夜左收工唔知食咩好，黎左佐敦呢間食火鍋蒸鍋試試 呢度地方唔係好大但係座位都比較闊落所以同朋友聚餐嘅話都唔使怕會太迫無自己空間～座位較少最好預早book位啦～ 因為唔食得辣所以揀左清淡既姬松茸冬瓜湯底幾鍾意呢個好闊又淺既鍋底設計，幾易夾餸。本身湯底幾清甜，姬松茸數量多，連埋冬瓜粒同豬肉粒有啲似食緊清淡版嘅冬瓜盅～如果想食清清地嘅朋友可以揀呢個 因為唔係好肚餓所以肉量無叫好多，叫左黑豚肉片，一碟係2人份量，脂肪同肉比例大概3比七，啱我呢d唔想食太肥但又唔會好鞋口嘅豚肉，因為清湯底所以肉味唔會被遮蓋 雙拼餃子同鮮打蝦丸都係各有八粒，每人試少少，個人較喜歡鮮蝦丸，口感好爽彈又咬到少量蝦肉粒。 呢度配料係可以自己溝的，豉油唔會太咸加左芝麻同炸蒜粒幾香每位醬油係$30 呢度有好多酒類例如清酒可以揀，我唔飲酒嘅話就推介飲呢度自家製嘅洛神花蜂蜜茶，一升可以倒好多杯！

厚pancake狂熱咁多年都仲係無變!! 最近大熱Pancake莫過於又一城既近開pancake了, 連咁忙既我都忍唔住要抽空去食呀! 平日晚六七點已經唔少人排隊了!!!果然食好野係要等待的!!! 一入去就叫左我士多啤梨厚pancake!! 其實覺得原味已經好吸引, 不過係士多啤梨季節無理由浪費佢架~ 果然無選擇錯, 紅卜卜又大粒既士多啤梨食落多汁, 用作中和pancake, pancake三大片好厚身, 比我相機食左咁耐都絲毫無倒下既意思, 空氣感依舊係100分! 蛋香係Pancake最大賣點, 呢到完全做到了~~ 細細一啖已經食到蛋香, 加上香綿入口溶化既口感, 令人食指大動~~~ 食到第三塊時, 好難得肯讓比朋友~ 真係友情大考驗～ 另外叫左新口味龍蝦味, 平時我一定唔叫咸味, 覺得同pancake唔夾…原來我錯了!!!! 首先龍蝦肉係超多, 仲意想唔到咁爽口, 平時出去食西餐叫龍蝦意粉或飯都可能無咁多肉, 另上既龍蝦湯好dense好好好濃味!!!!我就咁飲覺得太濃, 但身為湯控既朋友表示飲清光, 真心推介呢個驚喜pancake!!!!! 好快再見面~pancake寶寶~~~

好耐無出動食好西了!! 今次帶朋友去尖沙咀食正野~~ 特上雜錦刺身 牡丹、赤貝、吞拿魚腩、縞鰺、油甘魚、海膽、吞拿魚同深海池魚組成既刺身拼盤最吸引!!! 仲要有齊我本身想食既款式!!!! 全部都新鮮, 尤其是吞拿魚同埋深海池魚魚味非常突出, 平時我覺得judge刺身高唔高質其中一個位係睇相對淡味類既刺身 慢慢滲出既鮮魚味 就算唔點wasabi都可以好好味!! 至於赤貝同牡丹蝦亦我愛的, 清新鮮爽~ 正!! 明太子蛋餅 蛋餅係朋友喜歡食既, 蛋餅size好長我同朋友兩個人食都好夠, 我諗4人分都無問題!! 平時我麻麻地明太子, 但奇怪地將佢combine左落去蛋餅又match!! 明太子既刺辣味中和左純蛋餅既單調感, 蛋亦唔會煎得過老, 質感不錯的~ 海苔包海膽山芋蓉天婦羅 天婦羅食得多, 海膽做饀好似第一次食!!而配搭山芋蓉更加係新奇既mix and match! 山芋蓉比我感覺係淡淡的無味的~ 但配左相對地容易漏滯既海膽就變清新作用!!! 外型整齊! 即使內饀係蓉狀依然炸得靚仔, 唔會好油膩。 鹽燒雞翼 朋友一見到有雞翼就好開心~ 更開心既係呢個係懶人版:去骨雞翼!!! 除左食落方便之外, 去骨令可以醃製同燒既面積多左, 令雞翼比平時做法更入味, 烤得皮脆香口, 內裏肉汁充足, 難得在醃得夠惹味但唔會過咸變得好口乾咁~ 鍋物時間到! 最後飽飽地但都食多個鍋物! 估唔到都幾多餸!! 肥牛份量幾多, 就讓哂比會食牛既朋友食~ 不過可能肥牛比較多, 所以湯都有不少油脂, 湯超級濃, 小小一啖已經好有味。 整體食物不錯, 而且門口設計仲有他他米日式座位同房間! 不過可能要早啲book定~

海景一流既中餐廳!!! 見好多朋友有介紹過呢間係海運中心既中菜館, 今次到我帶媽媽黎食了~~~ 有得坐玻璃窗位望住海景, 真心食咩都覺得好味~ 餐廳本身以暗黑型格主題令時尚感大增, 有種中西合壁既感覺, 不過食物都係以中式為主。 牛展海蜇拼盤 前菜揀左佢~ 因為一碟有哂兩樣我既最愛, 牛展睇落多, 食落仲多!!! 牛厚薄適中, 味濃得黎唔會過度, 海蜇偏幼但都爽口, 没有不愛的理由吧~~~~ 龍井燻太爺雞 身為一個雞控, 係唔會放棄食雞既任何機會, 以一鍋上未打開蓋有神祕感, 一打開就聞到香氣, 店員立即趁熱加入龍井茶葉, 龍井本身清香又不突兀既茶香令雞味鮮香提升, 雞肉滑嫰柔軟, 帶着微微雞油又再添滑嫰感 水牛奶龍蝦球 將龍蝦肉整碎再混入水牛奶入面, 再配以龍蝦外型, 其實係兩層水牛奶中間夾住一層龍蝦肉, 龍蝦肉較集中令人易啲食到, 呢個設計有花過心思, 比起龍蝦肉, 我覺水牛奶更好食, 因為炒得好滑同近乎食唔到油添, 龍蝦係奶香襯托下會濃D。 八味金磚豆腐 呢個係成晚既亮點之一! 因為本身order其他菜式都唔錯, 反而呢個無預期會好特別, 點知一啖就驚艷到!!豆腐磚既炸皮薄得誇張, 但竟然依舊香口脆身, 內裏既豆腐嫰滑得黎帶豆香, 清淡豆腐遇上八味炸皮呢種對比好強烈但無違和感, 八味調味做得岩啱好, 夠哂惹味, 一碟唔夠喉呀!!!! 鮮茨實温雞湯浸菜苗 菜鮮甜配埋雞湯, 夠健康, 特別之處有鮮茨實粒令整體不單調!!! 食完飯發現出面原來係露天無敵海景, 加上果晚好好天, 整個海景就一覽無遣了

味道樂居酒屋係長沙灣插旗左咁耐, 應該好多人都見識過佢既長鰻魚, 今次佢開到黎食肆林立既河內道, 比較就腳, 所以就去試下~ 之前睇過長沙灣分店既menu,發現佢雖然開到尖沙咀, 鋪租明顯貴好多, 但價錢又無因此而大大提高, 覺得幾有良心XD店面積唔大但相當有居酒屋風味。 我最中意叫小食醒醒胃先, 淨係魚干都有四款, 就揀左一貫最愛既味醂魚乾, 比起平時食既無咁深色, 但味道竟然更濃郁, 而且相對厚身, 加上焦香既脆邊, 比平時既更好食呢, 另外一個魚乾就大大不同, 乾香薄脆。小食仲叫左兩款漬物, 三十幾蚊但量多。 沙律以富士蘋果作主角, 富士蘋果果肉爽脆清新, 切成粒粒覺得比切成片更好, 因為可以更體會到蘋果既爽口, 配以新鮮蔬菜好健康。 刺身可以揀六品七品拼盤, 但今次我就自己拼, 一次過揀哂想食既, 包括帶子、吞拿魚赤身、牡丹蝦、赤貝、深海池魚‧赤貝$98兩隻, 唔算好大隻, 但夠爽鮮, 符合赤貝最重要既條件, 當大家都愛吞拿魚拖羅, 我就中意赤身, 呢到三件夠厚切, 好正!!!!! 深海池魚可以揀薄切定厚切, 薄切就片數多D, 但厚切先食到魚肉既口感嘛!!!! 鰻魚飯一上枱, 即使過幾多原條鰻魚飯, 都會被佢既size而震撼, 真係無咩見過有咁闊同長既鰻魚, 闊度有近平時超市買果種既double!!雖然比平時既薄長, 但魚肉本身都幾黏口香軟, 醬汁滿滿地鋪蓋於飯面, 一打開鰻魚, 飯壓得實依然是超大size的, 飯量肯定係男生size!!!! 光是份量都已經值回票價了, 鰻魚係店鋪由靜崗特意訂返黎, 我諗所以特別大條。建議大家可以二人分享, 咁就可以試多D正野了~

德美壽司係紅 分店已經好想去試, 但一直未抽到時間, 今次知佢係寶琳開左分店, 就去試下~ 餐廳位置都一期樓下, 係地鐵站出對面入商場會快D~ 呢到menu選擇都大路, 重點係普遍都平民價, 就叫D左小食同丼飯 小食我次次都一係揀燒魚乾!!! 今次都唔例外, 平時通常都六七十蚊左右, 呢到五十幾蚊幾平, 依舊係香甜可口, 點埋千島醬就perfect池! 另外叫左燒魷魚筒, 呢個都係六十幾蚊, 但燒完都依然好大條! 同埋唔會燒完之後縮哂水, D肉都keep住新鮮既爽勁, 點埋唔過咸既燒汁, 好惹味呢!! 朋友點左鰻魚飯, 而我就點左德美魚生飯, 本身可以揀平少少既選擇, 即係三種魚生, 但一場黎到, 梗係試最多款式既! 一碗有近十款刺身, 岩哂我呢啲貪心鬼!!! 最好食我覺得係三文魚, 三大片厚切, 鮮甜美味, 仲有帶子都好新鮮, 海膽份量唔多, 本身唔好海膽既我就岩岩好, 唔會有令人怕怕既腥味, 而玉子味道帶甜,仲有蟹籽魚籽等口感頗豐富。 跟餐既麵豉湯同沙律, 沙律唔係幾條生菜既hea貨, 會有魚生既跟餐沙律都幾有誠意。每人仲奉送甜品, 不過一粒蕨餅就唔夠喉了XD

最近工作繁忙到一個點, 需要一點甜去平衡下, 就去左九龍城食糖水~雖然九龍城既糖水選擇好多, 尤其好多都新式糖水, 但今次揀既係間傳統糖水。好耐無見過款式咁齊全既舊式糖水, 尤其係馬蹄露杏仁糊呢類製成需時既糖水, 店員話無論哪邊都係佢地自家製, 所以完全無開粉呢D情況, 就是真材實料喔, 試完覺得的確係有水準! 芝麻糊係自家由芝麻磨成, 杰身度未係最高, 但以香滑為主, 驚喜位反而係芝麻湯丸, 有好多粒之餘, 內饀係用左白芝麻呢!!白芝麻同平時黑芝麻既香又唔同, 而且無出面果啲好多豬油杰身既感覺, 所以即使食哂都唔會漏呢!! 另外叫左呢個既最招牌: 蛋白杏仁茶! 雖然我本身對杏仁茶好感不大, 但竟然不知不覺飲左好多! 杏仁香濃但不突兀, 先幽香再慢慢滲出黎, 最正係有好多白果蓮子, 唔會偷工減料! 甜度亦唔高~~ 見有馬蹄露咁特別, 又再叫埋黎食, wow一食唔係馬蹄粉果種杰他他既漿糊感, 而係真係有馬蹄粒粒, 順口而不漏, 馬蹄隱隱既爽口令成個糖水口感rich左, 如果您未食過馬蹄露, 好建議大家要叫呢個黎試啊!!!!

龍城冰室近年氣勢如虹, 不停開分店, 今次開到去牛頭角, 我都唔執輸去食呀!! 星期六晚特登早啲去, 差唔多七點去到都見有人等, 好彩流動率都高。餐牌點餐選擇好多, 睇黎有排試, 想叫二人餐, 但朋友想加一蚊鮑魚雞煲, 叫套餐就無呢個優惠, 所以我地單叫小菜。 叫左最經典既蒸瘡魚, 見隔離有幾枱都有叫~ 蒸完都幾大條, 份量足夠兩人食!!! 魚豉油唔會太油或者過咸, 幾易入口, 而魚肉蒸得恰好夠滑身, 啖啖肉, 連唔太食飯既我都食多幾啖飯~~~ 加錢可以跟埋湯同埋白飯一碗, 湯有少量湯渣, 唔係味精湯。 一蚊鮑魚雞煲來了, 估唔到無厄人, 真係有三隻鮑魚仔同埋幾件雞肉, 唔係好滿但以呢個價錢就真心抵食, 而且調味好惹味如果有大煲版用黎撈飯都應該唔錯。

鯉魚門食海鮮新鮮就係人都知, 但去鯉魚門食日本野真係第一次, 感覺就好似去北海道食海邊新鮮捉既刺身咁!!(哈哈是否想得太多XD) 鯉魚門碼頭再行入少少就會見到, 都用左少少時間先揾到~ 餐廳有真海景, 不過今次Book位就無book到, 大家如果想有靚海景伴美食應該要早d book!! 不過本身餐廳設計都幾有漁村風情, 最大特式一定係有得去海鮮櫃到揀新鮮海鮮! 明碼實價mark好左都唔怕會比人厄~~ 刺身拼盤有三種價錢, 揀左中間價既刺身六品, 分別有金槍魚、左口魚、油甘魚、三文魚、帶子同池魚。雖然每款得2片但都幾厚切, 魚肉軟綿鮮嫰, 當中我最愛是帶子, 鮮甜軟硬~ 配埋底部既海草配菜, 差D連啲冰都想食埋呀! 而愛貝類刺身既我就揀左壽司拼盤, 分別有牡丹蝦、深海池魚、象拔蚌同埋帆立貝, 可惜當日象拔蚌缺貨, 所以揀左兩件牡丹蝦, 呢個拼盤比起刺身拼盤更得我心!! 牡丹蝦入口清甜鮮美, 入口軟綿綿半化口感好正, 最正係帆立貝, 非常厚肉鮮甜, 肉質充滿彈性, 日本米黏糯有咬口。 燒味醂河豚干真係每次都必點之物, 呢到同平時食差唔多, 唔會過咸, 切得比較幼身, 感覺上食極都有XD 日本蕃茄伴和風沙律汁 蕃茄完全唔酸 清甜為主, 配以沙律菜係底, 加上沙律汁幾開胃, 不過沙律應該蟹肉伴蟹子沙律應該會抵食D, 蟹肉即是蟹柳絲喔~~ 重點既磯燒水產終於登場了!!!!有得親自揀真係唔同啲, 新唔新鮮一眼就望到!無花無假! 食左燒生蠔、燒帶子同鮑魚, 帶子加左餐廳自家製既木魚水汁, 令鮮味更提升, 但我覺得生蠔最正!! 因為燒完都仲好飽滿大隻!~

成日去CAFÉ食野gathering都悶… 今次朋友想揾個地方靜靜地傾計, 但又唔想食野, 因為之後會去dinner, 結果就選左呢間茶苑~~ 估唔到係尖沙咀呢個咁旺區竟然會如此清閑既地方, 入到去同出面完全兩個世界!!! 一坐低店員就好熱切咁招呼我地, 雖然我同朋友對中國茶藝既認識好少, 但店員就逐款茶解釋比我地聽, 原來有好多了解茶藝既工作坊或者包場活動, 又幾特別, 見原來餐牌上除左各種不同既茶餐, 價錢都係豐劍由人, 我同朋友就揀左中位既二人餐, 餐包左密雲龍大袍(雅鮮醇) 與玫瑰花茶~ 小食一碟就有齊nuts與曲奇, 用來小小地伴茶就一流。 朋友飲既大紅袍, 由佢親自操刀自己沖, 我地模仿着店員放茶葉、洗茶再沖茶, 都有板有眼架(自我感覺良好) XD 大家都可以揾店員幫手沖~ 我地就享受自己沖既過程了~ 飲落就知真正好既茶係香純甘甜為主, 苦而不澀!而我既玫瑰花茶就清淡芬香, 係令人一飲舒暢既茶~ 而且茶葉份量多, 我地無沖哂, 因為我想拎返屋企比媽媽試, 只要同店員講聲就可以了~~~