Random揀左一間近尖沙咀地鐵站既omakase，意外食到一種堅持落黎既傳統手藝。

「前菜」
車厘茄 ，加咗甜醋所以無酸味，而且好fresh。

熟螢光魷魚，無平時食開既螢光魷魚個種未必令人接受到既腥味，可以好純粹咁品賞番螢光魷魚獨特嘅味道。

黑毛貝，用左好似煮磯燒鮑魚甜甜地嘅個隻醬汁去煮，喺貝鮮味之上再添一份層次。

「刺身」
日本墨魚
3-5月當造。口感係軟腍而唔韌，加咗少少醬油同柚子皮調味，新鮮既食材只需輕輕調味點綴就足夠。


手釣野生金目鯛
九州產。用火炙燒過，油香更出。配埋新鮮柚子皮，更突顯到野生魚獨有嘅鮮香味。


北寄貝
為左保持到貝肉既原味，處理時無用過熱水處理，只用火槍燒過。
貝肉好爽口，濃郁嘅鮮甜味加輕輕既焦香味，睇番相都好想再食。


新鮮鯖魚
無用任何鹽去醃製，都只係用火槍燒過，食到比原汁原味更加濃厚嘅鯖魚油香味。

華漣生蠔
曾經有一年拎過日本第一，有日本一既稱號。5-6月係最當造嘅時間。
蠔肉好豐滿又厚身，海水味適中，係我自己食過咁多生蠔之中最爽滑同鮮甜。

「一品料理」
金鯛立鱗燒
連魚鱗一齊用180-200度滾油去炸，所以魚皮魚鱗係超級脆，接近一夾就散。
而魚肉就係超級軟滑，形成一個強烈對比。
配上海膽醬一齊食，滋味無窮。

「壽司」
深海池魚
原本池魚嘅魚油香味唔算好突出，所以師傅將新鮮到港嘅池魚熟成2日，令佢嘅魚油香味更加濃郁。


北海道帶子
由北海道空運到香港全程無急凍過，所以唔會流失貝類本身嘅鮮度同甜度。用少量嘅醬油同柚子皮平衡返貝類嘅味道，鍾意食帶子既朋友一定會鍾意呢個。


北海道赤牡丹蝦
係北海道獨有既蝦品種，同樣由北海道空運到香港全程無急凍過。牡丹蝦原有既鮮度同甜度係維持到最佳狀態上台


初生銀鱈魚
配左烏魚子輕輕調味，初生銀鱈魚既魚油香味係更加濃郁，肉質都係更加滑，用火槍燒埋，絕對係我自己top3既炙燒壽司，


鰈魚裙邊手卷
食過炙燒鰈魚裙邊既朋友都知道，魚油豐富嘅程度可以話係入口即溶。巨量既魚油配埋壽司飯同紫菜一齊放入口，成件事係好滿足！


和歌山野生大拖羅
日本嘅米芝蓮餐廳都係同一間嘅供應商。
用左wet aged既技巧做熟成：吞拿魚到港後放係2度既雪櫃入面，利用魚肉天然增生嘅細菌去破壞吞拿魚嘅筋膜，變成魚油。
但呢個嘅技術成本好高，因為有一半嘅魚肉係要去除唔用得，剩返一半嘅魚肉就係精華嘅位置俾師傅用嚟做壽司上台。
所以而家食到既呢件拖羅魚味係更加豐厚，當然亦都係完全無筋。


皇室北海道海膽手卷
巨量既海膽的確係要配一塊L size紫菜先裝得晒！
超級鮮甜，口味順滑，愛食海膽之人盡在不言中。

「江戶前玉子」
餐廳沿用咗300年前江戶時代嘅做法，只用4種食材去做：蝦肉、魚肉、雞蛋、糖。
望落好似蛋糕既佢係完全冇用麵粉。
食落味道同口感真係同蛋糕有d相似，但佢係有一種獨有綿密既口感。無諗到咁誤打誤撞嘅情況下會有機會食到呢種咁傳統嘅工藝，我估香港都唔係好多餐廳可以食得到。

「吸物」
蜆肉湯
比平時見到既蜆肉size明顯係大好多。
蜆肉鮮甜爽脆，做成湯中和返之前所有刺身同壽司嘅油脂感。

「甜品」
靜岡蜜瓜
口感好軟，甜度係我食過既密瓜入面最高既，絕對可以講係蜜瓜之中嘅最頂流。

好耐無黎山頂睇夜景 未日落經過呢間就食d小食 都有d驚喜 華香手撕雞 份量比想像中多 秘製醬汁，配左紅蘿蔔絲、青瓜絲、芝麻，比想像中Fresh同開胃；雞肉都夠滑唔鞋唔靭口 魚蛋 下午茶過口癮點少得香港經典小食 - 魚蛋 辣度適中，口感都幾彈牙，一個人食都夠哂過口癮 碗仔翅 份量足夠兩個人share食喇，味道都好香口，如果可以加些少麻油就更加好 藍蝶雪梨 呢杯飲品幾impressive。用雪梨汁做base，加上有少少甜味同花味嘅藍蝶豆花，顏色靚得來又清甜解渴，最啱而家天氣又熱又焗飲

銅鑼灣居然有個望到維港景既火鍋店，見到有人推介就黎試下 海景同醬料嘅選擇都好Impressive 頂級安格斯牛小排 造型已經知道佢係是日signature。脂肪比例均勻而且口感嫩滑，鍾意食牛嘅人一定要點！ 唐生菜、雜菌拼盤 雜菌有好多款式，有金針菇、香菇、雞髀菇等等，加埋新鮮嘅唐生菜，令火鍋口感更豐富 即炸手工嚮鈴卷 打邊爐一定會嗌響鈴。外皮酥脆，吸晒沙嗲湯底嘅精華，再沾埋自己鍾意嘅醬料食，點會唔好味 三色鮮制生麵 有菠菜、甘筍同墨汁三款口味。呢d彩色生麵口感比想像中煙靭，而且比即食麵健康，可以一試 黃金炸魚皮 份量比我想象中多。啱啱炸起熱辣辣同埋勁香脆，鹹蛋味亦好香濃。輕輕點少少沙嗲湯底食就更加惹味

（openrice只可以upload 12張相，所以要合併相俾大家睇，唔好介意排版要compromise🥲）



水雲菜x凍菠菜x雜菇
作為前菜，冰涼帶少少微酸，好適合開胃ready for 黎緊嘅美食



鱈魚白子
當造嘅鱈魚白子係超滑，配左用橙味調配酸汁同蔥花之後，一啲都唔會覺得有任何腥味。份量亦都比想像中多



富山寒鰤
肉質好滑嫩，亦都好有魚香味。配上黃芥辣亦都唔覺得好辣，而係好輕既辛香味，中和左寒鰤有時出現魚腥嘅味道

池魚碎
配上紅豆、花瓣、野菜、西蘭花粒；汁係用左醋加上麵豉。
食落唔會覺得有醋酸味，反而感覺到既係甜味，帶出左池魚嘅本身濃厚嘅魚香味，同時balance左池魚好常見既腥味



岩手縣生蠔🦪
呢款生蠔既海水味適中，肉質係好爽滑。用 醋做既mousse更加帶出咗本身蠔既鮮甜。而蠔味既aftertaste亦好強



北海道BB銀鱈魚
銀鱈魚既肉係好嫩滑，輕輕燒完之後炙燒味無搶過銀鱈魚自己既鮮味，加埋truffle既香味，味蕾會感覺到有有層次。
最後食埋伴碟既紅莓清番味蕾等待下一道菜

鱇魚肝
烹調嘅時候鱇魚肝用牛奶浸過之後先去煮，所以出黎係會更滑亦去腥味。鱇魚肝既濃厚香味，用米同海水做既鹽、及士多啤梨碎fresh嘅味道balance左，所以一d都唔覺得膩。
加埋脆餅第一齊食呢個配搭好新鮮，但口感豐富，幾有創意同特別嘅一道料理



香箱蟹雌性松葉蟹
呢個蟹殼上面嘅肉真係啖啖肉。蟹膏、蟹腳，本身已經係好好味。輕輕用醋做嘅芡汁調味，再加埋三文魚子，令成件事再昇華咗



磯煮鮑魚 鮑魚肝汁
鮑魚嘅肉身厚實，慢火炆煮完後保留到柔嫩彈牙。味醂和糖煮過鮑魚既輕甜味同鮑魚肝濃厚味味相輔相成，口感嘅層次好豐富

燒吞拿魚下巴
炙燒完嘅吞拿魚魚油好香濃。佢嘅皮係超脆，比較大塊同有少少硬，未必個個可以食得到，但我就覺得好脆好香口
配左胡椒鹽、柚子、蘿蔔蓉，可以隨自己嘅喜好調味，就唔會覺得油膩



赤貝
輕輕塗上一層柚子汁。好爽脆，一d都唔覺韌。



甜蝦
塗上一層用蝦膏蝦殼熬製出嚟嘅豉油，輕輕為甜蝦自身嘅鮮甜味添上多一份層次。

京都小川海膽
唔需要過多嘅烹調或者其他嘅配料，只需輕輕塗上豉油，海膽嘅鮮甜直接衝擊味蕾，配壽司飯食已經係最好嘅配搭



鰈魚邊
用火槍燒過既鰈魚邊逼出巨量魚油。
Literally係入口即溶，配香蔥、紫菜同少量白飯，滋味無窮。



拖羅
師傅話呢個係餐廳既signature。
兩件拖羅，一件豉油醃、另一件輕輕燒過，兩種唔同嘅烹調有唔同嘅風味，用唔同嘅方法帶出吞拿魚本身嘅鮮味。加上柚子椒鹽、炸紫蘇葉既香脆同獨特嘅香味，味道同口感嘅層次都十分豐富

魚湯
入邊有菇、菜、豆腐。清清地帶少少甘甜，適合食左咁多豐富野食之後清一清味蕾。

水信玄餅
蝶豆花汁加檸檬汁，輕輕攪拌之後粉藍色變粉紅色。倒上水信玄餅，微微酸味嘅一道甜品好清新，係完美嘅句號

今晚order左佢嘅Dinner Set for 2試試 呢個餐都包咗好多嘢: 餐湯×2 頭盤x1 - 煎封吞拿魚薄片 主菜x2 - 法國油封鴨腿 ＋ 澳洲肉眼牛排 甜品x1 - 花生朱古力可麗餅 (Optional) 法國產地直送生蠔 煎封吞拿魚薄片 雖然係頭盤，話就話薄片但份量完全係足料 吞拿魚煎得好香口，肉質好厚實 配上酸甜柚子醬，作為頭盤十分開胃 法國產地直送生蠔🦪 生蠔十分新鮮 口感好Creamy，味道好鮮甜 法國油封鴨腿 簡單四個字可以形容：皮脆肉嫩！ 鴨腿皮好薄，不過可以炮製得好香脆，上面亦有椒鹽嘅調味； 鴨肉好嫩滑，基本上唔使用刀切淨係用叉都可以將肉分開。 配皺葉椰菜，薯糰丸子，口感層次豐富 澳洲肉眼牛排 今次叫左餐廳整5成熟 熟度拿捏得剛剛好 配上香草、黑松醫紅酒醬汁， 味道嘅層次好豐富 花生朱古力可麗餅 花生粒嘅香脆，配以花生醬、朱古力醬 仲有香滑可口既朱古力雪糕 用蛋餅夾埋一齊食，十分滿足 Overall黎講餐廳氣氛好好，食物好質素唔錯，而店員服務態度非常好，有機會再嚟食多次

西班牙生蠔+日本令和之怪物蠔 西班牙生蠔爽甜，肉質厚實，完全冇腥味 而令和之怪物係更上一個層次 Size更大之餘，鮮甜味係更加豐富 配上少少柚子同醋啫喱，令成個味道嘅更加突出 火山卷（六件） 不計成本嘅份量，睇相片已經知道 海膽同三文魚子嘅份量多到完全睇唔到件卷物咁制！ 金黃色既海膽、橙紅色既三文魚子、加上小小金箔，視覺上襯得好有美感。 味覺上係可以用「豐富」黎形容 新鮮既食材就係一切，鮮甜度十足既海膽同三文魚子一齊放入口，呢道料理係又睇得又有內涵 鰤魚刺身(四切） 鰤魚aka油甘魚，係今日嗌嘅唯一一道刺身 魚油味好香，恰到好處 溫泉蛋海鮮凱撤沙律 係爆盛嘅份量！ 除咗沙律菜之外，仲有份量好豐富嘅刺身雜錦， 加上芝士同沙律醬，口感同味道都好豐富 鵝肝手卷 係今日我覺得最impressive嘅一道料理 香煎鵝肝嘅香味係極濃厚 配上適當嘅日本飯量 剛好中和到油膩感 每粒飯都有鵝肝油嘅香味 如果我下次再嚟一定會再點 天婦羅蝦手卷 香脆嘅外層，爽口彈牙嘅蝦肉，口感配合得好好 鹽燒三文魚鰭(兩件） 燒得好香脆，魚鰭位置係好滑 跟埋經過高溫逼出嚟嘅三文魚油香 三文魚愛好者可以一試 牛舌唐揚 第一次食牛舌唐揚 外層炸得好酥脆 牛吞份量係好夠厚 口感係好爽口 成件牛舌唐揚放入口既感覺都幾特別

吉列你隻牛 （$258 ） 牛排外表炸得酥脆，內部肉質鮮嫩，搭配一set好豐富嘅沙律菜。 有驚喜嘅係原來會跟埋個爐俾你，可以喺上面加熱返d吉列牛，亦可以趁機將牛肉燒返自己喜歡嘅熟度。 輕輕點少少BBQ sauce，微辣濃香既味道， 再加埋半熟蛋飯一齊食，口感同味道層次都好豐富 地中海奶油海鮮 （$268 ） 2片蒜蓉包、4隻大青口、1隻原隻波士頓龍蝦，份量十足！ Sauce夠哂creamy，除咗奶油香味仲有少少甜味，跟埋啖啖肉嘅海鮮，好滿足。 渾身是海膽虎蝦比薩 （$240） 呢個Pizza係是日驚喜 我本人喜歡食又薄又脆嘅薄餅，今日食既呢隻Pizza就係呢一款薄餅。 上面有極厚身既芝士，身為芝士控嘅我係招架唔住。 仲有3件好大隻嘅虎蝦、3件極足料海膽，鮮甜度拉滿左，成份Pizza顏色同埋味道都夾得好完美。

每次係新城市廣場一田行街經過野狼Steak都會俾佢嘅香味吸引，今次行得攰攰地，一於坐低試下野狼嘅煙燻鐵板系列。 我地揀咗美國牛肉眼扒（$128）同美國橫膈肌（$128），再揀醬汁（洋蔥汁/黑椒汁/番茄汁）。如果加套餐就加$30配沙律、湯、汽水、白飯/薯條/扁意粉。 美國肉眼扒好大塊，鐵板上熱辣辣，油脂分佈均勻，味道好豐富，唔使加汁都好夠味。 橫膈肌肉質緊實，口感好嫩滑，一啲都唔韌，牛味仲好濃厚，配黑椒汁食好惹味。

星期六晏晝行尖沙咀經過一間之前無為意過既日本餐廳，見到午餐價錢$530一位，呢個價錢食到omakase絕對抵玩，同女朋友就決定入去試試佢。 1. 帶子 - 配上柚子鹽，好fresh同開胃，做第一道菜十分適合 2. 眼仁奈 - 肉質厚實，魚味濃厚鮮甜 3. 真鯛 - 魚肉一咬即開，魚皮都有好重嘅魚香 4. 深海池魚 - 好濃厚既油香，停留喺口入面久久未散 5. 伊佐木魚 - 配上梅醬酸酸地，十分適合安排喺深海池魚後面，令人再一次開胃。魚皮燒得好香，加上炙燒後逼出魚油嘅魚肉，暫時來講係我認為味道最有層次嘅一件壽司 6. 金目鯛 - 應該大家對佢都唔陌生，肉質嫩滑，燒魚皮好香口 7. 小肌 - 出乎意料地完全唔覺腥，好鮮好滑，配以海苔粉令味道層次昇華 8. 赤貝 - 超爽口完全唔韌，顏色鮮艷令人食慾一振 9. 熟成6日toro - 因為經過熟成所以完全無筋！油香味超濃，入口即溶，係今日我最喜歡嘅壽司之一 10. 甘蝦配蝦膏Mousse - 第一口先品嚐蝦膏mousse，鮮甜到以為係龍蝦膏，口感又滑又蓬鬆，十分impressed! 甘蝦當然夠新鮮，配埋蝦膏mousse一齊食，原來細細地一隻蝦都可以玩到咁既層次 11. 海膽 - 睇相已經知道係爆多多到滿瀉，海膽味濃香鮮甜，有淡淡海水味，齒頰留香 12. 青魚 - 燒到好香，係今日油脂最重嘅一件壽司，無誇張直頭可以「飲 」左件魚肉 (OpenRice 最多upload 12張相🥲） 13. Toro蓉卷 - 外面嘅紫菜香脆，入面有toro蓉同柚子絲，口感豐富，外脆內軟 甜品每人都有兩款： 1. 冧酒提子雪糕 - 奶香味重，酒味恰到好處 2. 綠茶蕨餅 - 唔重口味亦唔痴口，作為最後嘅結束感覺好完滿

餐廳嘅裝潢設計走簡約風，環境輕鬆舒適，而且open kitchen睇落都幾乾淨。 ✨慢煮鮑魚配日式醬油意大利飯 日式醬油汁味道濃郁，好香牛油味，非常creamy，有3隻鮑魚，隻隻都好大隻，食落好有鮮味同有口感。 ✨燒紐西蘭安格斯肉眼扒配黑松露薯蓉 (12OZ)🥩 牛排嘅炭燒格紋好靚，Medium Rare好易切開，脂肪分布均匀，肉質夠鮮嫩多汁，食落一啲都唔韌。配有2款秘製醬汁。Side dish黑松露薯蓉好香滑，係唔錯嘅配搭，份量多d就更好！ 淨係兩個main course都食到好飽，價錢亦都比想像中抵，因為今次係經 sevenrooms book枱所以有折。下次有機會再試埋佢地嘅甜品先