湯底好足料，胡椒豬肚鍋，大量豬肚，唔會好肥，仲有枝竹，白果，先飲啖湯，不是太胡椒，配上火鍋料味道剛好。 另一邊係冬瓜瑤柱鍋，冬瓜片大大塊，見到有瑤柱，湯底清甜。 先嚟一盤魚生，有北寄貝、希靈魚、吞拿魚、和甜蝦，新鮮。 2人套餐選了手切肥牛肉，肉質有嚼口，牛肉味香濃，雖然係（小），但都好大碟， 海鮮也可自選，有海蝦、蟶子、龍躉片和桶蠔，我選了海蝦，竹籤穿住容易烚，好大隻，好新鮮，爽口。 配菜叫了四寶丸和墨魚滑，好彈牙、 配料都有海鮮點，叫了珊瑚蚌，爽口，脆鯇骨腩片，爽脆，又唔腥。 加埋大大碟的竹笙，好滿足。 臨走見到一大個魚虹，好多生猛海鮮，下次要再來食海鮮先得。

同朋友到銅鑼灣 The Grill Room，食物質素高， 前菜叫了吞拿魚配溫室青瓜車厘茄水牛芝士沙律（Tuna Salad ）$138, Tuna 夠鮮甜，面鋪了杏仁片，下面有沙律菜，包括車厘茄、青瓜，夾埋水牛芝士一齊食，好開胃， 點了杯Ginger beer, 小食叫了黑松露薯條$58，松露味出， 主菜叫了鹽味焦糖汁燒豬腩肉配青蘋果沙律$218，喜歡佢沙律份量多，中和豬腩的肥膩口感，豬腩仔面層有焦糖汁，甜甜的，豬腩肉淋身夠juicy, 另一主食叫了香草鮮茄紅酒燴牛面肉扁意粉，牛面肉煮得好淋，超級入味，蕃茄果肉鮮甜。 今次經 sevenrooms book枱, 有 7折，埋單都覺得好抵食。

今日想食特別菜色，近近地去左北角一間米芝蓮推介的羅勒印度餐廳，入到餐廳，裝修都充滿印度風情，店員係印度人，令人置身於外國般， 先叫了咖喱角沙律$𝟳𝟬 ，過往食親印度菜必叫咖喱角，第一次見可成為沙律一部分，‍材料有青瓜、生洋蔥、鷹嘴豆、蕃茄，當然唔少得咖喱角散件，咖哩角餡用了素菜及豆類制食，外皮依然脆口。 小食叫了串燒羊肉串 $𝟭𝟰𝟬 ，以鐵板上，有4條，好像羊香腸一樣，比較濃味，可以沾上薄荷醬料及甜醬。 即時要叫杯青檸梳打，有青檸及檸檬，清一清味蕾， 另一杯試下正宗印度拉茶，充滿香草味的奶茶， 主菜叫了牛油雞 $𝟭𝟬𝟰 ,一個唔辣的醬，雞肉唔太乾，用黑松露烤餅$32沾上醬汁依 ，黑松露烤餅好香，好開胃。

上次經過亨環天后, 就好似天后揾食的新地標, 裡面有好多美食， 選了申 居酒屋, 一入到餐廳, 裝潢型格, 有張吧枱, 啱晒食廚師發辦。
先來酸辣泡菜作前菜， 主打串燒, 叫了豚肉露荀$48, 豚肉薄薄的包住多水的露荀,   芝士年糕$28 漲卜卜, 面脆內裡軟熟, 芝士味濃。
必食燒雞中翼$48, 雞皮燒至香脆, 雞油仿似燒時溜晒出來,完全唔膩, 燒得剛好,   麵鼓燒蠔, 麵鼓唔會太咸, 蠔味好鮮甜呀, 燒完都好juicy,  另一特別係炸明太子蓮藕$38, 呢款超驚喜, 無論配搭, 口味同切開後的賣相都好吸引,
明太子的甜味配上淡味的厚切蓮藕, 口感好爽口。好似未飽, 再叫了個咖哩飯, 珍珠味粒粒分明, 咖哩汁唔算辣, 夠飽肚。甜品, 叫了燒菠蘿$38, 啲汁多到漏出來, 好清甜呀! 

聽朋友講, 觀塘泳池地下開左間新餐廳, 竟然有打邊爐, 車仔麵同小食, 啱晒一班游水客, 游完水超肚餓, 食餐好的。
入到餐廳, 見到好多啱小朋友玩的遊戲同扭蛋機, 老闆真識做, 知道游水客大多是小朋友。
見到餐牌有一人火鍋, 只係$68, 而且份量好多, 超抵食, 有肥牛, 大量, 雜菜, 仲有烏冬, 老闆細心介紹, 加$3 仲有甜品, 今日係黑糯米, 唔會太甜, 好滿足呀! 
另外叫了兩碗三餸車仔麵, 因好多選擇, 不如一次過叫晒, 叫了生菜底、雞翼、牛腩、牛筋入味好淋。
第二碗叫了加麻辣醬, 超惹味, 因為配了鮮魷魚、好入味的滷水豬大腸、牛柏葉, 同通菜底。
飲品都好多選擇, 叫了荔枝玉露, 有蘆薈粒, 另一杯叫了芒果沙冰,超大杯又解渴。

同朋友想揾生蠔放題, 知道有間新餐廳開咗, 收Starry night, 去到見係全層, 有啲酒吧感覺, 有間卡拉OK房, 私隱度高, 見餐牌有個包了前菜、湯、主食、小食及任食生蠔嘅套餐2小時$468, 好期待, 餐湯係海鮮蘑菇湯, 湯內有大片蘑菇、有蜆肉等 前菜有煙三文魚, 我夾了麵包一齊食 店員已問是否可上生蠔, 第一轉係來自韓國的M1生蠔，好大隻喎, 有濃濃的海水味, 口感厚身，帶子位夠清甜。 中間還有其他海鮮, 包括爽口的海蝦、及鮮甜的螺， 第二轉生蠔, 店員介紹係來自南非的生蠔, 尺寸較細隻, 鮮甜。 主菜叫了西冷牛扒, 有炭燒香味, 伴菜有薯角。 另一主菜係紐西蘭羊架，完全唔羶喎, 熱辣辣, 肉質淋身。 有多款小食選擇, 叫了炸魚薯條, 份量都多。 飲品叫了Fruit punch 及可樂。 之後唔夠喉, 再叫多轉生蠔, 好满足呀!

回味以前到過的鮨一，共三層，每次都一定要book 枱，因實在太受歡迎，食物質素非常好。 今晚訂到8點半，先叫個鰹魚蕃茄沙律$168，鰹魚刺身肉質彈牙，魚味鮮甜，配上清甜蕃茄，好清涼，又開胃。 再叫了活龍蝦刺身$388 ，上枱時真係好驚訝，師傅刀功太厲害了，龍蝦肉排得好靚，每塊大小適中，一口過，入口爽口，最緊要係非常新鮮，鮮甜無比， 原來日本菜都有兩食，一大個龍蝦頭可泡食湯，多加$48 有兩碗，食到龍蝦膏，加了海帶的麵鼓湯。 另外再有香蔥拖羅蓉反卷$92，中間包了青瓜絲，吞拿魚味香。 甲羅燒，蟹膏味香，加上蛋黃，增加滑口感，搽在烘多士上，好食。 串燒叫了白鱔$72，肉質彈牙，加少許檸檬汁，帶出魚香， 鹽燒牛舌$42，有嚼口，牛舌味濃。