今日去SOGO 買完嘢，同朋友去澳門逸園中心食晚飯，這幢大廈食肆琳琅滿目，見到有間「Siam28」 泰國餐廳，所以試下。 店內座位寬敞，店老闆，店員笑容好親切，態度非常好。 先來飲品，叫了珍多冰，有綠色大菜絲，爽口像啫喱，椰汁味濃！ 另一飲品叫了椰青，非常大個，好多椰青水。 小食層層架 $148，賣相像食high tea set, 擺盆好精美，先吃上層，沙嗲雞肉串，啖啖肉，最正係個秘製沙嗲醬汁，同雞肉非常夾。 脆炸泰式單骨雞翼，外脆，炸至金黃色，面層灑了炸蒜，配埋好香口。 流心芝士蝦球，非常出色，中間流心芝士，又唔會太膩口，外面彈牙蝦餅肉。 炸春卷，以素食材為主，內有蘿蔔絲和幼粉絲，香脆。 另一款叫了蠔仔煎蛋，以鐵板上，熱㷫㷫，蠔仔大粒，沾上是拉差辣醬，更惹味。 還叫了椰子雞湯，口感濃厚的湯底，椰子味香，材料有雞肉、蘑菇和其他菌類。

今日同朋友去牛頭角食lunch,海濱匯有多間高質餐廳，試下Mano , 先叫了個蕃茄湯，有腰豆，雜菜，蕃茄，味道濃郁，唔會太咸。 主菜叫了10oz 紐西蘭肉眼扒 (10oz NZ Rib Eye Steak)，牛扒好大塊，叫了五成熟，煎得剛好，鎖住肉汁，口感有嚼口，伴菜有甘荀、西蘭花和椰菜花，色彩豐富，另外焗薯仔好香。 另一款叫了肉醬千層麵$128 (Lasagne)，千層麵面層鋪了一層巴馬臣芝士，芝味濃厚，千層闊麵麵質軟淋，夾滿開胃濃味肉醬，中間還有mozzarella芝士，味道多層次，啖啖肉。

今晚約了朋友食精緻中菜，去了尚夢。茳煳，有多款特色小菜，而且份量又大，見食評中，見到午餐都好多選擇，加上座位新潮，坐得舒適，可以同朋友共渡下午時段的慢活時光。 入到餐廳以灰色裝潢為主，走型格，時尚路線，我同朋友坐在吧枱，坐位都好寬敞。 先開茶，叫了玫瑰花茶，花香味濃。 見有住家菜風味客家梅菜扣肉包（荷葉包）$138，扣肉炆得非常淋身，又唔會太肥，好香，梅菜又甜，輕微咸香，完全唔咸，再配上軟熟荷葉包，好夾呀。 另一款叫了花膠海參蝦米濃湯雜菜煲$158，超大煲，湯底非常清甜，真材實料，花膠同海參彈牙，有多款雜菜，西蘭花、生菜，小棠菜和菜心、都好幼嫩，仲有粉絲，好飽肚。 而且店員服務態度好好，非常有禮貌。

估唔到中環都有打邊爐好地方，火鍋撚，名字鬼馬，裝修以中國宮廷風格。 我哋叫咗酸菜白肉鍋及媽媽滋補老火湯鍋，等湯滾起，先飲兩碗湯，老火湯果然清甜，有雞脾肉，粟米紅蘿蔔；另一酸菜白肉鍋，非常開胃，有大量椰菜同紅薯粉，索晒湯的精華。 用QR CODE落單，好開心差不多每項都有半份叫，對於我地兩個人食，半份簡直係非常好，可以叫多啲款， 先叫極品安格斯肥牛半份$114 ，雪花油脂分布均勻， 另一款叫了牛脷托$63，肉味濃厚。 海鮮叫了珊瑚蚌，桂花蚌，好爽口， 淥3秒就得喇， 魚都叫了兩款，有脆鯇魚片半份$46，脆身，肉夠薄。 白鱔片，夠彈牙。 菜叫了一份的皇帝菜。 付款後，餐廳再送上用個古典水晶杯裝住的腐竹豆腐糖水沙冰！超解渴。

今日同朋友到銅鑼灣行街，到Greyhound 午餐先。 午市套餐有多款選擇，前菜、主菜和餐飲，價錢合理。 兩款午餐選擇了一個湯，一個沙律，餐湯係蘑菇湯，有蘑菇粒，味道香濃。沙律菜爽甜，開胃！ 河蝦冬蔭公湯河$138 河蝦爽口大隻，冬蔭公湯味濃郁，越食越辣又惹味 ，河粉好闊條，索曬啲濃湯味。 另一個餐係燒羊架配黃薑飯，燒羊架面層鋪滿蒜片，加了乾辣椒，最正係羊架肉質軟腍。仲配了個佛掌瓜湯，夠清潤。 飲品叫了泰式奶茶，香草味香，泰式咖啡味道濃郁。 再加錢$48/件叫埋甜品，呢度出名係千層蛋糕，叫了栗子味同原味。

入到餐廳，是間超大的餐廳，有萬二尺大，而且有非常好的規劃，門口有個由如機場候機室的lounge, 可幻想自己在機場中，飲杯酒等上機，心情即時歡愉了，旁邊有個水吧，另一吧枱位，左邊係主理鐵板燒，右邊主理天婦羅的，再行入啲係主要食Omakase 的，好似將成套日本料理搬左響一間餐廳內。 前菜叫了意大利蕃茄和風沙律$98，蕃茄又鮮又爽脆， 燒物叫了厚切牛舌$58，有嚼口，牛味香濃， 炭燒免治月見雞肉棒，有脆脆的雞軟骨碎，沾上溫泉蛋，夠香濃。 燒日本雞翼$76@兩隻，雞皮好薄，用炭燒，啲油份出曬，香脆而不膩。 極上壽司盛$480 ，一次過滿足十個願望，最正係海膽壽司，甘香， 拖羅,吞拿魚魚油味道濃郁, 脂肪比例剛好，夠鮮甜。 有我至愛的帆立貝，好鮮甜。 海老天婦羅$138，見住由專門泡製天婦羅的bar 枱廚師即時製作，炸漿份量剛好，外皮鬆化，蝦肉彈牙，沾上旁邊蒜鹽，好味道，有驚喜的蝦頭，非常脆口，蝦味濃郁。 上等的新鮮食材，優質的服務，商務的環境，很滿足尚盛的一餐。

好耐冇去酒吧，今晚早放工，同朋友去尖沙咀搵間酒吧聽live band，食飯。 叫了忌廉汁煮青口$188, 一大鍋，青口都大只，夠曬鮮甜，最正系麵包條，焗得微脆，麵包質感軟硬適中，沾上好似湯咁甜的忌廉汁，超好味，伴菜還有薯條，面層好像另有炸粉，份外香脆， 主菜叫了烤法國原條野生龍脷魚皇$468，條魚超巨形，外皮煎至金黃色，魚肉好滑，唔多骨，仲可以沾上特製冬陰公汁，唔算辣但好惹味，食到停唔到，好好味，最緊要魚味鮮甜，多肉。 配菜都好正，烤原個蒜頭，芝士忌廉焗薯片， 香蒜辣椒欖油煎虎蝦$118, 用了細煎Pan上，虎蝦大只爽口，浸了蒜片及熟欖油，用麵包條來點，超好食。 飲品叫了pineapple juice $58。

銅鑼灣出名多日式料理，今晚想吃雞肉，朋友介紹這間食雞專門店，鳥森，主打串燒，見到餐牌有個Mori set ,呢到以宮城地雞為主，全雞餐，啱曬。 先來前菜雞絲菠菜沙律，還有魔芋絲。 主角燒鳥八本，有8串串燒，燒物和主食。 先來雞頸，估唔到頸都咁厚肉，而且好滑。店員放下每道菜也細心介紹。 公雞冠，最近幾年都好流行食雞冠，有豐富骨膠原，用來做串燒有另一番風味，香脆，彈牙。 另一驚喜係雞腳掌心個位，平時食雞腳都想食左掌心位先，呢串仲考功夫，人手剪出皮及掌心肉的位置，心機串燒，好爽脆。 雞腎，香口實肉。 雞胸軟骨 平時喜愛食雞胸，遇到骨位都避開，冇諗過剪一細塊再燒埋，係咁易入口，咁有口感， 用了紫蘇葉包住雞胸肉。面再加了梅子醬，味道增添層次。 今晚有好多個第一次，仲有雞屁股，雞油味好香，口感彈牙。 點子雞肉棒 平時食開豬肉棒，今次特別，用了手打的免治雞肉加入軟骨，好爽口，沾上漿口的蛋黃及醬油同食，重味但惹味。 伊比利亞豬肋條 肉質有嚼口，豬肋條夠多肉汁，配上辣蘿蔔蓉，好清新，中和膩口感。 安格斯牛白布烏冬，烏冬好煙韌，牛肉夠香。 甜品還有綠茶奶凍。 非常滿足的一餐，從未想過雞有咁多個部位都咁好食，真係好難忘。

好耐冇去日本，好掛住日本菜，今晚選了花宵，貪佢食品種類多元化，裝修都好日本居酒屋。 廚師每天的新鮮食材作廚師推介, 推介都好吸引。 先叫了薯仔沙律$48 ，切到細細粒，唔滯口，前菜叫了枝豆$38， 壽司叫了吞拿魚壽司$76@兩件，魚味超香，好新鮮；油甘魚$58@兩件，好鮮味；火炙銀鱈魚$78@兩件，味道香甜，好滑； 火炙左口魚邊壽司$38@件，油脂味好香，用紫菜包住食，好脆口。 磯燒鮑魚$68, 面層有鮑魚羔打製而成的醬，味道好香，更突出鮑魚鮮味。仲有招牌的櫻花蝦多士$98，賣相好靚，充滿日本風情，多士好酥脆，蝦肉彈牙。 串燒叫了3款, 有最愛的一口牛串$58，牛味香濃、豚肉車厘茄$38，好多汁，同青椒仔$18。 甜品叫了紅豆綠茶厥餅，煙韌好味。 店員服務週到。

近期愛上燒肉，無論日式，韓式都好想食，今晚約朋友食日式燒肉先，爐上有抽煙機，令餐廳內唔會油煙四起。 飲品，食燒肉點可以冇啤酒，見餐牌推介黑啤，餸燒肉，好清爽喎。 朋友叫了桂花烏龍水果茶$48，一解膩口感。 先來椰菜絲沙律，面有啲炇然粉，即係本店的特色成吉思汗粉，令本來普通的沙律錦上添花。 烤爐旁邊已鋪滿雜菜，有椰菜、洋蔥和鮮菇。 燒烤至愛之一，厚切牛舌$138，真係好厚，牛舌味好香，建議燒至8成熟， 另外西京豬頸肉$88，肉質彈牙，唔會好肥膩。 知道這店主打係食羊肉，即時叫了個羊肉大盛$268，包括羊柳、羊卷肉、羊腩、羊西冷、羊腿和羊後膝。 每樣燒三，四分鐘，除了羊腩因較厚要燒耐啲。 我較喜愛食腍的部位，如羊柳和西冷，嫩滑，有肉汁羊肉味較濃。燒到一半，會灑上成吉思汗粉，令羊味更突出及惹味。 叫埋個飯就啱啱好，羊湯茶漬飯$78，面有羊肉片，湯底有羊味夠甜。