人氣夏日飲品 #完熟蘋果冰茶 🍎返嚟啦🤩！今次仲多咗款全新期間限定口味 #清爽青葡萄烏龍 🍇, 鍾意飲解渴冰茶嘅朋友就要把握機會試吓啦！ 🥤完熟蘋果冰茶 茶底可以揀四季春/紅茶, 我揀咗四季春, 茶味清香🍵, 飲落有清甜嘅蘋果味, 仲有豐富粒粒果肉, 夏天飲好爽！ 🍵燕麥抹茶拿鐵 由抹茶粉🍃、Oatly Tea Master燕麥奶製成, 抹茶味香醇, 燕麥奶口感順滑, 能完美代替鮮奶🥛, 我另外加咗香甜紅豆🫘, 同抹茶味道好夾！

今次見佢哋出咗個新嘅自家製蛋糕🍰, 所以又嚟咗試吓！ 🍵Matcha Latte (轉Soy Milk) 抹茶味好香濃, 茶味與豆奶味平衡, 口感順滑 🥪牛油果蕃茄芝士意大利三文治 烘過嘅Panini 已預先切開一半, 方便食用～ 表面鬆脆, 裏面夾住新鮮蕃茄、牛油果🥑, 牛油果熟度剛好, 好鍾意呢個配搭呢！ 🍝香煎虎蝦配蘆筍辣蕃茄汁意粉 虎蝦大大隻, 口感彈牙, 蕃茄醬汁份量剛好, 意粉軟硬度適中, 好掛汁, 好食😋！ 🍰自家製蛋糕 每次嚟都一定會食！今次除咗食藍莓核桃味🫐, 仲試埋新出嘅檸檬味蛋糕！上枱前店員會幫忙輕焗一下, 檸檬蛋糕好鬆軟, 檸檬味又香又天然🍋, 唔會太甜膩。藍莓合桃蛋糕加入好多藍莓粒同合桃, 好足料呀！

🏮居酒屋裝潢以木系作主調, 座位闊落舒適, 侍應服務都幾好～ 餐牌上有多款串燒俾你揀, 仲有一系列嘅清酒供應🍶, 串燒配清酒夠晒嘆！ 📢逢星期一至四晚, 食物同sake都有八折優惠！宵夜時段(晚上9pm後), 多款串燒半價優惠, 加$98仲有半打啤酒🍻！ 🥢燒鱈魚棒 鱈魚乾燒至脆卜卜, 再蘸埋沙律醬食, 係唔錯嘅佐酒小食～ 🥢爖月三點 推介👍🏻 有月見和牛、免治吞拿魚他他、磯煮鮑魚, 和牛肉質鮮嫩, 撈勻日本生蛋黃同醬汁, 口感濕潤嫩滑, 層次更豐富！吞拿魚他他帶點辣味, 可以捲著紫菜食, 令人開胃！鮑魚夠鮮甜, 口感彈牙！ 🥢提燈串燒 我終於挑戰咗食提燈🤣！係香港較少食到嘅日式串燒, 味道有驚喜！結合雞卵巢同未成熟嘅雞蛋黃所組成, 一咬落去瞬間爆發蛋黃味同鮮香, 口感香滑濃郁, 依附住嘅內臟經醬汁醃製過, 醬汁濃稠微甜, 整體口感非常特別！ 🥢牛舌串燒 表面燒至微焦, 燒得啱啱好, 口感爽彈, 又有肉汁 🥢柚子雞串燒 雞肉加上柚子胡椒醬, 能提升雞肉香氣～ 🥢冬菇串燒 菇味好香🍄‍🟫, 保留到juicy嘅口感 🥢明太子玉子燒 玉子燒入口嫩滑, 蛋味香濃, 裏面加入明太子, 帶一點鹹香味～ 🥢燒茄子 茄子內裡柔軟🍆, 上面鋪滿木魚碎, 搭配特製醬汁, 味道唔錯！ 🥢原條粟米串燒 師傅已預先將粟米切開一半, 方便食用同分享🌽～ 🥢日式炒雜菜 炒得有鑊氣, 簡單嘅調味帶出日式風味～

位於中環地段, 主打以親民價嘆高質Flat Iron平鐵牛扒🥩！11oz份量絕對夠食！建議大家去之前book位, 夜晚經常滿座～ 🥩Flat Iron Steak 招牌必叫👍🏻 選用澳洲黑毛安格斯牛肉, 平鐵牛扒係牛三角肩對上嘅肉位, 我哋叫咗medium-rare, 帶炭烤香味, 牛肉色澤紅潤, 油花分布平均, 肉質柔軟且肉味濃, 有啲位置會有少少筋位, 蘸上蒜蓉及香草牛油🧈, 能增添風味～ 另配上薯條🍟同沙律🥗, 好滿足！ 🐟Pacific Sea Bass 地中海鱸魚以海苔及魚子牛油汁調味, 提升鮮味, 魚肉嫩滑, 而且啖啖肉, 旁邊配有薯蓉、西蘭花苗🥦, 個人推介另叫一碟燒西蘭花苗做配菜, 微辣帶芝士味, 清甜爽脆, 燒得好香口～ 🦀Jumbo Crab Cake 名副其實真係 jumbo size🤩！外層煎至金黃酥脆, 夠厚身, 啖啖蟹肉, 微辣好惹味！蘸上牛油果醬, 更加可口！ 🍮Chocolate Lava Cake 朱古力心太軟流心度高, 質感濕潤鬆軟, 朱古力味好香濃🍫

由日本師傅渡邊•壽先生主理👨🏻‍🍳, 一入到去就得到佢嘅熱情款待～ 餐廳精心搜羅日本優質食材, 製作出高水準嘅串揚料理。餐廳設計走日系風, 室內面積唔大, 全吧檯設計, menu裡主角串揚佔最多～ 💁🏻‍♀串揚 🟰 用竹籤串起食材, 外層裹上薄薄嘅炸漿放入油鍋中油炸, 炸至金黃香脆, 再沾醬汁享用。 🥣日本鯛魚昆布湯 湯頭鮮甜濃郁, 味道清澈順喉而不膩 🐚味辛黑梅螺 每粒螺都大大粒, 口感爽彈, 蘸上帶清新柚子香同微辛嘅特調醬汁, 係一道開胃前菜～ 🥢特上刺身盛合 時令刺身款款新鮮, 北海道根室馬糞海膽肥厚飽滿, 味道濃厚甘甜; 赤蝦爽口有彈性; 厚切三文魚好肥美; 大拖羅脂肪分佈好似雪花般, 極之肥美, 入口即溶！ 🥢素菜六品盛合 由廚師發辦, 有茄子🍆、南瓜🎃、洋蔥🧅、香菇🍄‍🟫等等, 每串嘅炸衣都好薄同夠乾身, 唔會好油膩, 入口香脆, 保持到原汁原味！另外會附上串揚汁, 包括：椒鹽、檸檬汁、中濃汁、芝麻醬、芥末醬, 蘸一點串揚汁食用, 能增加風味嘅層次感～ 🥢厚切牛舌 使用宮城縣和牛, 炸衣非常薄脆, 牛舌爽嫩, 有肉汁 🥢原隻海螺配唐辛子醬 經串揚做法後, 仍然保留到螺肉嘅鮮味同彈牙口感 🥢三文魚親子杯 壽司杯賣相精緻, 三文魚與三文魚籽一起伴飯食用, 味道鮮甜又帶點鹹香, 鮮味滿滿！ 🥢蕎麥麵 品嚐到高湯美味, 蕎麥麵帶有滑順口感

Cafe以西日輕食為主, 裝修以木系為主調, 採用落地大玻璃, 透光度高, 而且環境開揚, 店內擺放著綠色盆栽🪴, 營造出休閑舒適嘅氛圍～ 《fresh x Ukiyo 紅茶抗氧套餐》 呢個係佢哋最近推出嘅promotion, 會有芝士奶蓋紅茶麻糬窩夫加一杯自選特飲, 之後店員仲會俾一張換領卡, 可以到K11 Musea fresh門店換領護膚體驗裝～ 🧇芝士奶蓋紅茶麻糬窩夫 — 面層鋪上大大塊麻糬, 再淋上海鹽芝士奶蓋。Waffle口感鬆軟, 窩夫裏面都有拉絲麻糬, 軟綿Q軟, 旁邊仲有一球豆腐雪糕, 豆味香濃～ 飲品方面, 揀咗蝶豆花柚子蘋果莖茶梳打, 顏色有分層效果好靚～ #慢煮雞胸肉全日早餐 有慢煮雞胸肉、黑松露本菇、炒蛋、沙律菜🥗、自家製酸種麵包, 都幾豐富～ 雞胸肉煎得好香, 一啲都唔乾身, 亦都唔嚡口, 保持到軟嫩嘅口感～ 黑松露日本本菇有濃郁嘅黑松露味; 炒蛋好嫩滑, 搭配自家製酸種麵包, 好食😋

最近迷上開心果味產品！ 呢杯《研磨開心果燕麥奶茶》真係冇得頂, 完全滿足到開心果控💚 使用日本製開心果醬, 將低溫焙　烘烤開心果研磨成幼滑天然開心果醬, 加入燕麥奶、綠醇製成 第一啖已經飲到好濃厚嘅開心果味, 後韻有茶香, 口感順滑, 開心果同綠醇茶底好夾, 仲食到好多開心果碎！超足料的！

想食正宗日本大阪風味嘅大阪燒🇯🇵, 我強烈推薦呢間！食過幾次, 回頭率相當高！最近仲推出咗京都県限定菜單, 有幾款肉祭新品, 要試試𓌈 由日本師傅主理🧑🏻‍🍳, 坐鐵板燒吧枱用餐, 可以近距離欣賞日本師傅烹調料理, 而且呢度好有氣氛, 感覺置身於日本當地嘅鐵板燒餐廳～ 🥩鹿兒島黑毛和牛扒 和牛扒脂肪分佈均勻, 牛肉肉質鮮嫩, 肉味香濃, 蘸上芥末豉油, 又有別一番風味～ 🥢大阪御好燒加麵 推介👍🏻 即叫即整, 裡面加入炒麵、椰菜同豚肉, 最後淋上秘製御好燒汁同美乃滋。日本師傅建議我哋喺大阪燒上撒上枱上供應嘅鰹魚粉及海苔粉作調味～ 大阪燒外圍煎至焦脆, 內裏鬆軟濕潤, 帶麵粉香, 配上甘甜濃郁嘅御好燒汁, 好惹味😋！ 🥢明太日本玉子卷 推介👍🏻 使用日本雞蛋🥚, 玉子卷色澤金黃, 非常蓬鬆嫩滑, 蛋香味濃, 仲有蛋汁, 裏面加入明太子, 加添一點鹹香味～

位於大埔小白鷺湖邊, 白色建築物充滿歐陸風情, 周圍都有靚靚打卡位～ 坐喺落地大玻璃窗旁用餐🍽️, 可以望到超美嘅湖景同一大片草地🌳, 餐廳更設有室外座位, 可以帶埋狗狗嚟🐶, 猶如置身於外國度假, 非常寫意～♡ 係假日同另一半/家人/閨蜜慶祝特別日子嘅好選擇👍🏻 點菜後, 侍應會呈上一盤麵包🍞, 2款麵包都好軟熟, 可以塗上牛油食🧈 𓌈⸝⸝ 龍蝦清湯配燒龍蝦 有別於平時飲開好濃稠嘅法式龍蝦湯, 龍蝦清湯更能帶出龍蝦嘅鮮味同香味, 加上龍蝦肉🦞, 鮮味十足！ 𓌈⸝⸝ 炒什錦蘑菇 炒蘑菇🍄‍🟫調味唔錯, 有蒜香同橄欖油嘅香味 𓌉◯𓇋⸝⸝ 新西蘭普羅旺斯羊架 表面微微焦香, 肉質柔嫩, 而且肉汁豐富, 羊騷味唔重, 旁邊配上烤蔬菜 𓌉◯𓇋⸝⸝ 燒黑鱈魚 • 鴻喜菇 • 鰹魚湯 菜式上枱時, 店員會倒入鰹魚湯, 高湯帶出黑鱈魚嘅鮮味～ 魚皮微甜焦香, 魚肉嫩滑細緻, 好味😋！

餐廳主打新派精緻中菜, 裝修非常雅致, 仲有一個以園林為設計嘅區域🌳, 成個氛圍帶出高尚又有氣派嘅感覺～ 另外, 每樣菜式嘅擺盤同味道都相當出色！ 🥢燻汁虎蝦球 推薦👍🏻 一共有6大件蝦球🍤, 虎蝦爽口彈牙, 外層炸粉又薄又脆, 啖啖蝦肉, 每一件都沾滿燻汁, 醬汁味道酸甜濃郁, 好好味😋！ 🥢桔柚黑鱈魚 推薦👍🏻 炸過嘅黑鱈魚外皮金黃鬆脆, 一口size, 魚肉非常嫩滑, 搭配酸酸甜甜嘅桔柚汁, 令人開胃！ 🥢香煎花膠扒拌三色藜麥 花膠扒煎至焦香, 口感爽滑, 配上醬汁同藜麥 , 口感同味道層次更豐富～ 🥢仙翁米雞湯浸菜苗 菜苗翠嫩, 吸晒雞湯嘅鮮味, 裏面仲有少量杞子 🥢石磨黑麻糕 石獅造型非常精緻, 每個細節位都好細緻, 像真度極高, 好似一個藝術品！入口有黑芝麻香氣, 口感軟滑, 隨後有少許芝麻嘅甘澀味從口腔中散發出來🖤