又黎到女朋友既最愛韓國菜，點解可以食極唔厭lol。好啦，總之我又要變身做oppa啦……
為左展示我既gentleman,緊係要幫佢燒下野食，拿，唔係燒野比佢食呀！點左個特選牛肋肉，牛脷同帶子黎燒。

個牛肋肉好入味又唔會太難噍，牛脷香但唔肥膩，帶子好大粒好甜 齋食肉就唔多夠飽，就叫左個炒粉絲，不過突然又見到個醬油蟹心思思想食，就順手叫埋 粉絲炒得幾好食，唔太韌夠大碟夠入味。不過個醬油蟹真係有啲太鹹，想食既話就真係要叫多個飯尼夾埋齊食

聽左人講呢間拉麵好食好耐，今日同朋友食飯，就趁機會試下啦
咁我諗住第一次食就試下原味先啦，不過見隻蛋好吸引就點左佢XD我怕太多，唔敢點X3倍份量芽菜，所以就點住兩倍先。點先真係好多，但係好好食，下次會點3倍
豚肉肥瘦適中，湯低唔係好濃好濃哥隻，我自己就好鐘意，因為本身自己唔太鐘意太油太濃味。
份量唔洗搶心唔夠，拉麵尼講混亂係最抵食!

今日去左屯門行街，發覺原來都好耐冇食西餐，所以就揀左pokka cafe 食lunch.女朋友話佢唔太肚餓，就點左個all day breadfast 試下，點知又真係幾細.不過味道都唔差既。我就點左個set lunch。咁就有前菜，我點左田園沙律，諗食菜健康。主菜就係煎豬扒，健康人仕應該幾鍾意，因為塊豬扒都幾瘦下。整體都ok既，只不過份量唔算好多。最後我升級左個咖啡，果然，cafe既咖啡好好飲，苦但唔澀，濃濃咖啡味last到好耐!

之前有去過食all day breadfast，係幾好食同抵食。
咁今日係附近又到食飯時間，諗起又可以再食，點知冇左個all day breadfast 餐牌，所以就點左個飯食。其實成個飯啲味都好好，的送都ok，不過個飯真係硬到離曬譜。本身啲飯硬係啱ge，但係真係太過硬，好似唔熟咁，食得好辛苦。。。

係週末去商場食飯唔洗點等位係冇咩可能, 所以唔洗點諗就去左幫襯呢一間泰國野。泰國菜食pizza好似怪怪地咁，不過又幾好食！夠脆夠薄啲汁好特別，真係有少少泰式風味。當然會叫番的傳統泰國野食啦。呢個金邊粉味道唔算話太出色，不過不失啦。不過佢夠多送，又炒得夠乾，食落都唔錯！

整體都ok啦，環境都幾靚，食物唔係話特別出眾，不過就番地方係係大商場裡面，價錢都算合理。

半自助餐喜馬當先，四百幾聽落好貴，但食落就發現唔係咁
一黎食左自助餐先，我最鍾意食d包，有牛角包，好鬆軟，仲有不同既到muffin同tart 之後仲有魚生、沙律等等，全部都唔錯，已經食到好飽
但戲肉係個主菜，一定要留肚食，叫左脆香鴨腿，內脆外軟，完全唔係想像中咁，好好食！ 之後竟然仲有甜品，唔係有第二個胃都食唔落，特別推介有haagen dazs！

拍拖都唔一定要食到好貴既，想要平又有驚喜，呢間冰室實幫到你……今次點既野食，係出面真係搵唔到。[咖哩牛腩農夫一口包 $89]
唔好諗住佢係一個包，因為佢more than 一個包。其實初初有d淆，因為我唔太食辣，但呢度係出名呢個包嘛！不過食落口，隻咖哩充滿住濃濃芝士味，辣既程度大幅下降。牛腩煮到岩岩好又夠冧。個包蓋卜卜脆，點住咖哩食，簡直perfect match。當你以為咁就完?咁就錯曬啦，原來下面仲有飯係底！！！好飽肚不過美中不足既係，個包底吸左好多汁，所以唔太脆……

食左咁耐，緊係叫返杯野飲。女友天生愛挑戰，點左杯窩蛋牛肉汁。究竟係杯咩飲品，我真係完全冇概念…[窩蛋牛肉汁 $22]
真係有隻蛋唔係講笑。個味道真係幾難形容，就好似一杯牛肉濃湯咁，咸咸地。飲幾啖又真係幾過引，不過成杯就………我覺得自認好奇既你地可以一試~叫返個湯黎中和下先……呢間野連羅宋湯都整得好好味。佢唔止係蔬菜湯，仲有好多蕃茄蓉係入面，夠足料。

話說我一直都未有機會帶我啲d黎香港既exchange roommate行下香港。今日終於約到佢地，黎搵下香港特色野。近近地就去左西營盤金記冰室，貪佢又就腳又好feel。

首先，緊係叫返個至出名既農夫包
[咖哩雞排農夫包 $69]其實咁岩其中一個roommate生日，順便幫佢慶祝埋~~用農夫包黎做生日蛋糕夠曬難忘啦掛!! 不得不讚係個雞排真係勁厚切，滿足我食肉既慾望。唔講唔知，原來金記都會有新菜出! 出左個臘味套餐，大玩fusion菜，叫左個
[黑松露臘味炒飯 $78]中西合壁就好似我地呢個飯局咁…個炒飯都幾多臘味，你知啦，平時臘味飯既臘味上碟冇耐就會比人清曬，但呢個炒飯啖啖都有料，食極都有！不過個黑松露去左邊？我唔係好食得出佢個味……

D野食對我d roommate黎講都幾surprise,佢地都幾滿意咁話~~

因為女朋友太鐘意食韓國野，所以今日又去左食lu
繼幾味前菜之後，就點左呢個海鮮石頭鍋飯。你知啦，辣野我就唔太OK既，辣醬就咪搞我。但女友堅持加左辣醬去撈先係精髓，撈完好食好多。我鍾意個飯有飯焦得黎又唔會太燶太痴底，啲餸都幾足料。[海鮮石頭鍋飯 $78]
黎得韓燒，點都要用下塊鐵板，，所以就叫左呢個醃牛肋骨。一睇個賣相都知係正野，煎果陣要成條攤開煎，確係幾霸氣！咬落唔韌又有趙口，又多肉汁，牛肉味啱啱好！！！呢個要試喇。[特選牛肋骨 (醃) $168/350g]
Btw, 我地都點左兩杯熱薑茶，望落冇乜野，飲落先知勁堅，好夠薑，鐘意薑ge朋友可以一試=]

呢排女友睇韓劇睇得多，成日問我炸醬麵係咩味...
所以今次就特登帶佢去韓國街，隨機揀左間韓食店。
本身諗住就咁叫個炸醬麵加個泡菜煎餅就算。
點知發現左佢有個鴛鴦面(炸醬麵+海鮮辣湯面)，又可以試多樣野食!炸醬麵偏甜味但唔算好重口味，幾啱香港人口味。麵量都唔算少，又幾足料。
本身我唔算好食得辣，所以都有少少驚。不過個海鮮辣湯面辣得黎又好有蝦既鮮味，
個湯底認真唔錯。雖然好辣，但好在隔離甜甜地既炸醬面中和下，呢個配搭確實幾match。

至於個泡菜煎餅，好似唔係好夠熱咁...
咬落去就發現料唔係好夠，多粉得黎又好少泡菜味...
所以都係一般般。

餐廳環境同衛生都唔錯，係啲位有少少迫咁。服務都OK既...